% Text title            : Devaih Kritam 02 Durga Stotram
% File name             : devaiHkRRitaM02durgAstotram11.itx
% Category              : devii, devI, mArkaNDeyapurANa, stotra
% Location              : doc\_devii
% Proofread by          : PSA Easwaran
% Description/comments  : mArkaNDeyapurANa | adhyAya 81|| 84/3-27||
% Latest update         : October 12, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devaih Kritam 02 Durga Stotram ..}##
\itxtitle{.. devaiH kR^itaM 2 durgAstotram 11 ..}##\endtitles ##
devA UchuH |
devyA yayA tatamidaM jagadAtmashaktyA
niHsheShadevagaNashaktisamUhamUrtyA |
tAmambikAmakhiladevamarShipUjyAM
bhaktyA natAH sma vidadhAtu shubhAni sA naH || 3||
yasyAH prabhAvamatulaM bhagavAnananto
brahmA harashcha nahi vaktumalaM balaM cha |
sA chaNDikAkhilajagatparipAlanAya
nAshAya chAshubhayasya matiM karotu || 4||
yA shrIH svayaM sukR^itinAM bhavaneShvalakShmIH
pApAtmanAM kR^itadhiyAM hR^idayeShu buddhiH |
shraddhAM satAM kulajanaprabhavasya lajjA
tAM tvAM natAH sma paripAlaya devi vishvam || 5||
kiM varNayAma tava rUpamachintyametat
kiM chAtivIryamasurakShayakAri bhUri |
kiM chAhaveShu charitAni tavAdbhutAni
sarveShu devyasuradevagaNAdikeShu || 6||
hetuH samastajagatAM triguNApi doShaiH
na j~nAyase hariharAdibhirapyapArA |
sarvAshrayAkhilamidaM jagadaMshabhUtaM
avyAkR^itA hi paramA prakR^itistvamAdyA || 7||
yasyAH samastasuratA samudIraNena
tR^iptiM prayAnti sakaleShu makheShu devi |
svAhAsi vai pitR^igaNasya cha tR^iptihetuH
uchchAryase tvamata eva janaiH svadhA cha || 8||
yA muktiheturavichintyamahAvratA tvaM
abhyasyase suniyatendriyatattvasAraiH |
mokShArthibhirmunibhirastasamastadoShaiH
vidyAsi sA bhagavatI paramA hi devi || 9||
shabdAtmikA suvimalargyajuShAM nidhAnaM
udgItharamyapadapAThavatAM cha sAmnAm |
devI trayI bhagavatI bhavabhAvanAya
vArtA cha sarvajagatAM paramArtihantrI || 10||
medhAsi devi viditAkhilashAstrasArA
durgAsi durgabhavasAgaranaurasa~NgA |
shrIH kaiTabhArihR^idayaikakR^itAdhivAsA
gaurI tvameva shashimaulikR^itapratiShThA || 11||
IShatsahAsamamalaM paripUrNachandra\-
bimbAnukAri kanakottamakAntikAntam |
atyadbhutaM prahR^itamAttaruShA tathApi
vaktraM vilokya sahasA mahiShAsureNa || 12||
dR^iShTvA tu devi kupitaM bhrukuTIkarAlaM
udyachChashA~NkasadR^ishachChavi yanna sadyaH |
prANAnmumocha mahIShastadatIva chitraM
kairjIvyate hi kupitAntakadarshanena || 13||
devi prasIda paramA bhavatI bhavAya
sadyo vinAshayasi kopavatI kulAni |
vij~nAtametadadhunaiva yadastametan\-
nItaM balaM suvipulaM mahiShAsurasya || 14||
te sammatA janapadeShu dhanAni teShAM
teShAM yashAMsi na cha sIdati dharmavargaH |
dhanyAsta eva nibhR^itAtmajabhR^ityadArA
yeShAM sadAbhyudayadA bhavatI prasannA || 15||
dharmyANi devi sakalAni sadaiva karmA\-
NyatyAdR^itaH pratidinaM sukR^itI karoti |
svargaM prayAti cha tato bhavatIprasAdAt
lokatraye.api phaladA nanu devi tena || 16||
durge smR^itA harasi bhItimasheShajantoH
svasthaiH smR^itA matimatIva shubhAM dadAsi |
dAridrayaduHkhabhayahAriNi kA tvadanyA
sarvopakArakaraNAya sadAr.a.adrachittA || 17||
ebhirhatairjagadupaiti sukhaM tathaite
kurvantu nAma narakAya chirAya pApam |
sa~NgrAmamR^ityumadhigamya divaM prayAntu
matveti nUnamahitAn vinihaMsi devi || 18||
dR^iShTvaiva kiM na bhavatI prakaroti bhasma
sarvAsurAnariShu yatprahiNoShi shastram |
lokAn prayAntu ripavo.api hi shastrapUtA
itthaM matirbhavati teShvapi te.atisAdhvI || 19||
khaDgaprabhAnikaravisphuraNaistathograiH
shUlAgrakAntinivahena dR^isho.asurANAm |
yannAgatA vilayamaMshumadindukhaNDa\-
yogyAnanaM tava vilokayatAM tadetat || 20||
durvR^ittavR^ittashamanaM tava devi shIlaM
rUpaM tathaitadavichintyamatulyamanyaiH |
vIryaM cha hantR^i hR^itadevaparAkramANAM
vairiShvapi prakaTitaiva dayA tvayettham || 21||
kenopamA bhavatu te.asya parAkramasya
rUpaM cha shatrubhayakAryatihAri kutra |
chitte kR^ipA samaraniShThuratA cha dR^iShTA
tvayyeva devi varade bhuvanatraye.api || 22||
trailokyametadakhilaM ripunAshanena
trAtaM tvayA samaramUrdhani te.api hatvA |
nItA divaM ripugaNA bhayamapyapAstaM
asmAkamunmadasurAribhavaM namaste || 23||
shUlena pAhi no devi pAhi khaDgena chAmbike |
ghaNTAsvanena naH pAhi chApajyAniHsvanena cha || 24||
prAchyAM rakSha pratIchyAM cha chaNDike rakSha dakShiNe |
bhrAmaNenAtmashUlasya uttarasyAM tatheshvari || 25||
saumyAni yAni rUpANi trailokye vicharanti te |
yAni chAtyarthaghorANi tai rakShAsmAMstathA bhuvam || 26||
khaDgashUlagadAdIni yAni chAstrANi te.ambike |
karapallavasa~NgIni tairasmAn rakSha sarvataH || 27||

iti markaNDeyapurANe chaturashItitamAdhyAyAntargataM
         devaiH kR^itaM durgAstotraM samAptam |

mArkaNDeyapurANa | adhyAya 81|| 84/3\-27||
##
mArkaNDeyapurANa . adhyAya 81.. 84/3-27..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}