% Text title            : Devi Narayaniyam
% File name             : devInArAyaNIyam.itx
% Category              : devii, devI
% Location              : doc\_devii
% Author                : Prof. Paleli Narayanan Namboothiri
% Transliterated by     : Ganga Raamachandran geetanjaliglobalgurukulam at gmail
% Proofread by          : Ganga Raamachandran, PSA Easwaran 
% Latest update         : September 25, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devi Narayaniyam ..}##
\itxtitle{.. devInArAyaNIyam ..}##\endtitles ##
\section{anukramaNikA}
             dashakaH
       1 prathamadashakaH  \-   devImahimA
       2 dvitIyadashakaH  \-   hayagrIvakathA
       3 tR^itIyadashakaH  \-   mahAkAlyavatAraH
       4 chaturthadashakaH  \-   madhukaiTabhavadhaH
       5 pa~nchamadashakaH  \-   sudyumnakathA
       6 ShaShThadashakaH  \-   vyAsanAradasamAgamaH
       7 saptamadashakaH  \-   shukotpattiH
       8 aShTamadashakaH  \-   paramaj~nAnopadeshaH
       9 navamadashakaH  \-   bhuvaneshvarIdarshanaH
      10 dashamadashakaH  \-   shaktipradAnam
      11 ekAdashadashakaH \-   brahmanAradasaMvAdaH
      12 dvAdashadashakaH  \-   utathyajananam
      13 trayodashadashakaH \-   utathyamahimA
      14 chaturdashadashakaH \-   sudarshanakathA \- bharadvAjAshramapravesham
      15 pa~nchadashadashakaH  \-   sudarshanakathA \- devIdarshanam
      16 ShoDashadashakaH  \-   sudarshanavivAham
      17 saptadashadashakaH  \-   sudarshanakosalaprAptiH
      18 aShTAdashadashakaH \-   rAmakathA
      19 ekonaviMshadashakaH \-   bhUmyAH duHkham 1
      20 viMshadashakaH  \-   devakIputravadhaM
      21 ekaviMshadashakaH \-   nandasutAvatAraH
      22 dvAviMshadashakaH  \-   kR^iShNakathA
      23 trayoviMshadashakaH \-   mahAlakShmyavatAraH
      24 chaturviMshadashakaH \-   mahiShAsuravadham \- devIstutiH
      25 pa~nchaviMshadashakaH \-   mahAsarasvatyavatAraH
      26 ShaDviMshadashakaH  \-   surathakathA
      27 saptaviMshadashakaH \-   shatAkShyavatAraH
      28 aShTAviMshadashakaH \-   shaktyavamAnadoShaH
      29 ekonatriMshadashakaH \-   devIpIThotpattiH
      30 triMshadashakaH  \-   shrIpArvatyavatAraH
      31 ekatriMshadashakaH \-   bhrAmaryavatAraH
      32 dvAtriMshadashakaH  \-   yakShakathA
      33 trayastriMshadashakaH \-   gautamakathA
      34 chatustriMshadashakaH \-   gautamashApaH
      35 pa~nchatriMshadashakaH \-   anugrahavaichitryam
      36 ShaTtriMshadashakaH  \-   mUlaprakR^itimahimA
      37 saptatriMshadashakaH \-   viShNumahattvam
      38 aShTAtriMshadashakaH \-   chittashuddhiprAdhAnyam
      39 ekonachatvAriMshadashakaH \-   maNidvIpanivAsinI
      40 chatvAriMshadashakaH \-   prArthanA
      41 ekachatvAriMshadashakaH \-   praNAmam
\section{1 prathamadashakaH  \-    devImahimA}
yasminnidaM yata idaM yadidaM yadasmAt
     uttIrNarUpamabhipashyati yatsamastam |
no dR^ishyate cha vachasAM manasashcha dUre
     yadbhAti chAdimahase praNamAmi tasmai || 1\-1||
na strI pumAn na suradaityanarAdayo na
     klIbaM na bhUtamapi karmaguNAdayashcha |
bhUmaMstvameva sadanAdyavikAryanantaM
     sarvaM tvayA jagadidaM vitataM vibhAti || 1\-2||
rUpaM na te.api bahurUpabhR^idAttashakti\-
     rnATyaM tanoShi naTavatkhalu vishvara~Nge |
varShANi te sarasanATyakalAvilInA
     bhaktA aho sahR^idayA kShaNavannayanti || 1\-3||
rUpAnusAri khalu nAma tato budhaistvaM
     devIti deva iti chAsi nigadyamAnA |
devyAM tvayIryasa umA kamalA.atha vAg vA
     deve tu ShaNmukha umApatirachyuto vA || 1\-4||
tvaM brahma shaktirapi dhAtR^iramesharudraiH
     brahmANDasargaparipAlanasaMhR^itIshcha |
rAj~nIva kArayasi subhru nijAj~nayaiva
     bhakteShvananyasharaNeShu kR^ipAvatI cha || 1\-5||
mAtA karoti tanayasya kR^ite shubhAni
     karmANi tasya patane bhR^ishameti duHkham |
vR^iddhau sukhaM cha tava karma na nApi duHkhaM
     tvaM hyeva karmaphaladA jagatAM vidhAtrI || 1\-6||
sarvatra varShasi dayAmata eva vR^iShTyA
     siktaH subIja iva vR^iddhimupaiti bhaktaH |
durbIjavadvrajati nAshamabhakta eva
     tvaM nirghR^iNA na viShamA na cha lokamAtaH || 1\-7||
sarvoparIshvari vibhAti sudhAsamudra\-
     stanmadhyataH parivR^ite vividhaiH sudurgaiH |
ChatrAyite trijagatAM bhavatI maNidvI\-
     pAkhye shive nijapade hasitAnanA.a.aste || 1\-8||
yaste pumAnabhidadhAti mahattvamuchchai\-
     ryo nAma gAyati shR^iNoti cha te vilajjaH |
yashchAtanoti bhR^ishamAtmanivedanaM te
     sa svAnyaghAni vidhunoti yathA tamo.arkaH || 1\-9||
tvAM nirguNAM cha saguNAM cha pumAn virakto
     jAnAti ki~nchidapi no viShayeShu saktaH |
j~neyA bhava tvamiha me bhavatApahantrIM
     bhaktiM dadasva varade paripAhi mAM tvam || 1\-10||

\section{2 dvitIyadashakaH  \-    hayagrIvakathA}
raNeShu daityeShu hateShu devAH purA prahR^iShTAH sahadAtR^isharvAH |
yiyakShavo yaj~napatiM vinItAH prapedire viShNumanantavIryam || 2\-1||
dR^iShTvA cha nidrAvashagaM prabhuM tamadhijyachApAgrasamarpitAsyam |
AshcharyamApurvibudhA na ko.api prAbodhayattaM khalu pApabhItyA || 2\-2||
harestadAnImajasR^iShTavamryA mukhArpaNAku~nchitachApamaurvI |
bhagnA dhanushchArjavamApa sadyastenAbhavatso.api nikR^ittakaNThaH || 2\-3||
kAyAchChirastUtpatitaM murAreH pashyatsu deveShu papAta sindhau |
chetaH surANAM kadane nimagnaM hAheti shabdaH sumahAnabhUchcha || 2\-4||
kimatra kR^ityaM patite harau naH kurmaH kathaM veti mitho bruvANAn |
devAn vidhAtA.a.aha bhavenna kAryamakAraNaM daivamaho balIyaH || 2\-5||
dhyAyeta devIM karuNArdrachittAM brahmANDasR^iShTyAdikahetubhUtAm |
sarvANi kAryANi vidhAsyate naH sA sarvashaktA saguNA.aguNA cha || 2\-6||
ityUchuShaH preraNayA vidhAtustvAmeva vedA nunuvuH surAshcha |
divi sthitA devagaNAMstvamAttha bhadraM bhavedvo hariNedR^ishena || 2\-7||
daityo hayagrIva iti prasiddho mayaiva dattena vareNa vIraH |
vedAn munIMshchApi hayAsyamAtravadhyo bhR^ishaM pIDayati prabhAvAt || 2\-8||
daivena kR^ittaM harishIrShamadya saMyojyatAM vAjishiro.asya kAye |
tato hayagrIvatayA murArirdaityaM hayagrIvamaraM nihantA || 2\-9||
tvamevamuktvA sadayaM tirodhAstvaShTrA kabandhe.ashvashiro murAreH |
saMyojitaM pashyati devasa~Nghe hayAnanaH shrIharirutthito.abhUt || 2\-10||
daityaM hayagrIvamahan hayAsyo raNe murAristvadanugraheNa |
sadA jaganma~Ngalade tvadIyAH patantu me mUrdhni kR^ipAkaTAkShAH || 2\-11||

\section{3 tR^itIyadashakaH  \-    mahAkAlyavatAraH}
jagatsu sarveShu purA vilIneShvekArNave sheShatanau prasupte |
harau surArI madhukaiTabhAkhyau mahAbalAvapsu vijahraturdvau || 3\-1||
samAH sahasraM yatachittavR^ittI vAgbIjamantraM varade japantau |
prasAditAyA asurau bhavatyAH svachChandamR^ityutvamavApatustau || 3\-2||
ekAmbudhau tau taralormimAle nimajjanonmajjanakelilolau |
yadR^ichChayA vIkShitamabjayoniM raNotsukAvUchaturiddhagarvau || 3\-3||
padmAsanaM vIravaropabhogyaM na bhIrubhogyaM na varAkabhogyam |
mu~nchedamadyaiva na yAsi chettvaM pradarshaya svaM yudhi shauryavattvam || 3\-4||
idaM samAkarNya bhayAdviri~nchaH suShuptiniShpandamamoghashaktim |
prabodhanArthaM harimiddhabhaktyA tuShTAva naivAchaladambujAkShaH || 3\-5||
aspandatA tvasya kayApi shaktyA kR^iteti matvA matimAn viri~nchaH |
prabodhayainaM harimevamuktvA stotrairvichitrairbhavatImanauShIt || 3\-6||
nutiprasannA.abjabhavasya tUrNaM niHsR^itya viShNoH sakalA~Ngatastvam |
divi sthitA tatkShaNameva devo nidrAvimukto harirutthito.abhUt || 3\-7||
athaiSha bhItaM madhukaiTabhAbhyAM viri~nchamAlokya harirjagAda |
alaM bhayenAhamimau surArI hantAsmi shIghraM samare.atra pashya || 3\-8||
evaM harau vaktari tatra daityau raNotsukau prApaturiddhagarvau |
tayoravij~nAya balaM murAriryuddhodyato.abhUdajarakShaNArtham || 3\-9||
bibhemi rAgAdimahAripubhyo jetuM yatiShye.ahamimAn sushaktAn |
tadarthashaktiM mama dehi nityaM nidrAlaso mA cha bhavAni mAtaH || 3\-10||

\section{4 chaturthadashakaH  \-    madhukaiTabhavadhaH}
tvaM tAmasI suptaramAdhavA~NgajA shyAmA ruchA mohanatAmralochanA |
ekArNave ghoraraNotsukAn hariM daityau cha tau smeramukhI samaikShathAH || 4\-1||
pashyatyaje bAhuraNaM murAriNA kR^itvA madhuH shrAntimavApa satvaram |
abhyetya yuddhaM kurute sma kaiTabhaH shrAnte cha tasminnakR^itAhavaM madhuH || 4\-2||
evaM muhuH sa~NgaravishramAvubhau paryAyato varShasahasrapa~nchakam |
glAniM vinA chakraturachyutaH klamAdvishrAntimichChannasurau jagAda tau || 4\-3||
shrAntena bhItena cha bAlakena cha prabhuH pumAnnaiva karoti saMyugam |
madhyeraNaM dvau kR^itavishramau yuvAmekaH karomyeva nirantarAhavam || 4\-4||
j~nAtvA hariM shrAntamubhau vidUrataH santasthaturvishramasaukhyavAMstataH |
tvAmeva tuShTAva kR^ipAtara~NgiNIM sarveshvarIM daityajayAya mAdhavaH || 4\-5||
devi prasIdaiSha raNe jito.asmyahaM daityadvayenAbjabhavaM jighAMsunA |
sarvaM kaTAkShaistava sAdhyamatra mAM rakSheti vaktAramabhAShathA harim || 4\-6||
yuddhaM kuru tvaM jahi tau mayA bhR^ishaM sammohitau vakradR^ishetyayaM tvayA |
sa~nchodito hR^iShTamanA mahArNave tasthau raNAyAyayatushcha dAnavau || 4\-7||
bhUyo.api kurvan raNamachyuto hasan kAmAturau te mukhapadmadarshanAt |
tAvAha tuShTo.asmyatulau raNe yuvAM dadAmyahaM vAM varameSha vA~nChitam || 4\-8||
tAvUchaturviddhi hare na yAchakAvAvAM dadAvastava vA~nChitaM varam |
nAsatyavAchau sva itIrito haristvAM saMsmaran shatrujigIShayA.abravIt || 4\-9||
mahyaM varaM yachChatamadya me yato vadhyau yuvAM syAtamitIritAvubhau |
dR^iShTvA.apsu lInaM sakalaM samUchatustvaM satyavA~Nnau jahi nirjale sthale || 4\-10||
astvevamityAdR^itavA~NmudA hariH svorau pR^ithAvunnamite jalopari |
kR^itvA.ariNA tachChirasI tadA.achChinatsvachChandamR^ityU tava mAyayA hatau || 4\-11||
dveShashcha rAgashcha sadA mamAmbike daityau hR^idi sto.atra vivekamAdhavaH |
AbhyAM karotyeva raNaM jayatvayaM tubhyaM mahAkAli namaH prasIda me || 4\-12||

