% Text title : Divya Mangala Dhyanam % File name : divyamangalAdhyAnam.itx % Category : devii, dhyAnam, dashamahAvidyA, devI, mangala, shataka % Location : doc\_devii % Transliterated by : Adwaith Menon adwaithmenon at gmail.com % Proofread by : Adwaith Menon, PSA Easwaran % Latest update : October 22, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Divya Mangala Dhyanam ..}## \itxtitle{.. shrIdivyama~NgalAdhyAnam ..}##\endtitles ## (shrIsarvama~Ngalama~NgalA shrImahArAj~nI rAjarAjeshvarIstotradhyAnam |) OM asya shrImahArAj~nI shrIrAjarAjeshvarI dhyAnamahAmantrasya AnandadakShiNAmUrtiH R^iShiH | pa~NktiH ChandaH | shrIrAjarAjeshvarI parAdevatA | eM bIjam | sauH shaktiH | klIM kIlakam | mama shrImahArAj~nI rAjarAjeshvarI prasAdasiddhyarthe jape viniyogaH | atha hR^idayAdiShaDa~NganyAsaH OM hrIM hR^idayAya namaH | OM shrIM shirase svAhA | OM aiM shikhAyai vaShaT | OM hrIM kavachAya huM | OM shrIM netratrayAya vauShaT | OM aiM astrAya phaT | iti hR^idayAdiShaDa~NganyAsaH || atha karanyAsaH | OM hrIM a~NguShThAbhyAM namaH | OM shrIM tarjanIbhyAM namaH | OM aiM madhyamAbhyAM namaH | OM hrIM anAmikAbhyAM namaH | OM shrIM kaniShThikAbhyAM namaH | OM aiM karatalakarapR^iShThAbhyAM namaH | iti karanyAsaH || dhyAnam \- AraktAbhAM trinetrAM maNimakuTadharAM ratnatATa~NkaramyAM hastAmbhojaiH sapAshA~NkushamadanadhanussAyakaiH visphurantIm | ApInottu~NgavakShoruhapariviluThattArahArojjvalA~NgIM dhyAyet kAmA~NgasaMsthAmaruNimavasanAM IshvarIM IshvarANAm || OM mAnasapUjanam athavA pa~nchopachArapUjAH | laM pR^ithivyAtmakaM gandhaM kalpayAmi | haM AkAshAtmakaM puShpaM samarpayAmi | yaM vAyyAtmakaM dhUpamAghrApayAmi | raM vahnyAtmakaM dIpaM darshayAmi | vaM amR^itAtmakaM naivedyaM nivedayAmi | saM sarvAtmakaM tAmbUlaM nivedayAmi | devyuvAcha | devadeva! mahAdeva! sachchidAnandavigraha!| pa~nchakR^ityapareshAna! paramAnandadAyaka! 1|| shrIrAjarAjarAjeshI yA shrImattripurasundarI | parAparamayI vidyA paramAnandarUpiNI || 2|| tasyA dhyAna~ncha mantra~ncha pUjAM pUjakalakShaNam | idAnIM shrotumichChAmI shrutAni bahushaH purA || 3|| mantrANi koTisa~NkhyAtAnyanekAni cha vistarAt | mantrANi durvij~neyAni ko vA vetti samAsataH || 4|| sarvamantreShu yatsAraM sarvatantreShvapi prabho | brahmaviShNumaheshAdyairanishaM yachcha japyate || 5|| yatpUjyate sadA siddhaistadvadasva kramAdiha | avAchyamapi yadvAchyaM yadi te karuNA mayi | lakShavArasahasrANi vAritApi punaH punaH || 6|| shrIshiva uvAcha - strIsvabhAvAnmahAdevi! punastvaM paripR^ichChasi | ShoDashAkSharavidyAyA nyAsassarvArthasAdhakaH || 