% Text title            : Durga Stotram
% File name             : durgAstotram19.itx
% Category              : devii, devI, brahmavaivartapurANa, stotra
% Location              : doc\_devii
% Proofread by          : PSA Easwaran
% Description/comments  : brahmavaivartapurANa | prakRRitikhaNDa | adhyAya 64/9-31||
% Latest update         : March 5, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Durga Stotram ..}##
\itxtitle{.. durgAstotram 19 ..}##\endtitles ##
brahmaviShNushivAdInAM pUjyAM vandyAM sanAtanIm |
nArAyaNIM viShNumAyAM vaiShNavIM viShNubhaktidAm || 9||
sarvasvarUpAM sarveShAM sarvAdhArAM parAtparAm |
sarvavidyAsarvamantrasarvashaktisvarUpiNIm || 10||
saguNAM nirguNAM sattvAM varAM svechChAmayIM satIm |
mahAviShNoshcha jananIM kR^iShNasyArddhA~NgasambhavAm || 11||
kR^iShNapriyAM kR^iShNashaktiM kR^iShNabud.hdhyadhidevatAm |
kR^iShNastutAM kR^iShNapUjyAM kR^iShNavandyAM kR^ipAmayIm || 12||
taptakA~nchanavarNAbhAM koTisUryasamaprabhAm |
IShaddhAsyaprasannAsyAM bhaktAnugrahakArikAm || 13||
durgAM shatabhujAM devIM mahaddurgatinAshinIm |
trilochanapriyAM sAdhvIM triguNAM cha trilochanAm || 14||
trilochanaprANarUpAM shuddhArddhachandrashekharAm |
bibhratIM kabarIbhAraM mAlatImAlyamaNDitam || 15||
vartulaM vAmavaktraM cha shambhormAnasamohinIm |
ratnakuNDalayugmena gaNDasthalavirAjitAm || 16||
nAsAdakShiNabhAgena bibhratIM gajamauktikam |
amUlyaratnaM bahulaM bibhratIM shravaNopari || 17||
muktApa~Nktivinindyaikadantapa~NktisushobhitAm |
pakvabimbAdharoShThIM cha suprasannAM suma~NgalAm || 18||
chitrapatrAvalIramyakapolayugalojjvalAm |
ratnakeyUravalayaratnama~njIrara~njitAm || 19||
ratnaka~NkaNabhUShADhyAM ratnapAshA~NkashobhitAm |
ratnA~NgulIyanikaraiH karA~NgulichayojjvalAm || 20||
pAdA~NgulinakhAsaktAlaktarekhAsushobhanAm |
vahnishuddhAMshukAdhAnAM gandhachandanacharchitAm || 21||
bibhratIM stanayugmaM cha kastUrIbindushobhitam |
sarvarUpaguNavatIM gajendramandagAminIm || 22||
atIva kAntAM shAntAM cha nitAntAM yogasiddhiShu |
vidhAtushcha vidhAtrIM cha sarvadhAtrIM cha sha~NkarIm || 23||
sharatpArvaNachandrAsyAmatIva sumanoharAm |
kastUrIbindubhiH sArddhamadhashchandanabindunA || 24||
sindUrabindunA shashvadbhAlamadhyasthalojjvalAm |
sharanmadhyAhnakamalaprabhAmochanalochanAm || 25||
chArukajjalarekhAbhyAM sarvatashcha samujjvalAm |
koTikandarpalAvaNyalIlAninditavigrahAm || 26||
ratnasiMhAsanasthAM cha sadratnamukuTojjvalAm |
sR^iShTau sraShTuH shilparUpAM dayAM pAtushcha pAlane || 27||
saMhArakAle saMharttuH parAM saMhArarUpiNIm |
nishumbhashumbhamathinIM mahiShAsuramardinIm || 28||
purA tripurayuddhe cha saMstutA tripurAriNA |
madhukaiTabhayoryuddhe viShNushaktisvarUpiNIm || 29||
sarvadaityanihantrIM cha raktabIjavinAshinIm |
nR^isiMhashaktirUpAM cha hiraNyakashiporvadhe || 30||
varAhashaktiM vArAhe hiraNyAkShavadhe tathA |
parabrahmasvarUpAM cha sarvashaktiM sadA bhaje || 31||
iti dhyAtvA svashirasi puShpaM dattvA vichakShaNaH |
punardhyAtvA chaiva bhaktyA kuryAdAvAhanaM tataH || 32||

iti shrIbrahmavaivartte mahApurANe dvitIye prakR^itikhaNDe
    chatuShShaShTitamAdhyAyAntargataM durgAstotraM samAptam |

brahmavaivartapurANa | prakR^itikhaNDa | adhyAya 64/9\-31||
##
brahmavaivartapurANa . prakRRitikhaNDa . adhyAya 64/9-31..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}