\section{5 pa~nchamadashakaH  \-     sudyumnakathA}
jAtA sutelA manusaptamasya saMprArthito.anena munirvasiShThaH |
shambhoH kaTAkSheNa sutAM kumAraM chakre sa kAlena babhUva rAjA || 5\-1||
sudyumnanAmA mR^igayAvihArI gato hayArUDha ilAvR^itaM saH |
strItvaM punaH prApya sutaM himAMshorvavre patiM putramasUta chaiShA || 5\-2||
nyavedayatsA gurave vasiShThAyaiShA kadAchinnijapuMstvakAmam |
tatsAdhanArthaM harameva dadhyau muniH prasannastamuvAcha shambhuH || 5\-3||
ilAvR^itaM mA puruShaH prayAtu prayAti chetso.astvabalA tadaiva |
evaM mayA nishchitameva saumya gauryAH prasAdAya bhavAn priyo me || 5\-4||
na pakShabhedo.atra mamAsti gaurI bhavAMshcha tR^iptau bhavatAM madIyau |
itaH paraM tasya manorapatyaM mAsaM pumAn syAdvanitA cha mAsam || 5\-5||
evaM shivoktena manorapatyaM labdhvA cha puMstvaM dharaNIM shashAsa |
strItve cha harmyeShu ninAya kAlaM jano na chainaM nR^ipamabhyanandat || 5\-6||
purUravasyAtmasute.arpayitvA rAjyaM virakto vanametya bhUpaH |
shrInAradAllabdhanavArNamantro bhaktyA sa dadhyau bhavatAriNIM tvAm || 5\-7||
siMhAdhirUDhAmaruNAbjanetrAM tvAM suprasannAmabhivIkShya natvA |
stutvA cha bhaktyA sthirapuMstvameSha lebhe.atha sAyujyamavApa chAnte || 5\-8||
shauryaM na vIryaM na cha pauruShaM me naivAsti cha strIsahajA titikShA |
mUDho na jAnAmyashubhaM shubhaM cha deyaM tvayA me shubhameva mAtaH || 5\-9||
pashyAni mAtaH pravarAngurUMste kAruNyato mAM supathA nayantu |
satsa~NgasambhAvitachittavR^ittirbhavAni te devi namaH prasIda || 5\-10||

\section{6 ShaShThadashakaH  \-    vyAsanAradasamAgamaH}
tvadichChayA devi pulastyavAchA parAsharAdviShNupurANakartuH |
munerharirlokahitAya dIpAdyathA pradIpo.ajani kR^iShNanAmA || 6\-1||
vedaM chaturdhA vyadadhatsa kR^iShNadvaipAyano vyAsa iti prasiddhaH |
vedAntasUtrANi purANajAlaM mahetihAsaM cha mahAMshchakAra || 6\-2||
tapaH pravR^ittaH kalavi~NkapotaM mAtrA sa saMlAlitamAshramAnte |
pashyannadhanyAmanapatyatAM svAM saputrabhAgyAtishayaM cha dadhyau || 6\-3||
satputralAbhAya tapashchikIrShustIvraM mahAmerusamIpametya |
ArAdhanIyaH ka iti kShaNaM sa chintA.a.aturo lokaguruH sthito.abhUt || 6\-4||
shrInAradastatra samAgatastvatkR^ipAkaTAkShA~NkuravanmaharShiH |
arghyAdisampUjita Asanastho vyAsena pR^iShTaH prahasannivAha || 6\-5||
kiM chintayA kR^iShNa bhajasva devIM kR^ipAvatI vA~nChitadAnadakShA |
ahetureShA khalu sarvaheturnirastasAmyAtishayA nirIhA || 6\-6||
saiShA mahAshaktiriti prasiddhA yadAj~nayA brahmaramesharudrAH |
brahmANDasargasthitisaMhR^itIshcha kurvanti kAle na cha te svatantrAH || 6\-7||
yasyAshcha te shaktibhireva sarvakarmANi kurvanti surAsurAdyAH |
martyA mR^igAH kR^iShNa patatriNashcha shaktervidheyAH ka ihAvidheyaH || 6\-8||
pratyakShamukhyairna cha sA pramANairj~neyA tapobhiH kaThinairvrataishcha |
na vedashAstrAdhyayanena chApi bhaktyaiva jAnAti pumAn maheshIm || 6\-9||
tAmeva bhaktyA satataM bhajasva sarvArthadAM kR^iShNa tavAstu bhadram |
ityUchuShi brahmasute gate sa vyAsastapo.arthaM girimAruroha || 6\-10||
ihAsmi paryAkulachittavR^ittirguruM na pashyAmi mahattamaM cha |
sanmArgato mAM naya vishvamAtaH prasIda me tvAM sharaNaM vrajAmi || 6\-11||

\section{7 saptamadashakaH  \-    shukotpattiH}
kR^iShNasya tasyAraNitaH shukAkhyastava prasAdAdajaniShTa putraH |
hR^iShTo munirma~Ngalakarma chakre tatrAditeyA vavR^iShuH sumAni || 7\-1||
kechijjaguH kechana vAdyaghoShaM chakrushcha nAke nanR^ituH striyashcha |
vAyurvavau sparshasukhaH sugandhaH shukodbhave sarvajanAH prahR^iShTAH || 7\-2||
bAlaH sa sadyo vavR^idhe suchetAH bR^ihaspaterAttasamastavidyaH |
datvA vinIto gurudakShiNAM cha pratyAgato harShayati sma tAtam || 7\-3||
yuvAnamekAntatapaHpravR^ittaM vyAsaH kadAchichChukamevamUche |
vedAMshcha shAstrANi cha vetsi putra kR^itvA vivAhaM bhava sadgR^ihasthaH || 7\-4||
sarvAshramANAM kavayo vishiShTA gR^ihAshramaM shreShThataraM vadanti |
tamAshritastiShThati loka eSha yajasva devAn vidhivatpitRRIMshcha || 7\-5||
tavAstu satputra R^iNAdahaM cha muchyeya mAM tvaM sukhinaM kuruShva |
putraH sukhAyAtra paratra cha syAttvAM putra tIvrairalabhe tapobhiH || 7\-6||
ki~ncha pramAthIni sadendriyANi haranti chittaM prasabhaM narasya |
pashyan pitA me jananIM tapasvI parAsharo.api smaramohito.abhUt || 7\-7||
ya AshramAdAshramameti tattatkarmANi kurvan sa sukhI sadA syAt |
gR^ihAshramo naiva cha bandhahetustvayA cha dhIman kriyatAM vivAhaH || 7\-8||
evaM bruvANo.api shukaM vivAhAdyasaktamAj~nAya piteva rAgI |
purANakarttA cha jagadguruH sa mAyAnimagno.ashruvilochano.abhUt || 7\-9||
bhogeShu me nispR^ihatA.astu mAtaH pralobhito mA karavANi pApam |
mA bAdhatAM mAM tava devi mAyA mAyAdhinAthe satataM namaste || 7\-10||

\section{8 aShTamadashakaH  \-    paramaj~nAnopadeshaH }
athAha kR^iShNaH shR^iNu chintayA.alaM gR^ihAshramaste na cha bandhakR^itsyAt |
bandhasya mukteshcha mano hi heturmanojayArthaM bhaja vishvadhAtrIm || 8\-1||
yasyAH prasAde saphalaM samastaM yadaprasAde viphalaM samastam |
mAhAtmyamasyA viditaM jagatsu mayA kR^itaM bhAgavataM shR^iNu tvam || 8\-2||
viShNurjagatyekasamudralIne bAlaH shayAno vaTapatra ekaH |
svabAlatAhetuvichAramagnaH shushrAva kAmapyasharIrivAcham || 8\-3||
sanAtanaM satyamahaM madanyatsatyaM na cha syAdahameva sarvam |
shrutvedamunmIlitadR^iShTireSha smitAnanAM tvAM jananIM dadarsha || 8\-4||
chaturbhujA sha~NkhagadAripadmadharA kR^ipAdyaiH saha shaktijAlaiH |
sthitA jaloparyamalAmbarA tvaM prahR^iShTachittaM harimevamAttha || 8\-5||
kiM vismayenAchyuta vismR^itA.ahaM tvayA parAshaktimahAprabhAvAt |
sA nirguNA vA~NmanasoragamyA mAM sAtvikIM shaktimavehi lakShmIm || 8\-6||
shrutastvayA yastvasharIrishabdo hitAya te deva tayA sa uktaH |
ayaM hi sarvashrutishAstrasAro mA vismaremaM hR^idi rakShaNIyam || 8\-7||
nAtaH paraM j~neyamavehi ki~nchitpriyo.asi devyAH shR^iNu me vachastvam |
tvannAbhipadmAddruhiNo bhavetsa kartA jagatpAlaya tatsamastam || 8\-8||
bhrUmadhyataH padmabhavasya kopAdrudro bhaviShyan sakalaM harechcha |
devIM sadA saMsmara te.astu bhadramevaM nigadyAshu tirodadhAtha || 8\-9||
hareridaM j~nAnamajasya labdhamajAtsurarSheshcha tato mamApi |
mayA tvidaM vistarataH sutoktaM yatsUrayo bhAgavataM vadanti || 8\-10||
devyA mahattvaM khalu varNyate.atra yadbhaktimAptasya gR^ihe na bandhaH |
yadbhaktihInastvagR^ihe.api baddho rAjA.api mukto janako gR^ihasthaH || 8\-11||
videharAjaM tamavApya pR^iShTvA svadharmasha~NkAH parihR^itya dhIraH |
phaleShvasaktaH kuru karma tena karmakShayaH syAttava bhadramastu || 8\-12||
shrutveti sadyaH shuka AshramAtsa prasthAya vaidehapuraM sametya |
pratyudgataH sarvajanairnR^ipAya nyavedayatsvAgamanasya hetum || 8\-13||
gR^ihasthadharmasya mahattvamasmAdvij~nAya dhImAn sa shuko nivR^ittaH |
pitrAshramaM prApya sutAM pitRRINAM vyAse.atihR^iShTe gR^ihiNIM chakAra || 8\-14||
utpAdya putrAMshchaturaH sutAM cha gR^ihasthadharmAn vidhinA.a.acharan saH |
pradAya chainAM munaye.aNuhAya babhUva kAle kR^itasarvakR^ityaH || 8\-15||
hitvA.a.ashramaM tAtamapIshashailashR^i~Nge tapasvI sahasotpatan khe |
babhau sa bhAsvAniva tadviyogakhinnaM shivo vyAsamasAntvayachcha || 8\-16||
sarvatra sha~NkAkulameva chittaM mameha vikShiptamadhIramArtam |
kartavyamUDho.asmi sadA shive mAM dhIraM kuru tvaM varade namaste || 8\-17||

\section{9 navamadashakaH  \-    bhuvaneshvarIdarshanaH}
ekArNave.asmin jagati pralIne daityau harirbrahmavadhodyatau tau |
jaghAna devi tvadanugraheNa tvadichChayaivAgamadatra rudraH || 9\-1||
eko vimAnastarasA.a.agataH khAttrimUrtyavij~nAtagatistvadIyaH |
tvatpreritA Aruruhustamete sa chotpatan vyomni chachAra shIghram || 9\-2||
vaimAnikAshchodgatayaH sashakraM divaM sapadmodbhavasatyalokam |
sarudrakailAsamamI saviShNuvaikuNThamapyutpulakA apashyan || 9\-3||
adR^iShTapUrvAnitarAMstrimUrtIn sthAnAni teShAmapi dR^iShTavantaH |
trimUrtayaste cha vimohamApuH prApto vimAnashcha sudhAsamudram || 9\-4||
tvadbhrUlatAlolatara~NgamAlaM tvadIyamandasmitachAruphenam |
tvanma~njuma~njIramR^idusvanADhyaM tvatpAdayugmopamasaukhyadaM cha || 9\-5||
tanmadhyataste dadR^ishurvichitraprAkAranAnAdrulatAparItam |
sthAnaM maNidvIpamadR^iShTapUrvaM kramAchChive tvAM cha sakhIsametAm || 9\-6||
j~nAtvA drutaM tvAM harirAha dAtastrinetra dhanyA vayamadya nUnam |
sudhAsamudro.ayamanalpapuNyaiH prApyA jaganmAtR^inivAsabhUmiH || 9\-7||
sA dR^ishyate rAgijanairadR^ishyA ma~nche niShaNNA bahushaktiyuktA |
eShaiva dR^ik sarvamidaM cha dR^ishyamahetureShA khalu sarvahetuH || 9\-8||
bAlaH shayAno vaTapatra eka ekArNave.apashyamimAM smitAsyAm |
yayaiva mAtrA parilAlito.ahamenAM samastArtiharAM vrajema || 9\-9||
rudhyAmahe dvAri yadi stuvAmastatra sthitA eva vayaM maheshIm |
ityachyutenAbhihite vimAnastvadgopuradvAramavApa devi || 9\-10||
AyAmyahaM chittanirodharUpavimAnataste padamadvitIyam |
na kenachidruddhagato bhavAni tvAmeva mAtaH sharaNaM vrajAmi || 9\-11||

