% Text title            : durgAchandrakalAstutiH
% File name             : durgAchandra.itx
% Category              : devii, durgA, stotra, appayya-dIkShita, devI
% Location              : doc\_devii
% Author                : Shri Appaya Dikshita
% Transliterated by     : Sridhar  Seshagiri sridhar.seshagiri at gmail.com
% Proofread by          : Sridhar  Seshagiri, Viswapathi Gopalakrishnan vis\_gop at rediffmail.com son of BrahmaSri Viswapathi Sastrigal, residing in Nanganallur
% Latest update         : July 23, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Durga Chandrakala Stuti ..}##
\itxtitle{.. durgAchandrakalAstutiH ..}##\endtitles ##
vedhoharIshvarastutyAM vihartrIM vindhyabhUdhare |
haraprANeshvarIM vande hantrIM vibudhavidviShAm || 1||
abhyarthanena sarasIruhasambhavasya
      tyaktvoditA bhagavadakShipidhAnalIlAm |
vishveshvarI vipadapAgamane purastAt
      mAtA mamAstu madhukaiTabhayornihantrI || 2||
prA~NnirjareShu nihatairnijashaktileshaiH
      ekIbhavadbhiruditAkhilalokaguptyai |
sampannashastranikarA cha tadAyudhasthaiH
      mAtA mamAstu mahiShAntakarI purastAt || 3||
prAleyashailatanayA tanukAntisampat.h\-
      koshoditA kuvalayachChavichArudehA |
nArAyaNI namadabhIpsitakalpavallI
      suprItimAvahatu shumbhanishumbhahantrI || 4||
vishveshvarIti mahiShAntakarIti yasyAH
      nArAyaNItyapi cha nAmabhira~NkitAni |
sUktAni pa~NkajabhuvA cha surarShibhishcha
      dR^iShTAni pAvakamukhaishcha shivAM bhaje tAm || 5||
utpattidaityahananastavanAtmakAni
      sa.nrakShakANyakhilabhUtahitAya yasyAH |
sUktAnyasheShanigamAntavidaH paThanti
      tAM vishvamAtaramajasramabhiShTavImi || 6||
ye vaiprachittapunarutthitashumbhamukhyaiH
      durbhikShaghorasamayena cha kAritAsu |
AviShkR^itAstrijagadArtiShu rUpabhedAH
      tairambikA samabhirakShatu mAM vipadbhyaH || 7||
sUktaM yadIyamaravindabhavAdi dR^iShTaM
      Avartya devyanupadaM surathaH samAdhiH |
dvAvapyavApaturabhIShTamananyalabhyaM
      tAmAdidevataruNIM praNamAmi devIm || 8||
mAhiShmatItanubhavaM cha ruruM cha hantuM
      AviShkR^itairnijarasAdavatArabhedaiH |
aShTAdashAhatanavAhatakoTisa.nkhyaiH
      ambA sadA samabhirakShatu mAM vipadbhyaH || 9||
etachcharitramakhilaM likhitaM hi yasyAH
      sampUjitaM sadana eva niveshitaM vA |
durgaM cha tArayati dustaramapyasheShaM
      shreyaH prayachChati cha sarvamumAM bhajetAm || 10||
yatpUjanastutinamaskR^itibhirbhavanti
      prItAH pitAmaha rameshaharAstrayo.api |
teShAmapi svakaguNairdadatIM vapU.nShi
      tAmIshvarasya taruNIM sharaNaM prapadye || 11||
kAntAramadhyadR^iDhalagnatayA.avasannAH
      magnAshchavAridhijale ripubhishcha ruddhAH |
yasyAH prapadya charaNau vipadastaranti
      sA me sadA.astu hR^idi sarvajagatsavitrI || 12||
bandhe vadhe mahati mR^ityubhaye prasakte
      vittakShaye cha vividhe ya mahopatApe |
yatpAdapUjanamiha pratikAramAhuH
      sA me samastajananI sharaNaM bhavAnI || 13||
bANAsuraprahitapannagabandhamokShaH
      tadbAhudarpadalanAduShayA cha yogaH |
prAdyumninA drutamalabhyata yatprasAdAt
      sA me shivA sakalamapyashubhaM kShiNotu || 14||
pApaH pulastyatanayaH punarutthito mAM
      adyApi hartumayamAgata ityudItam |
yatsevanena bhayamindirayA.avadhUtaM
      tAmAdidevataruNIM sharaNaM gato.asmi || 15||
yaddhyAnajaM sukhamavApyamanantapuNyaiH
      sAkShAttamachyuta parigrahamAshvavApuH |
gopA~NganAH kila yadarchana puNyamAtrAt
      sA me sadA bhagavatI bhavatu prasannA || 16||
rAtriM prapadya iti mantravidaH prapannAn
      udbodhya mR^ityavadhimanyaphalaiH pralobhya |
buddhvA cha tadvimukhatAM pratanaM nayantIM
      AkAshamAdijananIM jagatAM bhaje tAm || 17||
deshakAleShu duShTeShu durgAchandrakalAstutiH |
sandhyayoranusandheyA sarvApadvinivR^ittaye || 18||

iti shrImadapayyadIkShitavirachitA durgAchandrakalAstutiH samAptA |
##
From the biography of Shri Appaya DikShita by Dr.N.Ramesan:
This durgAstuti is like a mantra shastra designed to avert
poverty, fear from enemies, fear from death, several
difficulties, several unanticipated disasters etc., for
devotees, and is an exquisite poem of 16 verses, in the
vasantatilaka meter.


Encoded and proofread by Sridhar Seshagiri
seshagir at sridhar.seshagiri at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}