% Text title : Devi Mahatmyam / Durga Saptashati % File name : durga700.itx % Category : devii, durgA, shatI, devI, saptashatI % Location : doc\_devii % Transliterated by : K. Shankaran, Kirk Wortman, Dhruba Chakroborty, Ahto Jarve % Proofread by : Sunder Hattangadi, Kirk Wortman (kirkwort at hotmail.com) % Description-comments : 700 shlokas regarding devi durga % Latest update : February 26, 2024 % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Devi Mahatmyam or Durga Saptashati ..}## \itxtitle{.. devI mAhAtmyam vA durgAsaptashatI ..}##\endtitles ## || devI mAhAtmyam || || shrI || || shrIchaNDikAdhyAnam || OM bandhUkakusumAbhAsAM pa~nchamuNDAdhivAsinIm | sphurachchandrakalAratnamukuTAM muNDamAlinIm || trinetrAM raktavasanAM pInonnataghaTastanIm | pustakaM chAkShamAlAM cha varaM chAbhayakaM kramAt || dadhatIM saMsmarennityamuttarAmnAyamAnitAm | athavA yA chaNDI madhukaiTabhAdidaityadalanI yA mAhiShonmUlinI yA dhUmrekShaNachaNDamuNDamathanI yA raktabIjAshanI | shaktiH shumbhanishumbhadaityadalanI yA siddhidAtrI parA sA devI navakoTimUrtisahitA mAM pAtu vishveshvarI || \section{|| atha argalAstotram ||} OM asya shrIargalAstotramantrasya viShNurR^iShiH\, anuShTup ChandaH\, shrImahAlakShmIrdevatA\, shrIjagadambAprItaye saptashatipAThA~Ngatvena jape viniyogaH | OM namashchaNDikAyai | mArkaNDeya uvAcha | OM jaya tvaM devi chAmuNDe jaya bhUtApahAriNi | jaya sarvagate devi kAlarAtri namo.astu te || 1|| jayantI ma~NgalA kAlI bhadrakAlI kapAlinI | durgA shivA kShamA dhAtrI svAhA svadhA namo.astu te || 2|| madhukaiTabhavidhvaMsi vidhAtR^ivarade namaH | rUpaM dehi jayaM dehi yasho dehi dviSho jahi || 3|| mahiShAsuranirnAshi bhaktAnAM sukhade namaH | rUpaM dehi jayaM dehi yasho dehi dviSho jahi || 4|| dhUmranetravadhe devi dharmakAmArthadAyini | rUpaM dehi jayaM dehi yasho dehi dviSho jahi || 5|| raktabIjavadhe devi chaNDamuNDavinAshini | rUpaM dehi jayaM dehi yasho dehi dviSho jahi || 6|| nishumbhashumbhanirnAshi trailokyashubhade namaH | rUpaM dehi jayaM dehi yasho dehi dviSho jahi || 7|| vanditA~Nghriyuge devi sarvasaubhAgyadAyini | rUpaM dehi jayaM dehi yasho dehi dviSho jahi || 8|| achintyarUpacharite sarvashatruvinAshini | rUpaM dehi jayaM dehi yasho dehi dviSho jahi || 9|| natebhyaH sarvadA bhaktyA chAparNe duritApahe | rUpaM dehi jayaM dehi yasho dehi dviSho jahi || 10|| stuvadbhyo bhaktipUrvaM tvAM chaNDike vyAdhinAshini | rUpaM dehi jayaM dehi yasho dehi dviSho jahi || 11|| chaNDike satataM yuddhe jayanti pApanAshini | rUpaM dehi jayaM dehi yasho dehi dviSho jahi || 12|| dehi saubhAgyamArogyaM dehi devi paraM sukham | rUpaM dehi jayaM dehi yasho dehi dviSho jahi || 13|| vidhehi devi kalyANaM vidhehi vipulAM shriyam | rUpaM dehi jayaM dehi yasho dehi dviSho jahi || 14|| vidhehi dviShatAM nAshaM vidhehi balamuchchakaiH | rUpaM dehi jayaM dehi yasho dehi dviSho jahi || 15|| surAsurashiroratnanighR^iShTacharaNe.ambike | rUpaM dehi jayaM dehi yasho dehi dviSho jahi || 16|| vidyAvantaM yashasvantaM lakShmIvanta~ncha mAM kuru | rUpaM dehi jayaM dehi yasho dehi dviSho jahi || 17|| devi prachaNDadordaNDadaityadarpaniShUdini | rUpaM dehi jayaM dehi yasho dehi dviSho jahi || 18|| prachaNDadaityadarpaghne chaNDike praNatAya me | rUpaM dehi jayaM dehi yasho dehi dviSho jahi || 19|| chaturbhuje chaturvaktrasaMstute parameshvari | rUpaM dehi jayaM dehi yasho dehi dviSho jahi || 20|| kR^iShNena saMstute devi shashvadbhaktyA sadAmbike | rUpaM dehi jayaM dehi yasho dehi dviSho jahi || 21|| himAchalasutAnAthasaMstute parameshvari | rUpaM dehi jayaM dehi yasho dehi dviSho jahi || 22|| indrANIpatisadbhAvapUjite parameshvari | rUpaM dehi jayaM dehi yasho dehi dviSho jahi || 23|| devi bhaktajanoddAmadattAnandodaye.ambike | rUpaM dehi jayaM dehi yasho dehi dviSho jahi || 24|| bhAryAM manoramAM dehi manovR^ittAnusAriNIm | rUpaM dehi jayaM dehi yasho dehi dviSho jahi || 25|| tAriNi durgasaMsArasAgarasyAchalodbhave | rUpaM dehi jayaM dehi yasho dehi dviSho jahi || 26|| idaM stotraM paThitvA tu mahAstotraM paThennaraH | saptashatIM samArAdhya varamApnoti durlabham || 27|| || iti shrImArkaNDeyapurANe argalAstotraM samAptam || \section{|| atha kIlakastotram ||} OM asya shrIkIlakamantrasya shivaR^iShiH\, anuShTup ChandaH\, shrImahAsarasvatI devatA\, shrIjagadambAprItyarthaM saptashatIpAThA~Ngatvena jape viniyogaH | OM namashchaNDikAyai | mArkaNDeya uvAcha | OM vishuddhaj~nAnadehAya trivedIdivyachakShuShe | shreyaHprAptinimittAya namaH somArdhadhAriNe || 1|| sarvametadvijAnIyAnmantrANAmapi kIlakam | so.api kShemamavApnoti satataM japyatatparaH || 2|| siddhyantyuchchATanAdIni karmANi sakalAnyapi | etena stuvatAM devIM stotravR^indena bhaktitaH || 3|| na mantro nauShadhaM tasya na ki~nchidapi vidyate | vinA japyena siddhyettu sarvamuchchATanAdikam || 4|| samagrANyapi setsyanti lokasha~NkAmimAM haraH | kR^itvA nimantrayAmAsa sarvamevamidaM shubham || 5|| stotraM vai chaNDikAyAstu tachcha guhyaM chakAra saH | samApnoti sa puNyena tAM yathAvannimantraNAm || 6|| so.api kShemamavApnoti sarvameva na saMshayaH | kR^iShNAyAM vA chaturdashyAmaShTamyAM vA samAhitaH || 7|| dadAti pratigR^ihNAti nAnyathaiShA prasIdati | itthaM rUpeNa kIlena mahAdevena kIlitam || 8|| yo niShkIlAM vidhAyainAM chaNDIM japati nityashaH | sa siddhaH sa gaNaH so.atha gandharvo jAyate dhruvam || 9|| na chaivApATavaM tasya bhayaM kvApi na jAyate | nApamR^ityuvashaM yAti mR^ite cha mokShamApnuyAt || 10|| j~nAtvA prArabhya kurvIta hyakurvANo vinashyati | tato j~nAtvaiva sampUrNamidaM prArabhyate budhaiH || 11|| saubhAgyAdi cha yatki~nchid dR^ishyate lalanAjane | tatsarvaM tatprasAdena tena japyamidaM shubham || 12|| shanaistu japyamAne.asmin stotre sampattiruchchakaiH | bhavatyeva samagrApi tataH prArabhyameva tat || 13|| aishvaryaM tatprasAdena saubhAgyArogyameva cha | shatruhAniH paro mokShaH stUyate sA na kiM janaiH || 14|| chaNDikAM hR^idayenApi yaH smaret satataM naraH | hR^idyaM kAmamavApnoti hR^idi devI sadA vaset || 15|| agrato.amuM mahAdevakR^itaM kIlakavAraNam | niShkIla~ncha tathA kR^itvA paThitavyaM samAhitaiH || 16|| || iti shrIbhagavatyAH kIlakastotraM samAptam || \section{|| atha devI kavacham ||} asya shrIchaNDIkavachasya brahmA R^iShiH \, anuShTup ChandaH \, chAmuNDA devatA \, a~NganyAsoktamAtaro bIjam \, digbandhadevatAstatvam \, shrIjagadambAprItyarthe jape viniyogaH | OM namashchaNDikAyai | mArkaNDeya uvAcha | OM yad.hguhyaM paramaM loke sarvarakShAkaraM nR^iNAm | yanna kasyachidAkhyAtaM tanme brUhi pitAmaha || 1|| brahmovAcha | asti guhyatamaM vipra sarvabhUtopakArakam | devyAstu kavachaM puNyaM tachChR^iNuShva mahAmune || 2|| prathamaM shailaputrIti dvitIyaM brahmachAriNI | tR^itIyaM chandraghaNTeti kUShmANDeti chaturthakam || 3|| pa~nchamaM skandamAteti ShaShThaM kAtyAyanI tathA | saptamaM kAlarAtrishcha mahAgaurIti chAShTamam || 4|| navamaM siddhidAtrI cha navadurgAH prakIrtitAH | uktAnyetAni nAmAni brahmaNaiva mahAtmanA || 5|| agninA dahyamAnAstu shatrumadhyagatA raNe | viShame durgame chaiva bhayArtAH sharaNaM gatAH || 6. na teShAM jAyate ki~nchidashubhaM raNasa~NkaTe | ApadaM na cha pashyanti shokaduHkhabhaya~NkarIm || 7|| yaistu bhaktyA smR^itA nityaM teShAM vR^iddhiH prajAyate | ye tvAM smaranti deveshi rakShasi tAnna saMshayaH || 8|| pretasaMsthA tu chAmuNDA vArAhI mahiShAsanA | aindrI gajasamArUDhA vaiShNavI garuDAsanA || 9|| nArasiMhI mahAvIryA shivadUtI mahAbalA | mAheshvarI vR^iShArUDhA kaumArI shikhivAhanA || 10|| lakShmIH padmAsanA devI padmahastA haripriyA | shvetarUpadharA devI IshvarI vR^iShavAhanA || 11|| brAhmI haMsasamArUDhA sarvAbharaNabhUShitA | ityetA mAtaraH sarvAH sarvayogasamanvitAH || 12|| nAnAbharaNashobhADhyA nAnAratnopashobhitAH | shraiShThaishcha mauktikaiH sarvA divyahArapralambibhiH || 13|| indranIlairmahAnIlaiH padmarAgaiH sushobhanaiH | dR^ishyante rathamArUDhA devyaH krodhasamAkulAH || 14|| sha~NkhaM chakraM gadAM shaktiM halaM cha musalAyudham | kheTakaM tomaraM chaiva parashuM pAshameva cha || 15|| kuntAyudhaM trishUlaM cha shAr~NgamAyudhamuttamam | daityAnAM dehanAshAya bhaktAnAmabhayAya cha || 16|| dhArayantyAyudhAnItthaM devAnAM cha hitAya vai | namaste.astu mahAraudre mahAghoraparAkrame || 17|| mahAbale mahotsAhe mahAbhayavinAshini | trAhi mAM devi duShprekShye shatrUNAM bhayavardhini || 18|| prAchyAM rakShatu mAmaindrI AgneyyAmagnidevatA | dakShiNe.avatu vArAhI nairR^ityAM khaDgadhAriNI || 19|| pratIchyAM vAruNI rakShedvAyavyAM mR^igavAhinI | udIchyAM pAtu kauberI IshAnyAM shUladhAriNI || 20|| UrdhvaM brahmANI me rakShedadhastAd.hvaiShNavI tathA | evaM dasha disho rakShechchAmuNDA shavavAhanA || 21|| jayA mAmagrataH pAtu vijayA pAtu pR^iShThataH | ajitA vAmapArshve tu dakShiNe chAparAjitA || 22|| shikhAM me dyotinI rakShedumA mUrdhni vyavasthitA | mAlAdharI lalATe cha bhruvau rakShedyashasvinI || 23|| netrayoshchitranetrA cha yamaghaNTA tu pArshvake | trinetrA cha trishUlena bhruvormadhye cha chaNDikA || 24|| sha~NkhinI chakShuShormadhye shrotrayordvAravAsinI | kapolau kAlikA rakShet karNamUle tu sha~NkarI || 25|| nAsikAyAM sugandhA cha uttaroShThe cha charchikA | adhare chAmR^itAbAlA jihvAyAM cha sarasvatI || 26|| dantAn rakShatu kaumArI kaNThadeshe tu chaNDikA | ghaNTikAM chitraghaNTA cha mahAmAyA cha tAluke || 27|| kAmAkShI chibukaM rakShedvAchaM me sarvama~NgalA | grIvAyAM bhadrakAlI cha pR^iShThavaMshe dhanurdharI || 28|| nIlagrIvA bahiH kaNThe nalikAM nalakUbarI | skandhayoH khaDginI rakShed bAhU me vajradhAriNI || 29|| hastayordaNDinI rakShedambikA chA~NgulIShu cha | nakhA~nChUleshvarI rakShet kukShau rakShennareshvarI || 30|| stanau rakShenmahAdevI manaHshokavinAshinI | hR^idaye lalitA devI udare shUladhAriNI || 31|| nAbhau cha kAminI rakShed guhyaM guhyeshvarI tathA | meDhraM rakShatu durgandhA pAyuM me guhyavAhinI || 32|| kaTyAM bhagavatI rakShedUrU me meghavAhanA | ja~Nghe mahAbalA rakShet jAnU mAdhavanAyikA || 33|| gulphayornArasiMhI cha pAdapR^iShThe tu kaushikI | pAdA~NgulIH shrIdharI cha talaM pAtAlavAsinI || 34|| nakhAn daMShTrakarAlI cha keshAMshchaivordhvakeshinI | romakUpeShu kaumArI tvachaM yogIshvarI tathA || 35|| raktamajjAvasAmAMsAnyasthimedAMsi pArvatI | antrANi kAlarAtrishcha pittaM cha mukuTeshvarI || 36|| padmAvatI padmakoshe kaphe chUDAmaNistathA | jvAlAmukhI nakhajvAlAmabhedyA sarvasandhiShu || 37|| shukraM brahmANI me rakShechChAyAM ChatreshvarI tathA | aha~NkAraM mano buddhiM rakShenme dharmadhAriNI || 38|| prANApAnau tathA vyAnamudAnaM cha samAnakam | vajrahastA cha me rakShet prANAn kalyANashobhanA || 39|| rase rUpe cha gandhe cha shabde sparshe cha yoginI | sattvaM rajastamashchaiva rakShennArAyaNI sadA || 40|| AyU rakShatu vArAhI dharmaM rakShatu pArvatI | yashaH kIrtiM cha lakShmIM cha sadA rakShatu vaiShNavI || 41|| gotramindrANI me rakShet pashUn rakShechcha chaNDikA | putrAn rakShenmahAlakShmIrbhAryAM rakShatu bhairavI || 42|| dhaneshvarI dhanaM rakShet kaumArI kanyakAM tathA | panthAnaM supathA rakShenmArgaM kShema~NkarI tathA || 43|| rAjadvAre mahAlakShmIrvijayA satata sthitA | rakShAhInaM tu yat sthAnaM varjitaM kavachena tu || 44|| tatsarvaM rakSha me devi jayantI