% Text title            : durgAstotram 3 from rudrayAmala
% File name             : durgAstotramrudrayAmala.itx
% Category              : devii, durgA, devI
% Location              : doc\_devii
% Proofread by          : PSA Easwaran psaeaswaran at gmail.com
% Latest update         : December 9, 2016
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIdurgAstotram from Rudrayamala ..}##
\itxtitle{.. shrIdurgAstotram rudrayAmalAntargatam ..}##\endtitles ##

atha durgAstotram |
shrIbhairava uvAcha
adhunA devi vakShyAmi durgAstotraM manoharam |
mUlamantramayaM divyaM sarvasArasvatapradam || 1||
durgArtishamanaM puNyaM sAdhakAnAM jayapradam |
durgAyA a~NgabhUtaM tu stotrarAjaM parAtparam || 2||
shrIdurgAstotrarAjasya R^iShirdevo maheshvaraH |
Chando.anuShTup devatApi shrIdurgAShTAkSharA shive || 3||
duM bIja~ncha parA shaktiH namaH kIlakamIshvari |
dharmArthakAmamokShArthe shrIdurgAstotrapAThe viniyogaH || 4||

atha dhyAnam
dUrvAnibhAM trinayanAM vilasatkirITAM
     sha~NkhAbjakhaDgasharakheTakashUlachApAm |
santarjanIM cha dadhatIM mahiShAsanasthAM
     durgAntavArakulapIThagatAM bhaje.aham || 1||
tAraM hAraM mantramAlA subIjaM dhyAyedantaryo balaM bAlakAntaH |
tasya smAraM smArama~NghridvayaM cha ramyAyAti svargatA kAmavashyA || 2||
mAyAM japedyastava mantramadhye durge sadA durgatikhedakhinnaH |
bhavechcha bhUmau nR^ipamAlimAlAmANikyanirdhR^iShTapadAravindaH || 3||
chAkriyaM yadi japettavA.a~Nghrike chakramadhyagata IshvarIshvari |
sAdhako bhavati chakravartinAM nAyako mama vilAsakovidaH || 4||
chakribIjamaparaM smarechChive yo.arivargavihitAdatavyayaH |
Anime.alagate japedripUn vAjivAraNarathAshrito naraH || 5||
durgAbIjaM yo japet pretabhUmau sAyaM mAyA bhasmanA.a.aliptakAyaH |
trirvAraNAnAM nAyako devi |
mantrI bhuktvA rAjyaM prAjyamAjyaM karoti || 6||
vAyavyabIjaM yadi sAdhako japet priyAkuchadvandvavimardanakShamaH |
samastakAntAjananetravAguro vilAsahaMso bhavitA sa pArvati || 7||
vishve vishveshvari yadi japet kAmavelAkalArtau
     rAtrau mAtrAkSharavilasitaM mAsa IshAni nAma |
tasya smerAnanasarasijA bhrAjamAnA~NgalakShmI
     vashyAvashyaM sUrapUravaghUmauli mAlA vashAmA || 8||
bhUgehAshchita vahnivR^ittavilasannAgAravR^ittArchita\-
     vyagrArolla sitAgnikoNa vilasachChrI bindu pIThasthitAm |
dhyAyechchetasi sharvapatni bhavatIM mAdhvIrasAdhR^irNitAM
     yo mantrI sa bhaviShyati smarasamaH strINAM dharaNyAM divi || 9||
durgAstavaM manumayaM manurAjamauli\-
     rmANikyamuttamashivA~NgarahasyabhUtam |
prAtaH paThedyadi japAvasare.aryamAyAM
     bhUmau bhavet sa nR^ipatirdivi devanAthaH || 10||
idaM stotraM mahApuNyaM pa~nchA~NgaikashiromaNim |
yaH paThedardharAtre tu tasya vashyaM jagattrayam || 11||
idaM pa~nchA~NgamakhilaM shrIdurgAyA rahasyakam |
sarvasiddhipradaM guhyaM sarvadA paripUrakam || 12|| sarvAshA
guhyaM mantrarahasyaM tu tava bhaktyA prakAshitam |
abhaktAya na dAtavyamityAj~nA pArameshvarI || 13||
shrIdevyuvAcha
bhagavan bhavatA tena kathanena maheshvara |
shrIpa~nchA~Ngasya durgAyA atha prItAsmyahaM param || 14||
shrIbhairava uvAcha
idaM rahasyaM paramaM durgAsarvasvamuttamam |
pa~nchA~NgaM varNitaM gopyaM gopanIyaM svayonivat || 15||

iti shrIrudrayAmaletantre devIrahasye durgAstotraM sampUrNam ||

##

Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}