% Text title : devIchatuHshhashhTyupachArapUjAstotram 64 offerings % File name : devIpUjA.itx % Category : pUjA, devii, pArvatI, shankarAchArya, devI % Location : doc\_devii % Author : Adi Shankaracharya % Transliterated by : Sridhar Seshagiri sridhar.seshagiri at gmail.com % Proofread by : Sridhar Seshagiri, Anand senartcon at gmail.com % Description-comments : 64 offerings for performing Devi Puja % Latest update : September 29, 2001, September 30, 2014 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. devIchatuHShaShTyupachArapUjAstotram athavA parA mAnisikA pUjA ..}## \itxtitle{.. devIchatuHShaShTyupachArapUjAstotram athavA parA mAnisikA pUjA ..}##\endtitles ## devImAnasikapUjA devImAnasapUjA ## 64 offerings for performing Devi Puja ## AUM atha shrI devIchatuHShaShTyupachArapUjAstotram | uShasi mAgadhama~NgalagAyanaiH jhaTiti jAgR^ihi jAgR^ihi jAgR^ihi | atikR^ipArdrakaTAkShaniRIkShaNaiH jagadidaM jagadamba sukhIkuru || 1|| kanakamayavitardishobhamAna.n dishi dishi pUrNasuvarNakumbhayuktam | maNimayamaNTapamadhyamehi mAtaH mayi kR^ipayAshu samarchanaM grahItum || 2|| kanakakalashashobhamAnashIrSha.n jaladharalambi samullasatpatAkam | bhagavati tava sa.nnivAsahetoH maNimayamandirametadarpayAmi || 3|| tapanIyamayI sutUlikA kamanIyA mR^idulottarachChadA | navaratnavibhUShitA mayA shibikeyaM jagadamba te.arpitA || 4|| kanakamayavitardisthApite tUlikADhaye vividhakusumakIrNe koTibAlArkavarNe | bhagavati ramaNIye ratnasi.nhAsane.asmin upavisha padayugmaM hemapIThe nidhAya || 5|| maNimauktikanirmitaM mahAnta.n kanakastambhachatuShTayena yuktam | kamanIyatamaM bhavAni tubhya.n navamullochamahaM samarpayAmi || 6|| dUrvayA sarasijAnvitaviShNu\- krAntayA cha sahitaM kusumADhyam | padmayugmasadR^ishe padayugme pAdyametadurarIkuru mAtaH || 7|| gandhapuShpayavasarShapadUrvA\- sa.nyutaM tilakushAkShatamishram | hemapAtranihitaM saha ratnaiH adhyarmetadurarIkuru mAtaH || 8|| jalajadyutinA kareNa jAtI\- phalatakkolalava~NgagandhayuktaiH | amR^itairamR^itairivAtishItaiH bhagavatyAchamanaM vidhIyatAm || 9|| nihitaM kanakasya sampuTe pihitaM ratnapidhAnakena yat | tadidaM jagadamba te.arpita.n madhuparkaM janani pragR^ihyatAm || 10|| etachchampakatailamamba vividhaiH puShpaiH muhurvAsita.n nyastaM ratnamaye suvarNachaShake bhR^i~NgaiH bhramadbhiH vR^itam | sAnandaM surasundarIbhirabhito hastaiH dhR^itaM te mayA kesheShu bhramarabhrameShu sakaleShva~NgeShu chAlipyate || 11|| mAtaH ku~Nkumapa~NkanirmitamidaM dehe tavodvartana.n bhaktyAhaM kalayAmi hemarajasA sa.nmishritaM kesaraiH | keshAnAmalakaiH vishodhya vishadAnkastUrikoda~nchitaiH snAnaM te navaratnakumbhasahitaiH sa.nvAsitoShNodakaiH || 12|| dadhidugdhaghR^itaiH samAkShikaiH sitayA sharkarayA samanvitaiH | snapayAmi tavAhamAdarAjjanani tvAM punaruShNavAribhiH || 13|| eloshIrasuvAsitaiH sakusumairga~NgAdi tIrthodakaiH mANikyAmalamauktikAmR^itarasaiH svacChaiH suvarNodakaiH | mantrAnvaidikatAntrikAnparipaThansAnandamatyAdarAt snAnaM te parikalpayAmi janani snehAttvama~NgIkuru || 14|| bAlArkadyuti dADimIyakusumapraspardhi sarvottama.n mAtastvaM paridhehi divyavasanaM bhaktyA mayA kalpitam | muktAbhiH grathitaM suka~nchukamidaM svIkR^itya pItaprabha.n taptasvarNasamAnavarNamatulaM prAvarNama~NgIkuru || 15|| navaratnamaye mayArpite kamanIye tapanIyapAduke | savilAsamidaM padadvaya.n kR^ipayA devi tayornidhIyatAm || 16|| bahubhiragarudhUpaiH sAdaraM dhUpayitvA bhagavati tava keshAnka~NkatairmArjayitvA | surabhibhiraravindaishchampakaishchArchayitvA jhaTiti kanakasUtrairjUTayanveShTayAmi || 17|| sauvIrA~njanamidamamba chakShuShoste vinyastaM kanakashalAkayA mayA yat | tannyUnaM malinamapi tvadakShisa~NgAt brahmendrAdyabhilaShaNIyatAmiyAya || 18|| ma~njIre padayornidhAya rucirAM vinyasya kA~ncIM kaTau muktAhAramurojayoranupamAM nakShatramAlAM gale | keyUrANi bhujeShu ratnavalayashreNIM kareShu kramA\- ttATa~Nke tava karNayorvinidadhe shIrShe cha cUDAmaNim || 19|| dhammille tava devi hemakusumAnyAdhAya phAlasthale muktArAjivirAjamAnatilakaM nAsApuTe mauktikam | mAtarmauktikajAlikAM cha kuchayoH sarvA~NgulIShUrmikAH kaTayAM kA~nchanaki~NkiNIrvinidadhe ratnAvataMsaM shrutau || 20|| mAtaH phAlatale tavAtivimale kAshmIrakastUrikA\- karpUrAgarubhiH karomi tilakaM dehe.a~NgarAgaM tataH | vakShojAdiShu yakShakardamarasaM siktvA cha puShpadrava.n pAdau chandanalepanAdibhirahaM sampUjayAmi kramAt || 21|| ratnAkShataistvAM paripUjayAmi muktAphalairvA ruchirairaviddhaiH | akhaNDitairdevi yavAdibhirvA kAshmIrapa~NkA~NkitataNDulairvA || 22|| janani champakatailamidaM puro mR^igamadopayutaM paTavAsakam | surabhigandhamidaM cha chatuHsama.n sapadi sarvamidaM parigR^ihyatAm || 23|| sImante te bhagavati mayA sAdaraM nyastametat sindUraM me hR^idayakamale harShavarShaM tanoti | bAlAdityadyutiriva sadA lohitA yasya kAntI\- rantardhvAntaM harati sakalaM chetasA chintayaiva || 24|| mandArakundakaravIralava~NgapuShpaiH tvAM devi santataM ahaM paripUjayAmi | jAtIjapAvakulachampakaketakAdi\- nAnAvidhAni kusumAni cha te.arpayAmi || 25|| mAlatIvakulahemapuShpikA\- kA~nchanArakaravIrakaitakaiH | karNikAragirikarNikAdibhiH pUjayAmi jagadamba te vapuH || 26|| pArijAtashatapatrapATalaiH mallikAvakulachampakAdibhiH | ambujaiH sukusumaishcha sAdara.n pUjayAmi jagadamba te vapuH || 27|| lAkShAsa.nmilitaiH sitAbhrasahitaiH shrIvAsasa.nmishritaiH karpUrAkalitaiH shirairmadhuyutairgosarpiShA loDitaiH | shrIkhaNDAgarugugguluprabhR^itibhirnAnAvidhairvastubhiH dhUpaM te parikalpayAmi janani snehAttvama~NgIkuru || 28|| ratnAla~NkR^itahemapAtranihitairgosarpiShA loDitaiH dIpairdIrghatarAndhakArabhidurairbAlArkakoTiprabhaiH | AtAmrajvaladujjvalapravilasadratnapradIpaistathA mAtastvAmahamAdarAdanudinaM nIrAjayAmyuchchakaiH || 29|| mAtastvAM dadhidugdhapAyasamahAshAlyannasantAnikAH sUpApUpasitAghR^itaiH savaTakaiH sakShaudrarambhAphalaiH | elAjIrakahi~NgunAgaranishAkustumbharIsa.nskR^itaiH shAkaiH sAkamahaM sudhAdhikarasaiH santarpayAmyarchayan || 30|| sApUpasUpadadhidugdhasitAghR^itAni susvAdubhaktaparamAnnapuraHsarANi | shAkollasanmarichijIrakabAhnikAni bhakShyANi bhu~NkShva jagadamba mayArpitAni || 31|| kShIrametadida.nmuttamottama.n prAjyamAjyamidamujjvalaM madhu | mAtaretadamR^itopamaM payaH sambhrameNa paripIyatAM muhuH || 32|| uShNodakaiH pANiyugaM mukhaM cha prakShAlya mAtaH kaladhautapAtre | karpUramishreNa saku~Nkumena hastau samudvartaya chandanena || 