% Text title : durgAsahasranAmastotram 3 % File name : durgAsahasranAmastotram.itx % Category : sahasranAma, devii, devI % Location : doc\_devii % Transliterated by : Shree Devi Kumar % Proofread by : PSA Easwaran % Description/comments : Some call it Mahashulini divyasahasranAmastotram % Acknowledge-Permission: Mahaperiaval Trust % Latest update : July 2, 2017 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIdurgAsahasranAmastotram ..}## \itxtitle{.. shrIdurgAsahasranAmastotram ..}##\endtitles ## dhyAnam | 1\. siMhasthA shashishekharA marakataprakhyaishchaturbhirbhujaiH | sha~NkhaM chakradhanuH sharAMshcha dadhatI netraistribhiH shobhitA || AmuktA~NgadahAraka~NkaNaraNatkA~nchI raNannUpurA | durgA durgatihAriNI bhavatu no ratnellasatkuNDalA || 2\. mAtarme madhukaiTabhaghni mahiShaprANApahArodyame | helAnirjitadhUmralochanavadhe he chaNDamuNDArdini || nishsheShIkR^itaraktabIjadanuje nitye nishumbhApahe | shumbhadhvaMsini saMharAshu duritaM durge namaste.ambike || 3\. hemaprakhyAmindukhaNDArdhamaulim | sha~NkhAriShTAbhItihastAM triNetrAm || hemAbjasthAM pItavastrAM prasannAm | devIM durgAM divyarUpAM namAmi || 4\. udyadvidyutkarAlAkulaharigalasaMsthArisha~NkhAsikheTe\- ShviShvAsAkhyatrishUlAnarigaNabhayadA tarjanIM sandadhAnA | charmAsyuttIrNadorbhiH praharaNanipuNAbhirvR^itA kanyakAbhiH dadyAtkArshAnabhIShTAn triNayanalalitA chApi kAtyAyanI vaH || 5\. arisha~NkhakR^ipANakheTabANAn sudhanuH shUlakakartarIM tarjanIM dadhAnA | bhajatAM mahiShottamA~NgasaMsthA navadUrvAsadR^ishIshriye.astu durgA || OM shrIdurgA trijaganmAtA shrImatkailAsavAsinI | himAchalaguhAkAntamANikyamaNimaNDapA || 1|| giridurgA gaurahastA gaNanAthavR^itA~NgaNA | kalpakAraNyasaMvItamAlatIku~njamandirA || 2|| dharmasiMhAsanArUDhA DAkinyAdi samAshritA | siddhavidyAdharAmartyavadhUTInikarastutA || 3|| chintAmaNishilAklR^iptadvArAvaligR^ihAntarA | kaTAkShavIkShaNApekShakamalAkShisurA~NganA || 4|| lIlAbhAShaNasaMlolakamalAsanavallabhA | yAmalopaniShanmantravilapachChukapu~NgavA || 5|| dUrvAdalashyAmarUpA durvAramatavihvalA | navakorakasampatshrIkalpakAraNyakuntalA || 6|| veNIkaitakabarhAMshuvijitasmarapaTTasA | kachasImantarekhAntalambamANikyalambikA || 7|| puShpabANasharAlIDhaghanadhammillabhUShaNA | bhAlachandrakalAprAntasatsudhAbindumauktikA || 8|| chUlIkAdambinIshliShTachandrarekhAlalATikA | chandramaNDalasaMyuktabhaumaku~NkumarekhikA || 9|| keshAbhramuktakodaNDasadR^igbhrUlatikA~nchitA | mArachApalasachChubhramR^iganAbhivisheShakA || 10|| karNapUritakahlArAkA~NkShitApA~NgavIkShaNA | kShIrAshayotpalAkAravilasatkR^iShNatArakA || 11|| netrapa~NkeruhAntaHsthabhramadbhramaratArakA | garalAvR^itakallolanimeShA~njanabhAsurA || 