% Text title            : Durgashtakam 5
% File name             : durgAShTakam5.itx
% Category              : devii, devI, aShTaka, durgA
% Location              : doc\_devii
% Description/comments  : provided by Madhav Das
% Latest update         : July 26, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Durgashtakam ..}##
\itxtitle{.. shrIdurgAShTakam ..}##\endtitles ##
durgA chaNDi shivA bhavAni girijA kAtyAyanI shUlinI
kAlI bhadrakapAlinI trinayanA vishveshvarI shA~NkarI |
ambA shailasutA surArchitapadA daityendradarpApahA
chidrUpA paradevatA bhagavatI shrIdurgikA pAhi mAm || 1||
durgA shumbhaniShUdinI madhumathinI dhUmrAsuradhvaMsinI
chaNDI raktavilochanI ripukulapradhvaMsinI bhIShaNA |
siMhArUDhavirAjitA varakarA bhaktArtisaMhAriNI
chidrUpA paradevatA bhagavatI shrIdurgikA pAhi mAm || 2||
durgA vedamayI parA shrutishirovandyA sanAtanyume
gAyatrI praNavAtmikA paramayI vidyeshvarI nirmalA |
vANI shrIrapi medhinI dhR^itimatI shraddhA dayA shAshvatI
chidrUpA paradevatA bhagavatI shrIdurgikA pAhi mAm || 3||
durgA brahmamayI haripraNayinI rudrapriyA sarvadA
lakShmIH padmavibhUShitA kamalajA gaurI cha nArAyaNI |
rAdhA kR^iShNamanoharA ramaNikA sItA cha rAmapriyA
chidrUpA paradevatA bhagavatI shrIdurgikA pAhi mAm || 4||
durgA shaktimayI parAtparatarA.anantaprabhA nirguNA
mAyA yoganidA parAshivatanurbindusvarUpAmbikA |
nAdAntasthitachinmayI hR^idayagA sarveshvarI sarvadA
chidrUpA paradevatA bhagavatI shrIdurgikA pAhi mAm || 5||
durgA shUlagadAsichakradhanuShAM pAshA~NkushairbhAsurA
khaDgaM kheTakasha~NkhapadmamamalaM bibhrANabhUShojjvalA |
bhaktAbhIShTaphalapradA vijayadA saubhAgyasampatkarI
chidrUpA paradevatA bhagavatI shrIdurgikA pAhi mAm || 6||
durgA bhUtapishAchadAnavabhayadhvAntapradIpopamA
vyAdhikShAmavinAshinI grahabhayachChettrI kR^ipAmandirA |
mR^ityudvAranivAriNI sharaNadA saMsAratAriNyume
chidrUpA paradevatA bhagavatI shrIdurgikA pAhi mAm || 7||
durgA sR^iShTivilAsakAriNi parA saMhAralIlAmayI
pAlanyekaparAyaNA trijagatAM mAteti vishrUyase |
AdyantasthitivarjitA parashivA pUrNAmR^itAnandinI
chidrUpA paradevatA bhagavatI shrIdurgikA pAhi mAm || 8||

durgAShTakamidaM puNyaM yaH paThedbhaktisaMyutaH |
tasya durgA prasannA syAt sarvAbhIShTaphalapradA || 9||
prAtaHkAle shuchirbhUtvA madhyAhne vA nishAmukhe |
yaH paThetsatataM bhaktyA sarvasaukhyamavApnuyAt || 10||
dAridryaM duHkhadaurbhAgyaM rogashokabhayaM tathA |
kShaNena nAshamAyAti durgAnAmAnukIrtanAt || 11||
aputraH putramApnoti nirdhano dhanavAnbhavet |
vidyArthI labhate vidyAM jayArthI vijayI bhavet || 12||
rAjadvAre sabhAmadhye sa~NgrAme shatrusa~NkaTe |
araNye sAgare durge durgA rakShati sarvadA || 13||
gadyapadyaprabandheShu vAgvaibhavamavApnuyAt |
sabhA madhye mahAprAj~no vAdinAM vijayI bhavet || 14||
bhUtapretapishAchAshcha DAkinyo yoginIgaNAH |
dUrAdeva palAyante stotrasyAsya prabhAvataH || 15||
aShTamyAM navamIkAle chaturdashyAM visheShataH |
yaH paThedbhAvasaMyuktaH siddhimApnoti nishchitam || 16||
durgAkShetre nadItIre parvate vA shivAlaye |
paThanAdasya stavasyAshu devI sAkShAtprasIdati || 17||
ante durgApuraM divyaM siMhAsanasamanvitam |
prApya devyAH samIpe.asau modate nAtra saMshayaH || 18||

iti shrIdurgAShTakaM sampUrNam ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}