pApanAshinI | sarvarakShAkaraM puNyaM kavachaM sarvadA japet || 45|| idaM rahasyaM viprarShe bhaktyA tava mayoditam | pAdamekaM na gachChet tu yadIchChechChubhamAtmanaH || 46|| kavachenAvR^ito nityaM yatra yatraiva gachChati | tatra tatrArthalAbhashva vijayaH sArvakAlikaH || 47|| yaM yaM chintayate kAmaM taM taM prApnoti nishchitam | paramaishvaryamatulaM prApsyate bhUtale pumAn || 48|| nirbhayo jAyate martyaH sa~NgrAmeShvaparAjitaH | trailokye tu bhavetpUjyaH kavachenAvR^itaH pumAn || 49|| idaM tu devyAH kavachaM devAnAmapi durlabham | yaH paThetprayato nityaM trisandhyaM shraddhayAnvitaH || 50|| daivIkalA bhavettasya trailokye chAparAjitaH | jIvedvarShashataM sAgramapamR^ityuvivarjitaH || 51|| nashyanti vyAdhayaH sarve lUtAvisphoTakAdayaH | sthAvaraM ja~NgamaM chaiva kR^itrimaM chaiva yadviSham || 52|| abhichArANi sarvANi mantrayantrANi bhUtale | bhUcharAH khecharAshchaiva kulajAshchaupadeshikAH || 53|| sahajA kulajA mAlA DAkinI shAkinI tathA | antarikShacharA ghorA DAkinyashcha mahAravAH || 54|| grahabhUtapishAchAshcha yakShagandharvarAkShasAH | brahmarAkShasavetAlAH kUShmANDA bhairavAdayaH || 55|| nashyanti darshanAttasya kavachenAvR^ito hi yaH | mAnonnatirbhavedrAj~nastejovR^iddhiH parA bhavet || 56|| yashovR^iddhirbhavet puMsAM kIrtivR^iddhishcha jAyate | tasmAt japet sadA bhaktaH kavachaM kAmadaM mune || 57|| japet saptashatIM chaNDIM kR^itvA tu kavachaM purA | nirvighnena bhavet siddhishchaNDIjapasamudbhavA || 58|| yAvad.hbhUmaNDalaM dhatte sashailavanakAnanam | tAvattiShThati medinyAM santatiH putrapautrikI || 59|| dehAnte paramaM sthAnaM surairapi sudurlabham | prApnoti puruSho nityaM mahAmAyAprasAdataH || 60|| tatra gachChati gatvAsau punashchAgamanaM nahi | labhate paramaM sthAnaM shivena samatAM vrajet || 61|| || iti shrImArkaNDeyapurANe hariharabrahmavirachitaM devIkavachaM samAptam || \section{|| devI mAhAtmyam ||} % || shrIdurgAyai namaH || || atha shrIdurgAsaptashatI || \section{|| 1\. madhukaiTabhavadho nAma prathamo.adhyAyaH ||} viniyogaH asya shrI prathamacharitrasya | brahmA R^iShiH | mahAkAlI devatA | gAyatrI ChandaH | nandA shaktiH | raktadantikA bIjam | agnistattvam | R^igvedaH svarUpam | shrImahAkAlIprItyarthe prathamacharitrajape viniyogaH | . dhyAnam | OM khaDgaM chakragadeShuchApaparighA~nChUlaM bhushuNDIM shiraH sha~NkhaM sandadhatIM karaistrinayanAM sarvA~NgabhUShAvR^itAm | nIlAshmadyutimAsyapAdadashakAM seve mahAkAlikAM yAmastautsvapite harau kamalajo hantuM madhuM kaiTabham || OM namashchaNDikAyai || OM aiM mArkaNDeya uvAcha || 1\.1|| sAvarNiH sUryatanayo yo manuH kathyate.aShTamaH | nishAmaya tadutpattiM vistarAdgadato mama || 1\.2|| mahAmAyAnubhAvena yathA manvantarAdhipaH | sa babhUva mahAbhAgaH sAvarNistanayo raveH || 1\.3|| svArochiShe.antare pUrvaM chaitravaMshasamudbhavaH | suratho nAma rAjAbhUtsamaste kShitimaNDale || 1\.4|| tasya pAlayataH samyak prajAH putrAnivaurasAn | babhUvuH shatravo bhUpAH kolAvidhvaMsinastadA || 1\.5|| tasya tairabhavad yuddhamatiprabaladaNDinaH | nyUnairapi sa tairyuddhe kolAvidhvaMsibhirjitaH || 1\.6|| tataH svapuramAyAto nijadeshAdhipo.abhavat | AkrAntaH sa mahAbhAgastaistadA prabalAribhiH || 1\.7|| amAtyairbalibhirduShTairdurbalasya durAtmabhiH | kosho balaM chApahR^itaM tatrApi svapure tataH || 1\.8|| tato mR^igayAvyAjena hR^itasvAmyaH sa bhUpatiH | ekAkI hayamAruhya jagAma gahanaM vanam || 1\.9|| sa tatrAshramamadrAkShIddvijavaryasya medhasaH | prashAntashvApadAkIrNaM munishiShyopashobhitam || 1\.10|| tasthau ka~nchitsa kAlaM cha muninA tena satkR^itaH | itashchetashcha vicharaMstasmin munivarAshrame || 1\.11|| so.achintayattadA tatra mamatvAkR^iShTamAnasaH | matpUrvaiH pAlitaM pUrvaM mayA hInaM puraM hi tat || 1\.12|| madbhR^ityaistairasadvR^ittairdharmataH pAlyate na vA | na jAne sa pradhAno me shUro hastI sadAmadaH || 1\.13|| mama vairivashaM yAtaH kAn bhogAnupalapsyate | ye mamAnugatA nityaM prasAdadhanabhojanaiH || 1\.14|| anuvR^ittiM dhruvaM te.adya kurvantyanyamahIbhR^itAm | asamyagvyayashIlaistaiH kurvadbhiH satataM vyayam || 1\.15|| sa~nchitaH so.atiduHkhena kShayaM kosho gamiShyati | etachchAnyachcha satataM chintayAmAsa pArthivaH || 1\.16|| tatra viprAshramAbhyAshe vaishyamekaM dadarsha saH | sa pR^iShTastena kastvaM bho hetushchAgamane.atra kaH || 1\.17|| sashoka iva kasmAttvaM durmanA iva lakShyase | ityAkarNya vachastasya bhUpateH praNayoditam || 1\.18|| pratyuvAcha sa taM vaishyaH prashrayAvanato nR^ipam || 1\.19|| vaishya uvAcha || 1\.20|| samAdhirnAma vaishyo.ahamutpanno dhaninAM kule || 1\.21|| putradArairnirastashcha dhanalobhAdasAdhubhiH | vihInashcha dhanairdAraiH putrairAdAya me dhanam || 1\.22|| vanamabhyAgato duHkhI nirastashchAptabandhubhiH | so.ahaM na vedmi putrANAM kushalAkushalAtmikAm || 1\.23|| pravR^ittiM svajanAnAM cha dArANAM chAtra saMsthitaH | kiM nu teShAM gR^ihe kShemamakShemaM kiM nu sAmpratam || 1\.24|| kathaM te kiM nu sadvR^ittA durvR^ittAH kiM nu me sutAH || 1\.25|| rAjovAcha || 1\.26|| yairnirasto bhavA.NllubdhaiH putradArAdibhirdhanaiH || 1\.27|| teShu kiM bhavataH snehamanubadhnAti mAnasam || 1\.28|| vaishya uvAcha || 1\.29|| evametadyathA prAha bhavAnasmadgataM vachaH || 1\.30|| kiM karomi na badhnAti mama niShThuratAM manaH | yaiH santyajya pitR^isnehaM dhanalubdhairnirAkR^itaH || 1\.31|| patisvajanahArdaM cha hArditeShveva me manaH | kimetannAbhijAnAmi jAnannapi mahAmate || 1\.32|| yatpremapravaNaM chittaM viguNeShvapi bandhuShu | teShAM kR^ite me niHshvAso daurmanasyaM cha jAyate || 1\.33|| karomi kiM yanna manasteShvaprItiShu niShThuram || 1\.34|| mArkaNDeya uvAcha || 1\.35|| tatastau sahitau vipra taM muniM samupasthitau || 1\.36|| samAdhirnAma vaishyo.asau sa cha pArthivasattamaH | kR^itvA tu tau yathAnyAyaM yathArhaM tena saMvidam || 1\.37|| upaviShTau kathAH kAshchichchakraturvaishyapArthivau || 1\.38|| rAjovAcha || 1\.39|| bhagavaMstvAmahaM praShTumichChAmyekaM vadasva tat || 1\.40|| duHkhAya yanme manasaH svachittAyattatAM vinA | mamatvaM gatarAjyasya rAjyA~NgeShvakhileShvapi || 1\.41|| jAnato.api yathAj~nasya kimetanmunisattama | ayaM cha nikR^itaH putrairdArairbhR^ityaistathojjhitaH || 1\.42|| svajanena cha santyaktasteShu hArdI tathApyati | evameSha tathAhaM cha dvAvapyatyantaduHkhitau || 1\.43|| dR^iShTadoShe.api viShaye mamatvAkR^iShTamAnasau | tatkimetanmahAbhAga yanmoho j~nAninorapi || 1\.44|| mamAsya cha bhavatyeShA vivekAndhasya mUDhatA || 1\.45|| R^iShiruvAcha || 1\.46|| j~nAnamasti samastasya jantorviShayagochare || 1\.47|| viShayAshcha mahAbhAga yAnti chaivaM pR^ithakpR^ithak | divAndhAH prANinaH kechidrAtrAvandhAstathApare || 1\.48|| kechiddivA tathA rAtrau prANinastulyadR^iShTayaH | j~nAnino manujAH satyaM kiM tu te na hi kevalam || 1\.49|| yato hi j~nAninaH sarve pashupakShimR^igAdayaH | j~nAnaM cha tanmanuShyANAM yatteShAM mR^igapakShiNAm || 1\.50|| manuShyANAM cha yatteShAM tulyamanyattathobhayoH | j~nAne.api sati pashyaitAn pata~NgA~nChAvacha~nchuShu || 1\.51|| kaNamokShAdR^itAn mohAtpIDyamAnAnapi kShudhA | mAnuShA manujavyAghra sAbhilAShAH sutAn prati || 1\.52|| lobhAt pratyupakArAya nanvetAn kiM na pashyasi | tathApi mamatAvartte mohagarte nipAtitAH || 1\.53|| mahAmAyAprabhAveNa saMsArasthitikAriNA | tannAtra vismayaH kAryo yoganidrA jagatpateH || 1\.54|| mahAmAyA hareshchaiShA tayA sammohyate jagat | j~nAninAmapi chetAMsi devI bhagavatI hi sA || 1\.55|| balAdAkR^iShya mohAya mahAmAyA prayachChati | tayA visR^ijyate vishvaM jagadetachcharAcharam || 1\.56|| saiShA prasannA varadA nR^iNAM bhavati muktaye | sA vidyA paramA mukterhetubhUtA sanAtanI || 1\.57|| saMsArabandhahetushcha saiva sarveshvareshvarI || 1\.58|| rAjovAcha || 1\.59|| bhagavan kA hi sA devI mahAmAyeti yAM bhavAn || 1\.60|| bravIti kathamutpannA sA karmAsyAshcha kiM dvija | yatprabhAvA cha sA devI yatsvarUpA yadudbhavA || 1\.61|| tatsarvaM shrotumichChAmi tvatto brahmavidAM vara || 1\.62|| R^iShiruvAcha || 1\.63|| nityaiva sA jaganmUrtistayA sarvamidaM tatam || 1\.64|| tathApi tatsamutpattirbahudhA shrUyatAM mama | devAnAM kAryasiddhyarthamAvirbhavati sA yadA || 1\.65|| utpanneti tadA loke sA nityApyabhidhIyate | yoganidrAM yadA viShNurjagatyekArNavIkR^ite || 1\.66|| AstIrya sheShamabhajat kalpAnte bhagavAn prabhuH | tadA dvAvasurau ghorau vikhyAtau madhukaiTabhau || 1\.67|| viShNukarNamalodbhUtau hantuM brahmANamudyatau | sa nAbhikamale viShNoH sthito brahmA prajApatiH || 1\.68|| dR^iShTvA tAvasurau chograu prasuptaM cha janArdanam | tuShTAva yoganidrAM tAmekAgrahR^idayaH sthitaH || 1\.69|| vibodhanArthAya harerharinetrakR^itAlayAm | vishveshvarIM jagaddhAtrIM sthitisaMhArakAriNIm || 1\.70|| nidrAM bhagavatIM viShNoratulAM tejasaH prabhuH || 1\.71|| brahmovAcha || 1\.72|| tvaM svAhA tvaM svadhA tvaM hi vaShaT.hkAraH svarAtmikA || 1\.73|| sudhA tvamakShare nitye tridhA mAtrAtmikA sthitA | ardhamAtrA sthitA nityA yAnuchchAryAvisheShataH || 1\.74|| tvameva sandhyA sAvitrI tvaM devi jananI parA | tvayaitaddhAryate vishvaM tvayaitat sR^ijyate jagat || 1\.75|| tvayaitat pAlyate devi tvamatsyante cha sarvadA | visR^iShTau sR^iShTirUpA tvaM sthitirUpA cha pAlane || 1\.76|| tathA saMhR^itirUpAnte jagato.asya jaganmaye | mahAvidyA mahAmAyA mahAmedhA mahAsmR^itiH || 1\.77|| mahAmohA cha bhavatI mahAdevI maheshvarI | prakR^itistvaM cha sarvasya guNatrayavibhAvinI || 1\.78|| kAlarAtrirmahArAtrirmoharAtrishcha dAruNA | tvaM shrIstvamIshvarI tvaM hrIstvaM buddhirbodhalakShaNA || 1\.79|| lajjA puShTistathA tuShTistvaM shAntiH kShAntireva cha | khaDginI shUlinI ghorA gadinI chakriNI tathA || 1\.80|| sha~NkhinI chApinI bANabhushuNDIparighAyudhA | saumyA saumyatarAsheShasaumyebhyastvatisundarI || 1\.81|| parAparANAM paramA tvameva parameshvarI | yachcha ki~nchitkvachidvastu sadasadvAkhilAtmike || 1\.82|| tasya sarvasya yA shaktiH sA tvaM kiM stUyase mayA | yayA tvayA jagat.hsraShTA jagatpAtyatti yo jagat || 1\.83|| so.api nidrAvashaM nItaH kastvAM stotumiheshvaraH | viShNuH sharIragrahaNamahamIshAna eva cha || 1\.84|| kAritAste yato.atastvAM kaH stotuM shaktimAn bhavet | sA tvamitthaM prabhAvaiH svairudArairdevi saMstutA || 1\.85|| mohayaitau durAdharShAvasurau madhukaiTabhau | prabodhaM cha jagatsvAmI nIyatAmachyuto laghu || 1\.86|| bodhashcha kriyatAmasya hantumetau mahAsurau || 1\.87|| R^iShiruvAcha || 1\.88|| evaM stutA tadA devI tAmasI tatra vedhasA || 1\.89|| viShNoH prabodhanArthAya nihantuM madhukaiTabhau | netrAsyanAsikAbAhuhR^idayebhyastathorasaH || 1\.90|| nirgamya darshane tasthau brahmaNo.avyaktajanmanaH | uttasthau cha jagannAthastayA mukto janArdanaH || 1\.91|| ekArNave.ahishayanAttataH sa dadR^ishe cha tau | madhukaiTabhau durAtmAnAvativIryaparAkramau || 1\.92|| krodharaktekShaNAvattuM brahmANaM janitodyamau | samutthAya tatastAbhyAM yuyudhe bhagavAn hariH || 1\.93|| pa~nchavarShasahasrANi bAhupraharaNo vibhuH | tAvapyatibalonmattau mahAmAyAvimohitau || 1\.94|| uktavantau varo.asmatto vriyatAmiti keshavam || 1\.95|| shrIbhagavAnuvAcha || 1\.96|| bhavetAmadya me tuShTau mama vadhyAvubhAvapi || 1\.97|| kimanyena vareNAtra etAvaddhi vR^itaM mayA || 1\.98|| R^iShiruvAcha || 1\.99|| va~nchitAbhyAmiti