12|| tIkShNAgradhArapradyumnashastrapratyastravIkShaNA | mukhachandrasudhApUraluDhanmInAbhalochanA || 13|| mauktikAvR^itatATa~NkamaNDaladvayamaNDitA | kandarpadhvajatAkIrNamakarA~NkitakuNDalA || 14|| karNaratnaughachintArkakamanIyamukhAmbujA | kAruNyasyandivadanA kaNThamUlasuku~NkumA || 15|| oShThabimbaphalAmodashukatuNDAbhanAsikA | tilachampakapuShpashrInAsikAbharaNojjvalA || 16|| nAsAchampakasaMsrastamadhubindukamauktikA | mukhapa~Nkajaki~njalkamuktAjAlasunAsikA || 17|| sAluveshamukhAsvAdalolupAdharapallavA | radanAMshanaTIra~NgaprastAvanapaTAdharA || 18|| dantalakShmIgR^ihadvAranIshArAMshvadharachChadA | vidrumAdharabAlArkamishrasmerAMshukaumudI || 19|| mantrabIjA~NkurAkAradvijAvalivirAjitA | sallApalakShmImA~NgalyamauktikasragradAlayA || 20|| tAmbUlasArasaugandhisakalAmnAyatAlukA | karNalakShmIvilAsArthamaNidarpaNagaNDabhUH || 21|| kapolamukulAkrAntakarNatATa~NkadIdhitiH | mukhapadmarajastUlaharidrAchUrNamaNDitA || 22|| kaNThAdarshaprabhAsAndravijitashrIvirAjitA | deshikeshahR^idAnandasampachchibukapeTikA || 23|| sharabhAdhIshasambaddhamA~NgalyamaNikandharA | kastUrIpa~Nkasa~njAtagalanAlamukhAmbujA || 24|| lAvaNyAmbhodhimadhyasthasha~NkhasannibhakandharA | galasha~NkhaprasUtAMshumuktAdAmavirAjitA || 25|| mAlatImallikAtulyabhujadvayamanoharA | kanakA~NgadakeyUrachChavinirjitabhAskarA || 26|| prakoShThavalayAkrAntapariveShagrahadyutiH | valayadvayavaiDUryajvAlAlIDhakarAmbujA || 27|| bAhudvayalatAgrastapallavAbhakarA~NguliH | karapa~NkeruhabhrAmyadravimaNDalaka~NkaNA || 28|| a~NgulIvidrumalatAparvasvarNA~NgulIyakA | bhAgyapradakarAntasthasha~NkhachakrA~NkamudrikA || 29|| karapadmadalaprAntabhAsvadratnanakhA~NkurA | ratnagraiveyahArAtiramaNIyakuchAntarA || 30|| prAlambikaustubhamaNiprabhAliptastanAntarA | sharabhAdhIshanetrAMshuka~nchukastanamaNDalA || 31|| ratIvivAhakAlashrIpUrNakumbhastanadvayA | ana~NgajIvanaprANamantrakumbhastanadvayA || 32|| madhyavallIprAjyaphaladvayavakShojabhAsurA | stanaparvataparyantachitraku~NkumapatrikA || 33|| bhramarAlIDharAjIvakuDmalastanachUchukA | mahAsharabhahR^idrAgaraktavastrottarIyakA || 34|| anaupamyAtilAvaNyapArShNibhAgAbhinanditA | stanastabakarArAjadromavallItalodarA || 35|| kR^iShNaromAvalIkR^iShNasaptapatrodarachChaviH | saundaryapUrasampUrNapravAhAvartanAbhikA || 36|| ana~NgarasapUrAbdhitara~NgAbhavalitrayA | sandhyAruNAMshukausumbhapaTAvR^itakaTItaTI || 37|| saptaki~NkiNikAshi~njadratnakAntikalApinI | mekhalAdAmasa~NkIrNamayUkhAvR^itanIvikA || 38|| suvarNasUtrAkalitasUkShmaratnAmbarAchalA | vIreshvarAna~NgasaritpulinIjaghanasthalA || 39|| asAdR^ishyanitambashrIramyarambhorukANDayuk | halamallakanetrAbhAvyAptasandhimanoharA || 