॥ देवीपञ्चरत्नस्तुती ॥

जंभाराति-मुखादितेय-परिषत्संभाव्यमाना सदा कुंभाकार-पयोधराद्रितनया शुम्भासुर-द्वेषिणी । रम्भाभोरुमती सुधानिभ-वचोगुम्भावहा पज्जुषां शं भामा त्रिपुरद्विषो वितनुयाद्दम्भापहा दुर्हृताम् ॥ १॥ जम्भरिपु-नीलरुचिदृग्जनितमारा कुम्भमदलोपकृदुरोजयुगभारा । शुम्भमुख-देवरिपु-बृन्दजयितसारा गुम्पयितु मे गिरमुमा विधृतकीरा ॥ २॥ शम्बरसपत्नरिपवे कलितमोदे बिम्बनिभ-दन्तपटि धूतनत-खेदे । अम्ब धिषणां वितर दैत्यकुल-भीदे शम्बधरमुख्य-सुरबृन्द-नुतपादे ॥ ३॥ पूरित-पदाब्ज-नतिकृन्नखिल-कामा दारित-निशाचरकुलाऽघहरनामा । ईरितगुणा श्रुतिभिरद्रिशयभामा सारिततिमर्दयतु मौलिधृत-सोमा ॥ ४॥ कज्जल-कनक-हिमरुचः पत्युर्वामाङ्क-हृदय-वदन-स्थाः । बल-धन-विद्या-दात्रीः दुर्गा-लक्ष्मी-सरस्वतीर्वन्दे ॥ ५॥ पञ्चरत्नाभिधा सेयं पञ्चास्य-प्रेयसी-स्तुतिः । श्रीरामशर्म-कलिता प्रीयतां पार्वती ततः ॥ ६॥ ॥ देवी पञ्चरत्नस्तुतिः समाप्त ॥ Encoded and proofread by N.Balasubramanian bbalu@satyam.net.in
% Text title            : devIpancharatnastuti
% File name             : devIpancharatnastuti.itx
% itxtitle              : devIpancharatnastutiH
% engtitle              : devIpancharatnastutiH
% Category              : pancharatna, devii, durgA
% Location              : doc_devii
% Sublocation           : devii
% SubDeity              : durgA
% Language              : Sanskrit
% Subject               : philosophy/hinduism/religion
% Transliterated by     : N.Balasubramanian bbalu at satyam.net.in
% Proofread by          : N.Balasubramanian bbalu at satyam.net.in
% Latest update         : December 10, 2008
% Send corrections to   : Sanskrit@cheerful.com
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP