% Text title            : Devaih Kritam 2 Shri Lakshmi Stotram
% File name             : devaiHkRRitaM2shrIlakShmIstotram.itx
% Category              : devii, devI, brahmavaivartapurANa, lakShmI, stotra
% Location              : doc\_devii
% Proofread by          : PSA Easwaran
% Description/comments  : brahmavaivartapurANa | shrIkRRiShNajanma, uttarabhAga | adhyAya 56/76-91||
% Latest update         : March 29, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devaih Kritam 2 Shri Lakshmi Stotram ..}##
\itxtitle{.. devaiH kR^itaM 2 shrIlakShmIstotram ..}##\endtitles ##
devA UchuH |
kShamasva bhagavatyamba kShamAshIle parAtpare |
shuddhasattvasvarUpe cha kopAdiparivarjite || 76||
upame sarvasAdhvInAM devInAM devapUjite |
tvayA vinA jagatsarvaM mR^itatulyaM cha niShphalam || 77||
sarvasampatsvarUpA tvaM sarveShAM sarvarUpiNI |
rAseshvaryadhidevI tvaM tvatkalAH sarvayoShitaH || 78||
kailAse pArvatI tvaM cha kShIrode sindhukanyakA |
svarge cha svargalakShmIstvaM martyalakShmIshcha bhUtale || 79||
vaikuNThe cha mahAlakShmIrdevadevI sarasvatI |
ga~NgA cha tulasI tvaM cha vR^indA vR^indAvane vane || 80||
kR^iShNaprANAdhidevI tvaM goloke rAdhikA svayam |
rAse rAseshvarI tvaM cha vR^indA vR^indAvane vane || 81||
kR^iShNapriyA tvaM bhANDIre chandrA chandanakAnane |
virajA champakavane shatashR^i~Nge cha sundarI || 82||
padmAvatI padmavane mAlatI mAlatIvane |
kundadantI kundavane sushIlA ketakIvane || 83||
kadambamAlA tvaM devI kadambakAnane.api cha |
rAjalakShmI rAjagehe gR^ihalakShmIrgR^ihe gR^ihe || 84||
ityuktavA devatAH sarve munayo manavastathA |
rurudurnamravadanAH shuShkakaNThoShThatAlukAH || 85||
iti lakShmIstavaM puNyaM sarvadevaiH kR^itaM shubham |
yaH paThetprAtarutthAya sa vai sarvaM labheddhruvam || 86||
abhAryolabhate bhAryAM vinItAM cha sutAM satIm |
sushIlAM sundarIM ramyAmatisupriyavAdinIm || 87||
putrapautravatIM shuddhAM kulajAM komalAM varAm |
aputro labhate putraM vaiShNavaM chirajIvinam || 88||
paramaishvaryayuktaM cha vidyAvantaM yashasvinam |
bhraShTarAjyo labhedrAjyaM bhraShTashrIrlabhate shriyam || 89||
hatabandhurlabhedbandhuM dhanabhraShTo dhanaM labhet |
kIrtihIno labhetkIrtiM pratiShThAM cha labheddhruvam || 90||
sarvama~NgaladaM stotraM shokasantApanAshanam |
harShAnandakaraM shashvaddharmamokShasuhR^itpradam || 91||

iti shrIbrahmavaivartapurANe shrIkR^iShNajanmakhaNDe
         uttare ShaTpa~nchAshattamAdhyAyAntargataM
         shrIlakShmIstotraM samAptam |

brahmavaivartapurANa | shrIkR^iShNajanma, uttarabhAga | adhyAya 56/76\-91||
##
brahmavaivartapurANa . shrIkRRiShNajanma, uttarabhAga . adhyAya 56/76-91..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}