% Text title            : Gayatri Raja Upachara Manasa Puja
% File name             : gAyatrIrAjopachAramAnasapUjA.itx
% Category              : devii, gAyatrI, pUjA
% Location              : doc\_devii
% Transliterated by     : Mandar Mali aryavrutta at gmail.com
% Proofread by          : Mandar Mali aryavrutta at gmail.com
% Latest update         : April 5, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gyatri Raja Upachara Manasa Puja ..}##
\itxtitle{.. gAyatrIrAjopachAramAnasapUjA ..}##\endtitles ##
1\. dhyAnam \-
      muktAvidrumahemanIladhavalachChAyairmukhaistrIkShaNe \-
           ryuktAmindukalAniddhamukuTAM tattvArthavarNAtmikAm |
      gAyatrIM varadA.abhayA~NkushakashAM shubhraM kapAlaM gadA
           sha~NkhaM chakramathAravindayugalaM hastairvahantIM bhaje || 1||
2\. AvAhanam \-
      uShasi mAgadhama~NgalagAyanairjhaTiti jAgR^ihiM jAgR^ihi jAgR^ihi
      atikR^ipArdrakaTAkShanirIkShaNairjagadidaM sukhinaM kuru he.ambike ||
      OM aiM hI shrIM bhagavatyai gAyatryai AvAhanaM samarpayAmi namaH |
      OM kanakamayavitardishobhamAnaM
           dishi dishi pUrNasuvarNakumbhayuktam |
      maNimayashubhamaNDapaM tvamehi
           mayi kR^ipayeti samarchanaM grahItum || 2||
3\. Asanam \-
      kanakamayavitardisthApite tUlikADhye
           vividhakusumakIrNe koTibAlArkavarNe |
      bhagavati ramaNIye ratnasiMhAsane.asmin
           upavisha padayugmaM hemapIThe nidhehi || 3||
      OM aiM hrIM shrIM bhagavatyai hemapITha AsanaM samarpayAmi namaH ||
4\. pAdyam \-
      dUrvayA sarasijAnvitamAtaH kAntayA cha sahitaM kusumADhyam |
      padmayugmasadR^ishe padayugme pAdyametadurarIkuru mAtaH |
      OM aiM hrIM shrIM bhagavatyai gAyatryai pAdyapAtrAtpAdayoH
                pAdyaM samarpayAmi namaH || 4||
5\. arghyam \-
      gandhapuShpayavasarShapadUrvAsaMyutaM kushatilAkShatamitram |
      hemapAtranihitaM saharatnairarghyametadurarIkuru mAtaH |
      OM aiM hrIM shrIM bhagavatyai gAyatryai arghyapAtrAt
                hastayorarghyaM samarpayAmi namaH || 4||
6\. AchamanIyam \-
      jalajadayutinA kareNa jAtIphalaka~Nkolalava~NgagandhayuktaiH |
      amR^itairamR^itairivAshritaitadbhagavatyAchamanaM vidhIyatAm |
      OM ai hIM shrIM bhagavatyai gAyatryai AchamanIyapAtrAdAchamanIyaM
                samarpayAmi namaH || 6||
7\. madhuparkaH\-
      madhunihitaM kanakasya sampuTe pihitaM ratnapidhAnakena yat |
      tadidaM bhagavati kare.arpitaM te madhuparkaM janani pragR^ihyatAm |
      OM ai hrIM shrIM bhagavatyai gAyatryai madhuparkapAtrAt
                madhuparkaM samarpayAmi namaH || 7||
8\. AchamanIyam \-
      pAdyAnte parikalpitaM cha padayorarghyaM tathA hastayoH
      saudhIbhirmadhuparkamamba madhuraM dhArAbhirAsvAdayaH |
      toyenAchamanaM vidhehi shuchinA gA~Ngena yatkalpitaM
      sAShTA~NgaprANipAtayuktashishukaM dR^iShTyA kR^itArthIkuru |
      OM ai hrIM shrIM bhagavatyai gAyatryai AchamanIyapAtrAdidamAchamanIyaM
