% Text title            : Devivedapada Stava
% File name             : devIvedapAdastavaH.itx
% Category              : devii, devI, shivarahasya, stava
% Location              : doc\_devii
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | dvAdashAMshaH | adhyAyaH 25 devIvedapAdastavaH | 1-102 ||
% Latest update         : December 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devivedapada Stava ..}##
\itxtitle{.. devIvedapAdastavaH ..}##\endtitles ##
(shivarahasyAntargate IshAkhye)

chidambareshvarashivamukhAmbujaravitviShe |
yasyai jaiminirudyuktastasyai vAche namonamaH || 1||
pratyUhashAntyai herambaM pratyUhayati IshvaraH |
vismApayan sa pitarau asmAkamastu kevalaH || 2||
vande shrIshivapAdAbjamadvandvAnandasAdhanam |
chetasAM sampradAyAnAM etadAlambanaM param || 3||
pustamuktAlasadbAhurastu me bhAratI mukhe |
niyojayantI sA devI dhiyo vishvA virAjatI || 4||
hR^idyairaShTottarashatapadyairevaM shivaistathA |
prahvA vedastutau bhUyAjjihvA me madhumattamA || 5||
kAvyAla~NkArasarvasvamAdhurIlaharImuchA |
vAchA paramakalyANI(Ni) mukhaM hi mama shobhayA(ya) || 6||
mAdR^ishAM vaikharIvAchAM tvAdR^ishIM stotumambike |
yato bibheti lalitA tato no abhayaM kR^idhi || 7||
madIyakarmasu shive tvadIyadayayA muhuH |
avadhUtarUShaH santu avadhUtA arAvayaH || 8||
ravIndudakShavAmodyattATa~NkAM ruchirAmati |
mahAvidyeshvarIM vande grahanakShatramAlinIm || 9||
khaNDasharkarayevAmba dayayAlokayAshu mAm |
chaNDike tena jIvAmo maNDUkA udakAdiva || 10||
ga~NgAdyA abhiShekArthaM tu~NgAntAH sannidhatta bhoH |
pApopashAntyai memAtarApohiShThA mayo bhuvaH || 11||
hR^idayastheyasI nityaM sadaye mama kAlike |
bhUyAdvitara me shreyaH AyuShA sahavarchasA || 12||
kAlye tvadbhaktivimukhAH kAli santi yato.adhamAH |
apramattAHsma taM deshaM mA pragAma patho vayam || 13||
asama~njasasaMsArAdasama~njasameva mAm |
vatsalA bhavatI trAtuM vatsaM gauriva dhAvatu || 14||
arthibhyo.abhItivarade mude bhadraM dadAsi yat |
lakShmIstaM bhajatAM padbhyAM lakShmImanapagAminIm (?) || 15||
yo.asmAn dveShTi vayaM yaM cha dviShmo duShyati yashcha naH |
durge shUlena tAnetAn mama shatrUn vinAshaya || 16||
dhIraikasulabhAM devIM ghorasaMsAramochanIm |
ahorAtraM cha naH pAyAdaghorA pApakAshinI || 17||
brahmAnandasamullAse lIlAndolitalochanAm |
mahAsaubhAgyajananIM mahAlakShmImupAsmahe || 18||
ugrapatni samagrAnme durgrahAnAgrahAdikAn |
anugrahAdimAn shikSha sarvagrahanivAriNI || 19||
ArtiM nivArya bhadrANi pUrtiM sphUrtiM cha pArvati |
mUrtiM pradarshya ruchirAM kIrtimR^iddhiM dadAtu me || 20||
adhikArisamiddhaM mAM sandhyAnaTanasAkShiNI |
varchasvantaM dharAdhyakShaM AyuShmantaM karotu mAm || 21||
garbhAtidayite durge nisargastvaM jagattvayi |
AyustatkR^ipayA nityaM mayi shrIH shrayatAM yashaH || 22||
vedAn shAstrANi yaj~nAMshcha modAdbhaktimapi tvayi |
priyaM kIrti dhR^itiM dAkShyaM shriyaM vAsaya me kule || 23||
mAtA kathaM viruddhAMstvaM sahase sarvama~Ngale |