40|| jAnumaNDaladhikkArirAshikUTataTIkaTI | smaratUNIrasa~NkAshaja~NghAdvitayasundarI || 41|| gulphadvitayasaubhAgyajitatAlaphaladvayI | dyumaNimrakShaNAbhA~NghriyugmanUpuramaNDalA || 42|| raNadvalayasallApadratnamAlAbhapAdukA | prapadAtmakashastraughavilasachcharmapustakA || 43|| AdhArakUrmapR^iShThAbhapAdapR^iShThavirAjitA | pAdA~NguliprabhAjAlaparAjitadivAkarA || 44|| chakrachAmaramatsyA~NkacharaNasthalapa~NkajA | surendrakoTimukuTIratnasa~NkrAntapAdukA || 45|| avyAjakaruNAguptatanuravyAjasundarI | shR^i~NgArarasasAmrAjyapadapaTTAbhiShechitA || 46|| shivA bhavAnI rudrANI sharvANI sarvama~NgalA | umA kAtyAyanI bhadrA pArvatI pAvanAkR^itiH || 47|| mR^iDAnI chaNDikA mAtA ratirma~NgaladevatA | kAlI haimavatI vIrA kapAlashUladhAriNI || 48|| sharabhA shAmbhavI mAyAtantrA tantrArtharUpiNI | taruNI dharmadA dharmatApasI tArakAkR^itiH || 49|| harA maheshvarI mugdhA haMsinI haMsavAhanA | bhAgyA balakarI nityA bhaktigamyA bhayApahA || 50|| mAta~NgI rasikA mattA mAlinI mAlyadhAriNI | mohinI muditA kR^iShNA muktidA modaharShitA || 51|| shR^i~NgArI shrIkarI shUrajayinI jayashR^i~NkhalA | satI tArAtmikA tanvI tAranAdA taDitprabhA || 52|| aparNA vijayA nIlI ra~njitA tvaparAjitA | sha~NkarI ramaNI rAmA shailendratanayA mahI || 53|| bAlA sarasvatI lakShmIH paramA paradevatA | gAyatrIrasikA vidyA ga~NgA gambhIravaibhavA || 54|| devI dAkShAyaNI dakShadamanI dAruNaprabhA | mArI mArakarI mR^iShTA mantriNI mantravigrahA || 55|| jvAlAmayI parAraktA jvAlAkShI dhUmralochanA | vAmA kutUhalA kulyA komalA kuDmalastanI || 56|| daNDinI muNDinI dhIrA jayakanyA jaya~NkarI | chAmuNDI chaNDamuNDeshI chaNDamuNDaniShUdinI || 57|| bhadrakAlI vahnidurgA pAlitAmarasainikA | yoginIgaNasaMvItA prabalA haMsagAminI || 58|| shumbhAsuraprANahantrI sUkShmA shobhanavikramA | nishumbhavIryashamanI nirnidrA nirupaplavA || 59|| dharmasiMhadhR^itA mAlI nArasiMhA~NgalolupA | bhujAShTakayutA tu~NgA tu~NgasiMhAsaneshvarI || 60|| rAjarAjeshvarI jyotsnA rAjyasAmrAjyadAyinI | mantrakelishukAlApA mahanIyA mahAshanA || 61|| durvArakaruNAsindhurdhUmalA duShTanAshinI | vIralakShmIrvIrapUjyA vIraveShamahotsavA || 62|| vanadurgA vahnihastA vA~nChitArthapradAyinI | vanamAlI cha vArAhI vAgAsAranivAsinI || 63|| ekAkinyekasiMhasthA chaikadantaprasUtinI | nR^isiMhacharmavasanA nirnirIkShyA nira~NkushA || 64|| nR^ipAlavIryanirvegA nIchagrAmaniShUdinI | sudarshanAstradarpaghnI somakhaNDAvataMsikA || 65|| pulindakulasaMsevyA puShpadhuttUramAlikA | gu~njAmaNilasanmAlA sha~NkhatATa~NkashobhinI || 66|| mAta~NgamadasindUratilakA madhuvAsinI | pulindinIshvarI shyAmA chalachelakaTisthalA || 67|| barhAvataMsadhammillA tamAlashyAmalAkR^itiH | shatrusaMhArashastrA~NgapAshakodaNDadhAriNI || 68|| ka~NkAlI nArasiMhA~NgaraktapAnasamutsukA | vasAmalinavArAhadaMShTrA prAlambamAlikA || 69|| sandhyAruNajaTAdhArikAlameghasamaprabhA | chaturmukhashiromAlA sarpayaj~nepavItinI || 70|| dakShayaj~nAnaladhvaMsadalitAmaraDAmbhikA | vIrabhadrAmodakaravIrATopavihAriNI || 71|| jaladurgA mahAmattadanujaprANabhakShiNI | paramantrabhakShivahnijvAlAkIrNatrilochanA || 72|| shatrushalyamayAmoghanAdanirbhinnadAnavA | rAkShasaprANamathanavakradaMShTrA mahojvalA || 73|| kShudragrahApahA kShudramantratantrakriyApahA | vyAghrAjinAmbaradharA vyAlaka~NkaNabhUShaNA || 74|| balipUjApriyakShudrapaishAchamadanAshinI | sammohanAstramantrAttadAnavaughavinAshinI || 75|| kAmakrAntamanovR^ittiH kAmakeli kalAratA | karpUravITikAprItA kAminIjanamohinI || 76|| svapnavatI svapnabhogA dhvaMsitAkhiladAnavA | AkarShaNakriyAlolA chAshritAbhIShTadAyinI || 77|| jvAlAmukhI jvAlanetrA jvAlA~NgA jvaranAshinI | shalyAkarI shalyahantrI shalyamantrachalAchalA || 78|| chaturthyakuharA raudrI tApaghnI daranAshinI | dAridryashamanI kruddhA vyAdhinI vyAdhinAshinI || 79|| brahmarakShoharA brAhmigaNahArI gaNeshvarI | AveshagrahasaMhArI hantrI mantrI haripriyA || 80|| kR^ittikA kR^ittiharaNA gaurI gambhIramAnasA | yuddhaprItA yuddhakArI yoddhR^igaNyA yudhiShThirA || 81|| tuShTidA puShTidA puNyabhogamokShaphalapradA | apApA pApashamanI tvarUpA rUpadAruNA || 82|| annadA dhanadA pUtA tvaNimAdiphalapradA | siddhidA buddhidA shUlA shiShTAchAraparAyaNA || 83|| amAyA hyamarArAdhyA haMsamantrA halAyudhA | kShAmapradhvaMsinI kShobhyA shArdUlAsanavAsinI || 84|| sattvarUpA tamohantrI saumyA sAra~NgabhAvanA | dvisahasrakarA shuddhA sthUlasiMhasuvAsinI || 85|| nArAyaNI mahAvIryA nAdabindvantarAtmikA | ShaDguNA tattvanilayA tattvAtItA.amR^iteshvarI || 86|| suramUrtiH surArAdhyA sumukhA kAlarUpiNI | sandhyArUpA kAntimatI khecharI bhuvaneshvarI || 87|| mUlaprakR^itiravyaktA mahAmAyA manonmanI | jyeShThA vAmA jaganmUlA sR^iShTisaMhArakAraNA || 88|| svatantrA svavashA lokabhogadA suranandinI | chitrAchitrAkR^itishchaiva sachitravasanapriyA || 89|| viShApahA vedamantrA vedavidyAvilAsinI | kuNDalIkandanilayA guhyA guhyakavanditA || 90|| kAlarAtrI kalAniShThA kaumArI kAmamohinI | vashyAdinI varArohA vandArujanavatsalA || 91|| sa~njvAlAmAlinI shaktiH surAprItA suvAsinI | mahiShAsurasaMhArI mattamAta~NgagAminI || 92|| madagandhitamAta~NgA vidyuddAmAbhisundarI | raktabIjAsuradhvaMsI vIrapANAruNekShaNA || 93|| mahiShottamasaMrUDhamAMsaprotAyutA~nchalA | yashovatI hemakUTatu~NgashR^i~NganiketanA || 94|| dAnakalpakasachChAyA santAnAdiphalapradA | AshritAbhIShTavaradA chAkhilAgamagopitA || 95|| dAridryashailadambholiH kShudrapa~NkajachandrikA | rogAndhakArachaNDAMshuH