      samarpayAmi namaH || 8||
9\. snAnam \-
      ga~NgAsarasvatIrevApayoShNInarmadAjalaiH |
      snApitA.asi mayA devi prasIda parameshvari |
      OM ai hIM shrIM bhagavatyai gAyatryai nAnAnadInAM
                jalaiH snAnaM samarpayAmi namaH || 9||
10\. pa~nchAmR^itasnAnam \-
      payo dadhi ghR^itaM chaiva madhusharkarayA yutam |
      pa~nchAmR^itaM mayA.a.anItaM snAnArthaM pratigR^ihyatAm |
      OM ai hIM shrIM bhagavatyai gAyatryai pa~nchAmR^itasnAnaM
                samarpayAmi namaH || 10||
11\. payaH snAnam \-
      svadhenujAtaM balavIryavarddhanaM divyAmR^itAtyantarasapradaM shubham |
      shrI chaNDike dugdhasamudrasambhave gR^ihANa dugdhaM manasA samarpitam |
      OM ai hrIM shrIM bhagavatyai gAyatryai dugdhasnAnaM
                samarpayAmi namaH || 11||
12\. dadhisnAnam \-
      kShIrodbhavaM svAdu sudhAmayaM cha
                shrIchandrakAntisadR^ishaM sushobhanam |
      shrI chaNDike shumbhanishumbhanAshini
                snAnArthama~NgIkuru chArpitaM dadhi |
      OM aiM hrIM shrIM bhagavatyai gAyatryai dadhisnAnaM
                samarpayAmi namaH || 12||
13\. ghR^itasnAnam \-
      shrIkShIrajodbhUtamidaM manoj~naM pradIptavahnidayutipAvitaM cha |
      shrIchaNDike daityavinAshadakShe haiya~NgavInaM parigTahyatAM cha |
      OM aiM hrIM shrIM bhagavatyai gAyatryai ghR^itasnAnaM
                samarpayAmi namaH || 13||
14\. madhusnAnam \-
      mAdhuryamishraM madhumakShikAgaNairvR^ikShAliramye madhakAnane chitam |
      shrIchaNDike sha~NkaraprANavallabhe
                snAnArthama~NgIkuru te.arpitaM madhu |
      OM aiM hIM shrIM bhagavatyai gAyatryai madhusnAnaM
                samarpayAmi namaH || 14||
15\. sharkarAsnAnam \-
      pUrNekShukAmbhodhisamudbhavAmimAM mANikyamuktAphaladAnama~njulAm |
      shrIchaNDike chaNDavinAshakAriNi snAnArthama~NgIkuru sharkarAM shubhAm |
      OM aiM hrIM shrIM bhagavatyai gAyatryai sharkarAsnAnaM
                samarpayAmi namaH || 15||
16\. jalasnAnam \-
      OM tasmAdyaj~nAtsarvahutaH sambhR^itaM pR^iShadAjyam |
      pashUMstAMshchakre vAyavyAnAraNyA grAmyAshcha ye |
      OM aiM hrIM shrIM bhagavatyai gAyatryai jalasnAnaM
                samarpayAmi namaH || 16||
17\. ikShurasasnAnam \-
      OM aiM hrIM shrIM bhagavatyai gAyatryai ikShurasasnAnaM
                samarpayAmi namaH || 17||
18\. sugandhitailam \-
      etatvampakatailamamba vividhaiH puShpairmuhurvAsitaM
      nyastaM ratnamaye suvarNachaShake bhR^i~NgairdhamadbhirvR^itam ||
      sAnandaM shubhasundarIbhirabhito haste dhR^ite chinmaye
      kesheShu bhramaraprabheShu sakalasvA~NgeShu chAlipyatAm |
      OM aiM hrIM shrIM bhagavatyai gAyatryai sugandhitatailaM
                samarpayAmi namaH || 18||
19\. udvarttanasnAnam \-
      mAtaH ku~Nkumapa~NkanirmitamidaM dehe tavodvarttanaM
      bhaktyAhaM kalayAmi haimarajasA sammishritaM kesaraiH |
