% Text title            : Gayatri Panchangam
% File name             : gAyatrIpanchAngam.itx
% Category              : devii, gAyatrI, stavarAja
% Location              : doc\_devii
% Transliterated by     : Mandar Mali aryavrutta at gmail.com
% Proofread by          : Mandar Mali aryavrutta at gmail.com
% Description/comments  : Rudrayamalatantra, Gayatrirahasya
% Latest update         : April 5, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gayatri Panchangam ..}##
\itxtitle{.. tripadAgAyatrIpa~nchA~Ngam athavA tripadA gAyatrIstavarAjaH ..}##\endtitles ##
bhairava uvAcha \-
shR^iNu devi pravakShyAmi gAyatrItattvamuttamam |
stomaM mantramayaM nAma sarvatantreShu gopitam || 1||
a~Ngapa~nchA~NgamIshAni mahApAtakanAshanam |
puNyapradaM vedasAraM sarvatattvottamottamam || 2||
paramArthAbhikhyAtasya stotrasyAsti R^iShiH shivaH |
triShTup Chando mahAdevi tripadI devatA smR^itA || 3||
tAraM bIjaM shiraH shaktiH svargaM kIlakamIshvari |
dharmArthakAmamokShArthe viniyoga iti smR^itaH || 4||
viniyogaH \-
asya shrItripadAgAyatrIstavarAjasya shiva R^iShiH,
triShTup ChandaH, tripadAgAyatrIdevatA, OM bIjaM, shivaH shaktiH,
khaM gaM kIlakaM. mama dharmArthakAmamokShArthe pAThe viniyogaH ||
R^iShyAdinyAsaH \-
shivaR^iShaye namaH (shirasi), triShTapChandase namaH (mukhe),
tripadAgAyatrIdevatAyai namaH (hR^idaye), OM bIjAya namaH (guhye),
shivaHshaktaye namaH (pAdayoH), khaM gaM kIlakAya namaH (nAbhau),
viniyogAya namaH (sarvA~Nge) |
kara\-hR^idayAdinyAsa\-kramashaH \-
hrAM, hrIM, hrUM, hraiM, hrauM, hraH (ityAdibhiH) | 
dhyAnam\-
chaturbhujAmarkasahasrakoTibhAM
     trilochanAM hArakirITashobhitAm |
kapAlakhaTvA~NgadharAM mahojjvalAM
     (shrutI) shvarI pa~nchamukhIM bhajAmyaham || 1||
vividhamaNimayUravaiH sphItakeyUrahArAM
     pravarakanakakA~nchIki~NkiNIki~NkiNADhyAm |
sakalabhuvanarakShAsR^iShTisaMhArakartrIM
     nigamaparamavidyAmAshraye vedadhAtrIm || 2||
praNavaM manurAjamauliratnopari
     deveshvari vedasAgarotthAm |
prajaye hR^idaye dayaH samudraH satataM
     brahmavidIshvaro bhavedya ekaH || 3||
sha~NkA bhavechchaiva vihAya sha~NkA
     ka~NkAlamAlAbharaNo nishIthe |
kR^ishAnubhAnuprabhayA samAno
     vimAnachArI sa bhaveta samAnaH || 4||
nR^ibIjamantaH shivashaktirUpaM
     vibhorjapedyaH tripadIrahasyam |
sa kAmukaH kAmakalAvidagdho
     bhavettu rambhA~NgavilAsabhAgI || 5||
trikUTabIjaM tava mantramadhye
     japedbhavAni smarataptachetA |
sa mInakAmAMshcha nidAghamedho
     bhavedbhuvo bhUpabudho janendraH || 6||
smarajapedyaH paramArthapathyAM
     nirvANapathyAM tava pa~nchavaktre |
samastalokAdhipatiH pure.asau
     bhavetparAnugrahabhAjanaM saH || 7||
parAM japedyaH paramArthatathyAM
     nirvANarathyAM tava pa~nchavaktre |
sulochanAMlochanavIkShaNoru
     prabhAvapIyUSharasAkulAtmA || 8||
lakShmIM japedyaH paravargabhItaH
     shmashAnabhUmau shivaveShadhArI |
tasyai (\-va) vashyA kamalAkarasthA
     yA viShNupatnI kamalAkarasthA || 9||
vANI yadA kaNThajale japedyo
     dashAyutaM durdashayAbhibhUtaH |
sa vairivarga samare nihatya
