% Text title            : Devataganaih Kritam Devaki Stotram
% File name             : devatAgaNaiHkRRitaMdevakIstotram.itx
% Category              : devii, devI, viShNupurANa, stotra
% Location              : doc\_devii
% Proofread by          : PSA Easwaran
% Description/comments  : viShNupurANa | adhyAya 5/2/7-21||
% Latest update         : October 2, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devataganaih Kritam Devaki Stotram ..}##
\itxtitle{.. devatAgaNaiH kR^itaM devakIstotram ..}##\endtitles ##
adR^iShTAM puruShaiH strIbhirdevakIM devatAgaNAH |
vibhrANAM vapuShA viShNuM tuShTuvustAmaharnisham || 5\-2\-6||
devatAgaNA UchuH |
prakR^itistvaparA sukShmA brahmagarbhAbhavaH purA |
tato vANI jagaddhAturvedagarbhAsi shobhane || 5\-2\-7||
sUryasvarUpagarbhAsi sR^iShTibhUtA sanAtanI |
bIjabhUtA tu sarvasya yaj~nabhUtAbhavastrayI || 5\-2\-8||
phalagarbhA tvamevejyA vahnigarbhA tathAraNiH |
aditirdevagarbhA tvaM daityagarbhA tathA ditiH || 5\-2\-9||
jyotsnA vAsaragarbhA tvaM j~nAnagarbhAsi sannatiH |
nayagarbhA parA nItirlajjA tvaM prashrayodvahA || 5\-2\-10||
kAmagarbhA tathechChA tvaM tuShTiH santoShagarbhiNI |
medhA cha bodhagarbhAsi dhairyagarbhodvahA dhR^itiH || 5\-2\-11||
graharkShatArakAgarbhA dyaurasyAkhilahaitukI |
etA vibhUtayo devi tathAnyAshva sahasrashaH || 5\-2\-12||
tathAsa~NkhyA jagaddhAtri sAmprataM jaThare tava |
samudrAdridvIpavanapattanabhUShaNA || 5\-2\-13||
grAma\-kharvaTa\-khaiTADhyA samastA pR^ithivI shubhe |
samastavahnayo.ambhAMsi sakalAshva samIraNAH || 5\-2\-14||
graharkShatArakAchitraM vimAnashatasa~Nkulam |
avakAshamasheShasya yaddadAtinabhaHsthalam || 5\-2\-15||
bhUrlokashva bhuvarlokaH svarloko.atha maharjjanaH |
tapashva brahmalokashva brahmANDamakhilaM shubhe || 5\-2\-16||
tadantare sthitA devA daityagandharvachAraNAH |
mahoragAstatha yakShA rAkShasAH pretaguhyakAH || 5\-2\-17||
manuShyAH pashavashchAnye ye cha jIvA yashasvini |
tairantaHsthairananto.asau sarveshaH sarvabhAvanaH || 5\-2\-18||
rUpakarmasvarUpANi na parichChedagochare |
yasyAkhilapramANAni sa viShNurgarbhagastava || 5\-2\-19||
tvaM svAhA tvaM svadhA vidyA sudhA tvaM jyotirambare |
tvaM sarvalokarakShArthamavatIrNA mahItale || 5\-2\-20||
prasIda devi sarvasya jagataH shaM shubhe kuru |
prItyA tvaM dhArayeshAnaM dhR^itaM yenAkhilaM jagat || 5\-2\-21||

iti viShNupurANe pa~nchamabhAge dvitIyAdhyAyAntargataM
         devatAgaNaiH kR^itaM devakIstotraM samAptam |

viShNupurANa | adhyAya 5/2/7\-21||
##
viShNupurANa . adhyAya 5/2/7-21..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}