\section{10 dashamadashakaH  \-    shaktipradAnam}
tato vimAnAdajaviShNurudrAstvadgopuradvAryavaruhya sadyaH |
striyaH kR^itA devi tavechChayaiva savismayAstvannikaTaM samIyuH || 10\-1||
kR^itapraNAmAstava pAdayugmanakheShu vishvaM pratibimbitaM te |
vilokya sAshcharyamamoghavAgbhiH pR^ithakpR^ithak tuShTuvurambike tvAm || 10\-2||
nutiprasannA nijasargashaktiM mahAsarasvatyabhidhAmajAya |
rakShArthashaktiM haraye mahAlakShmyAkhyAM cha lIlAnirate dadAtha || 10\-3||
gaurIM mahAkAlyabhidhAM cha datvA saMhArashaktiM girishAya mAtaH |
navAkSharaM mantramudIrayantI baddhA~njalIMstAn smitapUrvamAttha || 10\-4||
brahman hare rudra madIyashaktitrayeNa dattena sukhaM bhavantaH |
brahmANDasargasthitisaMhR^itIshcha kurvantu me shAsanayA vinItAH || 10\-5||
mAnyA bhavadbhiH khalu shaktayo me syAchChaktihInaM sakalaM vinindyam |
smareta mAM santatamevamuktvA prasthApayAmAsitha tAMstrimUrtIn || 10\-6||
natvA trayaste bhavatIM nivR^ittAH puMstvaM gatA AruruhurvimAnam |
sadyastirodhAH sa sudhAsamudro dvIpo vimAnashcha tirobabhUvuH || 10\-7||
ekArNave pa~Nkajasannidhau cha hatAsure te khalu tasthivAMsaH |
dR^iShTaM nu satyaM kimu buddhimohaH svapno nu kiM veti cha na vyajAnan || 10\-8||
tatastrayaste khalu satyalokavaikuNThakailAsakR^itAdhivAsAH |
brahmANDasR^iShTyAdiShu dattachittAstvAM sarvashaktAmabhajanta devi || 10\-9||
sudhAsamudraM taralormimAlaM sthAnaM maNidvIpamanopamaM te |
ma~nche niShaNNAM bhavatIM cha chitte pashyAni te devi namaH prasIda || 10\-10||

\section{11 ekAdashadashakaH \-    brahmanAradasaMvAdaH }
shrInAradaH padmajamekadA.a.aha pitastvayA sR^iShTamidaM jagatkim |
kiM viShNunA vA girishena vA kimakartR^ikaM vA sakaleshvaraH kaH || 11\-1||
itIrito.ajaH sutamAha sAdhu pR^iShTaM tvayA nArada mAM shR^iNu tvam |
vibhAti devI khalu sarvashaktisvarUpiNI sA bhuvanasya hetuH || 11\-2||
ekaM paraM brahma sadadvitIyamAtmeti vedAntavachobhiruktA |
na sA pumAn strI cha na nirguNA sA strItvaM cha puMstvaM cha guNairdadhAti || 11\-3||
sarvaM tadAvAsyamidaM jagatsA jAtA na sarvaM tata eva jAtam |
tatraiva sarvaM cha bhavetpralInaM saivAkhilaM nAsti cha ki~nchanAnyat || 11\-4||
gauNAni chAntaHkaraNendriyANi sA nirguNA.avA~NmatigocharA cha |
sA stotramantraiH saguNA mahadbhiH saMstUyate bhaktavipannihantrI || 11\-5||
sudhAsamudre vasatIyamAryA dvIpe vichitrAdbhutashaktiyuktA |
sarvaM jagadyadvashagaM vayaM cha trimUrtayo nAma yadAshritAH smaH || 11\-6||
taddattashaktitrayamAtrabhAjastrimUrtayaH putra vayaM vinItAH |
tadAj~nayA sAdhu sadA.api kurmo brahmANDasargasthitisaMhR^itIshcha || 11\-7||
daivena mUDhaM kavimAtanoti sA durbalaM tu prabalaM karoti |
pa~NguM giriM la~Nghayate cha mUkaM kR^ipAvatI chA.atanute suvAcham || 11\-8||
yatki~nchidaj~nAyi mayA mahattvaM devyAstaduktaM tava sa~NgraheNa |
sarvatra tadvarNaya vistareNa vidhatsva bhaktiM hR^idaye janAnAm || 11\-9||
itIrito.ajena muniH prasannastava prabhAvaM karuNArdrachitte |
vyAsaM tathA.anyAMshcha yathochitaM sa prabodhayAmasa pavitravAgbhiH || 11\-10||
na me gurustvachcharitasya vaktA na me matistvatsmaraNaikasaktA |
avAchyavaktA.ahamakAryakartA namAmi mAtashcharaNAmbujaM te || 11\-11||

\section{12 dvAdashadashakaH  \-    utathyajananam}
purA dvijaH kashchana devadatto nAma prajArthaM tamasAsamIpe |
kurvan makhaM gobhilashApavAchA lebhe sutaM mUDhamanantaduHkhaH || 12\-1||
utathyanAmA vavR^idhe sa bAlo mUDhastu dR^iShTaM na dadarsha ki~nchit |
shrutaM na shushrAva jagAda naiva pR^iShTo na cha snAnajapAdi chakre || 12\-2||
itastato.aTan samavAptaga~Ngo jale nimajjan prapibaMstadeva |
vasan munInAmuTajeShu vedamantrAMshcha shR^iNvan sa dinAni ninye || 12\-3||
krameNa satsa~NgavivR^iddhasattvaH satyavrataH satyatapAshcha bhUtvA |
nAsatyavAk tvatkR^ipayA sa mUDho.apyunmIlitAntarnayano babhUva || 12\-4||
kulaM pavitraM jananI vishuddhA pitA cha satkarmarataH sadA me |
mayA kR^itaM naiva niShiddhakarma tathA.api mUDho.asmi janaishcha nindyaH || 12\-5||
janmAntare kiM nu kR^itaM mayA.aghaM kiM vA na vidyA.arthijanasya dattA |
grantho.apyadattaH kimu pUjyapUjA kR^itA na kiM vA vidhivanna jAne || 12\-6||
nAkAraNaM kAryamitIryate hi daivaM baliShThaM duratikramaM cha |
tato.atra mUDho viphalIkR^ito.asmi vandhyadruvannirjalameghavachcha || 12\-7||
ityAdi sa~nchintya vane sthitaH sa kadAchidekaM rudhirAplutA~Ngam |
bIbhatsarUpaM kiTimeSha pashyannayyayya ityutsvanamuchchachAra || 12\-8||
shareNa viddhaH sa kirirbhayArtaH pravepamAno munivAsadeshe |
antarniku~njasya gatashcha daivAdadR^ishyatAmApa bhayArtihantri || 12\-9||
vinA makAraM cha vinA cha bhaktimuchchArya vAgbIjamanuM pavitram |
prasannabuddhiH kR^ipayA tavaiSha babhUva dUrIkR^itasarvapApaH || 12\-10||
nAhaM kavirgAnavichakShaNo na naTo na shilpAdiShu na pravINaH |
pashyAtra mAM mUDhamananyabandhuM prasannabuddhiM kuru mAM namaste || 12\-11||

\section{13 trayodashadashakaH \-    utathyamahimA}
athAgataH kashchidadhijyadhanvA muniM niShAdaH sahasA jagAda |
tvaM satyavAgbrUhi mune tvayA kiM dR^iShTaH kiTiH sAyakaviddhadehaH || 13\-1||
dR^iShTastvayA chedvada sUkaraH kva gato na vA.adR^ishyata kiM munIndra |
ahaM niShAdaH khalu vanyavR^ittirmamAsti dArAdikapoShyavargaH || 13\-2||
shrutvA niShAdasya vacho muniH sa tUShNIM sthitashchintayati sma gADham |
vadAmi kiM dR^iShTa itIryate cheddhanyAdayaM taM mama chApyaghaM syAt || 13\-3||
satyaM naraM rakShati rakShitaM chedasatyavaktA narakaM vrajechcha |
satyaM hi satyaM sadayaM na ki~nchitsatyaM kR^ipAshUnyamidaM mataM me || 13\-4||
evaM muneshchintayataH svakAryavyagro niShAdaH punarevamUche |
dR^iShTastvayA kiM sa kiTirna kiM vA dR^iShTaH sa shIghraM kathayAtra satyam || 13\-5||
munistamAhAtra punaH punaH kiM niShAda mAM pR^ichChasi mohamagnaH |
pashyan na bhASheta na cha bruvANaH pashyedalaM vAgbhiravehi satyam || 13\-6||
unmAdino jalpanametadevaM matvA niShAdaH sahasA jagAma |
na satyamuktaM muninA na kolo hatashcha sarvaM tava devi lIlAH || 13\-7||
draShTA paraM brahma tadeva cha syAditi shrutiH prAha na bhAShate saH |
sadA bruvANastu na pashyatIdamayaM hi satyavratavAkyasAraH || 13\-8||
bhUyaH sa sArasvatabIjamantraM chiraM japan j~nAnanidhiH kavishcha |
vAlmIkivatsarvadishi prasiddho babhUva bandhUn samatarpayachcha || 13\-9||
smR^itA natA devi supUjitA vA shrutA nutA vA khalu vanditA vA |
dadAsi nityaM hitamAshritebhyaH kR^ipArdrachitte satataM namaste || 13\-10||

\section{14 chaturdashadashakaH \-    sudarshanakathA \- bharadvAjAshramapravesham}
rAjA purA.a.asItkila kosaleShu dharmaikaniShTho dhruvasandhinAmA |
AstAM priye asya manoramA cha lIlAvatI cheti dR^iDhAnurakte || 14\-1||
manoramA.asUta sudarshanAkhyaM kumArakaM shatrujitaM cha sA.anyA |
saMvardhayaMstau mR^igayAvihArI vane nR^ipo hA hariNA hato.abhUt || 14\-2||
vichintayan rAjakulasya vR^ittaM tajjyeShThaputrasya sudarshanasya |
rAjyAbhiShekAya gururvasiShThashchakAra mantraM sachivaiH sametaH || 14\-3||
mAtAmahaH shatrujito yudhAjidabhyetya sadyo.amitavIryashAlI |
rAjye svadauhitramihAbhiShiktaM kartuM kubuddhiH kurute sma yatnam || 14\-4||
manoramAyA api vIrasenaH pitA.abhyupetyAshu rurodha tasya |
yatnaM balI svasvasutAsutAbhiShekaikabuddhI khalu tAvabhUtAm || 14\-5||
kR^itvA vivAdaM cha tato nR^ipau dvau ghoraM raNaM chakraturiddharoShau |
yudhAjitA tatra tu vIraseno daivAddhato.abhUddhariNA karIva || 14\-6||
rAjye.abhiShiktaH khalu shatrujitsa bAlastato.ayaM ripubhidyudhAjit |
dauhitrarAjyaM sukhamekanAthaH shashAsa vajrIva divaM maheshi || 14\-7||
patyuH pitushchApi mR^iteranAthA bhItA vidallAbhidhamantriyuktA |
manoramA bAlasutA tvaraNye yayau bharadvAjamuniM sharaNyam || 14\-8||
taponidhirdInajanAnukampI j~nAtvA munistAM dhruvasandhipatnIm |
uvAcha\- vatse vasa nirbhayaiva tapovane.atrAstu shubhaM taveti || 14\-9||
alpo.apyupekShyo na ripurna rogo.apyevaM smarannAshu nR^ipo yudhAjit |
tAM hartukAmaH sasutAM maharSheH prApAshramaM mantrivareNa sAkam || 14\-10||
na mAnitastena tapasvinA sa manoramAM naiva sutaM cha lebhe |
prahartukAmo.api muniM sa mantrivAchA nivR^ittaH shrutakaushiko.abhUt || 14\-11||
evaM munistAM sasutAM rarakSha bhIto.asmi saMsArayudhAjito.aham |
na me sahAyo.asti vinA tvayaiSha sanUpuraM te charaNaM namAmi || 14\-12||

\section{15 pa~nchadashadashakaH  \-    sudarshanakathA \- devIdarshanam}
evaM tavaiva kR^ipayA munivaryashItachChAyAshrito hatabhayaH sa sudarshano.ayam |
vedadhvanishravaNapUtahR^idAshramAnte sammodayan munijanAn vavR^idhe kumAraH || 15\-1||
AbAlyameSha munibAlakasa~Ngamena klIM klImitIshvari sadA tava bIjamantram |
tatrochchachAra kR^ipayA.asya puraH kadAchidAvirbabhUvitha nataM tamabhAShathAshcha || 15\-2||
prItA.asmi te suta jagajjananImavehi mAM sarvakAmavaradAM tava bhadramastu |
chandrAnanAM shashikalAM vimalAM subAhoH kAshIshvarasya tanayAM vidhinodvaha tvam || 15\-3||
naShTA bhaveyurachireNa tavArivargA rAjyaM cha yairapahR^itaM punareShyasi tvam |
mAtR^idvayena sachivaishcha samaM svadharmAn kuryAH sadeti samudIrya tirodadhAtha || 15\-4||
svapne tvayA shashikalA kathitA.asti bhAradvAjAshrame prathitakosalavaMshajAtaH |
dhImAn sudarshana iti dhruvasandhiputra enaM patiM vR^iNu tavAstu shubhaM sadeti || 15\-5||
svapnAnubhUtamanR^itaM kimR^itaM na veti suptotthitA tu matimatyapi na vyajAnAt |
pR^iShTAtsudarshanakathAM sumukhI dvijAtsA shrutvA.anuraktahR^idayaiva babhUva devi || 15\-6||
j~nAtvA subAhuridamAkulamAnasastAmasmAnnivarttayitumAshu saheShTapatnyA |
kR^itvA prayatnamakhilaM viphalaM cha pashyannichChAsvayaMvaravidhiM hitameva mene || 15\-7||
kashchitkadAchana sudarshanametya vipraH prAhAgataH shashikalAvachasA.ahamatra |
sA tvAM bravIti\- nR^ipaputra jagajjananyA vAchA vR^ito.asi patirasmi tavaiva dAsI || 15\-8||
atrAgatA nR^ipatayo bahavastvametya teShAM sudhIra miShatAM naya mAM priyAM te |
evaM vadhUvachanamAnaya tAM sushIlAM bhadraM tavAstvidamudIrya jagAma vipraH || 15\-9||
svapne cha jAgrati cha pashyati bhaktavaryastvAM santataM tava vacho madhuraM shR^iNoti |
aishvaryamAshu labhate.api cha muktimeti tvadbhaktimeva mama dehi namo jananyai || 15\-10||

