% Text title            : Ganeshakritam Shri Radha Stotram
% File name             : gaNeshakRRitaMshrIrAdhAstotram09.itx
% Category              : devii, devI, brahmavaivartapurANa, stotra, rAdhA
% Location              : doc\_devii
% Proofread by          : PSA Easwaran
% Description/comments  : brahmavaivartapurANa | shrIkRRiShNajanma, uttarabhAga | adhyAya 124/3-20||
% Latest update         : March 29, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ganeshakritam Shri Radha Stotram ..}##
\itxtitle{.. gaNeshakR^itaM shrIrAdhAstotram 9 ..}##\endtitles ##
gaNesha uvAcha |
tava pUjA jaganmAtarlokashikShAkarI shubhe |
brahmasvarUpA bhavatI kR^iShNavakShaHsthalasthitA || 3||
yatpAdapadmamatulaM dhyAyante te sudurlabham |
surA brahmeshasheShAdyA munIndrAH sanakAdayaH || 4||
jIvanmuktAshcha bhaktAshcha siddhendrAH kapilAdayaH |
tasya prANAdhidevI tvaM priyA prANAdhikA parA || 5||
vAmA~NganirmitA rAdhA dakShiNA~Ngashcha mAdhavaH |
mahAlakShmIrjaganmAtA tava vAmA~NganirmitA || 6||
vasoH sarvanivAsasya prasUstvaM parameshvarI |
vedAnAM jagatAmeva mUlprakR^itirIshvarI || 7||
sarvAH prAkR^itikA mAtaH sR^iShTyAM cha tvadvibhUtayaH |
vishvAni kAryarUpANi tvaM cha kAraNarUpiNI || 8||
pralaye brahmaNaH pAte tannimeSho harerapi |
Adau rAdhAM samuchchArya pashchAtkR^iShNaM parAtparam || 9||
sa eva paNDito yogI golokaM yAti lIlayA |
vyatikrame mahApApI brahmahatyAM labheddhruvam || 10||
jagatAM bhavatI mAtA paramAtmA pitA hariH |
pitureva gururmAtA pUjyA vandyA parAtparA || 11||
bhajate devamanyaM vA kR^iShNaM vA sarvakAraNam |
puNyakShetre mahAmUDho yadi nindati rAdhikAm || 12||
vaMshahAnirbhavettasya duHkhashokamihaiva cha |
pachyate niraye ghore yAvachchandradivAkarau || 13||
gurushcha j~nAnodgiraNAjj~nAnaM syAnmantratantrayoH |
sa cha mantrashcha tattantraM bhaktiH syAddhruvayoryataH || 14||
niShevya mantraM devAnAM jIvA janmani janmani |
bhaktA bhavanti durgAyAH pAdapadme sudurlabhe || 15||
niShevya mantre shambhoshcha jagatAM kAraNasya cha |
tadA prApnoti yuvayoH pAdapadmaM sudurlabham || 16||
yuvayoH pAdapadmaM cha durlabhaM prApya puNyavAn |
kShaNArdhaM ShoDashAMshaM cha nahi mu~nchati daivataH || 17||
bhaktyA cha yuvayormantraM gR^ihItvA vaiShNavAdapi |
stavaM vA kavachaM vA.api karmamUlanikR^intanam || 18||
yojayetparayA bhaktyA puNyakShetre cha bhArate |
puruShANAM sahasraM cha tvAtmanA sArdhamuddharet || 19||
gurumabhyarchya vidhivadvastrAla~NkArachandanaiH |
kavachaM dhArayedyo hi viShNutulyo bhaveddhruvam || 20||

iti brahmavaivartapurANe shrIkR^iShNajanmakhaNDe pUrvabhAge
chaturviMshAdhikashatatamAdhyAyAntargataM gaNeshakR^itaM
shrIrAdhAstotraM samAptam |

brahmavaivartapurANa | shrIkR^iShNajanma, uttarabhAga | adhyAya 124/3\-20||
##
brahmavaivartapurANa . shrIkRRiShNajanma, uttarabhAga . adhyAya 124/3-20..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}