% Text title            : devIbhuja.ngastotram
% File name             : devibhujanga.itx
% Category              : devii, pArvatI, bhujanga, devI, shankarAchArya
% Location              : doc\_devii
% Author                : Shankaracharya
% Transliterated by     : Sridhar Seshagiri seshagir at engineering.sdsu.edu
% Proofread by          : Sridhar Seshagiri seshagir at engineering.sdsu.edu
% Latest update         : August 23, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devibhujangastotram ..}##
\itxtitle{.. devIbhuja.ngastotram ..}##\endtitles ##
        .. shrIH ..
    .. atha devIbhuja.ngastotram ..
viri~nchyAdibhiH pa~nchabhirlokapAlaiH
samUDhe mahAnandapIThe niShaNNam .
dhanurbANapAshA~Nkushaprotahasta.n
mahastraipura.n sha.nkarAdvaitamavyAt .. 1..
yadannAdibhiH pa~nchabhiH koshajAlaiH
shiraHpakShapuchChAtmakairantarantaH .
nigUDhe mahAyogapIThe niShaNNa.n
purArerathAntaHpura.n naumi nityam .. 2..
viri~nchAdirUpaiH prapa~nche vihR^itya
svatantrA yadA svAtmavishrAntireShA .
tadA mAnamAtR^iprameyAtirikta.n
parAnandamIDe bhavAni tvadIyam .. 3..
vinodAya chaitanyameka.n vibhajya
dvidhA devi jIvaH shivashreti nAmnA .
shivasyApi jIvatvamApAdayantI
punarjIvamena.n shiva.n vA karoShi .. 4..
samAku~nchya mUla.n hR^idi nyasya vAyu.n
mano bhrUbila.n prApayitvA nivR^ittAH .
tataH sachchidAnandarUpe pade te
bhavantyamba jIvAH shivatvena kechit .. 5..
sharIre.atikaShTe ripau putravarge
sadAbhItimUle kalatre dhane vA .
na kashchidvirajyatyaho devi chitra.n
katha.n tvatkaTAkSha.n vinA tattvabodhaH .. 6..
sharIre dhane.apatyavarge kalatre
viraktasya saddeshikAdiShTabuddheH .
yadAkasmika.n jyotirAnandarUpa.n
samAdhau bhavettattvamasyamba satyam .. 7..
mR^iShAnyo mR^iShAnyaH paro mishramena.n
paraH prAkR^ita.n chAparo buddhimAtram .
prapa~ncha.n mimIte munInA.n gaNo.aya.n
tadetattvameveti na tvA.n jahImaH .. 8..
nivR^ittiH pratiShThA cha vidyA cha shAnti\-
stathA shAntyatIteti pa~nchIkR^itAbhiH .
kalAbhiH pare pa~nchavi.nshAtmikAbhi\-
stvamekaiva sevyA shivAbhinnarUpA .. 9..
agAdhe.atra sa.nsArapa~Nke nimagna.n
kalatrAdibhAreNa khinna.n nitAntam .
mahAmohapAshaughabaddha.n chirAnmA.n
samuddhartumamba tvamekaiva shaktA .. 10..
samArabhya mUla.n gato brahmachakra.n
bhavaddivyachakreshvarIdhAmabhAjaH .
mahAsiddhisa.nghAtakalpadrumAbhA\-
navApyAmba nAdAnupAste cha yogI .. 11..
gaNeshairgrahairamba nakShatrapa~NktyA
tathA yoginIrAshipIThairabhinnam .
mahAkAlamAtmAnamAmR^ishya loka.n
vidhatse kR^iti.n vA sthiti.n vA maheshi .. 12..
lasattArahArAmatisvachChachelA.n
vahantI.n kare pustaka.n chAkShamAlAm .
sharachchandrakoTiprabhAbhAsurA.n tvA.n
sakR^idbhAvayanbhAratIvallabhaH syAt .. 13..