\section{16 ShoDashadashakaH  \-    sudarshanavivAham}
shrutvA vadhUvAkyamaraM kumAro hR^iShTo bharadvAjamuniM praNamya |
ApR^iChya mAtrA saha devi sa tvAM smaran rathenApa puraM subAhoH || 16\-1||
svayaMvarAhUtamahIbhujAM sa sabhAM praviShTo hatabhIrniShaNNaH |
kanyA kalA pUrNashashI tvasAvityAhurjanAstAmabhivIkShamANAH || 16\-2||
vadhUshcha taddarshanavardhitAnurAgA smarantI tava vAkyasAram |
sabhAM nR^ipANAmajitendriyANAM na prAvishatsA pitR^ichoditA.api || 16\-3||
sha~NkAkulAste nR^ivarA babhUvuruchchairyudhAjitkupito jagAda\- |
mA dIyatAM lokahitAnabhij~nA vadhUrashaktAya sudarshanAya || 16\-4||
bAlo.ayamityeSha mayA.a.ashrame prAgupekShitaH so.atra riputvameti |
mA.ayaM cha vadhvA vriyatAM vR^itashcheddhanyAmimaM tAM cha hareyamAshu || 16\-5||
shrutvA yudhAjidvachanaM nR^ipAlA hitaiShiNaH kechidupetya sarvam |
sudarshanaM prochurathApi dhIraH sa nirbhayo naiva chachAla devi || 16\-6||
ekatra putrI cha sudarshanashcha yudhAjidanyatra balI sakopaH |
tanmadhyago maMkShu nR^ipaH subAhurbaddhA~njaliH prAha nR^ipAn vinamraH || 16\-7||
nR^ipA vacho me shR^iNuteha bAlA nAyAti putrI mama maNDape.atra |
tatkShamyatAM shvo.atra nayAmyahaM tAM yAtAdya vo vishramamandirANi || 16\-8||
gateShu sarveShu sudarshanastu tvAM saMsmaran mAtR^ihitAnusArI |
subAhunA tannishi tena dattAM vadhUM yathAvidhyuduvAha devi || 16\-9||
prAtaryudhAjitprabalo vivAhavArtAM nishamyAttaruShA sasainyaH |
sudarshanaM mAtR^ivadhUsametaM yAtronmukhaM bhImaravo rurodha || 16\-10||
tato raNe ghoratare subAhuH klIM klImitIshAni samuchchachAra |
tatrAvirAsIH samarA~NgaNe tvaM siMhAdhirUDhA svajanArtihantrI || 16\-11||
tvannAma gAyan kathayan guNAMste tvAM pUjayaMshchAtra nayAmi kAlam |
svapne.api dR^iShTA na mayA tvamambe kR^ipAM kuru tvaM mayi te namo.astu || 16\-12||

\section{17 saptadashadashakaH  \-    sudarshanakosalaprAptiH}
yudhAjitaM shatrujitaM cha hatvA raNA~NgaNasthA nutibhiH prasannA |
subAhumukhyAnanugR^ihya bhaktAn sarveShu pashyatsu tirodadhAtha || 17\-1||
pR^iShTo nR^ipAn prAha sudarshanastAn dR^iShTA bhavadbhiH khalu sarvashaktA |
yA nirguNA yogibhirapyadR^ishyA dR^ishyA cha bhaktaiH saguNA vinItaiH || 17\-2||
yA rAjasIdaM sR^ijatIva shaktiryA sAtvikI pAlayatIva vishvam |
yA tAmasI saMharatIva sarvaM sadvastu saivAnyadasatsamastam || 17\-3||
bhaktArtihantrI karuNAmayI sA bhaktadruhAM bhItikarI prakAmam |
vasan bharadvAjatapovanAnte chirAya mAtrA saha tAM bhaje.aham || 17\-4||
tAmeva bhaktyA bhajateha bhuktimuktipradAmastu shubhaM sadA vaH |
shrutvedamAnamramukhAstatheti sammantrya bhUpAshcha tato nivR^ittAH || 17\-5||
sudarshano mAtR^ivadhUsametaH subAhumApR^iChya rathAdhirUDhaH |
purImayodhyAM pravishan pureva sItApatistoShayati sma sarvAn || 17\-6||
lIlAvatIM prApya vimAtaraM cha natvA viShaNNAM hataputratAtAm |
saduktibhiH karmagatIH prabodhya sa sAntvayAmAsa maheshi bhaktaH || 17\-7||
janeShu pashyatsu sudarshano.atra tvAM pUjayitvA guruNA.abhiShiktaH |
rAjye tvadIyaM gR^ihamAshu kR^itvA pUjAvidhAnAdi cha saMvR^idhatta || 17\-8||
tasmin nR^ipe tvatsadanAni kR^itvA janAH pratigrAmamapUjayaMstvAm |
kAshyAM subAhushcha tathA.akarotte sarvatra petuH karuNAkaTAkShAH || 17\-9||
na karmaNA na prajayA dhanena na yogasA~NkhyAdivichintayA cha |
na cha vratenApi sukhAnubhUtirbhaktyaiva martyaH sukhameti mAtaH || 17\-10||
nAhaM subAhushcha sudarshanashcha na me bharadvAjamuniH sharaNyaH |
guruH suhR^idbandhurapi tvameva maheshvari tvAM satataM namAmi || 17\-11||

\section{18 aShTAdashadashakaH \-    rAmakathA}
sUryAnvaye dAsharathI ramesho rAmAbhidho.abhUdbharato.atha jAtaH |
jyeShTAnuvarttI khalu lakShmaNashcha shatrughnanAmA.api jagadvidhAtri || 18\-1||
vimAtR^ivAkyojjhitarAjyabhogo rAmaH sasItaH sahalakShmaNashcha |
charan jaTAvalkalavAnaraNye godAvarItIramavApa devi || 18\-2||
taM va~nchayan rAvaNa etya mAyI jahAra sItAM yatirUpadhArI |
rAmasya patnIvirahAturasya shrutvA vilApaM vanamapyarodIt || 18\-3||
shrInArado.abhyetya jagAda rAmaM kiM rodiShi prAkR^itamartyatulyaH |
tvaM rAvaNaM hantumihAvatIrNo hariH kathaM vismarasIdamArya || 18\-4||
kR^ite yuge vedavatIti kanyA hariM shrutij~nA patimAptumaichChat |
sA puShkaradvIpagatA tadarthamekAkinI tIvratapashchakAra || 18\-5||
shrutA tayA.abhUdasharIrivAk te hariH patirbhAvini janmani syAt |
nishamya taddhR^iShTamanAstathaiva kR^itvA tapastatra ninAya kAlam || 18\-6||
tAM rAvaNaH kAmasharArdditaH saMshchakarSha sA cha stavanena devIm |
prasAdya kopAruNalochanAbhyAM nirIkShya taM nishchalamAtatAna || 18\-7||
shashApa taM cha tvamare madarthe sabAndhavo rAkShasa naMkShyasIti |
svaM kauNapaspR^iShTamashuddhadehaM yogena sadyo vijahau satI sA || 18\-8||
jAtA punaH sA mithileshakanyA kAle hariM tvAM patimApa daivAt |
sa hanyatAM satvaramAsharendrastannAshakAlastu samAgatashcha || 18\-9||
tadarthamArAdhaya lokanAthAM navAhayaj~nena kR^itopavAsaH |
prasAdya tAmeva surA narAshcha kAmAn labhante shubhameva te syAt || 18\-10||
ityUchivAMsaM munimeva rAma AchAryamAkalpya salakShmaNastvAm |
sampUjya susmeramukhIM vratAnte siMhAdhirUDhAM cha puro dadarsha || 18\-11||
bhaktyA nataM taM drutamAttha rAma haristvamaMshena madAj~nayaiva |
jAto naratvena dashAsyahatyai dadAmi tachChaktimahaM taveha || 18\-12||
shrutvA tavoktiM sa hanUmadAdyaiH sAkaM kapIndraiH kR^itasetubandhaH |
la~NkAM praviShTo hatarAvaNAdyaH purImayodhyAmagamatsasItaH || 18\-13||
hA devi bhaktirna hi me gurushcha na chaiva vastugrahaNe paTutvam |
satsa~NgatishchApi na te patantu kR^ipAkaTAkShA mayi te namo.astu || 18\-14||

\section{19 ekonaviMshadashakaH \-    bhUmyAH duHkham 1}
purA dharA durjanabhAradInA samaM surabhyA vibudhaishcha devi |
vidhiM sametya svadashAmuvAcha sa chAnayatkShIrapayonidhiM tAn || 19\-1||
stuto hariH padmabhavena sarvaM j~nAtvA.akhilAn sA~njalibaddhamAha |
brahman surA naiva vayaM svatantrA daivaM balIyaH kimahaM karomi || 19\-2||
daivena nItaH khalu matsyakUrmakolAdijanmAnyavasho.ahamAptaH |
nR^isiMhabhAvAdatibhIkaratvaM hayAnanatvAtparihAsyatAM cha || 19\-3||
jAtaH punardAsharathishcha duHkhAdduHkhaM gato.ahaM vipinAntachArI |
rAjyaM cha naShTaM dayitA hR^itA me pitA mR^ito hA plavagAH sahAyAH || 19\-4||
kR^itvA raNaM bhImamariM nihatya patnIM cha rAjyaM cha punargR^ihItvA |
duShTApavAdena pativratAM tAM vihAya hA duryashasA.abhiShiktaH || 19\-5||
yadi svatantro.asmi mamaivamArtirna syAdvayaM karmakalApabaddhAH |
sadA.api mAyavashagAstato.atra mAyAdhinAthAM sharaNaM vrajAmaH || 19\-6||
itIritairbhaktivinamrashIrShairnimIlitAkShairvibudhaiH smR^itA tvam |
prabhAtasandhyeva japAsumA~NgI tamonihantrI cha puraH sthitA.a.attha || 19\-7||
jAne dashAM vo vasudevaputro bhUtvA harirduShTajanAn nihantA |
tadarthashaktIrahamasya dadyAmaMshena jAyeya cha nandaputrI || 19\-8||
yUyaM cha sAhAyyamamuShya kartumaMshena devA dayitAsametAH |
jAyedhvamurvyAM jagato.astu bhadramevaM vinirdishya tirodadhAtha || 19\-9||
vichitraduShTAsurabhAvabhAranipIDitaM me hR^idayaM maheshi |
atrAvatIryedamapAkuru tvaM mAtA hi me te varade namo.astu || 19\-10||

\section{20 viMshadashakaH  \-    devakIputravadhaM}
athorupuNye mathurApure tu vibhUShite mauktikamAlikAbhiH |
shrIdevakIshaurivivAhara~Nge sarvaiH shrutaM vyomavachaH sphuTArtham || 20\-1||
avehi bho devakanandanAyAH suto.aShTamaH kaMsa tavAntakaH syAt |
shrutveti tAM hantumasiM dadhAnaH kaMso niruddho vasudevamukhyaiH || 20\-2||
athAha shauriH shR^iNu kaMsa putrAn dadAmi te.asyAH shapathaM karomi |
etadvacho me vyabhicharyate chenmatpUrvajAtA narake patantu || 20\-3||
shraddhAya shaurervachanaM prashAntastAM devakIM bhojapatirmumocha |
sarve cha tuShTA yadavo nagaryAM tau dampatI choShaturAttamodam || 20\-4||
kAle satI putramasUta tAtaH kaMsAya nishsha~NkamadAtsutaM svam |
hantA na me.ayaM shishurityudIrya taM pratyadAdbhojapatishcha tasmai || 20\-5||
athAshu bhUbhAravinAshanAkhyatvannATakaprekShaNakautukena |
shrInAradaH sarvavidetya kaMsamadR^ishyahAsaM sakalaM jagAda || 20\-6||
tvaM bhUpa daityaH khalu kAlanemirjagatprasiddho hariNA hatashcha |
tato.atra jAto.asi surA harishcha tvAM hantumichChantyadhunA.api shatrum || 20\-7||
devAstadarthaM nararUpiNo.atra vraje cha jAtA vasudevamukhyAH |
nandAdayashcha tridashA ime na visrambhaNIyA na cha bAndhavAste || 20\-8||
tvaM vyomavANIM smara devakasya putryAH suteShvaShTamatAM gataH san |
sa tvAM nihantA harireva shatruralpo.api nopekShya itIryate hi || 20\-9||
sarvAtmajAnAM nR^ipa melane.asyAH sarve.aShTamAH syuH prathame cha sarve |
mAyAvinaM viddhi hariM sadeti gate munau krodhamiyAya kaMsaH || 20\-10||
sa devakIsUnumaraM jaghAna kArAgR^ihe tAM patimapyabadhnAt |
tayoH sutAn ShaT khalu jAtamAtrAn hatvA kR^itaM svaM hitameva mene || 20\-11||
kAyena vAchA manasendriyairvA mA jAtu pApaM karavANi devi |
mamAstu satkarmaratiH priyaste bhavAni bhaktaM kuru mAM namaste || 20\-12||