     bhavedbhavAnItanayo divendraH || 10||
bhImAM japedyo varatAntakAle
     nitAntamambhojadalAsanasthaH |
sa bhImarUpo.arikulaM vihanyA\-
     dante labhetkAmapadaM tripAdyAH || 11||
mantra japedyaH shuchirarchanAyAM
     chaturbhuje havyabhujaH samakSham |
sa gANapatyaM pratipadya devyA
     stathA bhavedvishvanR^ipAdhinAthaH || 12||
gAyatrItyabhidhAkSharatrayamidaM vedArthatattvaM paraM
     yo dhyAyeddhR^idayAravindakuhare prAtarnishIthe.athavA |
chainAchAravichAramArganipuNo vedAntasAroddhR^itaM
     prodbhUtAgamatattvavittu tripadIdhAma svayaM yAsyati || 13||
ramA (suyogI) girigahvarAnte
     japedgirIshA~NkapateH samIpe |
sa yogigamyo gurugarvahArI
     girAM bhavedindrasamuchchitAghriH || 14||
mAyAM japedyaH smarayuktachetA
     jaTAkirITendukale tavAgre |
sa vaiShNavendau suranAthamauliH
     sphuranmaNijyotivirAjitA~NghriH || 15||
mA bIjamindusphuratordhvabIjaM
     japennishIthe shIrShAsanasthaH |
yo vIramAtaikaparaH sa sadyo
     bhaveddharAyAM nR^ipasArvabhaumaH || 16||
mAyAyugaM yaH prajapedratAdau
     (nArI\-) mukhAsaktamukho nishIthe |
sa lokapAlArchitapAdapadmo
     bhavedbhavAnte bhuvanAdhi nAthaH || 17||
vANI japedyo jaDabhAvayukto
     vedAntatattvaikaparo bhavechcha |
tasyAsyapadme vasatiM vidhAya
     nanartti vANI viduShAM sabhAyAm || 18||
yo vAyupUjyAM suratAvasAne
     japennishIthe shashikhaNDachUDe |
sa vAyupUjyo balavAn prayAti
     taddhAma satyaM tridivendratulyaH || 19||
kAntArNamantarjapate smarAnte
     yo vedamAtardivasAvasAne |
vashyo vashI tasya padAravinde
     sushrUShamANo bhavatA bhavanti || 20||
mantrAntarasthaM ThadvayaM japedyas
     tejorUpaM sAdhakasAdhakeshi |
tasyApyAsye bhAratI tasya haste
     lakShmIH kuryAdvAsa AkalpakAlam || 21||
bhUgehavR^ittasrayaShoDashAra
     nAnAstradikkoNayugAni vindau |
niSheduShIM shIdhurasAkulAkShI
     jyakShIM trivarNAM tripadAM bhajAmi || 22||
devi trailokyamAtarlaguDavarakare puShpamAlAvataMse
     nAnAratnaprabhADhye trinayanavilasatsUryachandrAgninetre |
pIThe vai pa~nchavaktre valayamaNivibhAbhAsure nUpurADhye
     shrImannIlotpalAbhe tribhuvanahR^idaye vedamAtaH prasIda || 23||
iti stotraM puNyaM paramamanumayatattvasahitaM
     paThedvA gAyatrIM nishi kujadine vApi satatam |
paThedvA.asau dAntaH (sakalamapi) shAstraM gamayati
     labhellakShmIM prAnte paramapadavImAtR^ikAmapi || 24||
etaddevIpa~nchA~NgaM sarva sAramanuttamam |
gAyatryAstattvamIshAni chaturvedarahasyakam || 26||
sarvasAramayaM siddhipradaM bhogApavargadam |
sarvatantreShu guptaM cha mahAdivyaM mahApadam || 27||
na dAtavyamabhaktAya kuchailAya durAtmane |
anyashiShyAya no deyaM dattvA nirayamApnuyAt || 28||
shiShyAya shuddhamanase gurubhaktAya pArvati |
dIkShitAya kulInAya deyaM sAdhakasattame || 29||
itIdaM devi gAyatryAstattvasArarahasyakam |
guhyaM gopyaM na dAtavyaM gopanIyaM prayatnataH || 30||

iti shrI rUdrayAmalatantre gAyatrIrahasye
paramArthadevatAtripadIgAyatrIpa~nchA~NgaM sampUrNam |

gAyatrI rahasya pa.nchA.ngaM
##
Encoded and proofread by Mandar Mali aryavrutta at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}