tadA sarvamApomayaM jagat || 1\.100|| vilokya tAbhyAM gadito bhagavAn kamalekShaNaH | AvAM jahi na yatrorvI salilena pariplutA || 1\.101|| R^iShiruvAcha || 1\.102|| tathetyuktvA bhagavatA sha~NkhachakragadAbhR^itA | kR^itvA chakreNa vai Chinne jaghane shirasI tayoH || 1\.103|| evameShA samutpannA brahmaNA saMstutA svayam | prabhAvamasyA devyAstu bhUyaH shR^iNu vadAmi te || 1\.104|| . aiM OM | || svasti shrImArkaNDeyapurANe sAvarNike manvantare devImAhAtmye madhukaiTabhavadho nAma prathamo.adhyAyaH || 1|| uvAcha 14, ardhashlokAH 24, shlokAH 66, evamAditaH || 104|| \section{|| 2\. mahiShAsurasainyavadho nAma dvitIyo.adhyAyaH ||} viniyogaH asya shrI madhyamacharitrasya viShNurR^iShiH | shrImahAlakShmIrdevatA | uShNik ChandaH | shAkambharI shaktiH | durgA bIjam | vAyustattvam | yajurvedaH svarUpam | shrImahAlakShmIprItyarthe madhyamacharitrajape viniyogaH | . dhyAnam | OM akShasrakparashU gadeShukulishaM padmaM dhanuH kuNDikAM daNDaM shaktimasiM cha charma jalajaM ghaNTAM surAbhAjanam | shUlaM pAshasudarshane cha dadhatIM hastaiH pravAlaprabhAM seve sairibhamardinImiha mahAlakShmIM sarojasthitAm || OM hrIM R^iShiruvAcha || 2\.1|| devAsuramabhUdyuddhaM pUrNamabdashataM purA | mahiShe.asurANAmadhipe devAnAM cha purandare || 2\.2|| tatrAsurairmahAvIryairdevasainyaM parAjitam | jitvA cha sakalAn devAnindro.abhUnmahiShAsuraH || 2\.3|| tataH parAjitA devAH padmayoniM prajApatim | puraskR^itya gatAstatra yatreshagaruDadhvajau || 2\.4|| yathAvR^ittaM tayostadvanmahiShAsuracheShTitam | tridashAH kathayAmAsurdevAbhibhavavistaram || 2\.5|| sUryendrAgnyanilendUnAM yamasya varuNasya cha | anyeShAM chAdhikArAnsa svayamevAdhitiShThati || 2\.6|| svargAnnirAkR^itAH sarve tena devagaNA bhuvi | vicharanti yathA martyA mahiSheNa durAtmanA || 2\.7|| etadvaH kathitaM sarvamamarArivicheShTitam | sharaNaM vaH prapannAH smo vadhastasya vichintyatAm || 2\.8|| itthaM nishamya devAnAM vachAMsi madhusUdanaH | chakAra kopaM shambhushcha bhrukuTIkuTilAnanau || 2\.9|| tato.atikopapUrNasya chakriNo vadanAttataH | nishchakrAma mahattejo brahmaNaH sha~Nkarasya cha || 2\.10|| anyeShAM chaiva devAnAM shakrAdInAM sharIrataH | nirgataM sumahattejastachchaikyaM samagachChata || 2\.11|| atIva tejasaH kUTaM jvalantamiva parvatam | dadR^ishuste surAstatra jvAlAvyAptadigantaram || 2\.12|| atulaM tatra tattejaH sarvadevasharIrajam | ekasthaM tadabhUnnArI vyAptalokatrayaM tviShA || 2\.13|| yadabhUchChAmbhavaM tejastenAjAyata tanmukham | yAmyena chAbhavan keshA bAhavo viShNutejasA || 2\.14|| saumyena stanayoryugmaM madhyaM chaindreNa chAbhavat | vAruNena cha ja~NghorU nitambastejasA bhuvaH || 2\.15|| brahmaNastejasA pAdau tada~Ngulyo.arkatejasA | vasUnAM cha karA~NgulyaH kaubereNa cha nAsikA || 2\.16|| tasyAstu dantAH sambhUtAH prAjApatyena tejasA | nayanatritayaM jaj~ne tathA pAvakatejasA || 2\.17|| bhruvau cha sandhyayostejaH shravaNAvanilasya cha | anyeShAM chaiva devAnAM sambhavastejasAM shivA || 2\.18|| tataH samastadevAnAM tejorAshisamudbhavAm | tAM vilokya mudaM prApuramarA mahiShArditAH | tato devA dadustasyai svAni svAnyAyudhAni cha || 2\.19|| shUlaM shUlAdviniShkR^iShya dadau tasyai pinAkadhR^ik | chakraM cha dattavAn kR^iShNaH samutpATya svachakrataH || 2\.20|| sha~NkhaM cha varuNaH shaktiM dadau tasyai hutAshanaH | mAruto dattavAMshchApaM bANapUrNe tatheShudhI || 2\.21|| vajramindraH samutpATya kulishAdamarAdhipaH | dadau tasyai sahasrAkSho ghaNTAmairAvatAdgajAt || 2\.22|| kAladaNDAdyamo daNDaM pAshaM chAmbupatirdadau | prajApatishchAkShamAlAM dadau brahmA kamaNDalum || 2\.23|| samastaromakUpeShu nijarashmIn divAkaraH | kAlashcha dattavAn khaDgaM tasyai charma cha nirmalam || 2\.24|| kShIrodashchAmalaM hAramajare cha tathAmbare | chUDAmaNiM tathA divyaM kuNDale kaTakAni cha || 2\.25|| ardhachandraM tathA shubhraM keyUrAn sarvabAhuShu | nUpurau vimalau tadvad graiveyakamanuttamam || 2\.26|| a~NgulIyakaratnAni samastAsva~NgulIShu cha | vishvakarmA dadau tasyai parashuM chAtinirmalam || 2\.27|| astrANyanekarUpANi tathAbhedyaM cha daMshanam | amlAnapa~NkajAM mAlAM shirasyurasi chAparAm || 2\.28|| adadajjaladhistasyai pa~NkajaM chAtishobhanam | himavAn vAhanaM siMhaM ratnAni vividhAni cha || 2\.29|| dadAvashUnyaM surayA pAnapAtraM dhanAdhipaH | sheShashcha sarvanAgesho mahAmaNivibhUShitam || 2\.30|| nAgahAraM dadau tasyai dhatte yaH pR^ithivImimAm | anyairapi surairdevI bhUShaNairAyudhaistathA || 2\.31|| sammAnitA nanAdochchaiH sATTahAsaM muhurmuhuH | tasyA nAdena ghoreNa kR^itsnamApUritaM nabhaH || 2\.32|| amAyatAtimahatA pratishabdo mahAnabhUt | chukShubhuH sakalA lokAH samudrAshcha chakampire || 2\.33|| chachAla vasudhA cheluH sakalAshcha mahIdharAH | jayeti devAshcha mudA tAmUchuH siMhavAhinIm || 2\.34|| tuShTuvurmunayashchainAM bhaktinamrAtmamUrtayaH | dR^iShTvA samastaM sa~NkShubdhaM trailokyamamarArayaH || 2\.35|| sannaddhAkhilasainyAste samuttasthurudAyudhAH | AH kimetaditi krodhAdAbhAShya mahiShAsuraH || 2\.36|| abhyadhAvata taM shabdamasheShairasurairvR^itaH | sa dadarsha tato devIM vyAptalokatrayAM tviShA || 2\.37|| pAdAkrAntyA natabhuvaM kirITollikhitAmbarAm | kShobhitAsheShapAtAlAM dhanurjyAniHsvanena tAm || 2\.38|| disho bhujasahasreNa samantAdvyApya saMsthitAm | tataH pravavR^ite yuddhaM tayA devyA suradviShAm || 2\.39|| shastrAstrairbahudhA muktairAdIpitadigantaram | mahiShAsurasenAnIshchikShurAkhyo mahAsuraH || 2\.40|| yuyudhe chAmarashchAnyaishchatura~NgabalAnvitaH | rathAnAmayutaiH ShaD.hbhirudagrAkhyo mahAsuraH || 2\.41|| ayudhyatAyutAnAM cha sahasreNa mahAhanuH | pa~nchAshadbhishcha niyutairasilomA mahAsuraH || 2\.42|| ayutAnAM shataiH ShaD.hbhirbAShkalo yuyudhe raNe | gajavAjisahasraughairanekaiH parivAritaH || 2\.43|| vR^ito rathAnAM koTyA cha yuddhe tasminnayudhyata | biDAlAkhyo.ayutAnAM cha pa~nchAshadbhirathAyutaiH || 2\.44|| yuyudhe saMyuge tatra rathAnAM parivAritaH | anye cha tatrAyutasho rathanAgahayairvR^itAH || 2\.45|| yuyudhuH saMyuge devyA saha tatra mahAsurAH | koTikoTisahasraistu rathAnAM dantinAM tathA || 2\.46|| hayAnAM cha vR^ito yuddhe tatrAbhUnmahiShAsuraH | tomarairbhindipAlaishcha shaktibhirmusalaistathA || 2\.47|| yuyudhuH saMyuge devyA khaDgaiH parashupaTTishaiH | kechichcha chikShipuH shaktIH kechit pAshAMstathApare || 2\.48|| devIM khaDgaprahAraistu te tAM hantuM prachakramuH | sApi devI tatastAni shastrANyastrANi chaNDikA || 2\.49|| lIlayaiva prachichCheda nijashastrAstravarShiNI | anAyastAnanA devI stUyamAnA surarShibhiH || 2\.50|| mumochAsuradeheShu shastrANyastrANi cheshvarI | so.api kruddho dhutasaTo devyA vAhanakesarI || 2\.51|| chachArAsurasainyeShu vaneShviva hutAshanaH | niHshvAsAn mumuche yAMshcha yudhyamAnA raNe.ambikA || 2\.52|| ta eva sadyaH sambhUtA gaNAH shatasahasrashaH | yuyudhuste parashubhirbhindipAlAsipaTTishaiH || 2\.53|| nAshayanto.asuragaNAn devIshaktyupabR^iMhitAH | avAdayanta paTahAn gaNAH sha~NkhAMstathApare || 2\.54|| mR^ida~NgAMshcha tathaivAnye tasmin yuddhamahotsave | tato devI trishUlena gadayA shaktivR^iShTibhiH || 2\.55|| khaDgAdibhishcha shatasho nijaghAna mahAsurAn | pAtayAmAsa chaivAnyAn ghaNTAsvanavimohitAn || 2\.56|| asurAn bhuvi pAshena baddhvA chAnyAnakarShayat | kechid dvidhAkR^itAstIkShNaiH khaDgapAtaistathApare || 2\.57|| vipothitA nipAtena gadayA bhuvi sherate | vemushcha kechidrudhiraM musalena bhR^ishaM hatAH || 2\.58|| kechinnipatitA bhUmau bhinnAH shUlena vakShasi | nirantarAH sharaugheNa kR^itAH kechidraNAjire || 2\.59|| shyenAnukAriNaH prANAn mumuchustridashArdanAH | keShA~nchid bAhavashChinnAshChinnagrIvAstathApare || 2\.60|| shirAMsi peturanyeShAmanye madhye vidAritAH | vichChinnaja~NghAstvapare petururvyAM mahAsurAH || 2\.61|| ekabAhvakShicharaNAH kechiddevyA dvidhAkR^itAH | Chinne.api chAnye shirasi patitAH punarutthitAH || 2\.62|| kabandhA yuyudhurdevyA gR^ihItaparamAyudhAH | nanR^itushchApare tatra yuddhe tUryalayAshritAH || 2\.63|| kabandhAshChinnashirasaH khaDgashaktyR^iShTipANayaH | tiShTha tiShTheti bhAShanto devImanye mahAsurAH || 2\.64|| pAtitai rathanAgAshvairasuraishcha vasundharA | agamyA sAbhavattatra yatrAbhUt sa mahAraNaH || 2\.65|| shoNitaughA mahAnadyaH sadyastatra prasusruvuH | madhye chAsurasainyasya vAraNAsuravAjinAm || 2\.66|| kShaNena tanmahAsainyamasurANAM tathAmbikA | ninye kShayaM yathA vahnistR^iNadArumahAchayam || 2\.67|| sa cha siMho mahAnAdamutsR^ijan dhutakesaraH | sharIrebhyo.amarArINAmasUniva vichinvati || 2\.68|| devyA gaNaishcha taistatra kR^itaM yuddhaM tathAsuraiH | yathaiShAM tutuShurdevAH puShpavR^iShTimucho divi || 2\.69|| || svasti shrImArkaNDeyapurANe sAvarNike manvantare devImAhAtmye mahiShAsurasainyavadho nAma dvitIyo.adhyAyaH || 2|| uvAcha 1, ardhashlokAH 68, shlokAH 69, evamAditaH || 173|| \section{|| 3\. mahiShAsuravadho nAma tR^itIyo.adhyAyaH ||} . dhyAnam | OM udyadbhAnusahasrakAntimaruNakShaumAM shiromAlikAM raktAliptapayodharAM japavaTIM vidyAmabhItiM varam | hastAbjairdadhatIM trinetravilasadvaktrAravindashriyaM devIM baddhahimAMshuratnamukuTAM vande.aravindasthitAm | OM R^iShiruvAcha || 3\.1|| nihanyamAnaM tatsainyamavalokya mahAsuraH | senAnIshchikShuraH kopAdyayau yoddhumathAmbikAm || 3\.2|| sa devIM sharavarSheNa vavarSha samare.asuraH | yathA merugireH shR^i~NgaM toyavarSheNa toyadaH || 3\.3|| tasya ChitvA tato devI lIlayaiva sharotkarAn | jaghAna turagAnbANairyantAraM chaiva vAjinAm || 3\.4|| chichCheda cha dhanuH sadyo dhvajaM chAtisamuchChR^itam | vivyAdha chaiva gAtreShu ChinnadhanvAnamAshugaiH || 3\.5|| sachChinnadhanvA viratho hatAshvo hatasArathiH | abhyadhAvata tAM devIM khaDgacharmadharo.asuraH || 3\.6|| siMhamAhatya khaDgena tIkShNadhAreNa mUrdhani | AjaghAna bhuje savye devImapyativegavAn || 3\.7|| tasyAH khaDgo bhujaM prApya paphAla nR^ipanandana | tato jagrAha shUlaM sa kopAdaruNalochanaH || 3\.8|| chikShepa cha tatastattu bhadrakAlyAM mahAsuraH | jAjvalyamAnaM tejobhI ravibimbamivAmbarAt || 3\.9|| dR^iShTvA tadApatachChUlaM devI shUlamamu~nchata | tena tachChatadhA nItaM shUlaM sa cha mahAsuraH || 3\.10|| hate tasminmahAvIrye mahiShasya chamUpatau | AjagAma gajArUDhashchAmarastridashArdanaH || 3\.11|| so.api shaktiM mumochAtha devyAstAmambikA drutam | hu~NkArAbhihatAM bhUmau pAtayAmAsa niShprabhAm || 3\.12|| bhagnAM shaktiM nipatitAM dR^iShTvA krodhasamanvitaH | chikShepa chAmaraH shUlaM bANaistadapi sAchChinat || 3\.13|| tataH siMhaH samutpatya gajakumbhAntare sthitaH | bAhuyuddhena yuyudhe tenochchaistridashAriNA || 3\.14|| yudhyamAnau tatastau tu tasmAnnAgAnmahIM gatau | yuyudhAte.atisaMrabdhau prahArairatidAruNaiH || 3\.15|| tato vegAt khamutpatya nipatya cha mR^igAriNA | karaprahAreNa shirashchAmarasya pR^ithak kR^itam || 3\.16|| udagrashcha raNe devyA shilAvR^ikShAdibhirhataH | dantamuShTitalaishchaiva karAlashcha nipAtitaH || 3\.17|| devI kruddhA gadApAtaishchUrNayAmAsa choddhatam | bAShkalaM bhindipAlena bANaistAmraM tathAndhakam || 3\.18|| ugrAsyamugravIryaM cha tathaiva cha mahAhanum | trinetrA cha trishUlena jaghAna parameshvarI || 3\.19|| biDAlasyAsinA kAyAt pAtayAmAsa vai shiraH | durdharaM durmukhaM chobhau sharairninye yamakShayam || 3\.20|| evaM sa~NkShIyamANe tu