\section{21 ekaviMshadashakaH \-    nandasutAvatAraH}
sarve.api jIvA nijakarmabaddhA ete ShaDAsandruhiNasya pautrAH |
tannindayA daityakule prajAtAH punashcha shaptA janakena daivAt || 21\-1||
tenaiva te shaurisutatvamAptA hatAshcha kaMsena tu jAtamAtrAH |
shrInAradenarShivareNa devi j~nAtaM purAvR^ittamidaM samastam || 21\-2||	
prAgdampatI chAditikashyapau hA svakarmadoSheNa punashcha jAtau |
tau devakIshUrasutau svaputranAshAdibhirduHkhamavApatushcha || 21\-3||
tvaM devakIsaptamagarbhato vai gR^ihNantyanantAMshashishuM svashaktyA |
niveshya rohiNyudare dharaNyAM martyo bhavetyachyutamAdishashcha || 21\-4||
prAkkarmadoShAtsa suhR^inmaghonaH kruddhena shapto bhR^iguNA murAriH |
dayArhasaMsAridashAmavApsyan hA devakIgarbhamathAvivesha || 21\-5||
pUrNe tu garbhe harirarddharAtre kArAgR^ihe devakanandanAyAH |
jaj~ne suteShvaShTamatAmavAptaH shaurirvimukto nigaDaishcha bandhAt || 21\-6||
vyomotthavAkyena tavaiva bAlaM gR^ihNannadR^iShTaH khalu gehapAlaiH |
nidrAM gataistvadvivR^itena shaurirdvAreNa yAto bahirAttatoSham || 21\-7||
tvaM svechChayA gopakule yashodAnandAtmajA svApitajIvajAle |
ajAyathA bhaktajanArtihantrI sarvaM niyantrI sakalArthadAtrI || 21\-8||
tava prabhAvAdvasudeva eko gachChannabhIto yamunAmayatnam |
tIrtvA nadIM gokulamApa tatra dAsyAH kare svaM tanayaM dadau cha || 21\-9||
tayaiva dattAmatha bAlikAM tvAmAdAya shIghraM sa tato nivR^ittaH |
kArAgR^ihaM prApya dadau priyAyai sa chAbhavatpUrvavadeva baddhaH || 21\-10||
tvadrodanotthApitagehapAlairnivedito bhojapatiH sametya |
tvAM pAdayugmagrahaNena kurvannadhaHshiraskAM niragAdgR^ihAntAt || 21\-11||
sa pothayAmAsa shilAtale tvAM sadyaH samutpatya karAdamuShya |
divi sthitA sha~NkhagadAdihastA suraiH stutA smeramukhI tvamAttha || 21\-12||
vadhena kiM me tava kaMsa jAtastavAntakaH kvApyavidUradeshe |
mA druhyatAM sAdhujano hitaM svaM vichintayetyuktavatI tiro.abhUH || 21\-13||
sa bhojarAT svAntakanAshanAya sarvAn shishUn hantumaraM baliShThAn |
vatsAghamukhyAnasurAnniyujya kR^itArthamAtmAnamamanyatochchaiH || 21\-14||
kaMso.asti me chetasi kAmalobhakrodhAdimantripravaraiH sametaH |
sadbhAvahantA khalu nandaputri taM nAshaya tvachcharaNaM namAmi || 21\-15||

\section{22 dvAviMshadashakaH  \-    kR^iShNakathA  }
shriyaHpatirgomalamUtragandhinyastaprabho gopakule viShaNNaH |
kR^iShNAbhidho vatsabakAdibhIto rudan sadA devI ninAya bAlyam || 22\-1||
haiya~NgavInaM mathitaM payashcha gopIrvilajjaH satataM yayAche |
sa chAmbayA gorasachauryachu~nchurulUkhale pAshavareNa baddhaH || 22\-2||
vaneShu bhImAtapashuShkagAtro gAshchArayan kaNTakaviddhapAdaH |
vanyAmbupAyI phalamUlabhakShI dine dine glAnimavApa kR^iShNaH || 22\-3||
daivena muktaH sa cha gopadAsyAdakrUranIto mathurAM praviShTaH |
kaMsaM nihatyApi hatAbhilAShastatrograsenasya babhUva dAsaH || 22\-4||
dR^iShTvA jarAsandhachamUM bhayena sa bandhumitro mathurAM vihAya |
dhAvan katha~nchidbahudurgamArtaH sa dvArakAdvIpapuraM vivesha || 22\-5||
sa rukmiNIM jAmbavatIM cha bhAmAM kanyAstathA dvyaShTasahasramanyAH |
samudvahan sasmitanarmalApaH krIDAmR^igo.abhUtsatataM vadhUnAm || 22\-6||
sa dasyuvR^ittistridivAjjahAra bhAmAniyuktaH surapArijAtam |
satyA cha taM govR^iShavatsaroShaM baddhvA tarau durvachasA.abhyaShi~nchat || 22\-7||
shrInAradAyAtithaye tayA sa dattotha mukto muninA cha nItaH |
tatastayA.asmai kanakaM pradAya punargR^ihItastrapayA.a.apa maunam || 22\-8||
sUtIgR^ihAdbhIShmakajAsute sa pradyumnanAmnIshvari shambareNa |
hR^ite shishau nirmathitAbhimAna uchchai rudaMstvAM sharaNaM prapannaH || 22\-9||
putrArthinIM jAmbavatImaputrAM sa toShayiShyannupamanyushiShyaH |
muNDI cha daNDI cha shivasya shaile mantraM japan ghoratapashchakAra || 22\-10||
vareNa bhargasya dashAtmajAn sA prAsUta sarvA dayitAshcha shaureH |
tathaiva labdhvA sa sutAyutAni sukhaM na lebhe nijakarmadoShAt || 22\-11||
shApAdR^iShINAM dhR^itarAShTrapatnyAshchAnyonyavaireNa kR^itAhaveShu |
sarve hatA hanta kulaM yadUnAM mahatpradagdhaM vanamagnineva || 22\-12||
vyAdheShuviddho mR^itimApa kR^iShNaH kushasthalI chAbdhijalAplutA.abhUt |
hA jahrire dasyubhirenasA.aShTAvakrasya shApena yadustriyashcha || 22\-13||
evaM hariH karmaphalAnyabhu~Nkta na ko.api muchyeta cha karmabandhAt |
duHkhaM tvabhaktasya sudussahaM syAdbhaktasya te tatsusahaM bhavechcha || 22\-14||
jAnAsyahaM te padayorabhakto bhakto nu kiM veti na chaiva jAne |
tvaM sarvashaktA kuru mAM sushaktaM sarvatra bhUyo.api shive namaste || 22\-15||

\section{23 trayoviMshadashakaH \-    mahAlakShmyavatAraH}
rambhasya putro mahiShAsuraH prAk tIvraistapobhirdruhiNAtprasannAt |
avadhyatAM pumbhiravApya dhR^iShTo na me mR^itiH syAditi cha vyachintIt || 23\-1||
sa chikShurAdyairasuraiH sametaH shakrAdidevAnyudhi padmajaM cha |
rudraM cha viShNuM cha vijitya nAke vasan balAdyaj~nahavirjahAra || 23\-2||
chiraM bhR^ishaM daityanipIDitAste devAH samaM padmajasha~NkarAbhyAm |
hariM sametyAsuradauShTyamUchUstvAM saMsmaran devi murArirAha || 23\-3||
surA vayaM tena raNe.atighore parAjitA daityavaro baliShThaH |
matto bhR^ishaM pumbhiravadhyabhAvAnna naH striyo yuddhavichakShaNAshcha || 23\-4||
tejobhirekA bhavatIha nashchetsaivAsurAn bhImabalAnnihantA |
yathA bhavatyetadaraM tathaiva saMprArthayAmo.avatu no maheshI || 23\-5||
evaM harau vaktari padmajAtAttejo.abhavadrAjasaraktavarNam |
shivAdabhUttAmasaraupyavarNaM nIlaprabhaM sAttvikamachyutAchcha || 23\-6||
tejAMsyabhUvan vividhAni shakramukhAmarebhyo miShato.akhilasya |
samyogatastAnyachireNa mAtaH strIrUpamaShTAdashahastamApuH || 23\-7||
tattu tvamAsIH shubhade mahAlakShmyAkhyA jaganmohanamohanA~NgI |
tvaM hyeva bhaktAbhayadAnadakShA bhaktadruhAM bhItikarI cha devi || 23\-8||
sadyastvamuchchaishchakR^iShe.aTTahAsaM surAH prahR^iShTA vasudhA chakampe |
chukShobha sindhurgirayo vichelurdaityashcha matto mahiShashchukopa || 23\-9||
tvAM sundarIM chAramukhAt sa daityo vij~nAya kAmI visasarja dUtam |
sa cheshvarIM daityaguNAn pravaktA tvAM netukAmo viphalodyamo.abhUt || 23\-10||
pralobhanaistvAmatha devashaktiM j~nAtvA.api vAkyairanunetukAmaH |
ekaikashaH preShayatisma dUtAn tvAM kAminIM kartumime na shekuH || 23\-11||
avehi mAM puchChaviShANahInaM bhAraM vahantaM mahiShaM dvipAdam |
hiMsanti mAM svarthijanAstvameva rakShAkarI me shubhade namaste || 23\-12||

\section{24 chaturviMshadashakaH \-    mahiShAsuravadham \- devIstutiH}
devi tvayA bAShkaladurmukhAdidaityeShu vIreShu raNe hateShu |
sadvAkyatastvAmanunetukAmo moghaprayatno mahiShashchukopa || 24\-1||
tvAM kAmarUpaH khurapuchChashR^i~NgairnAnAstrashastraishcha bhR^ishaM prahartA |
garjan vinindan prahasan dharitrIM prakampayaMshchAsurarADyuyodha || 24\-2||
japAruNAkShI madhupAnatuShTA tvaM chAriNA.arermahiShasya kaNTham |
ChitvA shiro bhUmitale nipAtya raNA~NgaNasthA vibudhaiH stutA.abhUH || 24\-3||
mAtastvayA no vipado nirastA ashakyamanyairidamadbhutA~Ngi |
brahmANDasargasthitinAshakartrIM kastvAM jayet kena kathaM kuto vA || 24\-4||
vidyAsvarUpA.asi maheshi yasmin sa vai pareShAM sukhadaH kavishcha |
tvaM vartase yatra sadA.apyavidyAsvarUpiNI sa tvadhamaH pashuH syAt || 24\-5||
kR^ipAkaTAkShAstava devi yasmin patanti tasyAtmajavittadArAH |
yachChanti saukhyaM na patanti yasmin ta eva duHkhaM dadate.asya nUnam || 24\-6||
pashyAma nityaM tava rUpametatkathAshcha nAmAni cha kIrtayAma |
namAma mUrdhnA padapa~Nkaje te smarAma kAruNyamahApravAham || 24\-7||
tvameva mAtA.asi divaukasAM no nAnyA dvitIyA hitadAnadakShA |
anye sutA vA tava santi no vA na rakShitA nastvadR^ite maheshi || 24\-8||
kva tvaM vayaM kveti vichintya sarvaM kShamasva no devyaparAdhajAlam |
yadA yadA no vipado bhavanti tadA tadA pAlaya pAlayAsmAn || 24\-9||
iti stuvatsu tridasheShu sadyaH kR^ipAshrunetraiva tirodadhAtha |
tato jagaddevi vibhUtipUrNaM babhUva dharmiShThasamastajIvam || 24\-10||
tvAM saMsmareyaM na cha vA smareyaM vipatsu mA vismara mAM vimUDham |
rudan biDAlArbhakavanna ki~nchichChaknomi kartuM shubhade namaste || 24\-11||

\section{25 pa~nchaviMshadashakaH \-    mahAsarasvatyavatAraH }
sumbhAdivadham
athAmarAH shatruvinAshatR^iptAshchirAya bhaktyA bhavatIM bhajantaH |
mandIbhavadbhaktihR^idaH krameNa punashcha daityAbhibhavaM samIyuH || 25\-1||
sumbho nisumbhashcha sahodarau svaiH prasAditAtpadmabhavAttapobhiH |
strImAtravadhyatvamavApya devAn jitvA raNe.adhyUShaturaindralokam || 25\-2||
bhraShTashriyaste tu gurUpadeshAddhimAdrimAptA nunuvuH surAstvAm |
teShAM purashchAdrisutA.a.avirAsItsnAtuM gatA sA kila devanadyAm || 25\-3||
taddehakoshAttvamajA prajAtA yataH prasiddhA khalu kaushikIti |
mahAsarasvatyabhidhAM dadhAnA tvaM rAjasIshaktiritIryase cha || 25\-4||
himAdrishR^i~NgeShu manoharA~NgI siMhAdhirUDhA mR^idugAnalolA |
shrotrANi netrANyapi dehabhAjAM chakarShithAShTAdashabAhuyuktA || 25\-5||
vij~nAya sumbhaH kila dUtavAkyAttvAM mohanA~NgIM dayitAM chikIrShuH |
tvadantike preShayatisma dUtAnekaikashaH snigdhavachovilAsAn || 25\-6||
tvAM prApya te kAlikayA sametAmekaikashaH sumbhaguNAn prabhAShya |
patnI bhavAsyeti kR^itopadeshAstatprAtikulyAtkupitA babhUvuH || 25\-7||
sumbhAj~nayA dhUmravilochanAkhyo raNodyataH kAlikayA hato.abhUt |
chaNDaM cha muNDaM cha nihatya kAlI tvatphAlajA tadrudhiraM papau cha || 25\-8||
chAmuNDiketi prathitA tataH sA tvAM raktabIjo.adha yuyutsurApa |
yadraktabindUdbhavaraktabIjasa~NghairjagadvyAptamabhUdasheSham || 25\-9||
brahmendrapAshyAdikadevashaktikoTyo raNaM chakrurarAtisa~NghaiH |
tatsa~NgaraM varNayituM na shaktaH sahasrajihvo.api punaH kimanye || 25\-10||
raNe.atighore vivR^itAnanA sA kAlI svajihvAM khalu chAlayantI |
tvachChastrakR^ittAkhilaraktabIjaraktaM papau garjanabhItadaityA || 25\-11||
tvayA nisumbhasya shIro nikR^ittaM sumbhasya tatkAlikayA.api chAnte |
anye.asurAstvAM shirasA praNamya pAtAlamApustvadanugraheNa || 25\-12||
hateShu devA ripuShu praNamya tvAM tuShTuvuH svargamaguH punashcha |
te pUrvavadyaj~nahavirharanto bhUmAvavarShan jahR^iShushcha martyAH || 25\-13||
mAtarmadIye hR^idi santi dambhadarpAbhimAnAdyasurA baliShThAH |
nihatya tAn dehyabhayaM sukhaM cha tvameva mAtA mama te namo.astu || 25\-14||

