॥ श्रीदुर्गाष्टोत्तर शतनामस्तोत्र २ ॥

॥ॐ श्री दुर्गा परमेश्वर्यै नमः ॥ अस्यश्री दुर्गाष्टोत्तर शतनामास्तोत्र मालामन्त्रस्य महाविष्णु महेश्वराः ऋषयः, अनुष्टुप्छन्दः, श्रीदुर्गापरमेश्वरी देवता, ह्रां बीजं, ह्रीं शक्तिः, ह्रूं कीलकं, सर्वाभीष्टसिध्यर्थे जपहोमार्चने विनियोगः । ॐ सत्या साध्या भवप्रीता भवानी भवमोचनी । आर्या दुर्गा जया चाध्या त्रिणेत्राशूलधारिणी ॥ पिनाकधारिणी चित्रा चंडघंटा महातपाः । मनो बुद्धि रहंकारा चिद्रूपा च चिदाकृतिः ॥ अनन्ता भाविनी भव्या ह्यभव्या च सदागतिः । शांभवी देवमाता च चिन्ता रत्नप्रिया तथा ॥ सर्वविद्या दक्षकन्या दक्षयज्ञविनाशिनी । अपर्णाऽनेकवर्णा च पाटला पाटलावती ॥ पट्टांबरपरीधाना कलमंजीररंजिनी । ईशानी च महाराज्ञी ह्यप्रमेयपराक्रमा । रुद्राणी क्रूररूपा च सुन्दरी सुरसुन्दरी ॥ वनदुर्गा च मातंगी मतंगमुनिकन्यका । ब्राम्ही माहेश्वरी चैन्द्री कौमारी वैष्णवी तथा ॥ चामुंडा चैव वाराही लक्ष्मीश्च पुरुषाकृतिः । विमला ज्ञानरूपा च क्रिया नित्या च बुद्धिदा ॥ बहुला बहुलप्रेमा महिषासुरमर्दिनी । मधुकैठभ हन्त्री च चंडमुंडविनाशिनी ॥ सर्वशास्त्रमयी चैव सर्वधानवघातिनी । अनेकशस्त्रहस्ता च सर्वशस्त्रास्त्रधारिणी ॥ भद्रकाली सदाकन्या कैशोरी युवतिर्यतिः । प्रौढाऽप्रौढा वृद्धमाता घोररूपा महोदरी ॥ बलप्रदा घोररूपा महोत्साहा महाबला । अग्निज्वाला रौद्रमुखी कालारात्री तपस्विनी ॥ नारायणी महादेवी विष्णुमाया शिवात्मिका । शिवदूती कराली च ह्यनन्ता परमेश्वरी ॥ कात्यायनी महाविद्या महामेधास्वरूपिणी । गौरी सरस्वती चैव सावित्री ब्रह्मवादिनी । सर्वतत्त्वैकनिलया वेदमन्त्रस्वरूपिणी ॥ इदं स्तोत्रं महादेव्याः नाम्नां अष्टोत्तरं शतम् । यः पठेत् प्रयतो नित्यं भक्तिभावेन चेतसा । शत्रुभ्यो न भयं तस्य तस्य शत्रुक्षयं भवेत् । सर्वदुःखदरिद्राच्च सुसुखं मुच्यते ध्रुवम् ॥ विद्यार्थी लभते विद्यां धनार्थी लभते धनम् । कन्यार्थी लभते कन्यां कन्या च लभते वरम् ॥ ऋणी ऋणात् विमुच्येत ह्यपुत्रो लभते सुतम् । रोगाद्विमुच्यते रोगी सुखमत्यन्तमश्नुते ॥ भूमिलाभो भवेत्तस्य सर्वत्र विजयी भवेत् । सर्वान्कामानवाप्नोति महादेवीप्रसादतः ॥ कुंकुमैः बिल्वपत्रैश्च सुगन्धैः रक्तपुष्पकैः । रक्तपत्रैर्विशेषेण पूजयन्भद्रमश्नुते ॥ ॥ॐ तत्सत् ॥ Encoded and proofread by N.Balasubramanian bbalu@sify.com
% Text title            : durgA108stotra 2
% File name             : durgA108stotra.itx
% itxtitle              : durgAShTottarashatanAmastotram 2
% engtitle              : Hymns with 108 Names of Goddess Durga 2
% Category              : aShTottarashatanAma, devii, durgA, stotra
% Location              : doc_devii
% Sublocation           : devii
% SubDeity              : durgA
% Texttype              : stotra
% Language              : Sanskrit
% Subject               : philosophy/hinduism/religion
% Transliterated by     : N.Balasubramanian bbalu at sify.com
% Proofread by          : N.Balasubramanian bbalu at sify.com
% Latest update         : August 8, 2007
% Send corrections to   : Sanskrit@cheerful.com
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.


Sanskrit Documents Home Home Sitemap Sanskrit Links Blog Contributors Support GuestBook FAQ Search

BACK TO TOP