33|| atishItamushIravAsita.n tapanIye kalashe niveshitam | paTapUtamidaM jitAmR^ita.n shuchi ga~NgAjalamamba pIyatAm || 34|| jambvAmrarambhAphalasa.nyutAni drAkShAphalakShaudrasamanvitAni | sanArikelAni sadADimAni phalAni te devi samarpayAmi || 35|| kUshmANDakoshAtakisa.nyutAni jambIranAra~NgasamanvitAni | sabIjapUrANi sabAdarANi phalAni te devi samarpayAmi || 36|| karpUreNa yutairlava~NgasahitaistakkolachUrNAnvitaiH susvAdukramukaiH sagaurakhadiraiH susnigdhajAtIphalaiH | mAtaH kaitakapatrapANDuruchibhistAmbUlavallIdalaiH sAnandaM mukhamaNDanArthamatulaM tAmbUlama~NgIkuru || 37|| elAlava~NgAdisamanvitAni takkolakarpUravimishritAni | tAmbUlavallIdalasa.nyutAni pUgAni te devi samarpayAmi || 38|| tAmbUlanirjitasutaptasuvarNavarNa.n svarNAktapUgaphalamauktikachUrNayuktam | sauvarNapAtranihitaM khadirena sArdha.n tAmbUlamamba vadanAmburuhe gR^ihANa || 39|| mahati kanakapAtre sthApayitvA vishAlAn DamarusadR^isharUpAnbaddhagodhUmadIpAn | bahughR^itamatha teShu nyasya dIpAnprakR^iShTA\- nbhuvanajanani kurve nityamArArtikaM te || 40|| savinayamatha datvA jAnuyugmaM dharaNyA.n sapadi shirasi dhR^itvA pAtramArArtikasya | mukhakamalasamIpe te.amba sArthaM trivAra.n ## var ## sArdhaM bhramayati mayi bhUyAtte kR^ipArdraH kaTAkShaH || 41|| atha bahumaNimishrairmauktikaistvAM vikIrya tribhuvanakamanIyaiH pUjayitvA cha vastraiH | militavividhamuktAM divyamANikyayuktA.n janani kanakavR^iShTiM dakShiNAM te.arpayAmi || 42|| mAtaH kA~nchanadaNDamaNDitamidaM pUrNendubimbaprabha.n nAnAratnavishobhihemakalashaM lokatrayAhlAdakam | bhAsvanmauktikajAlikAparivR^itaM prItyAtmahaste dhR^ita.n ChatraM te parikalpayAmi shirasi tvaShTrA svayaM nirmitam || 43|| sharadindumarIchigauravarNai\- rmaNimuktAvilasatsuvarNadaNDaiH | jagadamba vichitrachAmaraistvA\- mahamAnandabhareNa bIjayAmi || 44|| mArtANDamaNDalanibho jagadamba yo.aya.n bhaktyA mayA maNimayo mukuro.arpitaste | pUrNendubimbaruchiraM vadanaM svakIya\- masminvilokaya vilolavilochane tvam || 45|| indrAdayo natinatairmakuTapradIpai\- rnIrAjayanti satataM tava pAdapITham | tasmAdahaM tava samastasharIrameta\- nnIrAjayAmi jagadamba sahasradIpaiH || 46|| priyagatiratitu~Ngo ratnapalyANayuktaH kanakamayavibhUShaH snigdhagambhIraghoShaH | bhagavati kalito.ayaM vAhanArthaM mayA te turagashatasameto vAyuvegastura~NgaH || 47|| madhukaravR^itakumbhanyastasindUrareNuH kanakakalitaghaNTAki~NkaNIshobhikaNThaH | shravaNayugalacha~nchachchAmaro meghatulyo janani tava mude syAnmattamAta~Nga eShaH || 48|| drutataraturagairvirAjamAna.n maNimayachakrachatuShTayena yuktam | kanakamayamamuM vitAnavanta.n bhagavati te hi rathaM samarpayAmi || 49|| hayagajarathapattishobhamAna.n dishi dishi dundubhimeghanAdayuktam | atibahu chatura~Ngasainyameta\- dbhagavati bhaktibhareNa te.arpayAmi || 50|| parighIkR^itasaptasAgara.n bahusampatsahitaM mayAmba te vipulam | prabalaM dharaNItalAbhidha.n dR^iDhadurgaM nikhilaM samarpayAmi || 51|| ## var ## samarpitam shatapatrayutaiH svabhAvashItaiH atisaurabhyayutaiH parAgapItaiH | bhramarImukharIkR^itairanantaiH vyajanaistvAM jagadamba vIjayAmi || 52|| bhramaralulitalolakuntalAlI\- vigalitamAlyavikIrNara~NgabhUmiH | iyamatiruchirA naTI naTantI tava hR^idaye