\section{26 ShaDviMshadashakaH  \-    surathakathA}
rAjA purA.a.asit surathAbhidhAnaH svArochiShe chaitrakulAvataMsaH |
manvantare satyarato vadAnyaH samyakprajApAlanamAtraniShThaH || 26\-1||
vIro.api daivAtsamare sa kolAvidhvaMsibhiH shatrubalairjitaH san |
tyaktvA svarAjyaM vanametya shAntaM sumedhasaM prApa muniM sharaNyam || 26\-2||
tapovanaM nirbhayamAvasandrumachChAyAshritaH shItalavAtapR^iktaH |
sa ekadA rAjyagR^ihAdichintAparyAkulaH ka~nchidapashyadArtam || 26\-3||
rAjA tamUche suratho.asmi nAmnA jito.aribhirbhraShTavibhUtijAlaH |
gR^ihAdichintAmathitAntara~NgaH kuto.asi kastvaM vada mAM samastam || 26\-4||
shrutveti sa pratyavadatsamAdhinAmA.asmi vaishyo hR^itasarvavittaH |
patnIsutAdyaiH svagR^ihAnnirastastathA.api sotkaNThamimAn smarAmi || 26\-5||
anena sAkaM suratho vinIto muniM praNamyAha samadhinAmA |
gR^ihAnnirasto.api gR^ihAdichintAM karoti sotkaNThamayaM maharShe || 26\-6||
brahmaiva satyaM paramadvitIyaM mithyA jagatsarvamidaM cha jAne |
tathA.api mAM bAdhata eva rAjyagR^ihAdichintA vada tasya hetum || 26\-7||
Uche tapasvI shR^iNu bhUpa mAyA sarvasya hetuH saguNA.aguNA sA |
bandhaM cha mokShaM cha karoti saiva sarve.api mAyAvashagA bhavanti || 26\-8||
j~nAnaM harerasti vidheshcha kintu kvachitkadAchinmilitau mithastau |
vimohitau kastvamare nu kastvamevaM vivAdaM kila chakratuH sma || 26\-9||
j~nAnaM dvidhaikaM tvaparokShamanyatparokShamapyetadavehi rAjan |
AdyaM maheshyAH kR^ipayA viraktyA bhaktyA mahatsa~Ngamatashcha labhyam || 26\-10||
ya etadApnoti sa sarvamukto dveShashcha rAgashcha na tasya bhUpa |
j~nAnaM dvitIyaM khalu shAstravAkyavichArato buddhimataiva labhyam || 26\-11||
shamAdihIno na cha shAstravAkyavichAramAtreNa vimuktimeti |
devyAH kaTAkShairlabhate cha bhuktiM muktiM cha sA kevalabhaktigamyA || 26\-12||
sampUjya tAM sAkamanena durgAM kR^itvA prasannAM svahitaM labhasva |
shrutvA munervAkyamubhau maheshi tvAM pUjayAmAsaturiddhabhaktyA || 26\-13||
varShadvayAnte bhavatIM samIkShya svapne satoShAvapi tAvatR^iptau |
didR^ikShayA jAgrati chApi bhaktAvAcheraturdvau kaThinavratAni || 26\-14||
varShatrayAnte sumukhIM prasannAM tvAM vIkShya tau tuShTuvatuH prahR^iShTau |
daivAtsamAdhistvadanugraheNa labdhvA paraM j~nAnamavApa muktim || 26\-15||
bhogAviraktaH surathastu shIghraM niShkaNTakaM rAjyamavApa bhUyaH |
manvantare bhUpatiraShTame sa sAvarNinAmA cha manurbabhUva || 26\-16||
tvaM bhuktikAmAya dadAsi bhogaM mumukShave saMsR^itimochanaM cha |
ki~nchinna pR^ichChAmi paraM vimUDho namAmi te pAdasarojayugmam || 26\-17||

\section{27 saptaviMshadashakaH \-    shatAkShyavatAraH}
daityaH purA kashchana durgamAkhyaH prasAditAtpadmabhavAttapobhiH |
avaidikaM vaidikamapyagR^ihNAnmantraM samastaM diviShajjayaiShI || 27\-1||
vede gR^ihIte ditijena viprAH shrutisthirA vismR^itavedamantrAH |
sAndhyAni karmANyapi naiva chakruH kShitistvavedAdhyayanA babhUva || 27\-2||
hR^iteShu mantreShvakhileShu pUjAyaj~nAdi bhUmau na kR^itaM manuShyaiH |
surA ashaktAstadalAbhakhinnA daityena yuddhe balinA jitAshcha || 27\-3||
tyaktvA divaM te girigahvareShu nilIya varShANi bahUni ninyuH |
vR^iShTerabhAvAddharaNI cha shuShkajalAshayA tarShanipIDitA.abhUt || 27\-4||
sarve tR^iShArtAshcha himAdrimetya tvAM dhyAnapUjAnutibhirbhajantaH |
prasAdayAmAsuranekakoTibrahmANDakartrImakhilArtihantrIm || 27\-5||
dR^iShTA dayArdrAkShishatA tvamebhiH kR^ipAshruvarShairnavarAtramurvyAm |
jalAshayAnpUrNajalAMshchakartha janAH shatAkShItyabhidhAM daduste || 27\-6||
kShutpIDitAnAM cha charAcharANAM sarvatra nAnAvidhamannamiShTam |
svAdUni mUlAni phalAni chAdAH shAkambharIti prathitA tato.abhUH || 27\-7||
daityastu vij~nAya samastamastrashastraiH sasainyaH praharan vapuste |
raNA~NgaNe sAyakaviddhagAtraH sashabdamurvyAM taruvatpapAta || 27\-8||
sa chAsurAtmA khalu vedamantrAn chiraM paThaMstvAmabhivIkShamANaH |
gatAyurAvishya parAtmani tvayyavApa muktiM miShatAM surANAm || 27\-9||
vedAnhR^itAnabjabhavAnane tvaM punashcha nikShipya jagatsurakShAm |
kR^itvA nutA devagaNairnaraishcha tuShTA tiro.abhUH karuNArdranetrA || 27\-10||
bhaktasya vai durgatinAshinI tvaM sukhapradA durgamahantri mAtaH |
durgeti nAmnA viditA cha loke vichitrarUpAstava devi lIlAH || 27\-11||
ko.apyasti chitte mama durgamo.ayaM j~nAtastvayA naiva mayA tu devi |
yaH santataM druhyati me tamAshu saMhR^itya mAM rakSha namo namaste || 27\-12||

\section{28 aShTAviMshadashakaH \-    shaktyavamAnadoShaH}
hAlAhalAkhyAnasurAn purA tu nijaghnaturviShNuharau raNAnte |
svenaiva vIryeNa jayo.ayamevaM tau mohitau darpamavApatushcha || 28\-1||
tato vidhistau taruvadvicheShTau tejovihInAvabhivIkShya bhItaH |
nimIlitAkShaH sakalaM vichintya jAnan sutAn dakShamukhAnuvAcha || 28\-2||
putrA hariM pashyata dhUrjaTiM cha yau naShTashaktI khalu shaktikopAt |
tato jagadbhArayuto.asmi yUyaM shaktiM tapobhiH kuruta prasannAm || 28\-3||
shakteH prasAdena hi pUrvavattau syAtAM yashovR^iddhiranena vaH syAt |
shaktishcha yatrAvataratyamoghametatkulaM yAti kR^itArthatAM cha || 28\-4||
shakteH kaTAkShairjagato.astu bhadramevaM nishamyAshu himAdrimetya |
dakShAdayo dhyAnajapAdibhistvAmArAdhya bhaktyA.abdashatAni ninyuH || 28\-5||
dR^iShTA purastaistu nutA tvamAttha bhItyAlamArtyA cha hitaM dadAmi |
gaurI cha lakShmIshcha mamaiva shaktI te shambhave prAg haraye cha datte || 28\-6||
tau shaktisAhAyyata eva daityAnnijaghnatuH satyamidaM tu tAbhyAm |
hA vismR^itaM shaktyavamAnadoShAdvinaShTashaktI khalu tAvabhUtAm || 28\-7||
tau pUrvavatstAmiha shaktirekA jAyeta dakShasya kule madIyA |
kShIrAbdhito.anyA cha purArirAdyAM gR^ihNAtu pashchAditarAM cha viShNuH || 28\-8||
sarve svashaktiM paripUjya mAyAbIjAdimantrAnvidhivajjapantaH |
virATsvarUpaM mama rUpametatsachchitsvarUpaM cha sadA smareta || 28\-9||
prayAta tuShTA jagatAM shubhaM syAdevaM tvamAbhAShya tirodadhAtha |
kAruNyataste girisho harishcha shaktAvabhUtAM nijakarma kartum || 28\-10||
mAtaH kaTAkShA mayI te patantu mA mA.astu me shaktyavamAnapApam |
sarvAnsvadharmAn karavANyabhIto bhadraM mama syAtsatataM namaste || 28\-11||

\section{29 ekonatriMshadashakaH \-    devIpIThotpattiH}
athaikadA.adR^ishyata dakShagehe shAktaM mahastachcha babhUva bAlA |
vij~nAya te shaktimimAM jagatsu sarve.api hR^iShTA abhavan kShaNashcha || 29\-1||
dakShaH svagehApatitAM chakAra nAmnA satIM poShayati sma tAM saH |
smaran vachaste girishAya kAle pradAya tAM dvau samatoShayachcha || 29\-2||
evaM shivaHshaktiyutaH punashcha babhUva gachChatsu dineShu dakShaH |
daivAchChivadveShamavApa dehaM tatpoShitaM svaM vijahau satI cha || 29\-3||
duHkhena kopena cha hA satIti muhurvadannuddhR^itadAradehaH |
babhrAma sarvatra haraH sureShu pashyatsu shAr~NgI shivamanvachArIt || 29\-4||
rudrAMsavinyastasatIsharIraM viShNuH sharaughairbahushashchakarta |
ekaikashaH peturamuShya khaNDA bhUmau shive sAShTashataM sthaleShu || 29\-5||
yato yataH peturime sthalAni sarvANi tAni prathitAni loke |
imAni pUtAni bhavAni devIpIThAni sarvAghaharANi bhAnti || 29\-6||
tvamekamevAdvayamatra bhinnanAmAni dhR^itvA khalu mantratantraiH |
sampUjyamAnA sharaNAgatAnAM bhuktiM cha muktiM cha dadAsi mAtaH || 29\-7||
nirviNNachittaH sa satIviyogAchChivaH smaraMstvAM kuhachinniShaNNaH |
samAdhimagno.abhavadeSha lokaH shaktiM vinA hA viraso.alasashcha || 29\-8||
chintAkulA mohadhiyo vishIrNatoShA mahAroganipIDitAshcha |
saubhAgyahInA vihatAbhilAShAH sarve sadodvignahR^ido babhUvuH || 29\-9||
shivo.api shaktyA sahitaH karoti sarvaM viyuktashcha tayA jaDaH syAt |
mA mA.astu me shaktiviyoga eSha dAso.asmi bhUyo varade namaste || 29\-10||

\section{30 triMshadashakaH  \-    shrIpArvatyavatAraH}
samAdhimagne girishe viri~nchAttapaHprasannAtkila tArakAkhyaH |
daityo varaM prApya vijitya devAn sabAndhavaH svargasukhAnyabhu~Nkta 1 ||
varaiH sa bhargaurasaputramAtravadhyatvamApto.asya cha patnyabhAvAt |
sarvAdhipatyaM svabalaM cha mohAnmatto bhR^ishaM shAshvatameva mene || 30\-2||
naShTAkhilAH shrIharaye surAste nivedayAmAsurasheShaduHkham |
sa chAha devA anayena nUnamupekShate no jananI kR^ipArdrA || 30\-3||
tadvismR^iterjAtamidaM kareNa yaShTyA cha yA tADayati svaputram |
tAmeva bAlaH sa nijeShTadAtrIM sAsraM rudanmAtaramabhyupaiti || 30\-4||
mAtA hi naH shaktirimAM prasannAM kuryAma bhaktyA tapasA cha shIghram |
sarvApadaH saiva hariShyatIti shrutvAmarAstvAM nunuvurmaheshi || 30\-5||
nishamya teShAM shrutivAkyagarbhastutiM prasannA vibudhAMstvamAttha |
alaM viShAdena surAH samastaM jAne hariShyAmi bhayaM drutaM vaH || 30\-6||
himAdriputrI vibudhAstadarthaM jAyeta gaurI mama shaktirekA |
sA cha pradeyA vR^iShabhadhvajAya tayoH sutastaM ditijaM cha hanyAt || 30\-7||
itthaM nishamyAstabhayeShu deveShvabhyarthitA devi himAchalena |
tvaM varNayantI nijatattvamebhyaH pradarshayAmAsitha vishvarUpam || 30\-8||
sahasrashIrShaM cha sahasravaktraM sahasrakarNaM cha sahasranetram |
sahasrahastaM cha sahasrapAdamanekavidyutprabhamujjvalaM cha || 30\-9||
dR^iShTvedamIshvaryakhilairbhiyoktA tvaM chopasaMhR^itya virATsvarUpam |
kR^ipAvatI smeramukhI punashcha nivR^ittimArgaM giraye nyagAdIH || 30\-10||
uktvA.akhilaM saMsR^itimuktimArgaM sureShu pashyatsu tirodadhAtha |
shrutvA.adrimukhyAstava gItamuchchairdevA japadhyAnaparA babhUvuH || 30\-11||
athaikadA prAdurabhUddhimAdrau shAktaM maho dakShagR^ihe yathA prAk |
krameNa taddevi babhUva kanyA sA pArvatIti prathitA jagatsu || 30\-12||
himAdriNaiShA cha harAya dattA tayoH sutaH skanda iti prasiddhaH |
sa tArakAkhyaM ditijaM nihatya rarakSha lokAnakhilAn maheshi || 30\-13||
durvAsasaH shApabalena shakro naShTAkhilashrIrvachanena viShNoH |
kShIrodadhiM sAsuradevasa~Ngho mamantha tasmAdudabhUchcha lakShmIH || 30\-14||
yA pUjitendreNa ramA tavaikA shaktiH svaraishvaryapunaHpradAnAt |
shApAnmunerdevagaNAnvimochya kaTAkShataste harimApa bhUyaH || 30\-15||
tvaM sarvashaktirna jitA.asi kenApyanyAn jayasyeva sadA sharaNyA |
mAteva patnIva suteva vA tvaM vibhAsi bhaktasya namo namaste || 30\-16||