7|| kShayarogAdimR^ityughnaM sarvasaubhAgyavarddhanam | itaH pUrvaM mayA noktaM gopyAdgopyataraM shive || 8|| shrIrAjarAjarAjeshIdhyAnaM sarvottamottamam | yenAhamapi yuddheShu devAsurajayI sadA || 9|| nigamAgamakoTInAM sArAtsArataraM param | tava snehAtpravakShyAmi bhogamokShapradaM nR^iNAm || 10|| yajj~nAnAjjananIgarbhe na punarjAyate pumAn | anekakoTibrahmANDakoTInAM bahirUrdhvataH || 11|| sahasrakoTivistIrNasudhAsindhostu madhyame | ratnadvIpajagaddIpe shatakoTipravistare || 12|| pa~nchaviMshati tattvAtma pa~nchaviMshati vaprakaiH | navaratnamayaistaptahATakAla~NkR^itaiH shubhaiH || 13|| anekakoTivitatairmaNikuTTimamaNDitaiH | jAtIchampakapunnAgaketakIbakulAdibhiH || 14|| bilvaishcha sahakAraishcha hallakaishcha kadambakaiH || 15|| sarvartukusumaiH sarvavA~nChitArthaphalapradaiH | vasantamanmathAnekarakShitaiH pakShisa~NkulaiH || 16|| nadInadasahasraishcha sudhAdhikarasottaraiH | svarnadIshatasAhasraiH kUlodyatkalpapAdapaiH || 17|| svarNasArasahaMsAlilasatsauvarNapa~NkajaiH | anyaishcha vividhaiH pakShilakShaiH pUrNaiH salakShaNaiH || 18|| shatayojanamunnamrairgopurATTAlamaNDapaiH | ravikoTisamaprakhyaishshobhitairmaNitoraNaiH || 19|| trilakShayojanAyAmachintAmaNigR^ihA~NgaNe | navashaktilasadratnapIThe tattvamaye shubhe || 20|| shatayojanavistAre shrIchakrAntastrikoNake | chatuHpIThAntare bindau chandrasUryAgnimaNDale || 21|| (sUryAgnikoTibhe) mahAmAyA yavinakA mahite subR^ihattare | (lasadAsanaShaTkoNe chaturAsanagarbhite || 22||) pa~nchabrahmAtmake ma~nche sarvatattvamayAmbuje || 22|| ## var ## sarvatattvamaye shubhe saShaDAnanaShaTkoNe chaturAnanagarbhite | chatuHpIThAntaShaTtriMshattattvodyathaMsatUlike || 23|| (turyapIThAnta) sarvavidyAsane sarvatejomayashubhAstare | koTikandarpalAvaNyashivavAmA~NkavAsinIm || 24|| ekakAloditAnekakoTikoTyarkapATalAm | japAkusumasha~NkAshAmajapAmajapAtmikAm || 25|| prabhApATalitAnekakoTibrahmANDamaNDalAm | dADimIkusumAkArAM ku~NkumAruNavigrahAm || 26|| bAlArkakoTiprabhAM tryakShAM bAlendumakuTojjvalAm | acha~nchalataDitkoTiprabhAM pi~NgalavAsasam || 27|| samAvR^ittasuvR^ittorujaghanasthalamaNDalAm | koTIrakoTighaTitasudhAkarakarAplutAm || 28|| phAlabhUtilakIbhUtalochanAM kAmalochanAm | kaTAkShasaraNIniryatkaruNApUrNavIkShaNAm || 29|| sUryendumaNDalAkArAM maNitATa~NkamaNDitAm | shukrAkArasamAkAranAsAbharaNabhAsurAm || 30|| dADimIbIjasandohasandeharatnAvalim | vINAravaghR^iNAdAyinijavANIguNodayAm || 31|| karpUravITikAgandhasugandhitadigantarAm | maNidarpaNadarpaghnakapolaphalakaprabhAm || 32|| prasannavadanAmbhojAM samandahasitekShaNAm | maNima~NgalasUtreNa