svasainye mahiShAsuraH | mAhiSheNa svarUpeNa trAsayAmAsa tAn gaNAn || 3\.21|| kAMshchittuNDaprahAreNa khurakShepaistathAparAn | lA~NgUlatADitAMshchAnyAn shR^i~NgAbhyAM cha vidAritAn || 3\.22|| vegena kAMshchidaparAnnAdena bhramaNena cha | niHshvAsapavanenAnyAnpAtayAmAsa bhUtale || 3\.23|| nipAtya pramathAnIkamabhyadhAvata so.asuraH | siMhaM hantuM mahAdevyAH kopaM chakre tato.ambikA || 3\.24|| so.api kopAnmahAvIryaH khurakShuNNamahItalaH | shR^i~NgAbhyAM parvatAnuchchAMshchikShepa cha nanAda cha || 3\.25|| vegabhramaNavikShuNNA mahI tasya vyashIryata | lA~NgUlenAhatashchAbdhiH plAvayAmAsa sarvataH || 3\.26|| dhutashR^i~NgavibhinnAshcha khaNDaM khaNDaM yayurghanAH | shvAsAnilAstAH shatasho nipeturnabhaso.achalAH || 3\.27|| iti krodhasamAdhmAtamApatantaM mahAsuram | dR^iShTvA sA chaNDikA kopaM tadvadhAya tadAkarot || 3\.28|| sA kShiptvA tasya vai pAshaM taM babandha mahAsuram | tatyAja mAhiShaM rUpaM so.api baddho mahAmR^idhe || 3\.29|| tataH siMho.abhavatsadyo yAvattasyAmbikA shiraH | Chinatti tAvat puruShaH khaDgapANiradR^ishyata || 3\.30|| tata evAshu puruShaM devI chichCheda sAyakaiH | taM khaDgacharmaNA sArdhaM tataH so.abhUnmahAgajaH || 3\.31|| kareNa cha mahAsiMhaM taM chakarSha jagarja cha | karShatastu karaM devI khaDgena nirakR^intata || 3\.32|| tato mahAsuro bhUyo mAhiShaM vapurAsthitaH | tathaiva kShobhayAmAsa trailokyaM sacharAcharam || 3\.33|| tataH kruddhA jaganmAtA chaNDikA pAnamuttamam | papau punaH punashchaiva jahAsAruNalochanA || 3\.34|| nanarda chAsuraH so.api balavIryamadoddhataH | viShANAbhyAM cha chikShepa chaNDikAM prati bhUdharAn || 3\.35|| sA cha tAnprahitAMstena chUrNayantI sharotkaraiH | uvAcha taM madoddhUtamukharAgAkulAkSharam || 3\.36|| devyuvAcha || 3\.37|| garja garja kShaNaM mUDha madhu yAvatpibAmyaham | mayA tvayi hate.atraiva garjiShyantyAshu devatAH || 3\.38|| R^iShiruvAcha || 3\.39|| evamuktvA samutpatya sArUDhA taM mahAsuram | pAdenAkramya kaNThe cha shUlenainamatADayat || 3\.40|| tataH so.api padAkrAntastayA nijamukhAttadA | ardhaniShkrAnta evAsIddevyA vIryeNa saMvR^itaH || 3\.41|| ardhaniShkrAnta evAsau yudhyamAno mahAsuraH | tayA mahAsinA devyA shirashChittvA nipAtitaH || 3\.42|| tato hAhAkR^itaM sarvaM daityasainyaM nanAsha tat | praharShaM cha paraM jagmuH sakalA devatAgaNAH || 3\.43|| tuShTuvustAM surA devIM sahadivyairmaharShibhiH | jagurgandharvapatayo nanR^itushchApsarogaNAH || 3\.44|| || svasti shrImArkaNDeyapurANe sAvarNike manvantare devImAhAtmye mahiShAsuravadho nAma tR^itIyo.adhyAyaH || 3|| uvAcha 3, ardhashlokAH 41, shlokAH 44, evamAditaH || 217|| \section{|| 4\. shakrAdistutirnAma chaturtho.adhyAyaH ||} . dhyAnam | OM kAlAbhrAbhAM kaTAkShairarikulabhayadAM maulibaddhendurekhAM sha~NkhaM chakraM kRRipANaM trishikhamapi karairudvahantIM trinetrAm | siMhaskandhAdhirUDhAM tribhuvanamakhilaM tejasA pUrayantIM dhyAyeddurgAM jayAkhyAM tridashaparivRRitAM sevitAM siddhikAmaiH || OM R^iShiruvAcha || 4\.1|| shakrAdayaH suragaNA nihate.ativIrye tasmindurAtmani surAribale cha devyA | tAM tuShTuvuH praNatinamrashirodharAMsA vAgbhiH praharShapulakod.hgamachArudehAH || 4\.2|| devyA yayA tatamidaM jagadAtmashaktyA niHsheShadevagaNashaktisamUhamUrtyA | tAmambikAmakhiladevamaharShipUjyAM bhaktyA natAH sma vidadhAtu shubhAni sA naH || 4\.3|| yasyAH prabhAvamatulaM bhagavAnananto brahmA harashcha na hi vaktumalaM balaM cha | sA chaNDikAkhilajagatparipAlanAya nAshAya chAshubhabhayasya matiM karotu || 4\.4|| yA shrIH svayaM sukR^itinAM bhavaneShvalakShmIH pApAtmanAM kR^itadhiyAM hR^idayeShu buddhiH | shraddhA satAM kulajanaprabhavasya lajjA tAM tvAM natAH sma paripAlaya devi vishvam || 4\.5|| kiM varNayAma tava rUpamachintyametat ki~nchAtivIryamasurakShayakAri bhUri | kiM chAhaveShu charitAni tavAti yAni sarveShu devyasuradevagaNAdikeShu || 4\.6|| hetuH samastajagatAM triguNApi doShai\- rna j~nAyase hariharAdibhirapyapArA | sarvAshrayAkhilamidaM jagadaMshabhUta\- mavyAkR^itA hi paramA prakR^itistvamAdyA || 4\.7|| yasyAH samastasuratA samudIraNena tR^iptiM prayAti sakaleShu makheShu devi | svAhAsi vai pitR^igaNasya cha tR^iptihetu\- ruchchAryase tvamata eva janaiH svadhA cha || 4\.8|| yA muktiheturavichintyamahAvratA tvaM abhyasyase suniyatendriyatattvasAraiH | mokShArthibhirmunibhirastasamastadoShai\- rvidyAsi sA bhagavatI paramA hi devi || 4\.9|| shabdAtmikA suvimalargyajuShAM nidhAna\- mudgItharamyapadapAThavatAM cha sAmnAm | devi trayI bhagavatI bhavabhAvanAya vArtAsi sarvajagatAM paramArtihantrI || 4\.10|| medhAsi devi viditAkhilashAstrasArA durgAsi durgabhavasAgaranaurasa~NgA | shrIH kaiTabhArihR^idayaikakR^itAdhivAsA gaurI tvameva shashimaulikR^itapratiShThA || 4\.11|| IShatsahAsamamalaM paripUrNachandra\- bimbAnukAri kanakottamakAntikAntam | atyadbhutaM prahR^itamAttaruShA tathApi vaktraM vilokya sahasA mahiShAsureNa || 4\.12|| dR^iShTvA tu devi kupitaM bhrukuTIkarAla\- mudyachChashA~NkasadR^ishachChavi yanna sadyaH | prANAn mumocha mahiShastadatIva chitraM kairjIvyate hi kupitAntakadarshanena || 4\.13|| devi prasIda paramA bhavatI bhavAya sadyo vinAshayasi kopavatI kulAni | vij~nAtametadadhunaiva yadastameta\- nnItaM balaM suvipulaM mahiShAsurasya || 4\.14|| te sammatA janapadeShu dhanAni teShAM teShAM yashAMsi na cha sIdati bandhuvargaH | dhanyAsta eva nibhR^itAtmajabhR^ityadArA yeShAM sadAbhyudayadA bhavatI prasannA || 4\.15|| dharmyANi devi sakalAni sadaiva karmA\- NyatyAdR^itaH pratidinaM sukR^itI karoti | svargaM prayAti cha tato bhavatI prasAdA\- llokatraye.api phaladA nanu devi tena || 4\.16|| durge smR^itA harasi bhItimasheShajantoH svasthaiH smR^itA matimatIva shubhAM dadAsi | dAridryaduHkhabhayahAriNi kA tvadanyA sarvopakArakaraNAya sadArdrachittA || 4\.17|| ebhirhatairjagadupaiti sukhaM tathaite kurvantu nAma narakAya chirAya pApam | sa~NgrAmamR^ityumadhigamya divaM prayAntu matveti nUnamahitAnvinihaMsi devi || 4\.18|| dR^iShTvaiva kiM na bhavatI prakaroti bhasma sarvAsurAnariShu yat.hprahiNoShi shastram | lokAnprayAntu ripavo.api hi shastrapUtA itthaM matirbhavati teShvahiteShusAdhvI || 4\.19|| khaDgaprabhAnikaravisphuraNaistathograiH shUlAgrakAntinivahena dR^isho.asurANAm | yannAgatA vilayamaMshumadindukhaNDa\- yogyAnanaM tava vilokayatAM tadetat || 4\.20|| durvR^ittavR^ittashamanaM tava devi shIlaM rUpaM tathaitadavichintyamatulyamanyaiH | vIryaM cha hantR^i hR^itadevaparAkramANAM vairiShvapi prakaTitaiva dayA tvayettham || 4\.21|| kenopamA bhavatu te.asya parAkramasya rUpaM cha shatrubhayakAryatihAri kutra | chitte kR^ipA samaraniShThuratA cha dR^iShTA tvayyeva devi varade bhuvanatraye.api || 4\.22|| trailokyametadakhilaM ripunAshanena trAtaM tvayA samaramUrdhani te.api hatvA | nItA divaM ripugaNA bhayamapyapAstam asmAkamunmadasurAribhavaM namaste || 4\.23|| shUlena pAhi no devi pAhi khaDgena chAmbike | ghaNTAsvanena naH pAhi chApajyAniHsvanena cha || 4\.24|| prAchyAM rakSha pratIchyAM cha chaNDike rakSha dakShiNe | bhrAmaNenAtmashUlasya uttarasyAM tatheshvari || 4\.25|| saumyAni yAni rUpANi trailokye vicharanti te | yAni chAtyantaghorANi tai rakShAsmAMstathA bhuvam || 4\.26|| khaDgashUlagadAdIni yAni chAstrAni te.ambike | karapallavasa~NgIni tairasmAnrakSha sarvataH || 4\.27|| R^iShiruvAcha || 4\.28|| evaM stutA surairdivyaiH kusumairnandanodbhavaiH | architA jagatAM dhAtrI tathA gandhAnulepanaiH || 4\.29|| bhaktyA samastaistridashairdivyairdhUpaiH sudhUpitA | prAha prasAdasumukhI samastAn praNatAn surAn || 4\.30|| devyuvAcha || 4\.31|| vriyatAM tridashAH sarve yadasmatto.abhivA~nChitam || 4\.32|| devA UchuH || 4\.33|| bhagavatyA kR^itaM sarvaM na ki~nchidavashiShyate || 4\.34|| yadayaM nihataH shatrurasmAkaM mahiShAsuraH | yadi chApi varo deyastvayAsmAkaM maheshvari || 4\.35|| saMsmR^itA saMsmR^itA tvaM no hiMsethAH paramApadaH | yashcha martyaH stavairebhistvAM stoShyatyamalAnane || 4\.36|| tasya vittarddhivibhavairdhanadArAdisampadAm | vR^iddhaye.asmatprasannA tvaM bhavethAH sarvadAmbike || 4\.37|| R^iShiruvAcha || 4\.38|| iti prasAditA devairjagato.arthe tathAtmanaH | tathetyuktvA bhadrakAlI babhUvAntarhitA nR^ipa || 4\.39|| ityetatkathitaM bhUpa sambhUtA sA yathA purA | devI devasharIrebhyo jagattrayahitaiShiNI || 4\.40|| punashcha gaurIdehAtsA samud.hbhUtA yathAbhavat | vadhAya duShTadaityAnAM tathA shumbhanishumbhayoH || 4\.41|| rakShaNAya cha lokAnAM devAnAmupakAriNI | tachChR^iNuShva mayAkhyAtaM yathAvatkathayAmi te || 4\.42|| . hrIM OM | || svasti shrImArkaNDeyapurANe sAvarNike manvantare devImAhAtmye shakrAdistutirnAma chaturtho.adhyAyaH || 4|| uvAcha 5, ardhashlokau 2, shlokAH 35, evamAditaH || 259|| \section{|| 5\. devyA dUtasaMvAdo nAma pa~nchamo.adhyAyaH ||} viniyogaH asya shrI uttaracharitrasya rudra R^iShiH | shrImahAsarasvatI devatA | anuShTup ChandaH | bhImA shaktiH | bhrAmarI bIjam | sUryastattvam | sAmavedaH svarUpam | shrImahAsarasvatIprItyarthe uttaracharitrapAThe viniyogaH | . dhyAnam | ghaNTAshUlahalAni sha~Nkhamusale chakraM dhanuH sAyakaM hastAbjairdadhatIM ghanAntavilasachChItAMshutulyaprabhAm | gaurIdehasamudbhavAM trijagatAmAdhArabhUtAM mahA\- pUrvAmatra sarasvatImanubhaje shumbhAdidaityArdinIm || OM klIM R^iShiruvAcha || 5\.1|| purA shumbhanishumbhAbhyAmasurAbhyAM shachIpateH | trailokyaM yaj~nabhAgAshcha hR^itA madabalAshrayAt || 5\.2|| tAveva sUryatAM tadvadadhikAraM tathaindavam | kauberamatha yAmyaM cha chakrAte varuNasya cha || 5\.3|| tAveva pavanarddhiM cha chakraturvahnikarma cha | tato devA vinirdhUtA bhraShTarAjyAH parAjitAH || 5\.4|| hR^itAdhikArAstridashAstAbhyAM sarve nirAkR^itAH | mahAsurAbhyAM tAM devIM saMsmarantyaparAjitAm || 5\.5|| tayAsmAkaM varo datto yathApatsu smR^itAkhilAH | bhavatAM nAshayiShyAmi tatkShaNAtparamApadaH || 5\.6|| iti kR^itvA matiM devA himavantaM nageshvaram | jagmustatra tato devIM viShNumAyAM pratuShTuvuH || 5\.7|| devA UchuH || 5\.8|| namo devyai mahAdevyai shivAyai satataM namaH | namaH prakR^ityai bhadrAyai niyatAH praNatAH sma tAm || 5\.9|| raudrAyai namo nityAyai gauryai dhAtryai namo namaH | jyotsnAyai chendurUpiNyai sukhAyai satataM namaH || 5\.10|| kalyANyai praNatAM vR^iddhyai siddhyai kurmo namo namaH | nairR^ityai bhUbhR^itAM lakShmyai sharvANyai te namo namaH || 5\.11|| durgAyai durgapArAyai sArAyai sarvakAriNyai | khyAtyai tathaiva kR^iShNAyai dhUmrAyai satataM namaH || 5\.12|| atisaumyAtiraudrAyai natAstasyai namo namaH | namo jagatpratiShThAyai devyai kR^ityai namo namaH || 5\.13|| yA devI sarvabhUteShu viShNumAyeti shabditA | namastasyai namastasyai namastasyai namo namaH || 5\.14\-16|| yA devI sarvabhUteShu chetanetyabhidhIyate | namastasyai namastasyai namastasyai namo namaH || 5\.17\-19|| yA devI sarvabhUteShu buddhirUpeNa saMsthitA | namastasyai namastasyai namastasyai namo namaH || 5\.20\-22|| yA devI sarvabhUteShu nidrArUpeNa saMsthitA | namastasyai namastasyai namastasyai namo namaH || 5\.23\-25|| yA devI sarvabhUteShu kShudhArUpeNa saMsthitA | namastasyai namastasyai namastasyai namo namaH || 5\.26\-28|| yA devI sarvabhUteShu ChAyArUpeNa saMsthitA | namastasyai namastasyai namastasyai namo namaH || 5\.29\-31|| yA devI sarvabhUteShu shaktirUpeNa saMsthitA | namastasyai namastasyai namastasyai namo namaH || 5\.32\-34|| yA devI sarvabhUteShu tR^iShNArUpeNa saMsthitA | namastasyai namastasyai namastasyai namo namaH || 5\.35\-37|| yA devI sarvabhUteShu kShAntirUpeNa saMsthitA | namastasyai namastasyai namastasyai namo namaH || 5\.38\-40|| yA devI sarvabhUteShu jAtirUpeNa saMsthitA | namastasyai namastasyai namastasyai namo namaH || 5\.41\-43|| yA devI sarvabhUteShu lajjArUpeNa saMsthitA | namastasyai namastasyai namastasyai namo namaH || 5\.44\-46|| yA devI sarvabhUteShu shAntirUpeNa saMsthitA | namastasyai namastasyai namastasyai namo namaH || 5\.47\-49|| yA devI sarvabhUteShu shraddhArUpeNa saMsthitA | namastasyai namastasyai namastasyai namo namaH || 5\.50\-52|| yA devI sarvabhUteShu kAntirUpeNa saMsthitA | namastasyai namastasyai namastasyai namo namaH || 5\.53\-55|| yA devI sarvabhUteShu lakShmIrUpeNa saMsthitA | namastasyai namastasyai namastasyai namo namaH || 5\.56\-58|| yA devI sarvabhUteShu vR^ittirUpeNa saMsthitA | namastasyai namastasyai namastasyai namo namaH || 5\.59\-61|| yA devI sarvabhUteShu smR^itirUpeNa saMsthitA | namastasyai namastasyai namastasyai namo namaH || 5\.62\-64|| yA devI sarvabhUteShu dayArUpeNa saMsthitA | namastasyai namastasyai namastasyai namo namaH || 5\.65\-67|| yA devI sarvabhUteShu tuShTirUpeNa saMsthitA | namastasyai namastasyai namastasyai namo namaH || 5\.68\-70|| yA devI sarvabhUteShu mAtR^irUpeNa saMsthitA | namastasyai namastasyai namastasyai namo namaH || 5\.71\-73|| yA devI sarvabhUteShu bhrAntirUpeNa saMsthitA | namastasyai namastasyai namastasyai namo namaH || 5\.74\-76|| indriyANAmadhiShThAtrI bhUtAnAM chAkhileShu yA | bhUteShu satataM tasyai vyAptyai devyai namo namaH || 5\.77|| chitirUpeNa yA kR^itsnametad vyApya sthitA jagat | namastasyai namastasyai namastasyai namo namaH || 5\.78\-80|| stutA suraiH pUrvamabhIShTasaMshrayA\- ttathA surendreNa dineShu sevitA | karotu sA naH shubhaheturIshvarI shubhAni bhadrANyabhihantu chApadaH || 5\.81|| yA sAmprataM choddhatadaityatApitai\- rasmAbhirIshA cha surairnamasyate | yA cha smR^itA tatkShaNameva hanti naH sarvApado bhaktivinamramUrtibhiH || 5\.82|| R^iShiruvAcha || 5\.83|| evaM stavAbhiyuktAnAM devAnAM tatra pArvatI | snAtumabhyAyayau toye jAhnavyA nR^ipanandana || 5\.84|| sAbravIttAn surAn subhrUrbhavadbhiH stUyate.atra kA | sharIrakoshatashchAsyAH samudbhUtAbravIchChivA || 5\.85|| stotraM mamaitatkriyate shumbhadaityanirAkR^itaiH | devaiH sametaiH samare nishumbhena parAjitaiH || 5\.86|| sharIrakoshAdyattasyAH pArvatyA niHsR^itAmbikA | kaushikIti samasteShu tato lokeShu gIyate || 5\.87|| tasyAM vinirgatAyAM tu kR^iShNAbhUtsApi pArvatI | kAliketi samAkhyAtA himAchalakR^itAshrayA || 5\.88|| tato.ambikAM paraM rUpaM bibhrANAM sumanoharam | dadarsha chaNDo muNDashcha bhR^ityau shumbhanishumbhayoH || 5\.89|| tAbhyAM shumbhAya chAkhyAtA sAtIva sumanoharA | kApyAste strI mahArAja bhAsayantI himAchalam || 5\.90|| naiva tAdR^ik kvachidrUpaM dR^iShTaM kenachiduttamam | j~nAyatAM kApyasau devI gR^ihyatAM chAsureshvara || 5\.91|| strIratnamatichArva~NgI dyotayantI dishastviShA | sA tu tiShThati daityendra tAM bhavAn draShTumarhati || 5\.92|| yAni ratnAni maNayo gajAshvAdIni vai prabho | trailokye tu samastAni sAmprataM bhAnti te gR^ihe || 5\.93|| airAvataH samAnIto gajaratnaM purandarAt | pArijAtatarushchAyaM tathaivochchaiHshravA hayaH || 5\.94|| vimAnaM haMsasaMyuktametattiShThati te.a~NgaNe | ratnabhUtamihAnItaM yadAsIdvedhaso.adbhutam || 5\.95|| nidhireSha mahApadmaH samAnIto dhaneshvarAt | ki~njalkinIM dadau chAbdhirmAlAmamlAnapa~NkajAm || 5\.96|| ChatraM te vAruNaM gehe kA~nchanasrAvi tiShThati | tathAyaM syandanavaro yaH purAsItprajApateH || 5\.97|| mR^ityorutkrAntidA nAma shaktirIsha tvayA hR^itA | pAshaH salilarAjasya bhrAtustava parigrahe || 5\.98|| nishumbhasyAbdhijAtAshcha samastA ratnajAtayaH | vahnirapi dadau tubhyamagnishauche cha vAsasI || 5\.99|| evaM daityendra ratnAni samastAnyAhR^itAni te | strIratnameShA kalyANI tvayA kasmAnna gR^ihyate || 5\.100|| R^iShiruvAcha || 5\.101|| nishamyeti vachaH shumbhaH sa tadA chaNDamuNDayoH | preShayAmAsa sugrIvaM dUtaM devyA mahAsuram || 5\.102|| iti cheti cha vaktavyA sA gatvA vachanAnmama | yathA chAbhyeti samprItyA tathA kAryaM tvayA laghu || 5\.103|| sa tatra gatvA yatrAste shailoddeshe.atishobhane | tAM cha devIM tataH prAha shlakShNaM madhurayA girA || 5\.104|| dUta uvAcha || 5\.105|| devi daityeshvaraH shumbhastrailokye parameshvaraH | dUto.ahaM preShitastena tvatsakAshamihAgataH || 5\.106|| avyAhatAj~naH sarvAsu yaH sadA devayoniShu | nirjitAkhiladaityAriH sa yadAha shR^iNuShva tat || 5\.107|| mama trailokyamakhilaM mama devA vashAnugAH | yaj~nabhAgAnahaM sarvAnupAshnAmi pR^ithak pR^ithak || 5\.108|| trailokye vararatnAni mama vashyAnyasheShataH | tathaiva gajaratnaM cha hR^itaM devendravAhanam || 5\.109|| kShIrodamathanodbhUtamashvaratnaM mamAmaraiH | uchchaiHshravasasaMj~naM tatpraNipatya samarpitam || 5\.110|| yAni chAnyAni deveShu gandharveShUrageShu cha | ratnabhUtAni bhUtAni tAni mayyeva shobhane || 5\.111|| strIratnabhUtAM tvAM devi loke manyAmahe vayam | sA tvamasmAnupAgachCha yato ratnabhujo vayam || 5\.112|| mAM vA mamAnujaM vApi nishumbhamuruvikramam | bhaja tvaM cha~nchalApA~Ngi ratnabhUtAsi vai yataH || 5\.113|| paramaishvaryamatulaM prApsyase matparigrahAt | etadbuddhyA samAlochya matparigrahatAM vraja || 5\.114|| R^iShiruvAcha || 5\.115|| ityuktA sA tadA devI gambhIrAntaHsmitA jagau | durgA bhagavatI bhadrA yayedaM dhAryate jagat || 5\.116|| devyuvAcha || 5\.117|| satyamuktaM tvayA nAtra mithyA ki~nchittvayoditam | trailokyAdhipatiH shumbho nishumbhashchApi tAdR^ishaH || 5\.118|| kiM tvatra yatpratij~nAtaM mithyA tatkriyate katham | shrUyatAmalpabuddhitvAtpratij~nA yA kR^itA purA || 5\.119|| yo mAM jayati sa~NgrAme yo me darpaM vyapohati | yo me pratibalo loke sa me bhartA bhaviShyati || 5\.120|| tadAgachChatu shumbho.atra nishumbho vA mahAbalaH | mAM jitvA kiM chireNAtra pANiM gR^ihNAtu me laghu || 5\.121|| dUta uvAcha || 5\.122|| avaliptAsi maivaM tvaM devi brUhi mamAgrataH | trailokye kaH pumAMstiShThedagre shumbhanishumbhayoH || 5\.123|| anyeShAmapi daityAnAM sarve devA na vai yudhi | tiShThanti sammukhe devi kiM punaH strI tvamekikA || 5\.124|| indrAdyAH sakalA devAstasthuryeShAM na saMyuge | shumbhAdInAM kathaM teShAM strI prayAsyasi sammukham || 5\.125|| sA tvaM gachCha mayaivoktA pArshvaM shumbhanishumbhayoH | keshAkarShaNanirdhUtagauravA mA gamiShyasi || 5\.126|| devyuvAcha || 5\.127|| evametad balI shumbho nishumbhashchApitAdR^ishaH | kiM karomi pratij~nA me yadanAlochitA purA || 5\.128|| sa tvaM gachCha mayoktaM te yadetatsarvamAdR^itaH | tadAchakShvAsurendrAya sa cha yuktaM karotu yat || 5\.129|| || svasti shrImArkaNDeyapurANe sAvarNike manvantare devImAhAtmye devyA dUtasaMvAdo nAma pa~nchamo.adhyAyaH || 5|| uvAcha 9, tripAnmantrAH 66, shlokAH 54, evamAditaH || 388|| \section{|| 6\. shumbhanishumbhasenAnIdhUmralochanavadho nAma ShaShTho.adhyAyaH ||} . dhyAnam | OM nAgAdhIshvaraviShTarAM phaNiphaNottaMsoru ratnAvalI- bhAsvaddehalatAM divAkaranibhAM netratrayodbhAsitAm | mAlAkumbhakapAlanIrajakarAM chandrArdhachUDAM parAM sarvaj~neshvarabhairavA~NganilayAM padmAvatIM chintaye || OM R^iShiruvAcha || 6\.1|| ityAkarNya vacho devyAH sa dUto.amarShapUritaH | samAchaShTa samAgamya daityarAjAya vistarAt || 6\.2|| tasya dUtasya tadvAkyamAkarNyAsurarAT tataH | sakrodhaH prAha daityAnAmadhipaM dhUmralochanam || 6\.3|| he dhUmralochanAshu tvaM svasainyaparivAritaH | tAmAnaya balAdduShTAM keshAkarShaNavihvalAm || 6\.4|| tatparitrANadaH kashchidyadi vottiShThate.aparaH | sa hantavyo.amaro vApi yakSho gandharva eva vA || 6\.5|| R^iShiruvAcha || 6\.6|| tenAj~naptastataH shIghraM sa daityo dhUmralochanaH | vR^itaH ShaShTyA sahasrANAmasurANAM drutaM yayau || 6\.7|| sa dR^iShTvA tAM tato devIM tuhinAchalasaMsthitAm | jagAdochchaiH prayAhIti mUlaM shumbhanishumbhayoH || 6\.8|| na chetprItyAdya bhavatI madbhartAramupaiShyati | tato balAnnayAmyeSha keshAkarShaNavihvalAm || 6\.9|| devyuvAcha || 6\.10|| daityeshvareNa prahito balavAnbalasaMvR^itaH | balAnnayasi mAmevaM tataH kiM te karomyaham || 6\.11|| R^iShiruvAcha || 6\.12|| ityuktaH so.abhyadhAvattAmasuro dhUmralochanaH | hu~NkAreNaiva taM bhasma sA chakArAmbikA tadA || 6\.13|| atha kruddhaM mahAsainyamasurANAM tathAmbikA | vavarSha sAyakaistIkShNaistathA shaktiparashvadhaiH || 6\.14|| tato dhutasaTaH kopAtkR^itvA nAdaM subhairavam | papAtAsurasenAyAM siMho devyAH svavAhanaH || 6\.15|| kAMshchitkaraprahAreNa daityAnAsyena chAparAn | AkrAntyA chAdhareNAnyAn jaghAna sa mahAsurAn || 6\.16|| keShA~nchitpATayAmAsa nakhaiH koShThAni kesarI | tathA talaprahAreNa shirAMsi kR^itavAnpR^ithak || 6\.17|| vichChinnabAhushirasaH kR^itAstena tathApare | papau cha rudhiraM koShThAdanyeShAM dhutakesaraH || 6\.18|| kShaNena tadbalaM sarvaM kShayaM nItaM mahAtmanA | tena kesariNA devyA vAhanenAtikopinA || 6\.19|| shrutvA tamasuraM devyA nihataM dhUmralochanam | balaM cha kShayitaM kR^itsnaM devIkesariNA tataH || 6\.20|| chukopa daityAdhipatiH shumbhaH prasphuritAdharaH | Aj~nApayAmAsa cha tau chaNDamuNDau mahAsurau || 6\.21|| he chaNDa he muNDa balairbahubhiH parivAritau | tatra gachChata gatvA cha sA samAnIyatAM laghu || 6\.22|| kesheShvAkR^iShya baddhvA vA yadi vaH saMshayo yudhi | tadAsheShAyudhaiH sarvairasurairvinihanyatAm || 6\.23|| tasyAM hatAyAM duShTAyAM siMhe cha vinipAtite | shIghramAgamyatAM baddhvA gR^ihItvA tAmathAmbikAm || 6\.24|| || svasti shrImArkaNDeyapurANe sAvarNike manvantare devImAhAtmye shumbhanishumbhasenAnIdhUmralochanavadho nAma ShaShTho.adhyAyaH || 6|| uvAcha 4, shlokAH 24, evamAditaH || 412|| \section{|| 7\. chaNDamuNDavadho nAma saptamo.adhyAyaH ||} . dhyAnam | OM dhyAyeyaM ratnapIThe shukakalapaThitaM shRRiNvatIM shyAmalA~NgIM nyastaikAMghriM saroje shashishakaladharAM vallakIM vAdayantIm | kalhArAbaddhamAlAM niyamitavilasachcholikAM ratnavastrAM mAta~NgI sha~NkapAtrAM madhuramadhumadAM chitrakodbhAsibhAlAm || OM R^iShiruvAcha || 7\.1|| Aj~naptAste tato daityAshchaNDamuNDapurogamAH | chatura~NgabalopetA yayurabhyudyatAyudhAH || 7\.2|| dadR^ishuste tato devImIShaddhAsAM vyavasthitAm | siMhasyopari shailendrashR^i~Nge mahati kA~nchane || 7\.3|| te dR^iShTvA tAM samAdAtumudyamaM chakrurudyatAH | AkR^iShTachApAsidharAstathAnye tatsamIpagAH || 7\.4|| tataH kopaM chakArochchairambikA tAnarInprati | kopena chAsyA vadanaM maShIvarNamabhUttadA || 7\.5|| bhrukuTIkuTilAttasyA lalATaphalakAddrutam | kAlI karAlavadanA viniShkrAntAsipAshinI || 7\.6|| vichitrakhaTvA~NgadharA naramAlAvibhUShaNA | dvIpicharmaparIdhAnA shuShkamAMsAtibhairavA || 7\.7|| ativistAravadanA jihvAlalanabhIShaNA | nimagnAraktanayanA nAdApUritadi~NmukhA || 7\.8|| sA vegenAbhipatitA ghAtayantI mahAsurAn | sainye tatra surArINAmabhakShayata tadbalam || 7\.9|| pArShNigrAhA~NkushagrAhayodhaghaNTAsamanvitAn | samAdAyaikahastena mukhe chikShepa vAraNAn || 7\.10|| tathaiva yodhaM turagai rathaM sArathinA saha | nikShipya vaktre dashanaishcharvayantyatibhairavam || 7\.11|| ekaM jagrAha