      keshAnAnAmalakairvishodhya vishadaM kastUrikAdyarchitaiH
      snAnaM te navaratnakumbhavidhinA saMvAsitoShNodakaiH |
      OM aiM hrIM shrIM bhagavatyai gAyatryai udvavarttanasnAnaM
                samarpayAmi namaH || 19||
20\. sugandhijalam \-
      eloshIrasuvAsitaiH sakusumairga~NgAditIrthodakaiH
      mANikyAdikamauktikAmR^itayutaiH svachChaiH suvarNodakaiH |
      mantrAn vaidikatAntrikAn paripaThan sAnandamatyAdaraM
      snAnaM te parikalpayAmi janani snehAttvama~NgIkuru |
      OM aiM hrIM shrIM bhagavatyai gAyatryai sugandhijalasnAnaM
                samarpayAmi namaH || 20||
21\. shuddhodakasnAnam \-
      udgandhairagurUdbhavaiH surabhiNA kastUrikAvAriNA
      sphUrjatsaurabhayakShakardamajalaiH kAshmIranIlairapi ||
      puShpAmbhobhirasheShatIrthasalilaiH karpUravAsobharaiH
      snAnaM te parikalpayAmi kamale bhaktyA tada~NgIkuru |
      OM aiM hrIM shrIM bhagavatyai gAyatryai shuddhodakasnAnaM
                samarpayAmi namaH || 21||
22\. vastram \-
      bAlArkadyuti dADimIyakusumaprasparddhi sarvottama
      mAtastvaM paridhehi divyavasanaM bhaktyA mayA kalpitam |
      muktAbhirgranthitaM cha ka~nchukamidaM svIkR^itya pItaprabhaM
      taptasvarNasamAnavarNamatulaM prAvArama~NgIkuru |
      OM aiM hIM shrIM bhagavatyai gAyatryai vastraM samarpayAmi namaH || 22||
23\. upavastram \-
      kausheyairgrathitaM divyaM nAnaratnayutaM varam |
      upavastraM mayA dattaM gR^ihANa parameshvari |
      OM aiM hrIM shrIM bhagavatyai gAyatryai upavastraM
                samarpayAmi namaH || 23||
24\. Achamanam \-
      bhUpAladikpAlakirITaratnamarIchiyogArchitapAdapIThaiH |
      devaiH samArAdhitapAdapadyaiH shrIchaNDike svAchamanaM gR^ihANa |
      OM aiM hrIM shrIM bhagavatyai gAyatryai AchamanaM
                samarpayAmi namaH || 24||
25\. pAduke \-
      navaratnayute mayArpite kamanIye tapanIyapAduke | \-
      savilAsamidaM padadvayaM kR^ipayA devi tayornidhIyatAm |
      OM aiM hrIM shrIM bhagavatyai gAyatryai ratnakhachitasvarNanirmite
                pAduke samarpayAmi namaH || 25||
26\. maNDapapravesham \-
      nAnAratnasamAkIrNaM maNistambhavirAjitam |
      maNDapaM pravisha tvaM he mAtaH shIghraM prasIda me |
      OM aiM hrIM shrIM bhagavati mAtaH maNDapaM pravisha te namaH || 26||
27\. siMhAsanArohaNam \-
      muktAvidrumanIlamarakatatamaNiprakhye shubhe.atyujjvale
      tigmAMshupravikAsihemarachite siMhaiH sadAla~NkR^ite |
      kausheyaiH susamAvR^ite.atimR^idule nAnopadhAnAvR^ite
      mAtastvaM padavIM nidhehi kR^ipayA divye.ati siMhAsane |
      aiM hrIM shrIM bhagavati gAyatri siMhAsanamadhiruhyatAM namaH || 27||
28\. keshapAshasaMskAraH\-
      bahubhiragurudhUpaiH sAdaraM dhUpayitvA
      bhagavati tava keshAn ka~NkatairmArjayitvA ||
      surabhi (kamalavR^indaiH) shchampakaishchArchayitvA
      jhaTiti kanakasUtrairjuTayan veShayAmi |
      OM aiM hrIM shrIM bhagavatyai gAyatryai keshapAshAn