vilasatkambukandharAm || 33|| shrItakalpalatIbhUtabhujavallIchatuShTayAm | ratnA~NgulIyanivahojjvalada~NgulipallavAm || 34|| tArahAratsarIbhAsvatstanahATakabhUdharAm | kuchabhAranamanmaddhyatrivalIlalitodarAm || 35|| anargharatnakhachitarashanAjaghanasthalAm | suvR^ittaja~NghorukANDAM gUDhagulphAM guDAlakAm || 36|| shi~njAnamaNima~njIrama~njupAdAbjama~njulAm | ratnagraiveyavalayamukuTA~Ngadaka~NkaNAm || 37|| sunirmalAvR^ittanAbhiromarAjivirAjitAm | kambukaNThIM sunAsADhyAM bimboShThImuDupAnanAm || 38|| sarvashR^i~NgAraveShADhyAM sarvAbharaNabhAsurAm | chandanAgarukastUrImR^iganAbhisugandhinIm || 39|| kAraNeshashiroratnanighR^iShTacharaNAmbujAm | pa~nchapretAsanArUDhAM pa~nchapravaNavarUpiNIm || 40|| sR^iShTisthityapasaMhAratirodhAnAnugrahodyatAm | ShoDhAnyAsamahAbhUShAM ShoDashArNasvarUpiNIm || 41|| ichChAj~nAnakriyAnandachitpa~nchakavilAsinIm | prapa~nchAdijaganmUrtiM mantradaivatamAtR^ikAm || 42|| saptakoTimahAmantrarUpiNIM chitsvarUpiNIm | shaDadhvasaudhashR^i~NgAravihArarasapeshalAm || 43|| ShaDvidhaikyAnusandhAnaparachiddhAmni saMsthitAm | ShaDambhoruhachakrAntasphUrjatsaudAminIprabhAm || 44|| ShaDvaktragajavaktrAbhyAM pArshvayorupashobhitAm | aNimAdyAvR^itAmAdyAmaNimAdyaShTasiddhidAm || 45|| sakR^itsmaraNamAtreNa viri~nchAdipadapradAm | kalyANaguNasampannAM nityakalyANadAyinIm || 46|| sarvama~NgaladAM devIM sarvama~NgalavigrahAm | anekajanmasaMsiddhasukR^itArAdhyapAdukAm || 47|| sarvalokaikajananIM sarvalokaikanAyikAm | sachAmarAbhyAM shrIvAgbhyAM pArshvayorupajIvitAm || 48|| mantriNIdaNDinInItividhAnAkarNanotsukAm | kalAchIvITikAchChatrabhR^i~NgArAdarshapAdukAm || 49|| maNivINAM shukaM shArIM tAlavR^intaM kamaNDalum | pAnapatraM svarNavetraM pUrNasvarNaghaTadvayam || 50|| jayakAhalikAbherIsha~NkhadundubhimaddalAm | divyAni dhUpapAtrANi tathA sauvarNadIpikAH || 51|| bibhratIbhishcha bAlAnnapUrNatArAbhirAvR^itAm | gAyatryA chaiva sAvitryA siddhalakShmyAdishaktibhiH || 52|| vAgvAdinyA nakulyA cha tura~NgArUDhayA.a.avR^itAm | sampatkaryA cha sAmrAjyalakShmyA cha kurukulyayA || 53|| padmavatyA reNukayA bhImavatyA cha durgayA | nIlakarNyA mahAkAlyA bhadrakAlyA cha bhadrayA || 54|| ga~NgAdyAbhissaridbhishcha mAtR^ibhishcha susevitAm | mahAShoDoditAsheShadevatAgaNasevitAm || 55|| gaNeshagrahanakShatrayoginIrAshirUpiNIm | pa~nchAshatpIThamadhyasthAM pa~nchAshadvarNarUpiNIm || 56|| navachakrAtmikAM devIM navachakrAdhidevatAm | nityAnandamayIM nityAM nityaShoDashikAnvitAm || 57|| oDyANapIThanilayAM gurumaNDalamaNDitAm | anekayoginIvR^indairaNimAdyairmahojjvalaiH || 58|| koTikoTiprabhedaishcha