pApadrumakuThArikA || 96|| bhavATavIdAvavahnishatrutUlasphuli~Ngaruk | sphoTakorakamAyUrI kShudraprANanivAriNI || 97|| apasmAramR^igavyAghrIchittakShobhavimochinI | kShayamAta~Ngapa~nchAsyA kR^ichChravargApahAriNI || 98|| pInasashvAsakAsaghnI pishAchopAdhimochinI | vivAdashamanI lokabAdhApa~nchakanAshinI || 99|| apavAdaharAsevyA sa~NgrAmavijayapradA | raktapittagalavyAdhiharA haravimohinI || 100|| kShudrashalyamayA dAsakAryArambhasamutsukA | kuShThagulmapramehaghnI gUDhashalyavinAshinI || 101|| bhaktimatprANasauhArdA suhR^idvaMshAbhivardhikA | upAsyA chAkhilamlechChamadamAnavimochanI || 102|| bhairavI bhIShaNA bhIShA bhinnArAtiraNA~nchalA | vyUhadhvaMsI vIrahavyA vIryAtmA vyUharakShikA || 103|| mahArAShTrA mahAsenA mAMsAshI mAdhavAnujA | vyAghradhvajA vajranakhI vajrI vyAghraniShUdinI || 104|| khaDginI kanyakAveShA kaumArI khaDgavAsinI | sa~NgrAmavAsinyastAstrA dhIrajyAsAyakAsanA || 105|| kodaNDadhvanikR^itkruddhA krUradR^iShTibhayAnakA | vIrAgragAminI duShTAsantuShTA shatrubhakShiNI || 106|| sandhyATavIcharA vittagopanA vittakR^ichchalA | kaiTabhAsurasaMhArI kAlI kalyANakomalA || 107|| nandinI nandicharitA narakAlayamochanA | malayAchalashR^i~NgasthA gandhinI suratAlasA || 108|| kAdambarI kAntimatI kAntA kAdambarAshanA | madhudAnavavidrAvI madhupA pATalAruNA || 109|| rAtri~ncharA rAkShasaghnI ramyA rAtrisamarchitA | shivarAtrimahApUjyA devalokavihAriNI || 110|| dhyAnAdikAlasa~njapyA bhaktasantAnabhAgyadA | madhyAhnakAlasantarpyA jayasaMhArashUlinI || 111|| triyambakA makhadhvaMsI tripurA purashUlinI | ra~NgasthA ra~njinI ra~NgA sindUrAruNashAlinI || 112|| sundopasundahantrI tu sUkShmA mohanashUlinI | aShTamUrtiH kalAnAthA chAShTahastA sutapradA || 113|| a~NgArakA kopanAkShI haMsAsuramadApahA | ApInastananamrA~NgI haridrAlepitastanI || 114|| indrAkShI hemasa~NkAshA hemavastrA harapriyA | IshvarI tvitihAsAtmA ItibAdhAnivAriNI || 115|| upAsyA chonmadAkArA hyulla~NghitasurApagA | USharasthalakAsArA hyutpalashyAmalAkR^itiH || 116|| R^i~NmayI sAmasa~NgItA shuddhiH kalpakavallarI | sAyantanahutirdAsakAmadhenusvarUpiNI || 117|| pa~nchadashAkSharImantrA tArakAvR^itaShoDashI | hrI~NkAraniShThA hrI~NkArahu~NkArI duritApahA || 118|| ShaDa~NgA navakoNasthA trikoNA sarvatomukhI | sahasravadanA padmA shUlinI surapAlinI || 119|| mahAshUladharA shaktirmAtA mAhendrapUjitA | shUladurgA shUlaharA shobhanA chaiva shUlinI || 120|| shrIshUlinI jagadbIjA mUlAha~NkArashUlinI | prakAshA paramAkAshA bhAvitA vIrashUlinI || 121|| nArasiMhI mahendrANI sAlIsharabhashUlinI | R^i~NkAryR^itumatI chaivAghorA.atharvaNagopikA || 122|| ghoraghorA japArAgaprasUnA~nchitamAlikA | susvarUpA sauhR^idADhyAlIDhA dADimapATakA || 