sarvANyalakShmImApattiM sarvAM nirNuda me gR^ihAt || 24||
rAjarAjeshvarI mAtA dhatse tvaM dhanamavyayam |
dayAM kuru sute.ahaM tvAM tAmihopahvaye shriyam || 25||
madIyahR^idayAbjasthatvadIyamahasA shive |
jahi me krodhalobhAdIn lakShmImAvAsayAnvaham || 26||
pavitramantraiH sushlokai vichitrarachanaiH shivAm |
vAchaspatiriva stutvA vAchaspatyamashImahi || 27||
putrade pautrade mAtarnaShTade gajavAjide |
j~nAnadAyai namastubhyaM dhanadAyai mahAdhane || 28||
tejase yashase mAtarojase mahase shive |
charchite gandhapuShpAdyairachetAstvAM havAmahe || 29||
sa~nchitAgAmiduHkhebhyaH smaratastvAmapAlayaH |
prArabdhAchcha mahAdevi punarnaH pAhi vishvataH || 30||
pauNDarIkAntayaj~nebhyashchaNDike prItaye tava |
shatAni dasharikthAnAM AsahasrANi dadmahe || 31||
japAtpavitrakairmantraiH shivAyai pAyasaM dhR^itam |
bilvapatrasarojAnAM sahasrANi cha dadmahe || 32||
paNDitAstairalaM dhIrAH pauNDarIkAntakarmabhiH |
upAsituM mahAvidyAM asakhAya AniShIdatha || 33||
vipakShApakShayakShAripakShagrahamaharkShajam |
bhayashaMsIkSha kAmAkShi rakShasva mAM pade pade || 34||
prachaNDachaNDamuNDAdikhaNDanoddaNDavajrake |
ye medhanApahartAstAMste dadAmi jambhayoH || 35||
prArabdhamanivAryaM chedIdR^ishe varadAbhaye |
kimarthaM tava devyai te tato me shriyamAvaha || 36||
brahmachakralasadbhUpA brahmavidyAvidevatAH |
IDanIyAstrayIchUDaiH ShoDashI sharma yachChatu || 37||
mahAdAridryashamanIM yAbhUtpApavimochanAm |
shivAM numastAM kAlAgnau shivArudrasya bheShajI || 38||
annapUrNe dayApUrNe tvannAma parikurvate(taH) |
sannidhatsva mamodAre annapAne cha sarvadA || 39||
yadi devi kaTAkShaH syAd_hR^idi shakrAdayaH surAH |
muhurhavirbhiH somAdyairahaM vo jIvanapradaH || 40||
yatsAnnidhyaM devi siddhaM asAdhyaM sAdhayAshu me |
IdR^ishena mahimnA tvAM prashaMsanti prashastibhiH || 41||
nAnandayanti kiM devi sakR^idvA tvAM giro mama |
bhaktiraktI na chedvetsi bhuktimuktI na ditsasi || 42||
adhamarNatvametatte tvaM hi vettha yathAtatham |
AkShepaM naH samAdhehi tiShThantI purato mama || 43||
nishchitya vyatirekaM te bhUri nAma manAmahe |
tubhyaM devi yashaskAmA bhaktasyaitannidarshanam || 44||
jiShNorapi sakhAyo.adya viShNoH karmANi pashyata |
karmaNAbhyarNapUrNA tvaM karNikAkarNisanmukhI || 45||
aparNAM varNaye tUrNaM suvarNAM hemamAlinIm |
tu~NgastanIM sharvasarvama~NgalAmIshvarapriyAm || 46||
ma~NgalAyatanAM(naM)laumi pi~NgalAM padmamAlinIm |
nandanotttha supuShpANi chandanAnyarchituM shivAm || 47||
svayaM sampAdya purataH shriyaM devImupahvaye |
dayArdrahR^idaye mAtaH kriyAshAlinamapyume || 48||
tvaM mAM bhajasva padmAkShi yena saukhyaM labhAmyaham |
rakSha mAmamba lalite yakSharAjasamarchite || 49||
pUjArcheha virAjete prajayA cha dhanena cha |
paritaH kAnti dhI shrIbhirgarimANaM yayuH shive || 50||
ume tava dayA dR^iShTyA soma indra bR^ihaspatI |
tvachchAru charaNaM smR^itvA sachchidAnandarUpiNi || 51||
achyuto vAgbhavaprAptau achyutAM bahulAM priyAm |