bAlArkadyutisannibhaiH | chatussamayadevIbhI ShaDvidhairyoginIgaNaiH || 59|| ShaDdarshanAdhidevaishcha ShaDAmnAyAdhidaivataiH | chaturAyatanodbhAsi gaNeshArkaharIshvaraiH || 60|| navAvaraNadevIbhirnnavadhA yoginIgaNaiH | sevitAmaruNAnekakoTikoTyarkapATalAm || 61|| anekakoTibhishchaiva bAlArkAyutasannibhaiH | brahmANIkoTisahitairbrahmakoTibhirAvR^itAm || 62|| nAmapArAyaNodyuktairllakShmInArAyaNaiH stutAm | jvalanmanyubhiratyugraiH shatarudrIyasa.nj~nitaiH || 63|| rudrANIkoTisahitai rudrakoTibhirAvR^itAm | anekAghorasharabhairbaDavAnalabhairavaiH || 64|| durgAbhiH kAlikAbhishcha mahAkAlyaishcha saMvR^itAm | mAkAlIbhishcha gaNapairvIrabhadraishcha vaTukaiH kShetrapAlakaiH || 65|| sukumAraiH kumAraishcha tathA hariharAtmajaiH | anekakoTidikpAlaishchandrArkavasukoTibhiH || 66|| sanakAdyaishcha yogIndraiH saptarShINA~ncha koTibhiH | nAradAdisurarShINAM koTibhiH parisevitAm || 67|| apsaroyakShagandharvakinnarANA~ncha koTibhiH | koTibhirguhyakAnA~ncha savidyAdharakoTibhiH || 68|| sha~NkhapadmanidhInA~ncha koTibhiH parisevitAm | bhairavIbhairavAnekakoTikoTibhirAvR^itAm || 69|| surAsurANAM koTInAM koTibhiH parisevitAm | sarvamantramayIM devIM sachchidAnandarUpiNIm || 70|| ichChAj~nAnakriyArUpAmichChAkalitavigrahAm | parAdivaikharIrUpAM mahAmAyAM parAtparAm || 71|| mahAlakShmIM mahAdevIM mahAtripurasundarIm | jagadAhlAdajananIM jagatsa~NkalpavigrahAm || 72|| jagadujjIvanodyuktAM jagadra~njanakAriNIm | rAjarAjeshvarA~NkasthAM rAjarAjeshvarIM shivAm || 73|| evaM dhyAyetparAshaktiM hR^idi shrIchakrarUpake | pUrvoktanyAsashuddhAtmA sAtmAbhedena bhAvayet || 74|| antaryAgrakrameNaiva siddhadaivasamanvitaH | raktAmbarasragAlepo raktabhUShaNabhUShitaH || 75|| lAkShAruNagR^ihe sthitvA pUjAM kuryAt samAhitaH | AvAhanAdibhedaishcha dashamudrAH pradarshayet || 76|| saubhAgyadaNDinImudrAM ripujihvAgrayantriNIm | shaktisa~nchalanaM kuryanmukhaveShTanamAcharet || 77|| yathAshakti japedvidvAn shrIvidyAM sarvasiddhidAm | shAkta~ncha tilakaM kuryAt shaktilakShaNachihnitam || 78|| punaH sauvarNayA chaiva galordhvaM vinyasedbudhaH | vyApakAnte yonimudrAM mukhe kShiptvAbhivAdayet || 79|| saMhAra~ncha tataH sR^iShTiM sthitinyAsaM samAcharet | R^iShyAdikanyAsajAlaM ShaDa~NganyAsamAcharet || 80|| brahmarandhre nyasetpUrvaM maNibandhadvaye tathA | lalaTe.anAmikAM kR^itvA trailokyasyApyahaM prabhuH || 81|| gurUpadiShTamArgeNa prANAyAmaM samAcharet | kramapUjAparo mantrI shrIchakrArchanapUrvakam || 82|| bindubindudvayArUDhaM hArdayonisvarUpakam | mahAkAmakalArUpamAtmAnaM bhAvayetsudhIH || 83|| sampUrNA~nchintayedvidvAn