% Text title : gAyatrI kavacham 1 % File name : gaayatriikavach.itx % Category : kavacha, devii, gAyatrI % Location : doc\_devii % Author : Traditional % Proofread by : Ravin Bhalekar ravibhalekar at hotmail.com, PSA Easwaran % Description-comments : vasiShTha saMhitA % Latest update : August 17, 2004, April 7, 2017 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Gayatri Kavacham 1 ..}## \itxtitle{.. shrIgAyatrIkavacham 1 ..}##\endtitles ## shrIgaNeshAya namaH | yAj~navalkya uvAcha | svAmin sarvajagannAtha saMshayo.asti mahAnmama | chatuHShaShThikalAnaM cha pAtakAnAM cha tadvada || 1|| muchyate kena puNyena brahmarUpaM kathaM bhavet | dehaM cha devatArUpaM mantrarUpaM visheShataH || 2|| kramataH shrotumichChAmi kavachaM vidhipUrvakam | brahmovAcha | gAyatryAH kavachasyAsya brahmA viShNuH shivo R^iShiH || 3|| R^igyajuHsAmAtharvANi ChandAMsi parikIrtitAH | parabrahmasvarUpA sA gAyatrI devatA smR^itA || 4|| rakShAhInaM tu yatsthAnaM kavachena vinA kR^itam | sarvaM sarvatra saMrakShetsarvA~NgaM bhuvaneshvarI || 5|| bIjaM bhargashcha yuktishcha dhiyaH kIlakameva cha | puruShArthaviniyogo yo nashcha parikIrttitaH || 6|| R^iShiM mUrdhni nyasetpUrvaM mukhe Chanda udIritam | devatAM hR^idi vinyasya guhye bIjaM niyojayet || 7|| shaktiM vinyasya padayornAbhau tu kIlakaM nyaset | dvAtriMshattu mahAvidyAH sA~NkhyAyanasagotrajAH || 8|| dvAdashalakShasaMyuktA viniyogAH pR^ithakpR^ithak | evaM nyAsavidhiM kR^itvA karA~NgaM vidhipUrvakam || 9|| vyAhR^ititrayamuchchArya hyanulomavilomataH | chaturakSharasaMyuktaM karA~NganyAsamAcharet || 10|| AvAhanAdibhedaM cha dasha mudrAH pradarshayet | sA pAtu varadA devI a~Ngapratya~Ngasa~Ngame || 11|| dhyAnaM mudrAM namaskAraM gurumantraM tathaiva cha | saMyogamAtmasiddhiM cha ShaDvidhaM kiM vichArayet || 12|| asya shrIgAyatrIkavachasya brahmaviShNurudrA R^iShayaH\, R^igyajuHsAmAdharvANi ChandAMsi\, parabrahmasvarUpiNI gAyatrI devatA\, bhUrbIjaM\, bhuvaH shaktiH\, svAhA kIlakaM\, shrIgAyatrIprItyarthe jape viniyogaH || OM bhUrbhuvaH svaH tatsavituriti hR^idayAya namaH | OM bhUrbhuvaH svaH vareNyamiti shirase svAhA | OM bhUrbhuvaH svaH bhargo devasyeti shikhAyai vaShaT | OM bhUrbhuvaH svaH dhImahIti kavachAya hum | OM bhUrbhuvaH svaH dhiyo yo naH iti netratrayAya vauShaT | OM bhUrbhuvaH svaH prachodayAditi astrAya phaT || varNAstrAM kuNDikAhastAM shuddhanirmalajyotiShImm | sarvatattvamayIM vande gAyatrIM vedamAtaram || 13|| atha dhyAnam | muktA vidrumahemanIladhavalachChAyairmukhaistrIkShaNai\- ryuktAmindunibaddharatnamukuTAM tattvArthavarNAtmikAm | gAyatrIM varadAbhayA~NkushakashAM shUlaM kapAlaM guNaM sha~NkhaM chakramathAravindayugalaM hastairvahantIM bhaje || 14|| OM gAyatrI pUrvataH pAtu sAvitrI pAtu dakShiNe | brahmavidyA cha me pashchAduttare mAM sarasvatI || 15|| pAvakI me dishaM rakShetpAvakojjvalashAlinI | yAtudhAnIM dishaM rakShedyAtudhAnagaNArdinI || 16|| pAvamAnIM dishaM rakShetpavamAnavilAsinI | dishaM raudrImavatu me rudrANI rudrarUpiNI || 17|| UrdhvaM brahmANI me rakShedadhastAdvaiShNavI tathA | evaM dasha disho rakShet sarvato bhuvaneshvarI || 18|| brahmAstrasmaraNAdeva vAchAM siddhiH prajAyate | brahmadaNDashcha me pAtu sarvashastrAstrabhakShakraH || 19|| brahmashIrShastathA pAtu shatrUNAM vadhakArakaH | sapta vyAhR^itayaH pAntu sarvadA bindusaMyutAH || 20|| vedamAtA cha mAM pAtu sarahasyA sadaivatA | devIsUktaM sadA pAtu sahasrAkSharadevatA || 21|| chatuHShaShTikalA vidyA divyAdyA pAtu devatA | bIjashaktishcha me pAtu pAtu vikramadevatA || 22|| tatpadaM pAtu me pAdau ja~Nghe me savituHpadam | vareNyaM kaTideshaM tu nAbhiM bhargastathaiva cha || 53|| devasya me tu hR^idayaM dhImahIti galaM tathA | dhiyo me pAtu jihvAyAM yaHpadaM pAtu lochane || 24|| lalATe naH padaM pAtu mUrdhAnaM me prachodayAt | tadvarNaH pAtu mUrdhAnaM sakAraH pAtu bhAlakam || 25|| chakShuShI me vikArastu shrotraM rakShettu kArakaH | nAsApuTervakAro me rekArastu kapolayoH || 26|| NikArastvadharoShThe cha yakArastUrdhva oShThake | Atyamadhye bhakArastu gokArastu kapolayoH || 27|| dekAraH kaNThadeshe cha vakAraH skandhadeshayoH | syakAro dakShiNaM hastaM dhIkAro vAmahastakam || 28|| makAro hR^idayaM rakSheddhikAro jaTharaM tathA | dhikAro nAbhideshaM tu yokArastu kaTidvayam || 29|| guhyaM rakShatu yokAra UrU me naH padAkSharam | prakAro jAnunI rakShechchokAro ja~NghadeshayoH || 30|| dakAro gulbhadeshaM tu yAtkAraH pAdayugmakam | jAtavedeti gAyatrI tryambaketi dashAkSharA || 31|| sarvataH sarvadA pAtu ApojyotIti ShoDashI | idaM tu kavachaM divyaM bAdhAshatavinAshakam || 32|| chatuHShaShThikalAvidyAsakalaishvaryasiddhidam | japArambhe cha hR^idayaM japAnte kavachaM paThet || 33|| strIgobrAhmaNamitrAdidrohAdyakhilapAtakaiH | muchyate sarvapApebhyaH paraM brahmAdhigachChati || 34|| puShpA~njaliM cha gAyatryA mUlenaiva paThetsakR^it | shatasAhasravarShANAM pUjAyAH phalamApnuyAt || 35|| bhUrjapatre likhitvaitat svakaNThe dhArayedyadi | shikhAyAM dakShiNe bAhau kaNThe vA dhArayedbudhaH || 36|| trailokyaM kShobhayetsarvaM trailokyaM dahati kShaNAt | putravAn dhanavAn shrImAnnAnAvidyAnidhirbhavet || 37|| brahmAstrAdIni sarvANi tada~NgasparshanAttataH | bhavanti tasya tuchChani kimanyatkathayAmi te || 38|| abhimantritagAyatrIkavachaM mAnasaM paThet | tajjalaM pibato nityaM purashcharyAphalaM bhavet || 39|| laghusAmAnyakaM mantraM\, mahAmantraM tathaiva cha | yo vetti dhAraNAM yu~njan\, jIvanmuktaH sa uchyate || 40|| saptAvyAhR^itiviprendra saptAvasthAH prakIrtitAH | saptajIvashatA nityaM vyAhR^itI agnirUpiNI || 41|| praNave nityayuktasya vyAhR^itIShu cha saptasu | sarveShAmeva pApAnAM sa~Nkare samupasthite || 42|| shataM sahasramabhyarchya gAyatrI pAvanaM mahat | dashashatamaShTottarashataM gAyatrI pAvanaM mahat || 43|| bhaktiyukto bhavedvipraH sandhyAkarma samAcharet | kAle kAle prakartavyaM siddhirbhavati nAnyathA || 44| praNavaM pUrvamuddhR^itya bhUrbhuvasvastathaiva cha | turyaM sahaiva gayatrIjapa evamudAhR^itam || 45|| turIyapAdamutsR^ijya gAyatrIM cha japeddvijaH | sa mUDho narakaM yAti kAlasUtramadhogatiH || 46|| mantrAdau jananaM proktaM matrAnte mR^itasUtrakam | ubhayordoShanirmuktaM gAyatrI saphalA bhavet || 47|| matrAdau pAshabIjaM cha mantrAnte kushabIjakam | mantramadhye tu yA mAyA gAyatrI saphalA bhavet || 48|| vAchikastvahameva syAdupAMshu shatamuchyate | sahasraM mAnasaM proktaM trividhaM japalakShaNam || 49|| akShamAlAM cha mudrAM cha gurorapi na darshayet | japaM chAkShasvarUbheNAnAmikAmadhyaparvaNi || 50|| anAmA madhyayA hInA kaniShThAdikrameNa tu | tarjanImUlaparyantaM gAyatrIjapalakShaNam || 51|| parvabhistu japedevamanyatra niyamaH smR^itaH | gAyatrI vedamUlatvAdvedaH parvasu gIyate || 52|| dashabhirjanmajanitaM shatenaiva purA kR^itam | triyugaM tu sahasrANi gAyatrI hanti kilbiSham || 53|| prAtaHkAleyu kartavyaM siddhiM vipro ya ichChati | nAdAlaye samAdhishcha sandhyAyAM samupAsate || 54|| a~NgulyagreNa yajjaptaM yajjaptaM merula~Nghane | asa~NkhyayA cha yajjaptaM tajjaptaM niShphalaM bhavet || 55|| vinA vastraM prakurvIta gAyatrI niShphalA bhavet | vastrapuchChaM na jAnAti vR^ithA tasya parishramaH || 56|| gAyatrIM tu parityajya anyamantramupAsate | siddhAnnaM cha parityajya bhikShAmaTati durmatiH || 57|| R^iShishChando devatAkhyA bIjaM shaktishcha kIlakam | niyogaM na cha jAnAti gAyatrI niShphalA bhavet || 58|| varNamudrAdhyAnapadamAvAhanavisarjanam | dIpaM chakraM na jAnAti gAyatrI niShaphalA bhavet || 59|| shaktirnyAsastathA sthAnaM mantrasambodhanaM param | trividhaM yo na jAnAti gAyatrI tasya niShphalA || 60|| pa~nchopachArakAMshchaiva homadravyaM tathaiva cha | pa~nchA~NgaM cha vinA nityaM gAyatrI niShphalA bhavet || 61|| mantrasiddhirbhavejjAtu vishvAmitreNa bhAShim | vyAso vAchaspatirjIvastutA devI tapaHsmR^itau || 62|| sahasrajaptA sA devI hyupapAtakanAshinI | lakShajApye tathA tachcha mahApAtakanAshinI | koTijApyena rAjendra yadichChati tadApnuyAt || 63|| na deyaM parashiShyebhyo hyabhaktebhyo visheShataH | shiShyebhyo bhaktiyuktebhyo hyanyathA mR^ityumApnuyAt || 64|| iti shrImadvasiShThasaMhitoktaM gayatrIkavachaM sampUrNam || ## Proofread by Ravin Bhalekar ravibhalekar at hotmail.com and PSA Easwaran psaeaswaran at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}