                veShTituM prArthayAmi namaH || 28||
29\. sauvIrA~njanam \-
      sauvIrAjanamidamamba chakShuShoste
      vinyastaM kanakaMshalAkayA mayA yat |
      tannUnaM malinamapi tvadakShisa~NgAt
      brahmendrAdayabhilaShaNIyatAmiyAya |
      OM aiM hrIM shrIM bhagavatyai gAyatryai sauvIrA~njanaM
                samarpayAmi namaH || 29||
30\. ala~NkArANi \-
      ma~njIrAn padayornidhAya ruchirAn vinyasya kA~nchI kaTau
      muktAhArasurojayoranupamaM nakShatramAlAM gale |
      keyUrANi bhujeShu ratnavalayashreNIM kareShu kramAt
      tATa~Nke tava karNayorvinidadhe shIrShe cha chUDAmaNim ||
      dhammille tava devi hemakusamAnyAdhAya bhAlasthale
      muktArAjivirAji hematilakaM nAsApuTe maulikAm |
      mAtarmauktikajAlikAM cha kuchayoH sarvA~NgulIShUrmikAH
      kaTayAM kA~nchanaki~NkiNIM vinidadhe ratnAvataMsau shrutau |
      OM aiM hrIM shrIM bhagavatyai gAyatryai nAnAla~NkarANi
                samarpayAmi namaH || 30||
31\. gandham \-
      pratya~NgaM parimArjayAmi shuchinA vastreNa sa.nprokShitam |
      kurve keshakalApamAyatataraM ghUpottamairdhUpitam |
      kAshmIrairagurudravairmalayajaiH sa~NgharShya sampAditaM
      bhaktatrANapare (vishuddha\-) vimale shrIchandanaM gR^ihyatAm |
      OM aiM hrIM shrIM bhagavatyai gAyatryai gandhaM samarpayAmi namaH || 31||
32\. ku~Nkumam \-
      mAtarbhAlatale tavAtivimale kAshmIrakastUrikA\-
      .agurubhiH saMvalitaM karomi tilakaM dehe.a~NgarAgaM hi tat |
      vakShojAdiShu yakShakardamarasaM siktvA cha puShpAvR^itiM
      pAdau ku~NkumalepanAdibhirahaM sampUjayAmi kramAt |
      OM aiM hrIM shrIM bhagavatyai gAyatryai ku~NkumaM
                samarpayAmi namaH || 32||
33\. kajjalam \-
      chAmpeyakapUrrakachandanAdibhirnAnAvidhairgandhachayaiH suvAsitam |
      netrA~njanArthAya harinmaNiprabhaM shrIchaNDike svIkuru kajjalaM shubham |
      OM aiM hrIM shrIM bhagavatyai gAyatryai kajjalaM
                samarpayAmi namaH || 33||
34\. akShatAn \-
      ratnAkShataistvAM paripUjayAmi muktAphalairvA ruchirairaviddhaiH |
      akhaNDitairdevi yavAdibhirvA kAshmIrapa~NkA~NkitataNDulairvA |
      OM aiM hrIM shrIM bhagavatyai gAyatryai akShatAn samarpayAmi namaH || 34||
35\. attaram \-
      janani champatailamidaM puro mR^igamadaH paTavAsaka aiDakaH |
      vipulagandhamidaM cha chatuHsamaM sapadi sarvamidaM parigR^ihyatAm |
      OM aiM hrIM shrIM bhagavatyai gAyatryai parimalaM
                samarpayAmi namaH || 35||
36\. sindUram \-
      sImante te bhagavati mayA sAdaraM nyastametat
      sindUra te hR^idayakamale harShavarShaM tanotu |
      bAlAdityadayutiriva sadA lohitAyasyakAnti\-
      shchantardhvAntaM haratu sakalaM chetasA chintayAmi |
      OM aiM hrIM shrIM bhagavatyai gAyatryai sindUraM samarpayAmi namaH || 36||
37\. mukuTam \-
      OM aiM hrIM shrIM bhagavatyai gAyatryai navaratnajaTitasvarNamukuTaM
                samarpayAmi namaH || 37||
