% Text title            : Devaih Kritam 08 Durga Stotram
% File name             : devaiHkRRitaM08durgAstotram21.itx
% Category              : devii, devI, lakShmInArAyaNIyasaMhitA, stotra
% Location              : doc\_devii
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 1 | adhyAya 180/3-22||
% Latest update         : December 25, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devaih Kritam 08 Durga Stotram ..}##
\itxtitle{.. devaiH kR^itaM 8 durgAstotram 21 ..}##\endtitles ##
devAH kailAsamAsAdya susthAne praNipadya cha |
sasmarushcha praNemushcha tuShTuvushcha tadA satIm || 3||
devyubhe omiti tvaM vai gAyatrI parameshvarI |
pUjitA brahmamunibhirUrjitA rAjabhirnR^ipaiH || 4||
tvaM bhUritiviDbhiH pR^ithvI shUdraiH shiveti pUjitA |
kShAntirmunInAmakShobhyA dayA niyaminAmapi || 5||
tvaM mahopAyasandohA nItirnayavisarpiNAm |
parichitistvamarthAnAM tvamIhA prANihR^ichChrayA || 6||
tvaM muktiH sarvabhUtAnAM tvaM matiH sarvadehinAm |
ItistvaM raktachittAnAM prItistvaM hR^idi dehinAm || 7||
tvaM kIrtiH satyabhUtAnAM tvaM shAntirduShTakarmaNAm |
tvaM bhrAntiH sarvabhUtAnAM tvaM gatiH kratuyAjinAm || 8||
tvaM samudramahAvelA tvaM cha lIlA vilAsinAm |
sambhUtistvaM padArthAnAM sthitistvaM lokapAlinAm || 9||
tvaM kAlarAtrirniHsheShabhuvanAvalivAsinI |
priyakaNThagrahAnandadAyinI tvaM vibhAvarI || 10||
rakShikA tvamanAthAnAM darshanaM dehi chAmbike |
anekairvividhairloke rUpairdevi tvamarchitA || 11||
sadA shivapriye durge tvAM namAmo maheshvari |
shrIshaktiM pAvanIM puShTiM mahadavyaktarUpiNIm || 12||
vayaM namAmahe bhaktyA shuddhAM brahmaparAyaNAm |
antarvidyAsuvidyAbhyAM suprItAM tvAM namAmahe || 13||
tvaM dIdhitiH sUryagatA kaumudI chandrasa~NgatA |
ApyAyayasi brahmAditR^iNAntaM tvAM namAmahe || 14||
gAyatrI tvaM vedamAtA tvaM sAvitrI sarasvatI |
tvaM vArtA sarvajagatAM tvaM trayI dharmarUpiNI || 15||
tvaM nidrA sarvabhUteShu kShudhA tR^iptistvameva ha |
tvaM lakShmIH puNyakartR^INAmalakShmIH pApinAM tathA || 16||
tvaM shAntiH sarvajagatAM tvaM dhAtrI prANapoShiNI |
gItistvaM sAmavedasya granthistvaM yajuShAM hutiH || 17||
R^igvedasya tathA mAtrA.atharvaNasya parA gatiH |
samastagIrvANashaktirduHkhanistArakAriNI || 18||
shive rudrANi sannidre chaNDe kAtyAyani sati |
kaushiki chaNDike kAli nArAyaNi namo.astu te || 19||
tapaHpriye sadAdR^ishye pArvati te namonamaH |
prasannA bhava deveshi darshanaM dehi suvrate || 20||
menAyAM labha putrItvaM mahAdevi namo.astu te |
itthaM devaiH stutA devI durgA durgatinAshinI || 21||
AvirbabhUva devAnAM purato jagadambikA |
babhUvA.a.anandasandohaH sarveShAM tridivaukasAm || 22||

iti shrIlakShmInArAyaNIyasaMhitAyAM prathame kR^itayugasantAne 180\-adhyAyAntargataM
devaiH kR^itaM durgAstotraM sampUrNam |

lakShmInArAyaNIyasaMhitA | khaNDa 1| adhyAya 180/3\-22||
##
lakShmInArAyaNIyasaMhitA . khaNDa 1. adhyAya 180/3-22..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}