kesheShu grIvAyAmatha chAparam | pAdenAkramya chaivAnyamurasAnyamapothayat || 7\.12|| tairmuktAni cha shastrANi mahAstrANi tathAsuraiH | mukhena jagrAha ruShA dashanairmathitAnyapi || 7\.13|| balinAM tadbalaM sarvamasurANAM durAtmanAm | mamardAbhakShayachchAnyAnanyAMshchAtADayattadA || 7\.14|| asinA nihatAH kechitkechitkhaTvA~NgatADitAH | jagmurvinAshamasurA dantAgrAbhihatAstathA || 7\.15|| kShaNena tadbalaM sarvamasurANAM nipAtitam | dR^iShTvA chaNDo.abhidudrAva tAM kAlImatibhIShaNAm || 7\.16|| sharavarShairmahAbhImairbhImAkShIM tAM mahAsuraH | ChAdayAmAsa chakraishcha muNDaH kShiptaiH sahasrashaH || 7\.17|| tAni chakrANyanekAni vishamAnAni tanmukham | babhuryathArkabimbAni subahUni ghanodaram || 7\.18|| tato jahAsAtiruShA bhImaM bhairavanAdinI | kAlI karAlavadanA durdarshadashanojjvalA || 7\.19|| utthAya cha mahAsiMhaM devI chaNDamadhAvata | gR^ihItvA chAsya kesheShu shirastenAsinAchChinat || 7\.20|| atha muNDo.abhyadhAvattAM dR^iShTvA chaNDaM nipAtitam | tamapyapAtayadbhUmau sA khaDgAbhihataM ruShA || 7\.21|| hatasheShaM tataH sainyaM dR^iShTvA chaNDaM nipAtitam | muNDaM cha sumahAvIryaM disho bheje bhayAturam || 7\.22|| shirashchaNDasya kAlI cha gR^ihItvA muNDameva cha | prAha prachaNDATTahAsamishramabhyetya chaNDikAm || 7\.23|| mayA tavAtropahR^itau chaNDamuNDau mahApashU | yuddhayaj~ne svayaM shumbhaM nishumbhaM cha haniShyasi || 7\.24|| R^iShiruvAcha || 7\.25|| tAvAnItau tato dR^iShTvA chaNDamuNDau mahAsurau | uvAcha kAlIM kalyANI lalitaM chaNDikA vachaH || 7\.26|| yasmAchchaNDaM cha muNDaM cha gR^ihItvA tvamupAgatA | chAmuNDeti tato loke khyAtA devI bhaviShyasi || 7\.27|| || svasti shrImArkaNDeyapurANe sAvarNike manvantare devImAhAtmye chaNDamuNDavadho nAma saptamo.adhyAyaH || 7|| uvAcha 2, shlokAH 25, evamAditaH || 439|| \section{|| 8\. raktabIjavadho nAmAShTamo.adhyAyaH ||} . dhyAnam | OM aruNAM karuNAtara~NgitAkShIM dhRRitapAshA~NkushabANAchApahastAm | aNimAdibhirAvRRitAM mayUkhai\- rahamityeva vibhAvaye bhavAnIm || OM R^iShiruvAcha || 8\.1|| chaNDe cha nihate daitye muNDe cha vinipAtite | bahuleShu cha sainyeShu kShayiteShvasureshvaraH || 8\.2|| tataH kopaparAdhInachetAH shumbhaH pratApavAn | udyogaM sarvasainyAnAM daityAnAmAdidesha ha || 8\.3|| adya sarvabalairdaityAH ShaDashItirudAyudhAH | kambUnAM chaturashItirniryAntu svabalairvR^itAH || 8\.4|| koTivIryANi pa~nchAshadasurANAM kulAni vai | shataM kulAni dhaumrANAM nirgachChantu mamAj~nayA || 8\.5|| kAlakA daurhR^idA maurvAH kAlikeyAstathAsurAH | yuddhAya sajjA niryAntu Aj~nayA tvaritA mama || 8\.6|| ityAj~nApyAsurapatiH shumbho bhairavashAsanaH | nirjagAma mahAsainyasahasrairbahubhirvR^itaH || 8\.7|| AyAntaM chaNDikA dR^iShTvA tatsainyamatibhIShaNam | jyAsvanaiH pUrayAmAsa dharaNIgaganAntaram || 8\.8|| tataH siMho mahAnAdamatIva kR^itavAnnR^ipa | ghaNTAsvanena tAnnAdAnambikA chopabR^iMhayat || 8\.9|| dhanurjyAsiMhaghaNTAnAM nAdApUritadi~NmukhA | ninAdairbhIShaNaiH kAlI jigye vistAritAnanA || 8\.10|| taM ninAdamupashrutya daityasainyaishchaturdisham | devI siMhastathA kAlI saroShaiH parivAritAH || 8\.11|| etasminnantare bhUpa vinAshAya suradviShAm | bhavAyAmarasiMhAnAmativIryabalAnvitAH || 8\.12|| brahmeshaguhaviShNUnAM tathendrasya cha shaktayaH | sharIrebhyo viniShkramya tad.hrUpaishchaNDikAM yayuH || 8\.13|| yasya devasya yadrUpaM yathA bhUShaNavAhanam | tadvadeva hi tachChaktirasurAnyoddhumAyayau || 8\.14|| haMsayuktavimAnAgre sAkShasUtrakamaNDaluH | AyAtA brahmaNaH shaktirbrahmANItyabhidhIyate || 8\.15|| mAheshvarI vR^iShArUDhA trishUlavaradhAriNI | mahAhivalayA prAptA chandrarekhAvibhUShaNA || 8\.16|| kaumArI shaktihastA cha mayUravaravAhanA | yoddhumabhyAyayau daityAnambikA guharUpiNI || 8\.17|| tathaiva vaiShNavI shaktirgaruDopari saMsthitA | sha~NkhachakragadAshAr~NgakhaDgahastAbhyupAyayau || 8\.18|| yaj~navArAhamatulaM rUpaM yA bibhrato hareH | shaktiH sApyAyayau tatra vArAhIM bibhratI tanum || 8\.19|| nArasiMhI nR^isiMhasya bibhratI sadR^ishaM vapuH | prAptA tatra saTAkShepakShiptanakShatrasaMhatiH || 8\.20|| vajrahastA tathaivaindrI gajarAjopari sthitA | prAptA sahasranayanA yathA shakrastathaiva sA || 8\.21|| tataH parivR^itastAbhirIshAno devashaktibhiH | hanyantAmasurAH shIghraM mama prItyAha chaNDikAm || 8\.22|| tato devIsharIrAttu viniShkrAntAtibhIShaNA | chaNDikA shaktiratyugrA shivAshataninAdinI || 8\.23|| sA chAha dhUmrajaTilamIshAnamaparAjitA | dUta tvaM gachCha bhagavan pArshvaM shumbhanishumbhayoH || 8\.24|| brUhi shumbhaM nishumbhaM cha dAnavAvatigarvitau | ye chAnye dAnavAstatra yuddhAya samupasthitAH || 8\.25|| trailokyamindro labhatAM devAH santu havirbhujaH | yUyaM prayAta pAtAlaM yadi jIvitumichChatha || 8\.26|| balAvalepAdatha chedbhavanto yuddhakA~NkShiNaH | tadAgachChata tR^ipyantu machChivAH pishitena vaH || 8\.27|| yato niyukto dautyena tayA devyA shivaH svayam | shivadUtIti loke.asmiMstataH sA khyAtimAgatA || 8\.28|| te.api shrutvA vacho devyAH sharvAkhyAtaM mahAsurAH | amarShApUritA jagmuryatra kAtyAyanI sthitA || 8\.29|| tataH prathamamevAgre sharashaktyR^iShTivR^iShTibhiH | vavarShuruddhatAmarShAstAM devImamarArayaH || 8\.30|| sA cha tAn prahitAn bANA~nChUlashaktiparashvadhAn | chichCheda lIlayAdhmAtadhanurmuktairmaheShubhiH || 8\.31|| tasyAgratastathA kAlI shUlapAtavidAritAn | khaTvA~NgapothitAMshchArInkurvatI vyacharattadA || 8\.32|| kamaNDalujalAkShepahatavIryAn hataujasaH | brahmANI chAkarochChatrUnyena yena sma dhAvati || 8\.33|| mAheshvarI trishUlena tathA chakreNa vaiShNavI | daityA~njaghAna kaumArI tathA shaktyAtikopanA || 8\.34|| aindrI kulishapAtena shatasho daityadAnavAH | peturvidAritAH pR^ithvyAM rudhiraughapravarShiNaH || 8\.35|| tuNDaprahAravidhvastA daMShTrAgrakShatavakShasaH | vArAhamUrtyA nyapataMshchakreNa cha vidAritAH || 8\.36|| nakhairvidAritAMshchAnyAn bhakShayantI mahAsurAn | nArasiMhI chachArAjau nAdApUrNadigambarA || 8\.37|| chaNDATTahAsairasurAH shivadUtyabhidUShitAH | petuH pR^ithivyAM patitAMstAMshchakhAdAtha sA tadA || 8\.38|| iti mAtR^igaNaM kruddhaM mardayantaM mahAsurAn | dR^iShTvAbhyupAyairvividhairneshurdevArisainikAH || 8\.39|| palAyanaparAndR^iShTvA daityAnmAtR^igaNArditAn | yoddhumabhyAyayau kruddho raktabIjo mahAsuraH || 8\.40|| raktabinduryadA bhUmau patatyasya sharIrataH | samutpatati medinyAM tatpramANo mahAsuraH || 8\.41|| yuyudhe sa gadApANirindrashaktyA mahAsuraH | tatashchaindrI svavajreNa raktabIjamatADayat || 8\.42|| kulishenAhatasyAshu bahu susrAva shoNitam | samuttasthustato yodhAstadrUpAstatparAkramAH || 8\.43|| yAvantaH patitAstasya sharIrAdraktabindavaH | tAvantaH puruShA jAtAstadvIryabalavikramAH || 8\.44|| te chApi yuyudhustatra puruShA raktasambhavAH | samaM mAtR^ibhiratyugrashastrapAtAtibhIShaNam || 8\.45|| punashcha vajrapAtena kShatamasya shiro yadA | vavAha raktaM puruShAstato jAtAH sahasrashaH || 8\.46|| vaiShNavI samare chainaM chakreNAbhijaghAna ha | gadayA tADayAmAsa aindrI tamasureshvaram || 8\.47|| vaiShNavIchakrabhinnasya rudhirasrAvasambhavaiH | sahasrasho jagadvyAptaM tatpramANairmahAsuraiH || 8\.48|| shaktyA jaghAna kaumArI vArAhI cha tathAsinA | mAheshvarI trishUlena raktabIjaM mahAsuram || 8\.49|| sa chApi gadayA daityaH sarvA evAhanat pR^ithak | mAtR^IH kopasamAviShTo raktabIjo mahAsuraH || 8\.50|| tasyAhatasya bahudhA shaktishUlAdibhirbhuvi | papAta yo vai raktaughastenAsa~nChatasho.asurAH || 8\.51|| taishchAsurAsR^iksambhUtairasuraiH sakalaM jagat | vyAptamAsIttato devA bhayamAjagmuruttamam || 8\.52|| tAn viShaNNAn surAn dR^iShTvA chaNDikA prAhasatvaram | uvAcha kAlIM chAmuNDe vistIrNaM vadanaM kuru || 8\.53|| machChastrapAtasambhUtAn raktabindUn mahAsurAn | raktabindoH pratIchCha tvaM vaktreNAnena veginA || 8\.54|| bhakShayantI chara raNe tadutpannAnmahAsurAn | evameSha kShayaM daityaH kSheNarakto gamiShyati || 8\.55|| bhakShyamANAstvayA chogrA na chotpatsyanti chApare | ityuktvA tAM tato devI shUlenAbhijaghAna tam || 8\.56|| mukhena kAlI jagR^ihe raktabIjasya shoNitam | tato.asAvAjaghAnAtha gadayA tatra chaNDikAm || 8\.57|| na chAsyA vedanAM chakre gadApAto.alpikAmapi | tasyAhatasya dehAttu bahu susrAva shoNitam || 8\.58|| yatastatastadvaktreNa chAmuNDA sampratIchChati | mukhe samudgatA ye.asyA raktapAtAnmahAsurAH || 8\.59|| tAMshchakhAdAtha chAmuNDA papau tasya cha shoNitam | devI shUlena vajreNa bANairasibhirR^iShTibhiH || 8\.60|| jaghAna raktabIjaM taM chAmuNDApItashoNitam | sa papAta mahIpR^iShThe shastrasa~NghasamAhataH || 8\.61|| nIraktashcha mahIpAla raktabIjo mahAsuraH | tataste harShamatulamavApustridashA nR^ipa || 8\.62|| teShAM mAtR^igaNo jAto nanartAsR^i~NmadoddhataH || 8\.63|| || svasti shrImArkaNDeyapurANe sAvarNike manvantare devImAhAtmye raktabIjavadho nAmAShTamo.adhyAyaH || 8|| uvAcha 1, ardhashlokaH 1, shlokAH 61, evamAditaH || 502|| \section{|| 9\. nishumbhavadho nAma navamo.adhyAyaH ||} . dhyAnam | OM bandhUkakA~nchananibhaM ruchirAkShamAlAM pAshA~Nkushau cha varadAM nijabAhudaNDaiH | bibhrANamindushakalAbharaNaM trinetra\- mardhAMbikeshamanishaM vapurAshrayAmi || OM rAjovAcha || 9\.1|| vichitramidamAkhyAtaM bhagavan bhavatA mama | devyAshcharitamAhAtmyaM raktabIjavadhAshritam || 9\.2|| bhUyashchechChAmyahaM shrotuM raktabIje nipAtite | chakAra shumbho yatkarma nishumbhashchAtikopanaH || 9\.3|| R^iShiruvAcha || 9\.4|| chakAra kopamatulaM raktabIje nipAtite | shumbhAsuro nishumbhashcha hateShvanyeShu chAhave || 9\.5|| hanyamAnaM mahAsainyaM vilokyAmarShamudvahan | abhyadhAvannishumbho.atha mukhyayAsurasenayA || 9\.6|| tasyAgratastathA pR^iShThe pArshvayoshcha mahAsurAH | sandaShTauShThapuTAH kruddhA hantuM devImupAyayuH || 9\.7|| AjagAma mahAvIryaH shumbho.api svabalairvR^itaH | nihantuM chaNDikAM kopAtkR^itvA yuddhaM tu mAtR^ibhiH || 9\.8|| tato yuddhamatIvAsIddevyA shumbhanishumbhayoH | sharavarShamatIvograM meghayoriva varShatoH || 9\.9|| chichChedAstA~nCharAMstAbhyAM chaNDikA svasharotkaraiH | tADayAmAsa chA~NgeShu shastraughairasureshvarau || 9\.10|| nishumbho nishitaM khaDgaM charma chAdAya suprabham | atADayanmUrdhni siMhaM devyA vAhanamuttamam || 9\.11|| tADite vAhane devI kShurapreNAsimuttamam | nishumbhasyAshu chichCheda charma chApyaShTachandrakam || 9\.12|| Chinne charmaNi khaDge cha shaktiM chikShepa so.asuraH | tAmapyasya dvidhA chakre chakreNAbhimukhAgatAm || 9\.13|| kopAdhmAto nishumbho.atha shUlaM jagrAha dAnavaH | AyAtaM muShTipAtena devI tachchApyachUrNayat || 9\.14|| AvidyAtha gadAM so.api chikShepa chaNDikAM prati | sApi devyAs trishUlena bhinnA bhasmatvamAgatA || 9\.15|| tataH parashuhastaM tamAyAntaM daityapu~Ngavam | Ahatya devI bANaughairapAtayata bhUtale || 9\.16|| tasminnipatite bhUmau nishumbhe bhImavikrame | bhrAtaryatIva sa~NkruddhaH prayayau hantumambikAm || 9\.17|| sa rathasthastathAtyuchchairgR^ihItaparamAyudhaiH | bhujairaShTAbhiratulairvyApyAsheShaM babhau nabhaH || 9\.18|| tamAyAntaM samAlokya devI sha~NkhamavAdayat | jyAshabdaM chApi dhanuShashchakArAtIva duHsaham || 9\.19|| pUrayAmAsa kakubho nijaghaNTAsvanena cha | samastadaityasainyAnAM tejovadhavidhAyinA || 9\.20|| tataH siMho mahAnAdaistyAjitebhamahAmadaiH | pUrayAmAsa gaganaM gAM tathaiva disho dasha || 9\.21|| tataH