% Text title            : Gayatri Lahari
% File name             : gAyatrI\_laharI.itx
% Category              : laharI, devii, gAyatrI, devI
% Location              : doc\_devii
% Author                : Traditional
% Transliterated by     : Sunder Hattangadi
% Proofread by          : Sunder Hattangadi
% Source                : Gayatri Mahavijnana -Pandit Rama Sharma Acharya,
% Latest update         : Mar. 14, 2014
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gayatri Lahari ..}##
\itxtitle{.. gAyatrI laharI ..}##\endtitles ##

amandAnandenAmaravaragR^ihe vAsa niratAM\-
naraM gAyantaM yA bhuvi bhavabhayAttrAyata iha |
sureshaiH sampUjyAM munigaNanutAM tAM sukhakarIM
namAmo gAyatrIM nikhilamanujAghaughashamanIm || 1||
avAmA saMyuktaM sakalamanujairjApyamabhito\-
hyapAyAtpAyAdbhUratha bhuvi bhuvaH svaH padamiti |
padaM tanme pAdAvavatu savitushchaiva jaghane\-
vareNyaM shroNiM me satatamavatAnnAbhimapi cha || 2||
padaM bhargo devasya mama hR^idayaM dhImahi tathA\-
galampAyAnnityaM dhiya iha padaM chaiva rasanAm |
tathA netre yo.avyAdalakamavatAnnaH padamiti\-
shirodeshaM pAyAnmama tu paritashchAntimapadam || 3||
aye divye devi tridashanivahairvanditapade
na shekustvAM stotuM bhagavati mahAnto.api munayaH |
katha.nkAraM tarhistutitatiriyaM me shubhatarA\-
tathA pUrNA bhUyAt truTipariyutA bhAvarahitA || 4||
bhajantaM nirvyAjaM tava sukhadamantraM vijayinaM
janaM yAvajjIvaM japati janani tvaM sukhayasi |
na vA kAmaM kAchit kaluShakaNikA.api spR^ishati taM
saMsAraM saMsAraM sarati sahasA tasya satatam || 5||
dadhAnAM hyAdhAnaM sitakuvalayAsphAlanaruchAM
svayaM vibhrAjantIM tribhuvanajanAhlAdanakarIm |
alaM chAlaM chAlaM mama chakitachittaM suchapalaM
chalachchandrAsye tvadvadanaruchamAchAmaya chiram || 6||
lalAme bhAle te bahutara vishAle.ati vimale
kalAcha~nchachchAndrI ruchiratilakAvendukalayA |
nitAntaM gomAyA niviDa tamaso nAsha vyasanA
tamo me gADhaM hi hR^idayasadanasthaM glapayatu || 7||
aye mAtaH kinte charaNa\-sharaNaM saMshrayavatAM\-
janAnAmantastho vR^ijina hutabhuk prajvalati yaH |
tadasyAshu samyak prashamanahitAyaiva vidhR^itaM\-
kare pAtraM puNyaM salilabharitaM kAShTharachitam || 8||
athAhosvinmAtaH saridadhipateH sAramakhilaM
sudhArUpaM kUpaM laghutaramanUpaM kalayati |
svabhaktebhyo nityaM vitarasi janoddhAriNi shubhe
vihIne dIne mayyapi kR^ipaya ki.nchit karuNayA || 9||
sadaiva tvatpANau vidhR^itamaravindaM dyutikaraM
tvidaM darshaM darshaM ravishashisamaM netrayugalam |
vichintya svAM vR^ittiM bhramaviShamajAle.asti patita\-
midaM manye nochet kathamiti bhavedardha\-vikacham || 10||
svayaM mAtaH kiMvA tvamasi jalajAnAmapi khani\-
ryataste sarvA~NgaM kamalamayamevAsti kimu no |
tathA bhItyA tasmAchCharaNamupayAtaH kamalarAT \-
prayu~njAno.ashrAntaM bhavati tadihaivAsanavidhau || 11||
divaukobhirvandye vikasita sarojAkShi sukhade
kR^ipAdR^iShTervR^iShTiH sunipatati yasyopari tava |
