% Text title            : durgA nakShatramAlikA stutiH
% File name             : durgAnakshatramAlikAstuti.itx
% Category              : devii, durgA, devI
% Location              : doc\_devii
% Transliterated by     : N.Balasubramanian bbalu at satyam.net.in
% Proofread by          : N.Balasubramanian bbalu at satyam.net.in
% Description-comments  : Virata parva adhyAya 8
% Latest update         : December 23, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIdurgA nakShatramAlikA stutiH or durgAstavam ..}##
\itxtitle{.. shrIdurgA nakShatramAlikAstutiH athavA yudhiShThirakR^itaM durgAstavam ..}##\endtitles ##
##INTRODUCTION:- The Pandava king Yudhishtira, with his wife
Panchali and brothers had to spend twelve years in the forests
and an year incognito as he forfeited his kingdom consequent
to his defeat in the game of chess with his brother Duryodhana.
They suffered many hardships during the year they spent in the
kingdom of Virata in disguise. Some sages advised them to pray
to Sri Durga Devi to be free from the hardships that assailed
them. They taught the Pandavas this hymn consisting of twenty
seven verses. The Pandavas accepted their advice and prayed
to Devi reciting these verses. Devi was pleased with their
prayer and appeared before them She blessed them.  As a result,
they were able to spend the time without being affected by
difficulties and without being detected by the opponents. They
were also successful in their fight with the Kauravas in the
famous KurukShetra  war and won back their kingdom. Durga
Devi also assured the Pandavas that anyone who recites the
hymn with devotion will also be blessed like the Pandavas.