kAlI samutpatya gaganaM kShmAmatADayat | karAbhyAM tanninAdena prAk.hsvanAste tirohitAH || 9\.22|| aTTATTahAsamashivaM shivadUtI chakAra ha | vaiH shabdairasurAstresuH shumbhaH kopaM paraM yayau || 9\.23|| durAtmaMstiShTha tiShTheti vyAjahArAmbikA yadA | tadA jayetyabhihitaM devairAkAshasaMsthitaiH || 9\.24|| shumbhenAgatya yA shaktirmuktA jvAlAtibhIShaNA | AyAntI vahnikUTAbhA sA nirastA maholkayA || 9\.25|| siMhanAdena shumbhasya vyAptaM lokatrayAntaram | nirghAtaniHsvano ghoro jitavAnavanIpate || 9\.26|| shumbhamuktA~nCharAndevI shumbhastatprahitA~nCharAn | chichCheda svasharairugraiH shatasho.atha sahasrashaH || 9\.27|| tataH sA chaNDikA kruddhA shUlenAbhijaghAna tam | sa tadAbhihato bhUmau mUrchChito nipapAta ha || 9\.28|| tato nishumbhaH samprApya chetanAmAttakArmukaH | AjaghAna sharairdevIM kAlIM kesariNaM tathA || 9\.29|| punashcha kR^itvA bAhUnAmayutaM danujeshvaraH | chakrAyudhena ditijashChAdayAmAsa chaNDikAm || 9\.30|| tato bhagavatI kruddhA durgA durgArtinAshinI | chichCheda devI chakrANi svasharaiH sAyakAMshcha tAn || 9\.31|| tato nishumbho vegena gadAmAdAya chaNDikAm | abhyadhAvata vai hantuM daityasainyasamAvR^itaH || 9\.32|| tasyApatata evAshu gadAM chichCheda chaNDikA | khaDgena shitadhAreNa sa cha shUlaM samAdade || 9\.33|| shUlahastaM samAyAntaM nishumbhamamarArdanam | hR^idi vivyAdha shUlena vegAviddhena chaNDikA || 9\.34|| bhinnasya tasya shUlena hR^idayAnniHsR^ito.aparaH | mahAbalo mahAvIryastiShTheti puruSho vadan || 9\.35|| tasya niShkrAmato devI prahasya svanavattataH | shirashchichCheda khaDgena tato.asAvapatadbhuvi || 9\.36|| tataH siMhashchakhAdogradaMShTrAkShuNNashirodharAn | asurAMstAMstathA kAlI shivadUtI tathAparAn || 9\.37|| kaumArIshaktinirbhinnAH kechinneshurmahAsurAH | brahmANImantrapUtena toyenAnye nirAkR^itAH || 9\.38|| mAheshvarItrishUlena bhinnAH petustathApare | vArAhItuNDaghAtena kechichchUrNIkR^itA bhuvi || 9\.39|| khaNDaM khaNDaM cha chakreNa vaiShNavyA dAnavAH kR^itAH | vajreNa chaindrIhastAgravimuktena tathApare || 9\.40|| kechidvineshurasurAH kechinnaShTA mahAhavAt | bhakShitAshchApare kAlIshivadUtImR^igAdhipaiH || 9\.41|| || svasti shrImArkaNDeyapurANe sAvarNike manvantare devImAhAtmye nishumbhavadho nAma navamo.adhyAyaH || 9|| uvAcha 2, ardhashlokAH 39, shlokAH 41, evamAditaH || 543|| \section{|| 10\. shumbhavadho nAma dashamo.adhyAyaH ||} . dhyAnam | OM uttaptahemaruchirAM ravichandravahni\- netrAM dhanushsharayutA~NkushapAshashUlam | ramyairbhujaishcha dadhatIM shivashaktirUpAM kAmeshvarIM hRRidi bhajAmi dhRRitendulekhAm || OM R^iShiruvAcha || 10\.1|| nishumbhaM nihataM dR^iShTvA bhrAtaraM prANasammitam | hanyamAnaM balaM chaiva shumbhaH kruddho.abravIdvachaH || 10\.2|| balAvalepaduShTe tvaM mA durge garvamAvaha | anyAsAM balamAshritya yuddhyase chAtimAninI || 10\.3|| devyuvAcha || 10\.4|| ekaivAhaM jagatyatra dvitIyA kA mamAparA | pashyaitA duShTa mayyeva vishantyo madvibhUtayaH || 10\.5|| tataH samastAstA devyo brahmANIpramukhA layam | tasyA devyAstanau jagmurekaivAsIttadAmbikA || 10\.6|| devyuvAcha || 10\.7|| ahaM vibhUtyA bahubhiriha rUpairyadAsthitA | tatsaMhR^itaM mayaikaiva tiShThAmyAjau sthiro bhava || 10\.8|| R^iShiruvAcha || 10\.9|| tataH pravavR^ite yuddhaM devyAH shumbhasya chobhayoH | pashyatAM sarvadevAnAmasurANAM cha dAruNam || 10\.10|| sharavarShaiH shitaiH shastraistathA chAstraiH sudAruNaiH | tayoryuddhamabhUdbhUyaH sarvalokabhaya~Nkaram || 10\.11|| divyAnyastrANi shatasho mumuche yAnyathAmbikA | babha~nja tAni daityendrastatpratIghAtakartR^ibhiH || 10\.12|| muktAni tena chAstrANi divyAni parameshvarI | babha~nja lIlayaivograhu~NkArochchAraNAdibhiH || 10\.13|| tataH sharashatairdevImAchChAdayata so.asuraH | sApi tatkupitA devI dhanushchichCheda cheShubhiH || 10\.14|| Chinne dhanuShi daityendrastathA shaktimathAdade | chichCheda devI chakreNa tAmapyasya kare sthitAm || 10\.15|| tataH khaDgamupAdAya shatachandraM cha bhAnumat | abhyadhA vata tAM devIM daityAnAmadhipeshvaraH || 10\.16|| tasyApatata evAshu khaDgaM chichCheda chaNDikA | dhanurmuktaiH shitairbANaishcharma chArkakarAmalam | ashvAMshcha pAtayAmAsa rathaM sArathinA saha || 10\.17|| hatAshvaH sa tadA daityashChinnadhanvA visArathiH | jagrAha mudgaraM ghoramambikAnidhanodyataH || 10\.18|| chichChedApatatastasya mudgaraM nishitaiH sharaiH | tathApi so.abhyadhAvattAM muShTimudyamya vegavAn || 10\.19|| sa muShTiM pAtayAmAsa hR^idaye daityapu~NgavaH | devyAstaM chApi sA devI talenorasyatADayat || 10\.20|| talaprahArAbhihato nipapAta mahItale | sa daityarAjaH sahasA punareva tathotthitaH || 10\.21|| utpatya cha pragR^ihyochchairdevIM gaganamAsthitaH | tatrApi sA nirAdhArA yuyudhe tena chaNDikA || 10\.22|| niyuddhaM khe tadA daityashchaNDikA cha parasparam | chakratuH prathamaM siddhamunivismayakArakam || 10\.23|| tato niyuddhaM suchiraM kR^itvA tenAmbikA saha | utpATya bhrAmayAmAsa chikShepa dharaNItale || 10\.24|| sa kShipto dharaNIM prApya muShTimudyamya vegavAn | abhyadhAvata duShTAtmA chaNDikAnidhanechChayA || 10\.25|| tamAyAntaM tato devI sarvadaityajaneshvaram | jagatyAM pAtayAmAsa bhittvA shUlena vakShasi || 10\.26|| sa gatAsuH papAtorvyAM devI shUlAgravikShataH | chAlayan sakalAM pR^ithvIM sAbdhidvIpAM saparvatAm || 10\.27|| tataH prasannamakhilaM hate tasmin durAtmani | jagatsvAsthyamatIvApa nirmalaM chAbhavannabhaH || 10\.28|| utpAtameghAH solkA ye prAgAsaMste shamaM yayuH | sarito mArgavAhinyastathAsaMstatra pAtite || 10\.29|| tato devagaNAH sarve harShanirbharamAnasAH | babhUvurnihate tasmin gandharvA lalitaM jaguH || 10\.30|| avAdayaMstathaivAnye nanR^itushchApsarogaNAH | vavuH puNyAstathA vAtAH suprabho.abhUddivAkaraH || 10\.31|| jajvalushchAgnayaH shAntAH shAntA digjanitasvanAH || 10\.32|| || svasti shrImArkaNDeyapurANe sAvarNike manvantare devImAhAtmye shumbhavadho nAma dashamo.adhyAyaH || 10|| \section{|| nArAyaNIstutirnAmaikAdasho.adhyAyaH ||} . dhyAnam | OM bAlaravidyutimindukirITAM tu~NgakuchAM nayanatrayayuktAm | smeramukhIM varadA~NkushapAshAbhItikarAM prabhaje bhuvaneshIm || OM R^iShiruvAcha || 11\.1|| devyA hate tatra mahAsurendre sendrAH surA vahnipurogamAstAm | kAtyAyanIM tuShTuvuriShTalAbhAd vikAshivaktrAbjavikAshitAshAH || 11\.2|| devi prapannArtihare prasIda prasIda mAtarjagato.akhilasya | prasIda vishveshvari pAhi vishvaM tvamIshvarI devi charAcharasya || 11\.3|| AdhArabhUtA jagatastvamekA mahIsvarUpeNa yataH sthitAsi | apAM svarUpasthitayA tvayaita\- dApyAyate kR^itsnamala~NghyavIrye || 11\.4|| tvaM vaiShNavIshaktiranantavIryA vishvasya bIjaM paramAsi mAyA | sammohitaM devi samastametat tvaM vai prasannA bhuvi muktihetuH || 11\.5|| vidyAH samastAstava devi bhedAH striyaH samastAH sakalA jagatsu | tvayaikayA pUritamambayaitat kA te stutiH stavyaparAparoktiH || 11\.6|| sarvabhUtA yadA devI bhuktimuktipradAyinI | tvaM stutA stutaye kA vA bhavantu paramoktayaH || 11\.7|| sarvasya buddhirUpeNa janasya hR^idi saMsthite | svargApavargade devi nArAyaNi namo.astu te || 11\.8|| kalAkAShThAdirUpeNa pariNAmapradAyini | vishvasyoparatau shakte nArAyaNi namo.astu te || 11\.9|| sarvama~NgalamA~Ngalye shive sarvArthasAdhike | sharaNye tryambake gauri nArAyaNi namo.astu te || 11\.10|| sR^iShTisthitivinAshAnAM shaktibhUte sanAtani | guNAshraye guNamaye nArAyaNi namo.astu te || 11\.11|| sharaNAgatadInArtaparitrANaparAyaNe | sarvasyArtihare devi nArAyaNi namo.astu te || 11\.12|| haMsayuktavimAnasthe brahmANIrUpadhAriNi | kaushAmbhaHkSharike devi nArAyaNi namo.astu te || 11\.13|| trishUlachandrAhidhare mahAvR^iShabhavAhini | mAheshvarIsvarUpeNa nArAyaNi namo.astute || 11\.14|| mayUrakukkuTavR^ite mahAshaktidhare.anaghe | kaumArIrUpasaMsthAne nArAyaNi namo.astu te || 11\.15|| sha~NkhachakragadAshAr~NgagR^ihItaparamAyudhe | prasIda vaiShNavIrUpe nArAyaNi namo.astu te || 11\.16|| gR^ihItogramahAchakre daMShTroddhR^itavasundhare | varAharUpiNi shive nArAyaNi namo.astu te || 11\.17|| nR^isiMharUpeNogreNa hantuM daityAn kR^itodyame | trailokyatrANasahite nArAyaNi namo.astu te || 11\.18|| kirITini mahAvajre sahasranayanojjvale | vR^itraprANahare chaindri nArAyaNi namo.astu te || 11\.19|| shivadUtIsvarUpeNa hatadaityamahAbale | ghorarUpe mahArAve nArAyaNi namo.astu te || 11\.20|| daMShTrAkarAlavadane shiromAlAvibhUShaNe | chAmuNDe muNDamathane nArAyaNi namo.astu te || 11\.21|| lakShmi lajje mahAvidye shraddhe puShTi svadhe dhruve | mahArAtri mahAmAye nArAyaNi namo.astu te || 11\.22|| medhe sarasvati vare bhUti bAbhravi tAmasi | niyate tvaM prasIdeshe nArAyaNi namo.astute || 11\.23|| sarvasvarUpe sarveshe sarvashaktisamanvite | bhayebhyastrAhi no devi durge devi namo.astu te || 11\.24|| etatte vadanaM saumyaM lochanatrayabhUShitam | pAtu naH sarvabhUtebhyaH kAtyAyani namo.astu te || 11\.25|| jvAlAkarAlamatyugramasheShAsurasUdanam | trishUlaM pAtu no bhIterbhadrakAli namo.astu te || 11\.26|| hinasti daityatejAMsi svanenApUrya yA jagat | sA ghaNTA pAtu no devi pApebhyo naH sutAniva || 11\.27|| asurAsR^igvasApa~Nkacharchitaste karojjvalaH | shubhAya khaDgo bhavatu chaNDike tvAM natA vayam || 11\.28|| rogAnasheShAnapahaMsi tuShTA ruShTA tu kAmAn sakalAnabhIShTAn | tvAmAshritAnAM na vipannarANAM tvAmAshritA hyAshrayatAM prayAnti || 11\.29|| etatkR^itaM yatkadanaM tvayAdya dharmadviShAM devi mahAsurANAm | rUpairanekairbahudhAtmamUrtiM kR^itvAmbike tatprakaroti kAnyA || 11\.30|| vidyAsu shAstreShu vivekadIpe\- ShvAdyeShu vAkyeShu cha kA tvadanyA | mamatvagarte.atimahAndhakAre vibhrAmayatyetadatIva vishvam || 11\.31|| rakShAMsi yatrograviShAshcha nAgA yatrArayo dasyubalAni yatra | dAvAnalo yatra tathAbdhimadhye tatra sthitA tvaM paripAsi vishvam || 11\.32|| vishveshvari tvaM paripAsi vishvaM vishvAtmikA dhArayasIha vishvam | vishveshavandyA bhavatI bhavanti vishvAshrayA ye tvayi bhaktinamrAH || 11\.33|| devi prasIda paripAlaya no.aribhIte\- rnityaM yathAsuravadhAdadhunaiva sadyaH | pApAni sarvajagatAM prashamaM nayAshu utpAtapAkajanitAMshcha mahopasargAn || 11\.34|| praNatAnAM prasIda tvaM devi vishvArtihAriNi | trailokyavAsinAmIDye lokAnAM varadA bhava || 11\.35|| devyuvAcha || 11\.36|| varadAhaM suragaNA varaM yanmanasechChatha | taM vR^iNudhvaM prayachChAmi jagatAmupakArakam || 11\.37|| devA UchuH || 11\.38|| sarvAbAdhAprashamanaM trailokyasyAkhileshvari | evameva tvayA kAryamasmadvairivinAshanam || 11\.39|| devyuvAcha || 11\.40|| vaivasvate.antare prApte aShTAviMshatime yuge | shumbho nishumbhashchaivAnyAvutpatsyete mahAsurau || 11\.41|| nandagopagR^ihe jAtA yashodAgarbhasambhavA | tatastau nAshayiShyAmi vindhyAchalanivAsinI || 11\.42|| punarapyatiraudreNa rUpeNa pR^ithivItale | avatIrya haniShyAmi vaiprachittAMshcha dAnavAn || 11\.43|| bhakShayantyAshcha tAnugrAn vaiprachittAn mahAsurAn | raktA dantA bhaviShyanti dADimIkusumopamAH || 11\.44|| tato mAM devatAH svarge martyaloke cha mAnavAH | stuvanto vyAhariShyanti satataM raktadantikAm || 11\.45|| bhUyashcha shatavArShikyAmanAvR^iShTyAmanambhasi | munibhiH saMsmR^itA bhUmau sambhaviShyAmyayonijA || 11\.46|| tataH shatena netrANAM nirIkShiShyAmyahaM munIn | kIrtayiShyanti manujAH shatAkShImiti mAM tataH || 11\.47|| tato.ahamakhilaM