% Text title            : Devatabhihkritam Parameshvari Stotram
% File name             : devatAbhiHkRRitaMparameshvarIstotram.itx
% Category              : devii, devI, lakShmInArAyaNIyasaMhitA, stotra
% Location              : doc\_devii
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 115/67-98||
% Latest update         : February 28, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devatabhihkritam Parameshvari Stotram ..}##
\itxtitle{.. devatAbhiHkR^itaM parameshvarIstotram ..}##\endtitles ##
devatA indraprasthe vai vishAle vanavistare |
kuNDaM suyogyavistAraM kR^itvA vahniM nidhAya cha || 67||
kR^itvA dR^iDhAM pratij~nAM vai mahAlakShmIM prapUjya cha |
parito havanaM chakruH prItyarthaM tu shriyA hareH || 68||
brahmabhUtA bhaviShyAmo bhokShyAmo vA triviShTapam |
ityevaM havanaM chakrustAvatprAdurbabhUva ha || 69||
chakrAkAraM mahattejastanmadhye pArameshvarI |
jaganmAtA jIvadAtrI nArAyaNI pareshvarI || 70||
vyUhatejomayI brahmAnandinI harisundarI |
pAshA~NkushekShukodaNDapadmamAlA lasatkarA || 71||
dR^iShTvA tAM mumuhurdevAH praNemurvigatajvarAH |
tuShTuvuH shrImahAlakShmIM lalitAM vaiShNavIM prasUm || 72||
jaya lakShmi jaganmAtarjaya lakShmi parAtpare |
jaya kalyANanilaye jaya sarvakalAtmike || 73||
jaya brAhmi mahAlakShmi brahmAtmike parAtmike |
jaya nArAyaNi shAnte jaya shrIlalite rame || 74||
jaya shrIvijaye devIshvari shrIde jayarddhide |
namaH sahasrashIrShAyai sahasrAnanalochane || 75||
namaH sahasrahastAbjapAdapa~Nkajashobhite |
aNoraNutare lakShmi mahato.api mahIyasi || 76||
atalaM te smR^itau pAdau vitalaM jAnunI tava |
rasAtalaM kaTiste cha kukShiste pR^ithivI matA || 77||
hR^idayaM bhuvaH svaste.astu mukhaM satyaM shiro matam |
dR^ishashchandrArkadahanA dishaH karNA bhujAH surAH || 78||
marutastu tavochChvAsA vAchaste shrutayo matAH |
krIDA te lokarachanA sakhA te parameshvaraH || 79||
AhAraste sadA.a.anando vAsaste hR^idaye hareH |
dR^ishyAdR^ishyasvarUpANi rUpANi bhuvanAni te || 80||
shiroruhA ghanAste vai tArakAH kusumAni te |
dharmAdyA bAhavaste cha kAlAdyA hetayastava || 81||
yamAshcha niyamAshchApi karapAdanakhAstava |
stanau svAhAsvadhAkArau sarvajIvanadugdhadau || 82||
prANAyAmastava shvAso rasanA te sarasvatI |
mahIruhAste.a~NgaruhAH prabhAtaM vasanaM tava || 83||
Adau dayA dharmapatnI sasarja nikhilAH prajAH |
hR^itsthA tvaM vyApinI lakShmIrmohinI tvaM tathA parA || 84||
idAnIM dR^ishyase brAhmI nArAyaNI priya~NkarI |
namastasyai mahAlakShmyai gajamukhyai namo namaH || 85||
sarvashaktyai sarvadhAtryai mahAlakShmyai namo namaH |
yA sasarja virAjaM cha tato.ajaM viShNumIshvaram || 86||
rudraM tathA surAgryA.Nshcha tasyai lakShmyai namo namaH |
triguNAyai nirguNAyai hariNyai te namo namaH || 87||
yantratantrAtmikAyai te jaganmAtre namo namaH |
vAgvibhUtyai gurutanvyai mahAlakShmyai namo namaH || 88||
kambharAyai sarvavidyAbharAyai te namo namaH |
jayAlalitApA~nchAlIramAtanvai namo namaH || 89||
padmAvatIramAhaMsIsuguNA.a.aj~nAshriyai namaH |
namaHstutA prasannaivaM ChandayAmAsa sadvaraiH || 90||
devAH prAhushcha tuShTA chedbhaNDAsuraM vinAshaya |
durdharaM jIvitaM saukhyaM dehi te sharaNArthinaH || 91||
mahAlakShmIH samuvAcha muditAH santu nirbhayAH |
bhaNDAsuraM nAshayiShye lalitA.ahaM mahAsatI || 92||
stAvakA me bhaviShyanti shrIyashodharmasambhR^itAH |
vidyAvinayasampannA nirogA dIrghajIvinaH || 93||
putramitrakalatrADhyA bhaviShyanti susampadaH |
itilabdhavarA devAH satraM chakruH prapUrNakam || 94||
atha sA lalitA lakShmIrvaramAlAM karotthitAm |
anAdishrImahAviShNusvarUpAya parAtmane || 95||
tatraiva pashyatAM sarvasurANAM chArpayadgale |
devadundubhayo nedurjayashabdAstadA.abhavan || 96||
gItayashchA.abhavaMstatrA.apsarasAM surayoShitAm |
nanR^itushchApsarasashcha jagurgandharvasattamAH || 97||
R^iShayaH stavanaM chakrurAshIrvAdaparAyaNAH |
sAdhavo namanaM chakruH sevAM chakrushcha pArShadAH || 98||

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
115\-adhyAyAntargataM devatAbhiHkR^itaM parameshvarIstotraM sampUrNam |

lakShmInArAyaNIyasaMhitA | khaNDa 3| adhyAya 115/67\-98||
##
lakShmInArAyaNIyasaMhitA . khaNDa 3. adhyAya 115/67-98..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}