mudamAtanotu mAtaH || 53|| mukhanayanavilAsalolaveNI\- vilasitanirjitalolabhR^i~NgamAlAH | yuvajanasukhakArichArulIlA bhagavati te purato naTanti bAlAH || 54|| bhramadalikulatulyAloladhammillabhArAH smitamukhakamalodyaddivyalAvaNyapUrAH | anupamitasuveShA vArayoShA naTanti parabhR^itakalakaNThyo devi dainyaM dhunotu || 55|| DamaruDiNDimajarjharajhallarI\- mR^iduravadragaDaddragaDAdayaH | jhaTiti jhA~NkR^itajhA~NkR^itajhA~NkR^itaiH bahudayaM hR^idayaM sukhayantu te || 56|| vipa~nchIShu saptasvarAnvAdayantya\- stava dvAri gAyanti gandharvakanyAH | kShaNaM sAvadhAnena chittena mAtaH samAkarNaya tvaM mayA prArthitAsi || 57|| abhinayakamanIyairnartanairnartakInA.n kShanamapi ramayitvA cheta etattvadIyam | svayamahamatichitairnR^ittavAditragItaiH bhagavati bhavadIyaM mAnasaM ra~njayAmi || 58|| tava devi guNAnuvarNane chaturA no chaturAnanAdayaH | tadihaikamukheShu jantuShu stavanaM kastava kartumIshvaraH || 59|| pade pade yatparipUjakebhyaH sadyo.ashvamedhAdiphalaM dadAti | tatsarvapApakShaya hetubhUtaM pradakShiNaM te paritaH karomi || 60|| raktotpalAraktalatAprabhAbhyAM dhvajordhvarekhAkulishA~NkitAbhyAm | asheShavR^indArakavanditAbhyAM namo bhavAnIpadapa~NkajAbhyAm || 61|| charaNanalinayugmaM pa~NkajaiH pUjayitvA kanakakamalamAlAM kaNThadeshe.arpayitvA | shirasi vinihito.ayaM ratnapuShpA~njaliste hR^idayakamalamadhye devi harShaM tanotu || 62|| atha maNimaya~nchakAbhirAme kanakamayavitAnarAjamAne | prasaradagarudhUpadhUpite.asmi\- nbhagavati bhavane.astu te nivAsaH || 63|| etasminmaNikhachite suvarNapIThe trailokyAbhayavaradau nidhAya hastau | vistIrNe mR^idulatarottarachChade.asmi\- nparya~Nke kanakamaye niShIda mAtaH || 64|| tava devi sarojachihnayoH padayornirjitapadmarAgayoH | atiraktatarairalaktakaiH punaruktAM rachayAmi raktatAm || 65|| atha mAtarushIravAsitaM nijatAmbUlarasena ra~njitam | tapanIyamaye hi paTTake mukhagaNDUShajalaM vidhIyatAm || 66|| kShaNamatha jagadamba ma~nchake.asmi\- nmR^idutalatUlikayA virAjamAne | atirahasi mudA shivena sArdha.n sukhashayanaM kuru tatra mAM smarantI || 67|| muktAkundendugaurAM maNimayakuTAM ratnatATa~NkayuktA\- makShasrakpuShpahastAmabhayavarakarAM chandrachUDAM trinetrAm | nAnAla~NkArayuktAM suramakuTamaNidyotitasvarNapIThA.n sAnandAM suprasannAM tribhuvanajananIM chetasA chintayAmi || 68|| eShA bhaktyA tava virachitA yA mayA devi pUjA svIkR^ityainAM sapadi sakalAnme.aparAdhAnkShamasva | nyUnaM yattattava karuNayA pUrNatAmetu sadyaH sAnandaM me hR^idayakamale te.astu nityaM nivAsaH || 69|| pUjAmimAM yaH paThati prabhAte madhyAhnakAle yadi vA pradoShe | dhramArthakAmAnpuruSho.abhyupaiti dehAvasAne shivabhAvameti || 70|| pUjAmimAM paThennityaM pUjAM kartumanIshvaraH | pUjAphalamavApnoti vA~nChitArthaM cha vindati || 71|| pratyahaM bhaktisa.nyukto yaH pUjanamidaM paThet | vAgvAdinyAH prasAdena vatsarAtsa kavirbhavet || 72|| iti shrImatparamaha.nsaparivrAjakAchAryasya shrIgovindabhagavatpUjyapAdashiShyasya shrImachCha~NkarabhagavataH kR^itau devIchatuHShaShTyupachArapUjAstotraM sampUrNam || ## Encoded and proofread by Sridhar Seshagiri sridhar.seshagiri at gmail.com Reproofread by Anand senartcon at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}