hanumadvara rAmAdyairmanubhR^idbhirmahAtmabhiH || 52||
arthitAsi mahAdevi dIrghAyutvAya varchase |
guNADhyapAkasarasashayyAla~NkArarItibhiH || 53||
shobhatAM susukhaM vANI shobhayantI mukhaM mama |
duShTachittaM naShTavittaM kaShTavR^ittamimaM janam || 54||
pAtuM janani te chittaM yathA vArIva dhAvatu |
uttiShTha devi kiM sheShe varadAbhayashobhite || 55||
pAhi durge.atiduShTebhyo bhayaM vindati mAmiha |
dugdheti tile ghR^itaM tailaM mugdhe ghaNTAdhvaniM yathA || 56||
mudA tvAM sarvagAM devIM sadA pashyanti sUrayaH |
prapa~nchasR^iShTestvaM pUrvaM brahmANI sahitAmbike || 57||
ajIjanastvaM dhAtAraM shAshvataM shivamachyutam |
sthalIkamalasa~NkAshaM pAdalakShma taveshvari || 58||
mAhiShe mastake bhAti vidyullekheva bhAsvarA |
mUDho.ayamiti mA maMsthAssmartAhaM tAH samAgatAH (?) || 59||
tvayA vinA na ki~nchi~ncha dR^ishyante shrUyate.api vA |
vande vindhyAchalakuchAM vindhyAchalanivAsinIm || 60||
sandhyAsu pUjayasi cheddhAtA garbhaM dadhAtu te |
kuruvindamaNIndrAbhamaravindalasanmukham || 61||
aho tAdR^ik tavashive maho no rAya Abhara |
akhaNDavedavAkyArthe akhaNDaikarase shive || 62||
abhayAmadvayAM cha tvAM subhagAmahamashravam |
chatuHsAdhanasampanna chaturAnubhavAtviyam || 63||
paraM brahmeyameva shrIrnahyasyA aparaM cha na |
bhavatpAdAmbujadvandvabhavanmAdhvIkaShaTpadI || 64||
rudrabhAgyAchChachIpatnI indrapatnI mahIyate |
pApAdhikyAdvrajAmastvAM sApAyA.a.amayavAnapi || 65||
grIvAtigashvasanavAn jIvAti sharadaH shatam |
sAShTottarashatAvR^ittyAbhIShTodayamahAmanum || 66||
viShNuvajjAyate gauri bhUShNurAtmA phalagrahiH |
japAkusumasa~NkAshAM kR^ipAbAlamahAlatAm || 67||
AryAM seve vinItAyAM sUryAbhAM shriyamIshvarIm |
tAmbUlakabalairdivyaistAmbUlitamukhAmbujAn || 68||
shivadAligatA yAsA shivA nashyattamA bhava |
tathA prapadye tvAM mAtaryayA nadyaH samudrAgAH || 69||
yathAvR^itavR^itaM yAti yathA mAsA aharjaram |
yatrAnandAshcha modAshcha mudapramuda Asate || 70||
mAtastvayi dayAmUrtau tatramAmR^itaM kR^idhi |
japantastava vidyAM cha yajantastvAM havAma cha || 71||
sharvANi dayayA dhIrAH sarve sAkaM sarAtayaH |
AnandarUpamamR^itaM paraM brahmaiva sA shivA || 72||
naiva strI na pumAneSha nAyameSha napuMsakaH |
jIrNo.apyayaM tvaddayayA pUrNayA tUrNamindriyaiH || 73||
AnandaM brahmaNo vidvAn na bibheti kutashchana |
sadgurorlabdhayA brahmarUpayA kashchidAtmavAn || 74||
hR^idyayA kR^ipayA te vai vidyayA.amR^itamashnute |
sarvagA tvamahaM bhR^ityaH kIdR^ishaHsthema mastakaH || 75||
yato vAcho nivartante aprApyamanasA saha |
j~nAnAdeva tu kaivalyamityAdishrutikoTibhiH || 76||
jIvanmuktastato mAtarmAmA brahma nirAkarot |
sAkShAtkR^itAyAmambAyAM satyAnandachidAtmani || 77||
bhidyate hR^idayagranthishChidyante sarvasaMshayAH |
varNAshramochitamatirvedAraNyeShvaTaMshcha yaH || 78||
tvatprasAdAdume dhIrashcharan vai madhuvindati |
bhUShNubhyAM kR^iShNajiShNubhyAM pUjye puShNAsi pArvati || 79||
tvatkR^ipAbalato viShNuridaM viShNurvichakrame |