123|| layA cha lampaTA lInA ku~NkumAruNakandharA | ikArAdhyAtvilAnAthA tvilAvR^itajanAvR^itA || 124|| aishvaryaniShThA haritA haritAlasamaprabhA | mudgamAShAjyabhojyA cha yuktAyuktabhaTAnvitA || 125|| autsukI chANimadgamyA tvakhilANDanivAsinI | haMsamuktAmaNishreNiH haMsAkhyA hAsakAriNI || 126|| kalidoShaharA kShIrapAyinI viprapUjitA | khaTvA~NgasthA khaDgarUpA khabIjA kharasUdanA || 127|| AjyapAyinyasthimAlA pArthivArAdhyapAdukA | gambhIranAbhikAsiddhakinnarastrI samAvR^itA || 128|| khaDgAtmikA ghananibhA vaishyArchyA mAkShikapriyA | makAravarNA gambhIrA shUdrArchyA chAsavapriyA || 129|| chAturI pArvaNArAdhyA muktAdhAvalyarUpiNI | ChandomayI bhaumapUjyA duShTashatruvinAshinI || 130|| jayinI chAShTamIsevyA krUrahomasamanvitA | jha~NkArI navamIpUjyA lA~NgalIkusumapriyA || 131|| sadA chaturdashIpUjyA bhaktAnAM puShTikAriNI | j~nAnagamyA darshapUjyA DAmarI ripumAriNI || 132|| satyasa~NkalpasaMvedyA kalikAlasusandhikA | DambhAkArA kalpasiddhA shalyakautukavardhinI || 133|| ThAkR^itiH kavivarArAdhyA sarvasampatpradAyikA | navarAtridinArAdhyA rAShTradA rAShTravardhinI || 134|| pAnAsavamadadhvaMsimUlikAsiddhidAyinI | phalapradA kuberAdhyA pArijAtaprasUnabhAk || 135|| balimantraughasaMsiddhA mantrachintyaphalAvahA | bhaktipriyA bhaktigamyA ki~NkarA bhagamAlinI || 136|| mAdhavI vipinAntassthA mahatI mahiShArdinI | yajurvedagatA sha~NkhachakrahastAmbujadvayA || 137|| rAjasA rAjamAta~NgI rAkAchandranibhAnanA | lAghavAlAghavArAdhyA ramaNIjanamadhyagA || 138|| vAgIshvarI vakulamAlyA vA~NmayI vAritAsukhA | sharabhAdhIshavanitA chandramaNDalamadhyagA || 139|| ShaDadhvAntaratArA cha raktajuShTAhutAvahA | tattvaj~nAnAnandakalAmayA sAyujyasAdhanA || 140|| karmasAdhakasaMlInadhanadarshanadA sadA | ha~NkArikA sthAvarAtmA tvamarIlAsyamodanA || 141|| lakAratrayasambhUtA lalitA lakShmaNArchitA | lakShmamUrtissadAhArA prAsAdAvAsalochanA || 142|| nIlakaNThI haridrashmiH shukI gaurI cha gotrajA | aparNA yakShiNI yakShA haridrA halinI halI || 143|| dadatI chormadA chormI rasA vishvambharA sthirA | pa~nchAsyA pa~nchamIrAgA bhAgyayogAtmikAmbikA || 144|| gaNikA chaiva kAlI cha vINA shoNAruNAtmikA | ramAdUtI kalAsiMhI lajjA dhUmavatI jaDA || 145|| bhR^i~Ngisa~NgisakhI pInA snehArogamanasvinI | raNImR^iDA dR^iDhA jyeShThA ramaNI yamunAratA || 146|| musalIkuNThitAmoTA chaNDakhaNDA gaNAbalA | shuklA sraShTrIvashA j~nAnimAnI lIlAlakA shachI || 147|| sUrachandraghR^iNiryoShAvIryAkrIDA rasAvahA | nUtnA somA mahArAj~nI gayAyAgAhutaprabhA || 148|| dhUrtA sudhAghanAlInapuShTimR^iShTasudhAkarA | kariNI kAminI muktAmaNishreNI phaNIshvarA || 149|| tArkShI sUkShmA natAchAryA gaurikA girijA~NganA | indrajAlA chendumukhItvindropendrAdi