38\. puShpANi \-
      mandArakundakaravIralava~NgapuShpai\-
      stvAM devi santatamahaM paripUjayAmi |
      jAtIjapAbakulachampakaketakAdi\-
      nAnAvidhAni kusumAni cha te.arpayAmi |
      OM aiM hrIM shrIM bhagavatyai gAyatryai nAnAvidhAni puShpANi
                samarpayAmi namaH || 38||
39\. puShpamAlA \-
      puShpaughairdyotayadbhiH satataparichalatkAntikallolajAlaiH
      kurvANA majjadantaHkaraNavimalatAshobhiteyaM triveNI |
      muktAbhiH padmarAgairmarakatamaNibhirnimitA dIpyamAnaiH
      nityaM hAraM tvaM bhagavati kamale gR^ihyatAM kaNThamadhye || 39||
      OM aiM hrIM shrIM bhagavatyai gAyatryai puShpamAlAM
                samarpayAmi namaH || 39||
40\. shvetachUrNam \-
      mandAravallIkaravIrasambhavaM karparapATIrasuvAsitaM sitam |
      shrIshvetachUrNaM vidhinA samarpitaM prItyA tvama~NgIkuru mAtaradya |
      OM aiM hrIM shrIM bhagavatyai gAyatryai svetachUrNa
                samarpayAmi namaH || 40||
41\. raktachUrNam \-
      pratyUShabAlArkamayUkhasannibhaM jAtIphalailAguruNA suvAsitam |
      shrIraktachUrNaM manasA mayArpitaM prItyAM tvama~NgIkuru mAtaradya |
      OM aiM hrIM shrIM bhagavatyai gAyatryai raktachUrNa
                samarpayAmi namaH || 41||
42\. haridrA \-
      haridramotthAmatipItavarNA suvAsitAM chandanapArijAtaiH |
      ananyabhAvena samarpitaM te mAtarharidrAmurarIkurusva |
      OM aiM hrIM shrIM bhagavatyai gAyatryai haridrAM
                samarpayAmi namaH || 42||
43\. ku~Nkumam \-
      ku~NkumaM kAmanAdivyaM kAmanAkAmasambhavam |
      ku~NkumenArchitA devi prasIda parameshvari |
      OM aiM hrIM shrIM bhagavatyai gAyatryai ku~NkumaM
                samarpayAmi namaH || 43||
44\. abIragulalAm \-
      abIraM cha gulAlaM cha chovAchandanameva cha |
      abIreNArchitA devi R^itaM shAntiM prayachCha me |
      OM aiM hrIM shrIM bhagavatyai gAyatryai abIraM samarpayAmi namaH || 44||
45\. dhUpam \-
      lAkShArasamilitaiH sitAbhrasahitaiH shrIvAsasammishritaiH
      karpUrAkalitaiH sitAmadhuyutairgosarpiShA.a.aloDitaiH |
      shrIkhaNDAgurugugguluprabhR^itibhirnAnAvidhairvastubhi\-
      rdhUpaM te parikalpayAmi janani tadbhUpama~NgIkuru |
      OM aiM hrIM shrIM bhagavatyai gAyatryai dhUpamAghrApayAmi namaH || 45||
46\. dIpam \-
      ratnAla~NkR^itahemapAtranihitairgosarpiShA dIpitai\-
      rdIpairdIrghatarAndhakArabhidurairvAlArkakoTiprabhaiH |
      AtAmrajvaladujjvaladgaganavadratnapradIpaiH sadA
      mAtastvAmahamAdarAdanudinaM nIrA~njayAmyujjvalaiH |
      OM hrIM shrIM bhagavatyai gAyatryai dIpaM darshayAmi namaH || 46||
47\. naivedyam \-
      mAtastvAM daghidugdhapAyasamahAshAlyannasantAlikA
      sUpApUpasitAghR^itaiH savaTakaiH sakShaudrarambhAphalaiH |
      elAjIrakahi~NgunAgaranishAkaustumbaraiH saMskR^itaiH
      shAkaiH shAkayutaiH sudhAdisarasaiH santarpayAmyarpitaiH ||
      sAsUpasUpadadhidugdhasitAghR^itAni
      susvAdubhakShyaparamAnnapuraHsarANi ||