samudyatsahasrArkabimbAbhavaktrA.n
svabhAsaiva sindUritAjANDakoTim .
dhanurbANapAshA~NkushAndhArayantI.n
smarantaH smara.n vApi saMmohayeyuH .. 14..
maNisyUtatATa~NkashoNAsyabimbA.n
haritpaTTavastrA.n tvagullAsibhUShAm .
hR^idA bhAvaya.nstaptahemaprabhA.n tvA.n
shriyo nAshayatyamba chA~nchalyabhAvam .. 15..
mahAmantrarAjAntabIja.n parAkhya.n
svato nyastabindu svaya.n nyastahArdam .
bhavadvaktravakShojaguhyAbhidhAna.n
svarUpa.n sakR^idbhAvayetsa tvameva .. 16..
tathAnye vikalpeShu nirviNNachittA\-
stadeka.n samAdhAya bindutraya.n te .
parAnandasa.ndhAnasindhau nimagnAH
punargarbharandhra.n na pashyanti dhIrAH .. 17..
tvadunmeShalIlAnubandhAdhikArA\-
nviri~nchyAdikA.nstvadguNAmbhodhibindUn .
bhajantastitIrShanti sa.nsArasindhu.n
shive tAvakInA susaMbhAvaneyam .. 18..
kadA vA bhavatpAdapotena tUrNa.n
bhavAmbhodhimuktIrya pUrNAntara~NgaH .
nimajjantamena.n durAshAviShAbdhau
samAlokya loka.n katha.n paryudAsse .. 19..
kadAvA hR^iShIkANi sAmya.n bhajeyuH
kadA vA na shatrurna mitra.n bhavAni .
kadA vA durAshAviShUchIvilopaH
kadA vA mano me samUla.n vinashyet .. 20..
namovAkamAshAsmahe devi yuShma\-
tpadAmbhojayugmAya tigmAya gauri .
viri~nchyAdibhAsvatkirITapratolI\-
pradIpAyamAnaprabhAbhAsvarAya .. 21..
kache chandrarekha.n kuche tArahAra.n
kare svAduchApa.n share ShaTpadaugham .
smarAmi smarArerabhiprAyameka.n
madAghUrNanetra.n madIya.n nidhAnam .. 22..
shareShveva nAsA dhanuShveva jihvA
japApATale lochane te svarUpe .
tvageShA bhavachchandrakhaNDe shravo me
guNe te manovR^ittiramba tvayi syAt .. 23..
jagatkarmadhIrAnvachodhUtakIrAn
kuchanyastahArAnkR^ipAsindhupUrAn .
bhavAmbhodhipArAnmahApApadUrAn
bhaje vedasArA~nshivapremadArAn .. 24..
sudhAsindhusAre chidAnandanIre
samutphullanIpe suratrAntarIpe .
maNivyUhasAle sthite haimashAle
manojArivAme niShaNNa.n mano me .. 25..
dR^igante vilolA sugandhIShumAlA
prapa~nchendrajAlA vipatsindhukUlA .
munisvAntashAlA namallokapAlA
hR^idi premalolAmR^itasvAdulIlA .. 26..
jagajjAlametattvayaivAmba sR^iShTa.n
tvamevAdya yAsIndriyairarthajAlam .
tvavekaiva kartrI tvamekaiva bhoktrI
na me puNyapApe na me bandhamokShau .. 27..
iti premabhAreNa ki~nchinmayokta.n
na budhvaiva tattva.n madIya.n tvadIya.n .
vinodAya bAlasya maurkhya.n hi mAta\-
stadetatpralApastuti.n me gR^ihANa .. 28..M
iti shrImatparamaha.nsaparivrAjakAchAryasya
shrIgovindabhagavatpUjyapAdashiShyasya
shrImachCha.nkarabhagavataH kR^itau
devIbhuja.ngastotraM sampUrNam  ..
##

%Date: Thu, 17 Aug 2000 01:09:18 -0400 (EDT)
Encoded by Sridhar SeshagiriM

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}