shAradAbdamukhI pAtu shAradA.apAradA.amalA || 80||
tvatprasAdAdabhUnmAtaH sumR^ikIkA sarasvatI |
padmAkShIM padmagAM vande padmAkShyAdibhirIDitAm || 81||
tvatprasAdAtpadmahastAM hastinAdapramodinIm |
gaurIkalyANavaibhogaM UrIchakruH striyo.apyatha || 82||
jambhitograkiNaira~NgairnadInAM vitanoShi te |
sahasrAdimahAsvedaiH sahasrANi sahasrashaH || 83||
tattatkAleShvahalyAyai jAro.apikhalu yajvabhiH |
ijyante tvatprasAdAttairvishvasmAdindra uttaraH || 84||
kanyApyarjati bhAgyAdilAbhAya shubhakarmasu |
tvatprasAdAtishuddhA~NgI indrANImAsu nArIShu || 85||
eka dvitrichatuShpa~nchaShaTsaptAShTAdirUpakam |
tvatprasAdAnmahAtatvaM agnimILe purohitam || 86||
ga~NgAM bhagIrathAyAsasa~NgAM tu~NgAM tvadAshrayAt |
krameNa gauri pashyAmaH shrameNa mahatA pathi || 87||
divyAla~NgrahamAtrAShTabhairavAbhayakR^inmukhAH |
yato devi bhavatprItyai ato devA avantunaH || 88||
sugandha charchitAM kundamandArakusumojjvalAm |
stuve dukUlavasanAM suvarNarajatasrajAm || 89||
gA~NgeyAni cha ratnAni gA~NgeyAni sR^ijAni te | (?)
shatasAhasradashakAn shataniShkAn sahasrashaH || 90||
asya dvipitsAbhava rukchichitsA
supUrNalipsAstu shivA suvatsA |
shrIkaNThalipsAsadabhIShTalipsA
shAlAntare gauriva naShTavatsA || 91||
namo makhebhyo maghavanmakhebhyo
muravAgradR^igbhyo dR^iganadvayebhyaH |
dayA yutebhyaH shrutishAstradR^igbhyo
namo yuvabhyo nama ashinebhyaH || 92||
mahAmAye sR^ijasi hiraNyagarbha\-
prabhR^ityetadbhuvanamivorNanAbhiH |
svatastantUnbhagavati devi pashchA\-
dajIrNAtvaM jarayasi sarvametat || 93||
shivaM surebhyaH kR^ipayAmba te.adya
shive munibhyaH shivamarbhakebhyaH |
shivaM dvijebhyaH shivameva gobhyaH
shivaM prajAyai shivamastu mahyam || 94||
vedAntAdyaiH paritoghoShayitvA
shaktyAkArA pratijAtaM maheshi |
sarvatraiva ramase.asmin prapa~nche
pUrNA pashchAt uta pUrNA purastAt || 95||
nAmAni shambhuM natakalpapAdaM
paramA patistutya padAmbujadvayam |
kumAravighneshakutUhalAspadaM
umAsahAyaM parameshvaraM prabhum || 96||
varShArthaniyamAdasya harShAnprajapato.abhavat |
vedho.a~NganA prayachChanti(ntI) medhAM devI sarasvatI || 97||
ghoravR^ishchikaduHsvapna chorasarpAdishAntaye |
gotrAtmajAstutiM puNyAM rAtrau rAtrau sadA paThet || 98||
stutyA pUjayatAM bhaktyA.amartyAM shreyaH paramparAm |
sharveNa sA dadAtyambA sarvamAyurupAsatAm || 99||
sahasrakR^itvaH putrArthI sa ghasre prajapedyadi |
vashagastasya tanayo dashame mAsi jAyate || 100||
shAntyA mumukShayAtharvayajurR^iksAmashAlinAm |
pAhi muktiM shive dehi sA hi shrIramR^itA satAm || 101||
vishrutaiH shrutipadaiH kamanIyaM
bhavyamavyayamidaM bhagavatyAH |
(divyachitra) yaH paThetpridinaM bhajanIyaM
tasya nAyuShi bhavetkila satyam || 102||

|| iti shrIshivarahasyAntargate devIvedapAdastavaH sampUrNam ||

\- || shrIshivarahasyam | dvAdashAMshaH | adhyAyaH 25 devIvedapAdastavaH | 1\-102 ||
##
- .. shrIshivarahasyam . dvAdashAMshaH . adhyAyaH 25 devIvedapAdastavaH . 1-102 ..

Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}