\section{31 ekatriMshadashakaH \-    bhrAmaryavatAraH}
kashchitpurA mantramudIrya gAyatrIti prasiddhaM ditijo.aruNAkhyaH |
chirAya kR^itvA tapa AtmayoneH prasAditAdApa varAnapUrvAn || 31\-1||
strIpumbhirastraishcha raNe dvipAdaishchatuShpadaishchApyubhayAtmakaishcha |
avadhyatAM devaparAjayaM cha labdhvA sa dR^ipto divamAsasAda || 31\-2||
raNe jitA daityabhayena lokapAlaiH saha svasvapadAni hitvA |
devA drutAH prApya shivaM ripUNAM saMyagvadhopAyamachintayaMshcha || 31\-3||
tadA.abhavatkApyasharIriNI vAgbhajeta devIM shubhameva vaH syAt |
daityo.aruNo vardhayatIha gAyatryupAsanenAtmabalaM tvadhR^iShyam || 31\-4||
yadyeSha taM mantrajapaM jahAti sa durbalaH sAdhyavadho.api cha syAt |
evaM nishamya tridashaiH prahR^iShTairabhyarthito devaguruH pratasthe || 31\-5||
sa prApa daityaM yatirUpadhArI pratyudgato mantrajapAtisaktam |
smitArdramUche kushalI sabandhumitro bhavAn kiM jagadekavIra || 31\-6||
daityasya te mantrajapena kiM yo nUnaM baliShThaM tvabalaM karoti |
yenaiva devA abalA raNeShu tvayA jitAstvaM svahitaM kuruShva || 31\-7||
saMnyAsino mantrajapena rAgadveShAdi jetuM satataM yatante |
na tvaM yatirnApi mumukShurarthakAmAtisaktasya japena kiM te || 31\-8||
ekaM hi mantraM samupAsvahe dvau tenAsi mitraM mama tadvadAmi |
mantrashcha me muktida eva tubhyaM vR^iddhiM na dadyAdayamityavehi || 31\-9||
bR^ihaspatAvevamudIrya yAte satyaM taduktaM ditijo vichintya |
kramAjjahau mantrajapaM sadA hi mUDhaH paraproktavineyabuddhiH || 31\-10||
evaM gurau kurvati daityabhItaiH kR^itvA tapoyogajapAdhvarAdi |
jAmbUnadeshvaryamaraiH stutA tvaM prasAditA prAdurabhUH kR^ipArdrA || 31\-11||
tvaddehajAtairbhramarairanantairdaityaH sasainyo viphalAstrashastraH |
daShTo hatastvaM cha nutiprasannA pashyatsu deveShu tirohitA.abhUH || 31\-12||
svadehato vai bhramarAn vidhAtrI tvaM bhrAmarIti prathitA jagatsu |
aho vichitrAstava devi lIlAH namo namaste bhuvaneshi mAtaH || 31\-13||

\section{32 dvAtriMshadashakaH  \-    yakShakathA}
purA surA varShashataM raNeShu nirantareShu tvadanugraheNa |
vijitya daityAn jananImapi tvAM vismR^itya dR^iptA nitarAM babhUvuH || 32\-1||
mayaiva daityA balavattareNa hatA na chAnyairiti shakramukhyAH |
devA abhUvannatidarpavantastvaM devi chAntaH kuruShe sma hAsam || 32\-2||
tachchittadarpAsuranAshanAya tejomayaM yakShavapurdadhAnA |
tvaM nAtidUre svayamAvirAsIstvAM vAsavAdyA dadR^ishuH suraughAH || 32\-3||
sadyaH kilAsha~Nkyata tairidaM kiM mAyA.a.asurI veti tato maghonA |
agnirniyukto bhavatImavAptaH pR^iShTastvayA ko.asi kuto.asi cheti || 32\-4||
sa chAha sarvairvidito.agnirasmi mayyeva tiShThatyakhilaM jagachcha |
shaknomi dagdhuM sakalaM havirbhu~NmadvIryato daityagaNA jitAshcha || 32\-5||
itIritA shuShkatR^iNaM tvamekaM puro nidhAyAttha dahaitadAshu |
evaM jvalannagniridaM cha dagdhuM kurvan prayatnaM na shashAka mattaH || 32\-6||
sa naShTagarvaH sahasA nivR^ittastato.anilo vajrabhR^itA niyuktaH |
tvAM prAptavAnagnivadeva pR^iShTo devi svamAhAtmyavacho babhAShe || 32\-7||
mAM mAtarishvAnamavehi sarve vyApAravanto hi mayaiva jIvAH |
na prANinaH santi mayA vinA cha gR^ihNAmi sarvaM chalayAmi vishvam || 32\-8||
ityuktamAkarNya tR^iNaM tadeva pradarshya chaitachchalayetyabhANIH |
prabha~njanastatsa cha karma kartumashakta evAstamado nivR^ittaH || 32\-9||
athAtimAnI shatamanyurantaragniM cha vAyuM cha hasannavApa |
tvAM yakSharUpAM sahasA tiro.abhUH so.adahyatAntaH svalaghutvabhItyA || 32\-10||
atha shrutAkAshavacho.anusArI hrI~NkAramantraM sa chirAya japtvA |
pashyannumAM tvAM karuNAshrunetrAM nanAma bhaktyA shithilAbhimAnaH || 32\-11||
j~nAnaM paraM tvanmukhataH sa labdhvA kR^itA~njalirnamrashirA nivR^ittaH |
sarvAmarebhyaH pradadau tataste sarvaM tvadichChAvashagaM vyajAnan || 32\-12||
tataH surA dambhavimuktimApurbhavantu martyAshcha vinamrashIrShAH |
anyonyasAhAyyakarAshcha sarve mA yuddhavArtA bhuvanatraye.astu || 32\-13||
tvadichChayA sUryashashA~NkavahnivAyvAdayo devi surAH svakAni |
karmANi kurvanti na te svatantrAstasyai namaste.astu mahAnubhAve || 32\-14||

\section{33 trayastriMshadashakaH \-    gautamakathA}
shakraH purA jIvagaNasya karmadoShAtsamAH pa~nchadasha kShamAyAm |
vR^iShTiM na chakre dharaNI cha shuShkavApItaDAgAdijalAshayA.a.asIt || 33\-1||
sasyAni shuShkANi khagAn mR^igAMshcha bhuktvA.apyatR^iptAH kShudhayA tR^iShA cha |
nipIDitA martyashavAni chAho martyA aniShTAnyapi bhu~njate sma || 33\-2||
kShudhA.arditAH sarvajanA mahA.a.apadvimuktikAmA militAH kadAchit |
tapodhanaM gautamametya bhaktyA pR^iShTA muniM svAgamahetumUchuH || 33\-3||
vij~nAya sarvaM munirAT kR^ipAluH sampUjya gAyatryabhidhAM shive tvAm |
prasAdya dR^iShTvA cha tavaiva hastAllebhe navaM kAmadapAtramekam || 33\-4||
dukUlasauvarNavibhUShaNAnnavastrAdi gAvo mahiShAdayashcha |
yadyajjanairIpsitamAshu tattattatpAtrato devi samudbabhUva || 33\-5||
rogo na dainyaM na bhayaM na chaiva janA mitho modakarA babhUvuH |
te gautamasyogratapaHprabhAvamuchchairjagustAM karuNArdratAM cha || 33\-6||
evaM samA dvAdasha tatra sarve ninyuH kadAchinmiliteShu teShu |
shrInArado devi shashIva gAyatryAshcharyashaktiM pragR^iNannavApa || 33\-7||
sa pUjitastatra niShaNNa uchchairnivedya tAM gautamakIrtilakShmIm |
sabhAsu shakrAdisuraiH pragItAM jagAma santo jahR^iShuH kR^itaj~nAH || 33\-8||
kAle dharAM vR^iShTisamR^iddhasasyAM dR^iShTvA janA gautamamAnamantaH |
ApR^ichChya te sajjanasa~NgapUtA mudA javAtsvasvagR^ihANi jagmuH || 33\-9||
duHkhAni me santu yato mano me prataptasa~NghaTTitahemashobhi |
vishuddhamastu tvayI baddharAgo bhavAni te devi namo.astu bhUyaH || 33\-10||

\section{34 chatustriMshadashakaH \-    gautamashApaH}
svarvAsibhirgautamakIrttiruchchairgItA sabhAsu tridashaiH sadeti |
AkarNya devarShimukhAtkR^itaghnA dvijA babhUvuH kila serShyachittAH || 34\-1||
tairmAyayA.a.asannamR^itiH kR^itA gauH sA preShitA gautamahomashAlAm |
agAnmunerjuhvata eva vahnau hu~NkAramAtreNa papAta chorvyAm || 34\-2||
hatA hatA gauriha gautamenetyuchchairdvijAH prochya muniM nininduH |
sa cheddhakopaH pralayAnalAbhastAn raktanetraH prashapannuvAcha || 34\-3||
vrateShu yaj~neShu nivR^ittishAstreShvapi dvijA vo vimukhatvamastu |
niShiddhakarmAcharaNe ratAH sta striyaH prajA vo.api tathA bhavantu || 34\-4||
satsa~Ngamo mA.astu jagajjananyAH kathAmR^ite vo na ratiH khalu syAt |
pAShaNDakApAlikavR^ittipApaiH pIDA bhavedvo narakeShu nityam || 34\-5||
uktvaivamAryo muniretya gAyatryAkhyAM kR^ipArdrAM bhavatIM nanAma |
tvamAttha dugdhaM bhujagAya dattaM dAtuH sadA.anarthadameva viddhi || 34\-6||
sadedR^ishI karmagatirmaharShe shAntiM bhaja svaM tapa eva rakSha |
mA kupyatAmevamR^iShirnishamya mahAnutApArdramanA babhUva || 34\-7||
shaptA dvijA vismR^itavedamantrA labdhvA vivekaM militA muniM tam |
prAptAH prasIdeti muhurvadanto natvA trapAnamramukhA atiShThan || 34\-8||
kR^ipArdranetro munirAha na syAnmR^iShA vacho me narake vaseta |
jAyeta viShNurbhuvI kR^iShNanAmA vandeta taM shApavimochanArtham || 34\-9||
svapApamuktyarthamanantashaktiM devIM sadA dhyAyata bhaktipUtAH |
sarvatra bhUyAchChubhamityudIrya gAyatri dadhyau bhavatIM maharShiH || 34\-10||
mu~nchAni mA vAksharamanyachitte kR^itaghnatA mA.astu mamAntara~Nge |
nindAni mA sajjanameSha bhIto bhavAni pApAdvarade namaste || 34\-11||

\section{35 pa~nchatriMshadashakaH \-    anugrahavaichitryam}
bhAgyodaye trINi bhavanti nUnaM manuShyatA sajjanasa~Ngamashcha |
tvadIyamAhAtmyakathAshrutishcha yataH pumAMstvatpadabhaktimeti || 35\-1||
tataH prasIdasyakhilArthakAmAn bhaktasya yachChasyabhayaM cha mAtaH |
kShamAM kR^itAgassu karoShi chAryoranyonyavairaM shamayasyanIhA || 35\-2||
duShkIrtibhItyA pR^ithayA kumAryA tyaktaM taTinyAM sutamarkalabdham |
saMprArthitA tvaM paripAlayantI prAdarshayaH svaM karuNApravAham || 35\-3||
sutAn kurukShetraraNe hatAn svAn didR^ikShave mAtR^igaNAya kR^iShNaH |
saMprArthitastvatkaruNAbhiShiktaH pradarshya sarvAn samatoShayachcha || 35\-4||
vaNik sushIlaH khalu naShTavitto vrataM charan prA~NnavarAtramAryaH |
tvAM devi sampUjya daridrabhAvAnmuktaH kramAdvittasamR^iddhimApa || 35\-5||
devadruho devi raNe tvayaiva daityA hatA garhitadharmashAstrAH |
prahlAdamukhyAnasurAn svabhaktAn devAMshcha santyaktaraNAnakArShIH || 35\-6||
purandare pApatirohite tatsthAnAdhirUDhAnnahuShAtsmarArtAt |
bhItA shachI tvAM paripUjya dR^iShTvA patiM kramAdbhItivimuktimApa || 35\-7||
shapto vasiShThena nimirvideho bhUtvA.api devi tvadanugraheNa |
j~nAnaM paraM prApa nimeH prayogAnnimeShiNo jIvagaNA bhavanti || 35\-8||
hA bhArgavA lobhavikopachittaiH prapIDitA haihayavaMshajAtaiH |
himAdrimAptA bhavatIM prapUjya prasAdya bhIteH khalu muktimApuH || 35\-9||
dasrau yuvAnAM chyavanaM patiM cha samAnarUpAnabhidR^ishya mugdhA |
satI sukanyA tava saMsmR^itAyA bhaktyA prasAdAtsvapatiM vyAjAnAt || 35\-10||
satyavrato vipravadhUM prasahya hartA nirasto janakena rAjyAt |
vasiShThashapto.api tava prasAdAdrAjye.abhiShikto.atha divaM gatashcha || 35\-11||
hA hA harishchandranR^ipo vipatsu magnaH shatAkShIM paradevatAM tvAm |
saMsmR^itya sadyaH svavipannivR^ittaH kAruNyataste suralokamApa || 35\-12||
agastyapUjAM parigR^ihya devi vibhAsi vindhyAdrinivAsinI tvam |
drakShye kadA tvAM mama dehi bhaktiM kAruNyamUrtte satataM namaste || 35\-13||