saMstutA || 150|| shivadUtI cha garalashitikaNThakuTumbinI | jvalantIjvalanAkArA jvalajjAjvalyajambhadA || 151|| jvAlAshayA jvAlamaNirjyotiShAM gatireva hi | jyotiHshAstrAnumeyAtmA jyotiShI jvalitojjvalA || 152|| jyotiShmatI durgavAsI jyotsnAbhA jvalanArchitA | la~NkArI lalitAvAsA lalitAlalitAtmikA || 153|| la~NkAdhipA lAsyalolA layabhogamayAlayA | lAvaNyashAlinI lolA lA~NgalA lalitAmbikA || 154|| lA~nChanA lampaTAla~NghyA lakulArNavamuktidA | lalATanetrA lajjADhyA lAsyAlApamudAkarA || 155|| jvAlAkR^itirjvaladbIjA jyotirmaNDalamadhyagA | jyotisstambhA jvaladvIryA jvalanmantrA jvalatphalA || 156|| juShirA jumpaTA jyotirmAlikA jyotikAsmitA | jvaladvalayahastAbjA jvalatprajvalakojjvalA || 157|| jvAlamAlyA jagajjvAlA jvalajjvalanasajjvalA | lambIjA lelihAnAtmA lIlAklinnA layAvahA || 158|| lajjAvatI labdhaputrI lAkinI lolakuNDalA | labdhabhAgyA labdhakAmA labdhadhIrlabdhama~NgalA || 159|| labdhavIryA labdhavR^itA lAbhA labdhavinAshinI | lasadvastrA lasatpIDA lasanmAlyA lasatprabhA || 160|| shUlahastA shUrasevyA shUlinI shUlanAshinI | shU~NkR^ityanumatiH shUrpashobhanA shUrpadhAriNI || 161|| shUlasthA shUrachittasthA shUlA shuklasurArchitA | shuklapadmAsanArUDhA shuklA shuklAmbarAMshukA || 162|| shukalAlitahastAbjA shvetA shukanutA shubhA | lalitAkSharamantrasthA liptaku~NkumabhAsurA || 163|| lipirUpA liptabhasmA liptachandanapa~NkilA | lIlAbhAShaNasaMlolA lInakastUrikAdravA || 164|| likhitAmbujachakrasthA likhyAlikhitavaibhavA | nIlAlakA nItimatI nItishAstrasvarUpiNI || 165|| nIchaghnI niShkalA nityA nIlakaNThapriyA~NganA | nirAshA nirguNAtItA nirmadA nirupaplavA || 166|| nirNItA nirmalA niShThA nira~NkushaparAkramA | nirviNNadAnavabalA nishsheShIkR^itatArakA || 167|| nira~njanakarAmantrI nirvighnaparanAshinI | nityaklinnA nirAhArA nIvInIlAmbarA~nchitA || 168|| nishAkarakuladhvaMsI nityAnandaparamparA | nimbapriyA nirAveshA nindi tAsurasundarI || 169|| nirghoShA nigalAkR^iShTakR^ittijjvAlAvR^itA~NgaNA | nIrasA nityakalyANI nirantarasukhapradA || 170|| nirlobhA nItimatprItA nirvighnA nimiShApahA | dumbIjA duShTasaMhArI durmadA duritApahA || 171|| durutsahamahAvIryA durmedhotsavanAshinI | durmAMsabhakShiNI duShTA dUrIkR^itanishAcharA || 172|| dUtI duShTagrahamadachumbI durbalarakShakI | ShTa~NkArI ShTammayI ShTambhA ShTambIjA ShTambhakIlakA || 173|| graheshvarI grahArAdhyA grahaNIrogamochinI | grahAveshakarI grAhyA grahagrAmAbhirakShiNI || 174|| grAmauShadhamahAvIryA grAmyasarvabhayApahA | grahadveShI grahArUDhA grAmaNIrgrAmadevatA || 175|| gR^ihItabrahmamukhyAstrA gR^ihItAyudhashaktidA | grAsamAMsA gR^ihasthArchyA grahabhUtanivAriNI || 176|| hambhUtA haladhR^iksevyA hArahArikuchA~nchalA | harShapradA