##
     || atha  shrIdurgA nakShatramAlikA stutiH ||
     || OM shrI gaNeshAya namaH ||
virATanagaraM ramyaM gachChamAno yudhiShThiraH |
astuvan manasA devIM durgAM tribhuvaneshvarIm || 1||
yashodAgarbhasambhUtAM nArAyaNavarapriyAm |
nandagopakulejAtAM ma~NgaLyAM kulavardhanIm || 2||
kaMsavidrAvaNakarImasurANAM kShayaM karIm |
shilAtaTavinikShiptAmAkAshaM pratigAminIm || 3||
vAsudevasya bhaginIM divyamAlya vibhUShitAm |
divyAmbaradharAM devIM khadgakheTakadhAriNIm || 4||
bhArAvataraNe puNye ye smaranti sadAshivAm |
tAnvai tArayase pApAt pa~NkegAmiva durbalAm || 5||
stotuM prachakrame bhUyaH vividhaiH stotrasambhavaiH |
Amantrya darshanAkA~NkShI rAjA devIM sahAnujaH || 6||
namo.astu varade kR^iShNe kumAri brahmachAriNi |
bAlArka sadR^ishAkAre pUrNachandranibhAnane || 7||
chaturbhuje chaturvaktre pInashroNipayodhare |
mayUrapi~nChavalaye keyUrA~NgadadhAriNi || 8||
bhAsi devi yathA padmA nArAyaNaparigrahaH |
svarUpaM brahmacharyaM cha vishadaM tava khechari || 9||
kR^iShNachChavisamA kR^iShNA sa~NkarShaNasamAnanA |
bibhratI vipulau bAhu shakradhvajasamuChrayau || 10||
pAtrI cha pa~NkajI kaNThI strI vishuddhA cha yA bhuvi |
pAshaM dhanurmahAchakraM vividhAnyAyudhAni cha || 11||
kuNDalAbhyAM supUrNAbhyAM karNAbhyAM cha vibhUShitA |
chandravispArdhinA devi mukena tvaM virAjase || 12||
mukuTena vichitreNa keshabandhena shobhinA |
bhuja~NgA.abhogavAsena shroNisUtreNa rAjatA || 13||
vibhrAjase cha baddhena bhogeneveha mantharaH |
dhvajena shikhipi~nChAnAmuChritena virAjase || 14||
kaumAraM vratamAsthAya tridivaM pAvitaM tvayA |
tena tvaM stUyase devi tridashaiH pUjyase.api cha || 15||
trailokya rakShaNArthAya mahiShAsura ghAtini |
prasannA me surashreShThe dayAM kuru shivA bhava || 16||
jayA tvaM vijayA chaiva sa~NgrAme cha jayapradA |
mamApi vijayaM dehi varadA tvaM cha sAmpratam || 17||
vindhye chaiva nagashreShThe tavasthAnaM hi shAshvatam |
kAli kAli mahAkAli shIdhumAMsa pashupriye || 18||
kR^itAnuyAtrA bhUtaistvaM varadA kAmachAriNi |
bhArAvatAre ye cha tvAM saMsmariShyanti mAnavAH || 19||
praNamanti cha ye tvAM hi prayANe tu narA bhuvi |
na teShAM durlabhaM ki~nchit putrato dhanato.api vA || 20||
durgAttArayase durge tattvaM durgA smR^itA janaiH |
kAntAreShva\-vasannAnAM magnAnAM cha mahArNave || 21||
(dasyubhirvA niruddhAnAM tvaM gatiH paramA nR^iNAm |)
jalaprataraNe chaiva kAntAreShu avaTeShu cha |
ye smaranti mahAdevIM na cha sIdanti te narAH || 22||
tvaM kIrtiH shrIH dhR^itiH siddhiH hrIH vidyA santatirmatiH |
sandhyA rAtriH prabhA nidrA jyotsnA kAntiH kShamA dayA || 23||
nR^iNAM cha bandhanaM mohaM putranAshaM dhanakShayam |
vyAdhiM mR^ityuM bhayaM chaiva pUjitA nAshayiShyasi || 24||
sohaM rAjyAtparibhraShTaH sharaNaM tvAM prapannavAn |
praNatashcha yathA mUrdhnA tava devi sureshvari || 25||
trAhi mAM padmapatrAkShi satye satyA bhavasva naH |
sharaNaM bhava me durge sharaNye bhaktavatsale || 26||
evaM stutA hi sA devI darshayAmAsa pANDavam |
upagamya tu rAjAnamidaM vachanamabravIt || 27||
shR^iNu rAjan mahAbAho madIyaM vachanaM prabho |
bhaviShyati achirAdeva sa~NgrAme vijayastava || 28||
mama prasAdAt nirjitya hatvA kaurava vAhinIm |
rAjyaM niShkaNTakaM kR^itvA bhokShyase medinIM punaH || 29||
bhrAtR^ibhiH sahito rAjan prItiM yAsyasi puShkalAm |
matprasAdAchcha te saukhyamArogyaM cha bhaviShyati || 30||
ye cha sa~NkIrtayiShyanti loke vigatakalmaShAH |
teShAM tuShTA pradAsyAmi rAjyamAyuH vapuH sutam || 31||
pravAse nagare vApi sa~NgrAme shatR^isa~NkaTe |
aTavyAM durgakAntAre sAgare gahane girau || 32||
ye smariShyanti mAM rAjan yathAhaM bhavatA smR^itA |
na teShAM durlabhaM ki~nchit asmin loke bhaviShyati || 33||
idaM stotravaraM bhaktyA shR^iNuyAt vA phaTheta vA |
tasya sarvANi kAryANi siddhiM yAsyanti pANDavAH || 34||
matprasAdAchcha vassarvAn virATanagare sthitAn |
na praj~nAsyanti kuravaH narA vA tannivAsinaH || 35||
ityuktvA varadA devI yudhiShThiramarindamam |
rakShAM kR^itvA cha pANDUnAM tatraivAntaradhIyata || 36||

iti shrIdurgA nakShatramAlikAstutiH samAptA |
evaM
iti shrImanmahAbhArate virATaparvaNi pANDavapraveshaparvaNi
aShTamo.adhyAyAntargataM yudhiShThirakR^itaM shrIdurgAstavaM sampUrNam |

                || OM tatsat||
##
The stotra is seen in Adhyaya 8 of Virataparva in
Mahabharata southern recension.##

Encoded and proofread by N Balasubramanian bbalu@sify.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}