\section{36 ShaTtriMshadashakaH  \-    mUlaprakR^itimahimA}
tvameva mUlaprakR^itistvamAtmA tvamasyarUpA bahurUpiNI cha |
durgA cha rAdhA kamalA cha sAvitryAkhyA sarasvatyapi cha tvameva || 36\-1||
durgA jagaddurgatinAshinI tvaM shrIkR^iShNalIlArasikA.asi rAdhA |
shobhAsvarUpA.asi gR^ihAdiShu shrIrvidyAsvarUpA.asi sarasvatI cha || 36\-2||
sarasvatI hA gurushApanaShTAM tvaM yAj~navalkyAya dadAtha vidyAm |
tvAmeva vANIkavachaM japantaH prasAdhya vidyAM bahavo.adhijagmuH || 36\-3||
tvaM devi sAvitryabhidhAM dadhAsi prasAdataste khalu vedamAtuH |
lebhe nR^ipAlo.ashvapatistanUjAM nAmnA cha sAvitryabhavatkilaiShA || 36\-4||
sA satyavantaM mR^itamAtmakAntamAjIvayantI shvashuraM vidhAya |
dUrIkR^itAndhyaM tanayAnasUta yamAdgurorApa cha dharmashAstram || 36\-5||
skandasya patnI khalu bAlakAdhiShThAtri cha ShaShThIti jagatprasiddhA |
tvaM devasenA dhanadA.adhanAnAmaputriNAM putrasukhaM dadAsi || 36\-6||
satkarmalabdhe tanaye mR^ite tu priyavrato.adUyata bhaktavaryaH |
taM jIvayitvA mR^itamasya datvA svabhaktavAtsalyamadarshayastvam || 36\-7||
tvameva ga~NgA tulasI dharA cha svAhA svadhA tvaM surabhishcha devi |
tvaM dakShiNA kR^iShNamayI cha rAdhA dadhAsi rAdhAmayakR^iShNatAM cha || 36\-8||
tvaM grAmadevI nagarAdhidevI vanAdhidevI gR^ihadevatA cha |
sampUjyate bhaktajanaishcha yA yA sA sA tvamevAsi mahAnubhAve || 36\-9||
yadyachChrutaM dR^iShTamapi smR^itaM cha tattattvadIyaM hi kalAMshajAlam |
na ki~nchanAstyeva shive tvadanyadbhUyo.api mUlaprakR^ite namaste || 36\-10||

\section{37 saptatriMshadashakaH \-    viShNumahattvam}
purA haristvAM kila sAttvikena prasAdayAmAsa makhena devi |
sureShu taM shreShThatamaM chakartha sa tena sarvatra babhUva pUjyaH || 37\-1||
adharmavR^iddhishcha yadA triloke dharmakShayashchApi tadA bhavatyA |
dharmaM samuddhartumadharmamR^iddhaM mArShTuM cha devyeSha niyujyate hi || 37\-2||
sa IDyate sarvata eva sarvaiH patnyA cha bhUtaishcha samaM girIshaH |
ilAvR^ite.apUruShasannidhAne sa~NkarShaNAkhyaM bhajate murArim || 37\-3||
tameva bhadrashravaso hayAsyaM bhadrAshvavarShe munayaH stuvanti |
prahlAda uchchairharivarShavAsI vishvArtishAntyai nR^ihariM cha nauti || 37\-4||
shrIH ketumAle khalu kAmarUpaM taM ramyake matsyatanuM manushcha |
hiraNmaye kUrmasharIrabhAjaM stuvanti nArAyaNamaryamA cha || 37\-5||
mahAvarAhaM kuruShUttareShu bhU rAghavaM kimpuruShe hanUmAn |
taM nArado bhAratavarShavartI naraM cha nArAyaNamAshrayante || 37\-6||
satkarmabhUmirbharatasya rAjyaM santyatra vaikuNThakathaikasaktAH |
tIrthAni puNyAshramaparvatAshcha janmAtra devAH spR^ihayantyajasram || 37\-7||
prahlAdapautraH sutalAdhivAsaH surakShitashchAtmanivedanena |
vArdhakyarogaklamabhItimukto mahAbalirvAmanameva nauti || 37\-8||
sahasrashIrShaH shirasA dadhat kShmAM halI harestAmasamUrtirAryaiH |
saMstUyamAnaH sahanAgakanyaH pAtAlamUle cha salIlamAste || 37\-9||
vichitrarUpaM jagatAM hitAya sarve stuvantyachyutamiddhabhaktyA |
enaM kuru tvaM varadAnadakShaM mAtaH kR^ipArdre varade namaste || 37\-10||

\section{38 aShTAtriMshadashakaH \-    chittashuddhiprAdhAnyam}
antarmukho yaH svashubhechChayaiva svayaM vimarshena manomalAni |
dR^iShTvA shamAdyairdhunute samUlaM sa bhAgyavAndevi tava priyashcha || 38\-1||
na vedashAstrAdhyayanena tIrthasaMsevayA dAnatapovratairvA |
shuddhiM mano yAti tava smR^itestadvaishadyamAdarshavadeti mAtaH || 38\-2||
shuddhirna yaj~nena yajan shashA~NkaH patnIM guroH prApa bhR^ishaM smarArtaH |
shatakraturgautamadharmapatnImagAdahalyAM madaneShu viddhaH || 38\-3||
sa vighnakArI tapasAM munInAM gataspR^ihaM yogivaraM prashAntam |
hA vishvarUpaM pavinA jaghAna na ki~nchanAkAryamadharmabuddheH || 38\-4||
munirvasiShThaH khalu tIrthasevI taponidhirgAdhisutashcha kopAt |
ubhau mithaH shepaturADibhAvaM prAptaH kilaiko bakatAM parashcha || 38\-5||
dhanAni pR^iShTAni gurUnadAtR^In svAn bhArgavAn putrakalatrabhAjaH |
kruddhAH paraM haihayabhUmipAlA nyapIDayan ko.atra vishuddhachittaH || 38\-6||
kuryAnna kiM lobhahato manuShyo yudhiShThirAdyA api dharmaniShThAH |
pitAmahaM bandhujanAn gurUMshcha raNe nijaghnuH khalu rAjyalobhAt || 38\-7||
kR^iShNopadiShTo janamejayastu shuddhAntara~NgaH pitaraM makhena |
parIkShitaM pApavimuktamAryaM vidhAya te prApayatisma lokam || 38\-8||
sadA sadAchArarato vivikte deshe niShaNNashcharaNAmbuje te |
dhyAyannajasraM nijavAsanA yo nirmArShTi sa tvanmayatAmupaiti || 38\-9||
j~nAnaM na bhaktirna tapo na yogabuddhirna me chittajayo.api mAtaH |
andhaM tamo.ahaM pravishAmi mR^ityoH samuddharemaM varade namaste || 38\-10||

\section{39 ekonachatvAriMshadashakaH \-    maNidvIpanivAsinI}
sudhAsamudro jagatAM trayANAM ChatrIbhavan ma~njutara~NgaphenaH |
savAlukAsha~NkhavichitraratnaH satArakavyomasamo vibhAti || 39\-1||
tanmadhyadeshe vimalaM maNidvIpAkhyAM padaM devi virAjate te |
yaduchyate saMsR^itinAshakAri sarvottaraM pAvanapAvanaM cha || 39\-2||
tatrAstyayodhAtumayo manoj~naH sAlo mahAsAramayastatashcha |
evaM cha tAmrAdimayAH kilAShTAdashAtichitrA varaNA lasanti || 39\-3||
tairAvR^itaM te padamadvitIyaM vibhAti chintAmaNisadma devi |
santyatra satstambhasahasraramyashR^i~NgAramuktyAdikamaNDapAshcha || 39\-4||
brahmANDakoTIH sukhamAvasanta upAsakAste manujAH surAshcha |
daityAshcha siddhAshcha tathetare cha yadantato yAnti padaM tadetat || 39\-5||
tvaM maNDapasthA bahushaktiyuktA shR^iNoShi devIkalagItakAni |
j~nAnaM vimuktiM cha dadAsi lokarakShAmajasraM kuruShe cha devi || 39\-6||
ma~ncho.asti chintAmaNigehataste brahmA harI rudra iheshvarashcha |
khurA bhavantyasya sadAshivastu virAjate satphalakatvamAptaH || 39\-7||
tasyopari shrIbhuvaneshvari tvaM sarveshavAmA~Nkatale niShaNNA |
chaturbhujA bhUShaNabhUShitA~NgI nirvyAjakAruNyavatI vibhAsi || 39\-8||
pratikShaNaM kArayasi tvamichChAj~nAnakriyAshaktisamanvitA.atra |
trimUrtibhiH shaktisahasrayuktA brahmANDasargasthitisaMhR^itIshcha || 39\-9||
sA tvaM hi vAchAM manaso.apyagamyA vichitrarUpA.asi sadA.apyarUpA |
puraH satAM sannihitA kR^ipArdrA sadA maNidvIpanivAsinI cha || 39\-10||
mAtarmadantaHkaraNe niShaNNA vidyAmayaM mAM kuru bandhamuktam |
bandhaM cha mokShaM cha dadAsyasaktA dAso.asmi te devi namo namaste || 39\-11||

\section{40 chatvAriMshadashakaH \-    prArthanA}
Adyeti vidyeti cha kathyate yA yA chodayedbuddhimupAsakasya |
dhyAyAmi tAmeva sadA.api sarvachaitanyarUpAM bhavamochanIM tvAm || 40\-1||
pratiShThitA.antaHkaraNe.astu vA~Nme vadAmi satyaM na vadAmyasatyam |
satyoktirenaM paripAtu mAM me shrutaM cha mA vismR^itimetu mAtaH || 40\-2||
tejasvi me.adhItamajasramastu mA mA paradveShamatishcha devi |
karomi vIryANi samaM suhR^idbhirvidyA parA sA.avatu mAM pramAdAt || 40\-3||
tvaM rakSha me prANasharIrakarmaj~nAnendriyAntaHkaraNAni devi |
bhavantu dharmA mayi vaidikAste nirAkR^itirmA.astu mithaH kR^ipArdre || 40\-4||
yachChrUyate yatkhalu dR^ishyate cha tadastu bhadraM sakalaM yajatre |
tvAM saMstuvannastasamastaroga AyuH shive devahitaM nayAni || 40\-5||
avighnamAyAtviha vishvato me j~nAnaM prasannA mama buddhirastu |
nAveva sindhuM duritaM samastaM tvatsevayaivAtitarAmi devi || 40\-6||
urvArukaM bandhanato yathaiva tathaiva muchyeya cha karmapAshAt |
tvAM tryambakAM kIrtimatIM yajeya sanmArgato mAM naya vishvamAtaH || 40\-7||
kShINAyuSho mR^ityugatAn svashaktyA dIrghAyuSho vItabhayAn karoShi |
sa~NgachChataH saMvadatashcha sarvAn paropakAraikaratAn kuruShva || 40\-8||
martyo hyahaM bAlishabuddhireva dharmAnabhij~no.apyaparAdhakR^ichcha |
hA durlabhaM me kapihastapuShpasumAlyavachChIrNamidaM nR^ijanma || 40\-9||
yathA pathA vAri yathA cha gauH svaM vatsaM tathA.a.adhAvatu mAM manaste |
vishvAni pApAni vinAshya me yadbhadraM shive dehi tadArtihantri || 40\-10||
bahUktibhiH kiM viditastvayA.ahaM putraH shishuste na cha vedmi ki~nchit |
AgachCha pashyAni mukhAravindaM padAmbujAbhyAM satataM namaste || 40\-11||

\section{41 ekachatvAriMshadashakaH \-    praNAmam}
devi tvadAvAsyamidaM na ki~nchidvastu tvadanyadbahudheva bhAsi |
devAsurAsR^ikpanarAdirUpA vishvAtmike te satataM namo.astu || 41\-1||
na janma te karma cha devi lokakShemAya janmAni dadhAsi mAtaH |
karoShi karmANi cha nispR^ihA tvaM jagadvidhAtryai satataM namaste || 41\-2||
tattvatpadaM yaddhruvamArurukShuH pumAn vratI nishchaladehachittaH |
karoti tIvrANi tapAMsi yogI tasyai namaste jagadambikAyai || 41\-3||
tvadAj~nayA vAtyanilo.analashcha jvalatyudeti dyumaNiH shashI cha |
nijairnijaiH karmabhireva sarve tvAM pUjayante varade namaste || 41\-4||
bhaktirna vandhyA yata eva devi rAgAdirogAbhibhavAdvimuktAH |
marttyAdayastvatpadamApnuvanti tasyai namaste bhuvaneshi mAtaH || 41\-5||
sarvAtmanA yo bhajate tvada~NghriM mAyA tavAmuShya sukhaM dadAti |
duHkhaM cha sA tvadvimukhasya devi mAyAdhinAthe satataM namaste || 41\-6||
duHkhaM na duHkhaM na sukhaM sukhaM cha tvadvismR^itirduHkhamasahyabhAram |
sukhaM sadA tvatsmaraNaM maheshi lokAya shaM dehi namo namaste || 41\-7||
patantu te devi kR^ipAkaTAkShAH sarvatra bhadrANi bhavantu nityam |
sarvo.api mR^ityoramR^itatvametu nashyantvabhadrANi shive namaste || 41\-8||
namo namaste.akhilashaktiyukte namo namaste jagatAM vidhAtri |
namo namaste karuNArdrachitte namo namaste sakalArtihantri || 41\-9||
durge mahAlakShmi namo namaste bhadre mahAvANi namo namaste |
kalyANi mAta~Ngi rame bhavAni sarvasvarUpe satataM namaste || 41\-10||
yat ki~nchidaj~nAtavateha devInArAyaNIyaM rachitaM mayedam |
abhadranAshAya satAM hitAya tava prasAdAya cha nityamastu || 41\-11||

shubhaM

##
Composed by Prof. Paleli Narayanan Namboothiri
The story of Devi and Narayanan and other aspects
of the Bharatheeya wisdom is presented in Devi Narayaneeyam
with 41 Dasakams and 480 verses.

Encoded by Ganga Raamachandran geetanjaliglobalgurukulam at gmail.com
Proofread by Ganga Raamachandran, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}