harArAdhyA hAsanindyanishAkarA || 177|| havirbhoktrI haridrAbhA haritAshvAdhirohiNI | haritpatisamArAdhyA halAkR^iShTasurAsurA || 178|| hArItashukavatpANiH hayamedhAbhirakShakI | haMsAkSharI haMsabIjA hAhAkAraharAshugA || 179|| hayya~NgavInahR^idvR^ittiH hArItAMshumaNidyutiH | hu~NkArAtmA hutAhomyA hu~NkArAlayanAyikA || 180|| hu~NkArapa~njarashukI hu~NkArakamalendirA | hu~NkArarAtrikAjyotsnA hu~NkAradrumama~njarI || 181|| hu~NkAradIpikAjvAlA hu~NkArArNavakaumudI | humphaTkarI humphaTdyutiH hu~NkArAkAshabhAskarA || 182|| phaTkArI sphATikAkArA sphaTikAkShakarAmbujA | phaTkIlakA phaDastrA cha phaTkArAhishikhAmaNiH || 183|| phaTkArasumanomAdhvI phaTkArakamalendirA | phaTkArasaudhashR^i~NgasthA phaTkArAdhvaradakShiNA || 184|| phaTkArashuktikAmuktA phaTkAradrumama~njarI | phaTkAravIrakhaDgAstrA phaTkAratanumadhyagA || 185|| phaTkArashibikArUDhA phaTkArachChatralA~nChitA | phaTkArapIThanilayA phaTkArAvR^itamaNDalA || 186|| phaTkAraku~njaramadapravAhA bhAlalochanA | phalAshinI phalakarI phaladAnaparAyaNA || 187|| phaTkArAstraphalAkArA phalantI phalavarjitA | svAtantryacharitA svasthA svapnagrahaniShUdinI || 188|| svAdhiShThAnAmbujArUDhA svayambhUtA svarAtmikA | svargAdhipA svarNavarNA svAhAkArasvarUpiNI || 189|| svayaMvarA svarArohA svaprakAshA svarapriyA | svachakrarAjanilayA svasainyavijayapradA || 190|| svapradhAnA svApakArI svakR^itAkhilavaibhavA | svairiNI khedashamanI svarUpajitamohinI || 191|| hAnopAdAnanirmuktA hAnidaughanirAsanA | hastikumbhadvayakuchA hastirAjAdhirohiNI || 192|| hayagrIvasamArAdhyA hastikR^ittipriyA~NganA | hAlIkR^itasvarakulA hAnivR^iddhivivarjitA || 193|| hAhAhUhUmukhastutyA haThadAnitakR^ittikA | hatAsurA hatadveShA hATakAdriguhAgR^ihA || 194|| hallInaTanasantuShTA harigahvaravallabhA | hanumadgItasa~NgItahAsitA harisodarI || 195|| hakArakandarAsiMhI hakArakusumAsavA | hakArataTinIpUrA hakArajalapa~NkajA || 196|| hakArayAminI jyotsnA hakArakhajitArasA | hakArachakravAlArkA hakAramarudIdhitiH || 197|| hakAravAsara~NgI cha hakAragirinirjharA | hakAramadhumAdhuryA hakArAshramatApasI || 198|| hakAramadhuvAsantI hakArasvarakAhalI | hakAramantrabIjArNA hakArapaTahadhvaniH || 199|| hakAranArIlAvaNyA hakAraparadevatA || 200|| namo vedAntarUpAyai durgAdevyai namo namaH | namo bhaktAnukampAyai durge shrIparadevate || namo namo bhagavati trAhi mAmaparAdhinam || sarvapApApahaM mukhyaM sarvama~NgaladAyakam | sarvasampatkaraM puNyaM svargamokShasukhapradam || paThatAM shR^iNvatAM chAtra putrapautrapradaM shubham | sahasranAmakaM shreShThaM durgAyAH kAmadaM param || iti shrIdurgAsahasranAmastotraM sampUrNam || ## Proofread by PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}