      shAkIllasanamarichajIrakatvallikAni
      bhakShyANi bhakSha jagadamba mayArpitAni |
      OM aiM hrIM shrIM bhagavatyai gAyatryainAnAvidhaparipakva\-
                sumadhurapakvaphalayukta naivedyaM nivedayAmi namaH || 47||
48\. AchamanIyam \-
      ga~NgottarIvegasamudbhavena sushItalenApi manohareNa |
      tatpadmapatrAkShi mayA.arpitena shA~NkhodakenAchamanaM kurusva |
      OM aiM hrIM shrIM bhagavatyai gAyatryai naivedyAntAchamanIyaM jalaM
                samarpayAmi namaH || 48||
49\. pUrvAmadhurapAnam \-
      kShIrametadidamuttamottamaM prAjyamAjyamidamujjvalaM madhu |
      pAnametadamR^itopamaM tvayA sambhrameNa pariNIyatAM muhuH |
      OM aiM hrIM shrIM bhagavatyai gAyatryai naivedyAntAchamanIyaM jalaM
                samarpayAmi namaH || 49||
50\. jalam \-
      atishItamushIravAsitaM tapanIyopavane niveditam |
      paTapUtamidaM jitAmR^itaM shuchi ga~NgAmR^itameva pIyatAm |
      OM aiM hrIM shrIM bhagavatyai gAyatryai jalaM samarpayAmi namaH || 50||
51\. uttarAchamanIyam \-
      nIhArahAraM vanasArasAraM prakalpitAnekasugandhibhAram |
      shItAmbu jAmbunadapAtravartti pItvA hi vishveshvari pIyatAM punaH |
      OM aiM hrIM shrIM bhagavatyai gAyatryai uttarAchamanIyaM
                samarpayAmi namaH || 51||
52\. karodvartanam \-
      uShNodakaiH pANiyugaM mukhaM cha prakShAlya mAtaH kaladhautapAtre |
      karpUramishreNa saku~Nkumena hastau samudvarttaya chandanena |
      OM aiM hrIM shrIM bhagavatyai gAyatryai karodvarttanaM gandhaM
                samarpayAmi namaH || 52||
53\. tAmbUlam \-
      karpUreNa yutaiH lava~NgasahitaiH ka~NkolachUrNAnvitaiH
      susvAdukramukaiH sagaurakhadiraiH susnigdhajAtIphalaiH |
      mAtaH ketakapatrakenduruchibhistAmbUlavallIdalaiH
      sAnandaM mukhamaNDanIyamatulaM tAmbUlama~NgIkuru |
      OM aiM hrIM shrIM bhagavatyai gAyatryai tAmbUlaM
                samarpayAmi namaH || 53||
54\. dakShiNA \-
      atha vahumaNimishrairmauktikaistvAM vikIrya
      tribhuvanakamanIye pUjayitvA cha vastraiH |
      militavividhayuktaidivyalAvaNyayuktAM
      janani kanakavR^iShTiM dakShiNAM te.arpayAmi |
      OM aiM hrIM shrIM bhagavatyai gAyatryai dakShiNAM
                samarpayAmi namaH || 54||
55\. ArArttikyam \-
      OM karpUragauraM karuNAvatAraM saMsArasAra bhujagendrahAram |
      sadA vasantaM hR^idayAravinde bhavaM bhavAnIsahitaM namAmi ||
      OM idaM haviH prajananaM me.astu dashavIraM sarvagaNaM svastaye |
      Atmasani prajAsani pashusani lokasanyabhayasani |
      agni prajAM bahulAM me.akarotu annaM payo reto.asmAsu dhatta |
      OM aiM hrIM shrIM bhagavatyai gAyatryai ArArtikyaM
                samarpayAmi namaH || 55||
56\. pradakShiNA \-
      pade pade yA paripUjakebhyaH sadyo.ashvamedhAdiphalaM dadAti |
      tAM sarvapApakShayahetubhUtAM pradAkShiNAM te paritaH karomi |
      OM aiM hIM shrIM bhagavatyA gAyatryAH pradAkShiNAM karomi namaH || 56||