lokamAtmadehasamudbhavaiH | bhariShyAmi surAH shAkairAvR^iShTeH prANadhArakaiH || 11\.48|| shAkambharIti vikhyAtiM tadA yAsyAmyahaM bhuvi | tatraiva cha vadhiShyAmi durgamAkhyaM mahAsuram || 11\.49|| durgAdevIti vikhyAtaM tanme nAma bhaviShyati | punashchAhaM yadA bhImaM rUpaM kR^itvA himAchale || 11\.50|| rakShAMsi bhakShayiShyAmi munInAM trANakAraNAt | tadA mAM munayaH sarve stoShyantyAnamramUrtayaH || 11\.51|| bhImAdevIti vikhyAtaM tanme nAma bhaviShyati | yadAruNAkhyastrailokye mahAbAdhAM kariShyati || 11\.52|| tadAhaM bhrAmaraM rUpaM kR^itvAsa~NkhyeyaShaTpadam | trailokyasya hitArthAya vadhiShyAmi mahAsuram || 11\.53|| bhrAmarIti cha mAM lokAstadA stoShyanti sarvataH | itthaM yadA yadA bAdhA dAnavotthA bhaviShyati || 11\.54|| tadA tadAvatIryAhaM kariShyAmyarisa~NkShayam || 11\.55|| || svasti shrImArkaNDeyapurANe sAvarNike manvantare devImAhAtmye nArAyaNIstutirnAmaikAdasho.adhyAyaH || 11|| uvAcha 4, ardhashlokaH 1, shlokAH 50, evamAditaH || 630|| \section{|| 12\. bhagavatI vAkyaM dvAdasho.adhyAyaH ||} . dhyAnam | OM vidyuddhAmasamaprabhAM mRRigapatiskandhasthitAM bhIShaNAM kanyAbhiH karavALakheTavilasadhastAbhirAsevitAm | hastaishchakragadAsikheTavishikhAMshchApaM guNaM tarjanIM bibhrANAmanalAtmikAM shashidharAM durgAM trinetrAM bhaje || OM devyuvAcha || 12\.1|| ebhiH stavaishcha mAM nityaM stoShyate yaH samAhitaH | tasyAhaM sakalAM bAdhAM shamayiShyAmyasaMshayam || 12\.2|| madhukaiTabhanAshaM cha mahiShAsuraghAtanam | kIrtayiShyanti ye tadvadvadhaM shumbhanishumbhayoH || 12\.3|| aShTamyAM cha chaturdashyAM navamyAM chaikachetasaH | shroShyanti chaiva ye bhaktyA mama mAhAtmyamuttamam || 12\.4|| na teShAM duShkR^itaM ki~nchidduShkR^itotthA na chApadaH | bhaviShyati na dAridryaM na chaiveShTaviyojanam || 12\.5|| shatrubhyo na bhayaM tasya dasyuto vA na rAjataH | na shastrAnalatoyaughAt kadAchit sambhaviShyati || 12\.6|| tasmAnmamaitanmAhAtmyaM paThitavyaM samAhitaiH | shrotavyaM cha sadA bhaktyA paraM svastyayanaM mahat || 12\.7|| upasargAnasheShAMstu mahAmArIsamudbhavAn | tathA trividhamutpAtaM mAhAtmyaM shamayenmama || 12\.8|| yatraitatpaThyate samya~NnityamAyatane mama | sadA na tadvimokShyAmi sAnnidhyaM tatra me sthitam || 12\.9|| balipradAne pUjAyAmagnikArye mahotsave | sarvaM mamaitanmAhAtmyam uchchAryaM shrAvyameva cha || 12\.10|| jAnatAjAnatA vApi balipUjAM yathA kR^itAm | pratIkShiShyAmyahaM prItyA vahnihomaM tathAkR^itam || 12\.11|| sharatkAle mahApUjA kriyate yA cha vArShikI | tasyAM mamaitanmAhAtmyaM shrutvA bhaktisamanvitaH || 12\.12|| sarvAbAdhAvinirmukto dhanadhAnyasamanvitaH | manuShyo matprasAdena bhaviShyati na saMshayaH || 12\.13|| shrutvA mamaitanmAhAtmyaM tathA chotpattayaH shubhAH | parAkramaM cha yuddheShu jAyate nirbhayaH pumAn || 12\.14|| ripavaH sa~NkShayaM yAnti kalyANaM chopapadyate | nandate cha kulaM puMsAM mAhAtmyaM mama shR^iNvatAm || 12\.15|| shAntikarmaNi sarvatra tathA duHsvapnadarshane | grahapIDAsu chogrAsu mAhAtmyaM shR^iNuyAnmama || 12\.16|| upasargAH shamaM yAnti grahapIDAshcha dAruNAH | duHsvapnaM cha nR^ibhirdR^iShTaM susvapnamupajAyate || 12\.17|| bAlagrahAbhibhUtAnAM bAlAnAM shAntikArakam | sa~NghAtabhede cha nR^iNAM maitrIkaraNamuttamam || 12\.18|| durvR^ittAnAmasheShANAM balahAnikaraM param | rakShobhUtapishAchAnAM paThanAdeva nAshanam || 12\.19|| sarvaM mamaitanmAhAtmyaM mama sannidhikArakam | pashupuShpArghyadhUpaishcha gandhadIpaistathottamaiH || 12\.20|| viprANAM bhojanairhomaiH prokShaNIyairaharnisham | anyaishcha vividhairbhogaiH pradAnairvatsareNa yA || 12\.21|| prItirme kriyate sAsmin sakR^iduchcharite shrute | shrutaM harati pApAni tathArogyaM prayachChati || 12\.22|| rakShAM karoti bhUtebhyo janmanAM kIrtanaM mama | yuddheShu charitaM yanme duShTadaityanibarhaNam || 12\.23|| tasmi~nChrute vairikR^itaM bhayaM puMsAM na jAyate | yuShmAbhiH stutayo yAshcha yAshcha brahmarShibhiH kR^itAH || 12\.24|| brahmaNA cha kR^itAstAstu prayachChantu shubhAM matim | araNye prAntare vApi dAvAgniparivAritaH || 12\.25|| dasyubhirvA vR^itaH shUnye gR^ihIto vApi shatrubhiH | siMhavyAghrAnuyAto vA vane vA vanahastibhiH || 12\.26|| rAj~nA kruddhena chAj~napto vadhyo bandhagato.api vA | AghUrNito vA vAtena sthitaH pote mahArNave || 12\.27|| patatsu chApi shastreShu sa~NgrAme bhR^ishadAruNe | sarvAbAdhAsu ghorAsu vedanAbhyardito.api vA || 12\.28|| smaran mamaitachcharitaM naro muchyeta sa~NkaTAt | mama prabhAvAtsiMhAdyA dasyavo vairiNastathA || 12\.29|| dUrAdeva palAyante smaratashcharitaM mama || 12\.30|| R^iShiruvAcha || 12\.31|| ityuktvA sA bhagavatI chaNDikA chaNDavikramA || 12\.32|| pashyatAM sarvadevAnAM tatraivAntaradhIyata | te.api devA nirAta~NkAH svAdhikArAnyathA purA || 12\.33|| yaj~nabhAgabhujaH sarve chakrurvinihatArayaH | daityAshcha devyA nihate shumbhe devaripau yudhi || 12\.34|| jagadvidhvaMsake tasmin mahogre.atulavikrame | nishumbhe cha mahAvIrye sheShAH pAtAlamAyayuH || 12\.35|| evaM bhagavatI devI sA nityApi punaH punaH | sambhUya kurute bhUpa jagataH paripAlanam || 12\.36|| tayaitanmohyate vishvaM saiva vishvaM prasUyate | sA yAchitA cha vij~nAnaM tuShTA R^iddhiM prayachChati || 12\.37|| vyAptaM tayaitatsakalaM brahmANDaM manujeshvara | mahAdevyA mahAkAlI mahAmArIsvarUpayA || 12\.38|| saiva kAle mahAmArI saiva sR^iShTirbhavatyajA | sthitiM karoti bhUtAnAM saiva kAle sanAtanI || 12\.39|| bhavakAle nR^iNAM saiva lakShmIrvR^iddhipradA gR^ihe | saivAbhAve tathAlakShmIrvinAshAyopajAyate || 12\.40|| stutA sampUjitA puShpairgandhadhUpAdibhistathA | dadAti vittaM putrAMshcha matiM dharme gatiM shubhAm || 12\.41|| || svasti shrImArkaNDeyapurANe sAvarNike manvantare devImAhAtmye bhagavatI vAkyaM dvAdasho.adhyAyaH || 12|| uvAcha 2, ardhashlokau 2, shlokAH 37, evamAditaH || 671|| \section{|| 13\. surathavaishyayorvarapradAnaM nAma trayodasho.adhyAyaH ||} . dhyAnam | OM bAlArkamaNDalAbhAsAM chaturbAhuM trilochanAm | pAshA~NkushavarAbhItirdhArayantIM shivAM bhaje || OM R^iShiruvAcha || 13\.1|| etatte kathitaM bhUpa devImAhAtmyamuttamam | evaM prabhAvA sA devI yayedaM dhAryate jagat || 13\.2|| vidyA tathaiva kriyate bhagavadviShNumAyayA | tayA tvameSha vaishyashcha tathaivAnye vivekinaH || 13\.3|| mohyante mohitAshchaiva mohameShyanti chApare | tAmupaihi mahArAja sharaNaM parameshvarIm || 13\.4|| ArAdhitA saiva nR^iNAM bhogasvargApavargadA || 13\.5|| mArkaNDeya uvAcha || 13\.6|| iti tasya vachaH shrutvA surathaH sa narAdhipaH || 13\.7|| praNipatya mahAbhAgaM tamR^iShiM saMshitavratam | nirviNNo.atimamatvena rAjyApaharaNena cha || 13\.8|| jagAma sadyastapase sa cha vaishyo mahAmune | sandarshanArthamambAyA nadIpulinamAsthitaH || 13\.9|| sa cha vaishyastapastepe devIsUktaM paraM japan | tau tasmin puline devyAH kR^itvA mUrtiM mahImayIm || 13\.10|| arhaNAM chakratustasyAH puShpadhUpAgnitarpaNaiH | nirAhArau yatAtmAnau tanmanaskau samAhitau || 13\.11|| dadatustau baliM chaiva nijagAtrAsR^igukShitam | evaM samArAdhayatostribhirvarShairyatAtmanoH || 13\.12|| parituShTA jagaddhAtrI pratyakShaM prAha chaNDikA || 13\.13|| devyuvAcha || 13\.14|| yatprArthyate tvayA bhUpa tvayA cha kulanandana | mattastatprApyatAM sarvaM parituShTA dadAmite || 13\.15|| mArkaNDeya uvAcha || 13\.16|| tato vavre nR^ipo rAjyamavibhraMshyanyajanmani | atraiva cha nijaM rAjyaM hatashatrubalaM balAt || 13\.17|| so.api vaishyastato j~nAnaM vavre nirviNNamAnasaH | mametyahamiti prAj~naH sa~NgavichyutikArakam || 13\.18|| devyuvAcha || 13\.19|| svalpairahobhirnR^ipate svaM rAjyaM prApsyate bhavAn || 13\.20|| hatvA ripUnaskhalitaM tava tatra bhaviShyati || 13\.21|| mR^itashcha bhUyaH samprApya janma devAdvivasvataH || 13\.22|| sAvarNiko manurnAma bhavAnbhuvi bhaviShyati || 13\.23|| vaishyavarya tvayA yashcha varo.asmatto.abhivA~nChitaH || 13\.24|| taM prayachChAmi saMsiddhyai tava j~nAnaM bhaviShyati || 13\.25|| mArkaNDeya uvAcha || 13\.26|| iti dattvA tayordevI yathAbhilaShitaM varam || 13\.27|| babhUvAntarhitA sadyo bhaktyA tAbhyAmabhiShTutA | evaM devyA varaM labdhvA surathaH kShatriyarShabhaH || 13\.28|| sUryAjjanma samAsAdya sAvarNirbhavitA manuH || 13\.29|| evaM devyA varaM labdhvA surathaH kShatriyarShabhaH | sUryAjjanma samAsAdya sAvarNirbhavitA manuH || klIM OM || || svasti shrImArkaNDeyapurANe sAvarNike manvantare devImAhAtmye surathavaishyayorvarapradAnaM nAma trayodasho.adhyAyaH || 13|| uvAcha 6, ardhashlokAH 11, shlokAH 12, evamAditaH || 700|| samastA uvAchamantrAH 57, ardhashlokAH 42, shlokAH 535, avadAnAni 66 || || shrIsaptashatIdevImAhAtmyaM samAptam || || OM tat sat OM || \section{|| atha aparAdhakShamApaNastotram ||} OM aparAdhashataM kR^itvA jagadambeti chochcharet | yAM gatiM samavApnoti na tAM brahmAdayaH surAH || 1|| sAparAdho.asmi sharaNaM prAptastvAM jagadambike | idAnImanukampyo.ahaM yathechChasi tathA kuru || 2|| aj~nAnAdvismR^iterbhrAntyA yannyUnamadhikaM kR^itam | tatsarvaM kShamyatAM devi prasIda parameshvari || 3|| kAmeshvari jaganmAtaH sachchidAnandavigrahe | gR^ihANArchAmimAM prItyA prasIda parameshvari || 4|| sarvarUpamayI devI sarvaM devImayaM jagat | ato.ahaM vishvarUpAM tvAM namAmi parameshvarIm || 5|| yadakSharaM paribhraShTaM mAtrAhIna~ncha yadbhavet | pUrNaM bhavatu tat sarvaM tvatprasAdAnmaheshvari || 6|| yadatra pAThe jagadambike mayA visargabindvakSharahInamIritam | tadastu sampUrNatamaM prasAdataH sa~Nkalpasiddhishcha sadaiva jAyatAm || 7|| yanmAtrAbindubindudvitayapadapadadvandvavarNAdihInaM bhaktyAbhaktyAnupUrvaM prasabhakR^itivashAt vyaktamavyaktamamba | mohAdaj~nAnato vA paThitamapaThitaM sAmprataM te stave.asmin tat sarvaM sA~NgamAstAM bhagavati varade tvatprasAdAt prasIda || 8|| prasIda bhagavatyamba prasIda bhaktavatsale | prasAdaM kuru me devi durge devi namo.astu te || 9|| || iti aparAdhakShamApaNastotraM samAptam || \section{|| atha devIsUktam ||} OM ahaM rudrebhirvasubhishcharAmyaha\- mAdityairuta vishvadevaiH | ahaM mitrAvaruNobhA bibharmyaha\- mindrAgnI ahamashvinobhA || 1|| ahaM somamAhanasaM bibharmyahaM tvaShTAramuta pUShaNaM bhagam | ahaM dadhAmi draviNaM haviShmate suprAvye yajamAnAya sunvate || 2|| ahaM rAShTrI sa~NgamanI vasUnAM chikituShI prathamA yaj~niyAnAm | tAM mA devA vyadadhuH purutrA bhUristhAtrAM bhUryAveshayantIm || 3|| mayA so annamatti yo vipashyati yaH prANiti ya IM shR^iNotyuktam | amantavo mAM ta upakShiyanti shrudhi shruta shraddhivaM te vadAmi || 4|| ahameva svayamidaM vadAmi juShTaM devebhiruta mAnuShebhiH | yaM kAmaye taM tamugraM kR^iNomi taM brahmANaM tamR^iShiM taM sumedhAm || 5|| ahaM rudrAya dhanurA tanomi brahmadviShe sharave hantavA u | ahaM janAya samadaM kR^iNomyahaM dyAvApR^ithivI A vivesha || 6|| ahaM suve pitaramasya mUrdhan mama yonirapsvantaH samudre | tato vi tiShThe bhuvanAnu vishvo\- tAmUM dyAM varShmaNopa spR^ishAmi || 7|| ahameva vAta iva pra vAmyA\- rabhamANA bhuvanAni vishvA | paro divA para enA pR^ithivyai\- tAvatI mahinA saM babhUva || 8|| || iti R^igvedoktaM devIsUktaM samAptam || || OM tat sat OM || ## Encoded by Smt. K. Shankaran and reencoded by Kirk Wortman kirkwort@hotmail.com Proofread by Sunder Hattangadi and Kirk Wortman kirkwort@hotmail.com \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}