% Text title            : Durga Charanasmaranam
% File name             : durgAcharaNasmaraNam.itx
% Category              : devii, devI, durgA
% Location              : doc\_devii
% Author                : girijAdattapAThakaH
% Transliterated by     : Anuj Tiwari
% Proofread by          : Anuj Tiwari, NA
% Latest update         : May 30, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Durga Charanasmaranam ..}##
\itxtitle{.. durgAcharaNasmaraNam ..}##\endtitles ##
bhAtu bhavyA bhavAnIyaM bhAvanAbhAvitA shubhA |
bhavA~Ngasa~Ngato yasyA bhUtayo bhAnti bhUtale || 1||
bhAsvantI bhuvanAbhirAmabharitAbhogaprabhAbhAsurA
bhUtyekaprabhutAmupetya bhuvane yA bhAsate bhargagA |
bhUyo.amI bhuvaneshvarAH suragaNA yatpAdapAthodbhavaiH
pUrNaiH pUtaparA bhavanti galitA.aj~nAnAndhakArairbudhAH || 2||
vINAvAdanatatparA.arthalaharImudvellayantI satI
sA mAtA jagatAM jayatyatishayaj~nAnapradA bhAratI |
yasyAH\-\-pAdanakhaprabhAmanusara.Nshchandro.ambare cha~nchate
rAgeNApagatAdaro jalajaniH puShpA~njaliryAchate || 3||
AstAM samastavaravastuvitAnavR^inde
mAtushcharAcharanamaskR^itapAdareNuH |
saikA surAsuravivandishiro.architA syAd
bhargottamA~NgamilitA bhajatAM vibhUtyai || 4||
bhAsvatkaraiH samuchitaM vikachaM karoti
shambhorvilochanagatena cha sa~NgitaM tat |
pAdAmbujaM vikasitaM na mR^iShoktireShA
vaidho vidhirna vibudhairapi vAdhanIyaH || 5||
uttamA~NgasubhagA surApagA maulilabdhasharaNA divashchchutA |
sAhasaikarasikA shivA hi sA padgatA.ashrAyanatirnachAshrite || 6||
sudhAndhaHpatiste sudhAsundaraM kiM
namatya~NghriyugmaM yato bhAgyavAnsaH |
dharAyAM dhiyaH sAdhutaiShAM tvadarthe
dharAyA dhavatvaM kiyattadyasho.adaH || 7||
pArvatIpatirayaM vR^iShadhvajaH kiM shruterapi patirna gIyate |
tena kiM surapatiprapUjitaH sevyasevakamatirna chintyate || 8||
jaTA sA dhutA devanadyA jalena
na pUteti tenAnatenApi mUrdhnA |
umApAdapadmaprasUtaiH parAgaiH
prayuktaH praNAmaH shivasyA.astu bhUtyai || 9||
namAmaH prayAmaH padadvandvachandraM
chamatkAracha~nchachcharitraM cha shR^iNmaH |
bhajAmorchayAmaH shravaH saumyavarNa\-
mume gauri durge shive.ambe bhavAni || 10|| (shive.ambe \- amba i, IkAro lakShmIstatsambuddhau)


iti durgAcharaNasmaraNaM sampUrNam |

rachayitA \- shrIgirijAdattapAThakaH kAvyatIrtha AyurvedAchAryaH |
pradhAnAdhyApakaH shrIkAlikeshvarAyurvedavidyAlayasya | (saM\. 1995, i\.sa\.1938)
##

Encoded and proofread by Anuj Tiwari

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}