brahmarandhrAruNaprabhAm | dravatsutAShoDashArNAM sarvasaubhAgyadAM smaret || 84|| ShoDashArNamahAmantraM mantrarAjottamottamam | sakR^itsmaraNamAtreNa koTijanmAghanAshanam || 85|| mahApAtakakoTInAM mArjanaM smR^itimAtrataH | upavAtakadaurbhAgyashamanaM bhuktimuktidam || 86|| viSharogAdidAridryamR^ityusaMhArakArakam | saptakoTimahAmantrapArAyaNaphalapradam || 87|| chatuHsamudraparyantabhUdAnaphaladaM shive!| sahasrakoTigodAnaphaladaM smR^itimAtrataH || 88|| koTyashvamedhaphaladaM jarAmR^ityunivAraNam | kiM punarbahunoktena shivasAyujyadAyakam || 89|| ghuTikA pAdukA siddhiH khecharatvAdidAyakam | brahmaviShNumaheshAdyairjapyaM tatpadasiddhaye || 90|| tadrUpAddeshikAllabdhaM ShoDashArNaM mahAmanum | sahasraM prajapedvidvAn trishataM shatameva vA || 91|| sa jIvanmukta eva syAtsarvasaubhAgyasundaraH | chatuHShaShTikalApUrNahR^idayaH sadayodayaH || 92|| shrIguroH pAdukAM mUrdhni shrIchakraM hR^idi devatA | shrIvidyA yasya jihvAgre sa sAkShAtparamaH shivaH || 93|| sahasrArasudhAkShiptaShaDamburuhamaNDalaH | AchandratArakasthAyi nijavaMshayashojjvalaH || 94|| shrIchakradevI shrInAthasvAtmAnamaikyamAdishet | trailokyamaruNaM dhyAtvA shrIvidyAM yo japetsudhIH || 95|| sa yogI kR^itakR^ityashcha charAcharagururbhavet | siddhachAraNagandharvayakSharakShogaNaiH stutaH || 96|| samastabhUtapretAdikR^ityAkR^ityavibha~njanaH | ja~NgamasthAvarodbhUtaviShavidrAvakovidaH || 97|| divyama~NgalakalyANaguNaratnairala~NkR^itaH | mR^itasa~njIvako yogI mahAdbhutacharitrabhUH || 98|| vicharatsakalAn lokAn nigrahAnugrahakShamaH | mahAlakShmImayo bhUtvA lakShmIvR^indaishcha sevitaH || 99|| bhu~njAno vividhAn bhogAn mUrtimAniva manmathaH | charAcharagururyogI sAkShAchChiva ivAparaH || 100|| rAjarAjeshvarIrUpo rAjarAjAdivanditaH | kulakoTiM samR^iddhR^itya devIsAyujyamApnuyAt || 101|| || ityumAmaheshvarasaMvAde rAjarAjeshvarItantre mokShaprade divyama~NgalAdhyAnaM sampUrNam || laM pR^ithivyAtmikAyai shrIrAjarAjeshvaryai gandhaM kalpayAmi | namaH | haM AkAshAtmikAyai shrIrAjarAjeshvaryai puShpaM samarpayAmi | namaH | yaM vAyavyAtmikAyai shrIrAjarAjeshvaryai dhUpamAghrApayAmi | namaH | raM vahnyAtmikAyai shrIrAjarAjeshvaryai dIpaM darshayAmi | namaH | vaM amR^itAtmikAyai shrIrAjarAjeshvaryai naivedyaM nivedayAmi | namaH | saM sarvAtmikAyai shrIrAjarAjeshvaryai tAmbUlaM nivedayAmi | namaH | ## The text differ in other prints. The referenced text has 113 verses and titled differently. Encoded by Adwaith Menon adwaithmenon at gmail.com Proofread by Adwaith Menon, PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}