% Text title            : gAyatrIstotram 2
% File name             : gAyatrIstotram2.itx
% Category              : devii, gAyatrI, devI
% Location              : doc\_devii
% Author                : Traditional
% Transliterated by     : Nat Natarajan nat.natarajan at gmail.com
% Proofread by          : Nat Natarajan nat.natarajan at gmail.com, NA
% Description-comments  : From Brihatstotraratnakara with 408 stotras
% Latest update         : August 28, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. gAyatrIstotram 2 ..}##
\itxtitle{.. gAyatrIstotram 2 ..}##\endtitles ##
nArada uvAcha |
bhaktAnukampin sarvaj~na hR^idayaM pApanAshanam |
gAyatryA kathitaM tasmAdgAyatryAH stotramIraya || 1||
shrInArAyaNa uvAcha |
Adishakte jaganmAtarbhaktAnugrahakAriNi |
sarvatra vyApike.anante shrIsandhye te namo.astu te || 2||
tvameva sandhyA gAyatrI sAvitrI cha sarasvatI |
brAhmI cha vaiShNavI raudrI raktA shvetA sitetarA || 3||
prAtarbAlA cha madhyAhne yauvanasthA bhavetpunaH |
vR^iddhA sAyaM bhagavatI chintyate munibhiH sadA || 4||
haMsasthA garuDArUDhA tathA vR^iShabhavAhinI ||
R^igvedAdhyAyinI bhUmau dR^ishyate yA tapasvibhiH || 5||
yajurvedaM paThantI cha antarikShe virAjate |
sA sAmagApi sarveShu bhrAmyamANA tathA bhuvi || 6||
rudralokaM gatA tvaM hi viShNulokanivAsinI |
tvameva brahmaNo loke.amartyAnugrahakAriNI || 7||
saptarShiprItijananI mAyA bahuvarapradA |
shivayoH karanetrotthA hyashrusvedasamudbhavA || 8||
AnandajananI durgA dashadhA paripaThyate |
vareNyA varadA chaiva variShThA varavarNinI || 9||
gariShThA cha varAhA cha varArohA cha saptamI |
nIlaga~NgA tathA sandhyA sarvadA bhogamokShadA || 10||
bhAgIrathI matyarloke pAtAle bhogavatyayi |
trilokavAhinI devI sthAnatrayanivAsinI || 11||
bhUrlokasthA tvamevAsi dharitrI lokadhAriNI |
bhuvo loke vAyushaktiH svarloke tejasAM nidhiH || 12||
maharloke mahAsiddhirjanaloke.ajanetyapi |
tapasvinI tapoloke satyaloke tu satyavAk || 13||
kamalA viShNuloke cha gAyatrI brahmalokadA |
rudraloke sthitA gaurI harArdhAMganivAsinI || 14||
ahamo mahatashchaiva prakR^itistvaM hi gIyase |
sAmyAvasthAtmikA tvaM hi shabalabrahmarUpiNI || 15||
tataH parA parAshaktiH paramA tvaM hi gIyase |
ichChAshaktiH kriyAshaktirj~nAnashaktistrishaktidA || 16||
ga~NgA cha yamunA chaiva vipAshA cha sarasvatI |
sharayurdevikA sindhurnarmadairAvatI tathA || 17||
godAvarI shatadrushcha kAverI devalokagA |
kaushikA chandrabhAgA cha vitastA cha sarasvatI || 18||
gaNDakI tapinI toyA gomatI vetravatyapi |
iDA cha pi~NgalA chaiva suShumnA cha tR^itIyakA || 19||
gAndhArI hastajihvA cha pUShA.apUShA tathaiva cha |
alambuShA kuhUshchaiva sha~NkhinI prANavAhinI || 20||
nADI cha tvaM sharIrasthA gIyase prAktanairbudhaiH |
hR^itpadmasthA prANashaktiH kaNThasthA svapnanAyikA || 21||
tAlusthA tvaM sadAdhArA bindusthA bindumAlinI ||
mUle tu kuNDalIshaktivyApinI keshamUlagA || 22||
shikhAmadhyAsanA tvaM hi shikhAgre tu manonmanI |
kimanyadbahunoktena yatki~nchijjagatItraye || 23||
tatsarvaM tvaM mahAdevi shriye sandhye namo.astute |
itIdaM kIrtidaM stotraM sandhyAyAM bahupuNyadam || 24||
mahApApaprashamanaM mahAsiddhividhAyakam |
ya idaM kIrtayet stotraM sandhyAkAle samAhitaH || 25||
aputraH prApnuyAtputraM dhanArthI dhanamApnuyAt |
sarvatIrthatapodAnayaj~nayogaphalaM labhet || 26||
bhogAnbhuktvA chiraM kAlamante mokShamavApnuyAt |
tapasvibhiH kR^itaM stotraM snAnakAle tu yaH paThet || 27||
yatra kutra jale magnaH sandhyAmajjanajaM phalam |
labhate nAtra sandehaH satyaM satyaM cha nArada || 28||
shR^iNuyAdyo.api tadbhaktyA sa tu pApAtpramuchyate |
pIyUShasadR^ishaM vAkyaM sandhyoktaM nAraderitam || 29||

iti shrImaddevIbhAgavate mahApurANe.aShTAdashasAhasryAM saMhitAyAM
dvAdashaskandhe shrIgAyatrIstotravarNanaM nAma pa~nchamo.adhyAyaH || 5||

##
Proofread by Nat Natarajan, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}