tadIyA vA~nChA kiM drutamanu vidheyAsti sakalA
atomantostantUn mama sapadi ChitvA.amba sukhaya || 12||
kare.akShANAM mAlA pravilasati yA te.ativimale
kimarthaM sA kAn vA gaNayasi janAn bhakti niratAn |
japantI kaM mantraM prashamayasi duHkhaM janijuShA
maye kA vA vA~nChA tava varivR^iti tvatra varade || 13||
na manye dhanye.ahaM tvavitathamidaM lokagaditaM
mamAtroktirmatvA kamalamiva phullaM tava karam |
vijR^imbhA saMyukta dyutimayamidaM kokanadami\-
tyaraM jAnAneyaM madhukaratatiH saMvilasati || 14||
mahAmohAmbhodhau mama nipatitA jIvanatari\-
rnirAlambA dolA chalita duravasthAmadhigatA |
jalAvarta vyAlo grasitumabhito vA~nChati cha tAM
karAlambaM datvA bhagavati drutaM tAraya shive || 15 |
dadhAnAsitvaM yat svavapuShi payodhAri\-yugala\-
miti shrutvA lokairmama manasi chintA samabhavat |
kathaM syAt sA tasmAdalaka latikA mastaka bhuvi
shirodyAM hR^idyeyaM jaladapaTalI khelati kila || 16||
tathA tatraivopasthitimapi nishIthinyadhipateH
prapashyAmi shyAme saha sahacharaistAraka gaNaiH |
ahorAtraH krIDA paravashamitAste.api chakitA\-
shchiraM chikrIDante tadapi mahadAshcharya\-charitam || 17||
yadAhustaM muktA paTala jaTitaM ratna mukuTaM
na dhatte teShAM sA vachanarachanA sAdhupadavIm |
nishaiShA keshAstu nahi vigata veshA dhruvamiti
prasannA.adhyAsannA vidhupariShadeShA vilasati || 18||
tribIje he devi tri praNavasahite tryakSharayute
trimAtrA rAjante bhuvanavibhave hyomitipade |
trikAlaM saMsevye triguNavati cha trisvaramayi
trilokeshaiH pUjye tribhuvanabhayAttrAhi satatatam || 19||
na chandro naiveme nabhasi vitatA tArakagaNAH
tviShAM rAshI ramyA tava charaNayorambunichaye |
patitvA kallolaiH saha parichayAdvistR^itimitA
prabhA saivA.anantA gaganamukure dIvyati sadA || 20||
tvameva brahmANI tvamasi kamalA tvaM nagasutA
trisandhyaM sevante charaNayugalaM ye tava janAH |
jagajjAle teShAM nipatita janAnAmiha shubhe
samuddhArArthaM kiM matimati matiste na bhavati || 21||
anekaiH pApaughairlulita vapuShaM shoka sahitaM
luThantaM dInaM mAM vimala padayo reNuShu tava |
galadbAShpaM shashvad janani sahasAshvAsanavacho
bruvANottiShTha tvaM amR^itakaNikAM pAsyasi kadA || 22||
na vA mAdR^ik pApI nahi tava samA pApaharaNI
na durbuddhirmAdR^ik na cha tava samA dhI vitariNI |
na mAdR^ig garviShTho nahi tava samA garvaharaNI
hR^idi smR^itvA hyevaM mAmayi kuru yathechChA tava yathA || 23||
darIdharti svAnte.akShara vara chaturviMshatimitaM
tvadantarmantraM yattvayi nihita cheto hi manujaH |
samantAd bhAsvantaM bhavati bhuvi sa~njIvanavanaM
bhavAmbhodheH pAraM vrajati sa nitAntaM sukhayutaH || 24||
bhagavati laharIyaM rudradeva praNItA
tava charaNa saroje sthApyate bhaktibhAvaiH |
kumatitimirapa~NkasyA~NkamagnaM sasha~NkaM
ayi khalu kuru datvA vItasha~NkaM svama~Nkam || 25||
|| iti shrI rudradeva virachita gAyatrI laharI samAptA ||
##


Encoded and proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}