57\. mantrapuShpA~njaliH \-
      OM yaj~nena yaj~namayajanta devAstAni dharmANi prathamAnyAsan |
      te ha nAkaM mahimAnaH sachanta yatra pUrve sAdhyAH santi devAH |
      OM aiM hrIM shrIM bhagavatyai gAyatryai mantrapuShpA~njaliM
                samarpayAmi namaH || 57||
58\. prArthanA \-
      OM shrIshcha te lakShmIshcha patnyAvahorAtre pArshve
      nakShatrANi rUpamashvinau vyAttam |
      iShNanniShANAmumma iShANa sarvalokamma iShANa ||
      OM vishvatashchakShuruta vishvato mukho vishvato bAhuruta vishvataspAt |
      sambAhubhyAM dhamati sampatatrairdyAvAbhUmI janayan deva ekaH |
      OM aiM hrIM shrIM bhagavatI gAyatryIM prArthayAmi namaH || 58||
59\. visheShArghyam \-
      kali~NgakoshAtakasaMyutAni jambIranAra~NgasamanvitAni |
      sunArikelAni sadADimAni phalAni te devi samarpayAmi |
      OM aiM hrIM shrIM bhagavatyai gAyatryai visheShArghyaM
                samarpayAmi namaH || 59||
60\. Chatram \-
      mAtaH kA~nchanadaNDamaNDitamidaM pUrNenduvimbaprabhaM
      nAnAratnavishodhi hematilakaM lokatrayAhlAdakam |
      bhAsvanmauktikajAlikAparivR^itaM prItyAtmahaste dhR^itaM
      ChatraM te parikalpayAmi janani tvaShTrA svayaM nirmitam |
      OM aiM hrIM shrIM bhagavatyai gAyatryai ChatraM samarpayAmi namaH || 60||
61\. chAmaram \-
      sharadindumarIchigauravarNaiH mANikyamuktAvilasatsudaNDaiH |
      jagadamba vichitra chAmaraistvAmahamAnandabhareNa vIjayAmi |
      aiM hrIM shrIM bhagavatIM gAyatrIM chAmareNa vIjayAmi namaH || 61||
62\. AdarshaH\-
      mArtaNDamaNDalanibho jagadamba yo.ayaM
      bhaktyA mayA maNimayo mukuro.arpitaste |
      pUrNendubimbaruchiraM vadanaM svakIya\-
      masmin vilokaya vilolavilochanena |
      OM aiM hrIM shrIM bhagavatIM gAyatrIM darpaNaM darshayAmi namaH || 62||
63\. astram \-
      OM aiM hrIM shrIM bhagavatyai gAyatryai sudarshanAdyastraM
                samarpayAmi namaH || 63||
64\. shastram \-
      OM aiM hrIM shrIM bhagavatyai gAyatryai gadAshakhampAshAdi shastraM
                samarpayAmi namaH || 64||
65\. vAhanam \-
      OM aiM hrIM shrIM bhagavatyai gAyatryai haMsasiMhagaruDAdi vAhanaM
                samarpayAmi namaH || 65||
66\. sainyam \-
      OM aiM hrIM shrIM bhagavatyai gAyatryai sainyaM samarpayAmi namaH ||
67\. nR^ityam \-
      bhramavilolitakuntalavR^indakA galitamAlyavikIrNasubhUmayaH |
      jhaTiti jha~NkR^itibhirjagadambike mR^iduravA hR^idayaM sukhayantu te |
      OM aiM hrIM shrIM bhagavatyai gAyatryai nR^ityaM
                samarpayAmi namaH || 67||
68\. praNAmaH \-
      OM aiM hrIM shrIM bhagavatI gAyatrI sAShTA~Nga praNamAmi |
      
iti rAjopachAramAnasapUjA samAptA |
samApti chAgAdiyaM gAyatrIupAsanApaddhatiH |
OM shAntiH ! shAntiH !! shAntiH !!!

gAyatrI rAja upachAra mAnasa pUjA upAsanA paddhati
##
Encoded and proofread by Mandar Mali aryavrutta at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}