% Text title            : Gangakavacha 2 Sarvarthasadhanabhidham
% File name             : gangAkavacham2.itx
% Category              : devii, nadI, kavacha, devI
% Location              : doc\_devii
% Transliterated by     : Anil Kumar Pandey anil.kumar17pandey at gmail.com, Shree Devi Kumar
% Proofread by          : Anil Kumar Pandey, Shree Devi Kumar
% Description-comments  : Rudrayamala Tantra
% Latest update         : October 26, 2019
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gangakavacham ..}##
\itxtitle{.. ga~NgAkavacham ..}##\endtitles ##
vipra uvAcha\-
kavachaM te pravakShyAmaH pArvatyai yachChivo.abravIta |
yasya sandhAraNAnmartyaH sAkShAdvaishravaNo bhavet || 1||
tadyathA\-
OM kailAsashikhare ramye sukhAsInaM surArchitam |
girishaM girijA natvA stotrairvedArthagarbhitaiH || 2||
praNamya parayA bhaktyA tato.apR^ichChat kR^itA~njaliH |
shrImahAdevyuvAcha\-
mahAdeva surAdhyakSha karuNAsAgara prabho ||
bhavadbhiH shatasAhasrakoTivAraM nivAritA |
mahyaM kiM kiM na dattaM te tadidAnIM vadAmyaham || 3||
gANapaM shAktasUraM cha shaivaM vaiShNavamuttamam |
mantrayantrAdijAlaM hi mahyaM sAmAnyatastvayA || 4||
dattaM visheShato yadyattatsarvaM kathayAmi te |
shrIrAmatArako mantraH kodaNDasyApi me priyaH || 5||
nR^ihareH shyAmarAjo hi kAlikAdyAH priyaMvada |
dashavidyA visheSheNa ShoDashI mantranAyikA || 6||
dakShiNAmUrtisa.nj~no.anyo mantrarAjo dhanAdhipaH |
sahasrArjunakasyApi mantrA ye.anye hanUmataH || 7||
kiM bahUktena girisha premayantritachetasA |
ardhA~Ngamiti mahyante dattaM kiM te vadAmyaham || 8||
api pR^ichChAmi kavachaM shrIga~NgAyA anuttamam |
me manastadvinA shrIman na tuShyati tato vada || 9||
rahasyaM rakShaNakaraM sarvasampatkaraM param |
shrIparamashiva uvAcha\-
satyaM satyaM varArohe sarvaM dattaM mayA tava || 10||
parantu girije tubhyaM kathyate shR^iNu sAmpratam |
kalau pAkhaNDabahulA nAnAveshadharA narAH || 11||
j~nAnalabdhA hInakAmA varNAshramabahiShkR^itAH |
vaiShNavatvena vikhyAtAH shaivatvena varAnane || 12||
shAktatvena cha deveshi sauratvenetare janAH |
gANapatyena girije shAstraj~nAnavivarjitAH || 13||
gurutvena samAkhyAtA vichariShyanti bhUtale |
te shiShyasa~NgrahaM kartumudhuktA yatra kutrachit || 14||
mantrAdhuchchAraNe teShAM nAsti sAmarthyamambike |
tachChiShyANAM cha girije tathApi jagatItale || 15||
paThanti pAThayiShyanti vipradveShaparAH sadA |
vipradveSharatAnAM hi narake patanaM dhruvam || 16||
shR^iNu devi pravakShyAmi rahasyAtirahasyakam |
ga~NgAyAH kavachaM divyaM gopanIyaM tvayA sadA || 17||
na kasyApi pravaktavyaM vaktavyaM svAtmikAya tat |
pradarshayati sarvA~Nga bharturvai strIjano yathA || 18||
tasmAttvayA na vaktavyaM kavachaM lokasundari |
ga~NgAyAH kavachasyAsya vedavyAso R^iShiH smR^itaH || 19||
Chando.atijagatI proktaM devatA tu saritsmR^itA |
dharmArthakAmamokSheShu viniyogaH prakIrtitaH || 20||
praNavo me shiraH pAtu namaH pAtu lalATake |
bhagavati me dR^ishau pAhi karNI hyambe tatombike || 21||
ambAlike mahAmAlini pAhi nAsApuTadvaye |
kapolau me sadA pAhyeohi bhagavatyatha || 22||
mukhaM meM satataM rakShet dravarUpA shuchiprabhA |
asheShatIrthAlavAle hanumeva sadA.avatu || 23||
jihvAmUle cha jihvAgre hrauM shrI bIjau sadA.avatAm |
shivajaTAdhirUDha़e cha ga~Nge choShThadvaye.avatu || 24||
dantapatrau cha kaNThe cha pAtu ga~NgAmbike dviThaH |
skandhau me OM namaH pAtu shivAyai karayormama || 25||
nArAyaNyai cha pArshvau me pAyAtpApaharA sadA |
svAnte dashaharAyai me ga~NgAyai chodare.avatu || 26||
stanau svAhA sadA pAtu devIrbhihAvatoShitA ||
OM namo bhagavati pAhi kukShiM me sarvadA sukham || 27||
aiM bIjaM madhyadeshe cha bIjavidyA sadA.avatu |
hiliH pR^iShThaM sadA pAtu pAtu nAbhiM hilirmama || 28||
milimilIti padadvandvaM kaTiM saDikthanIdvayam |
ga~Nge mAM pAvayedavyAdguhye jAnudvaye mama || 29||
ja~Nghe svAhA sadA pAtu girinetrAkSharI sadA |
saptArNasahitA vidyA pAdau pAtu nakhAkSharI || 30||
OM hili\-hili\-mili\-mili ga~Nge devinamobhR^isham |
mUrdhAdipAdaparyantaM pAtu pa~nchadashAkSharI || 31||
tArA mAyA ramA hArdai prAchyAM rakShatu me sadA ||
AgneyAM mAM bhagavatI pAtu me chakrasaMsthitA || 32||
dakShiNe gA~Ngadayite nairR^ityAM varmapUrvavat |
pratIchyAmastrato rakShedripubhAranikR^intanI || 33||
vAgbhavaM pAtu vAyavyAM mAyA rakShatu chottare |
IshAnyAM kamalA rakShet kAmabIjaM nabho.avatu || 34||
adhastAtpavano rakShetsarvatra sarvamantrarAT |
maNikarNibhagI brahmA hR^idayaM dhruvasaMyutA || 35||
viShamindudhukaH pUrvaM mantrashrImaNikarNikA |
sarvatra me sadA pAtu bAhyAbhyantarabhedataH || 36||
iti te kathitaM devi sArAt sArataraM param |
sarvArthasAdhanaM nAma kavachaM paramAdbhutam || 36||
asyApi paThanAtsadyaH kubero.api dhaneshvaraH |
indrAdyAHsakalA devA dhAraNAtpaThanAdyataH || 37||
sarvasiddhIshvarAH santaH sarvaishvaryamavApnuyuH |
puShpA~njalyaShTakaM datvA mUlenaiva paThetsakR^it || 38||
saMvatsarakR^itAyAstu pUjAyAH phalamApnayAta |
prItimanyonyataH kR^itvA kamalA nishchalA gR^ihe || 39||
vANIyaM nivasedvakre satyaM satyaM na saMshayaH |
yo dhArayati puNyAtmA sarvArthasAdhanAbhidham || 40||
kavachaM paramaM puNyaM so.api puNyavatAM varaH |
sarvaishvaryayuto bhUtvA trailokyavijayI bhavet || 41||
puruSho dakShiNe bAhau nArI vAmabhuje tathA ||
bahuputrayuto bhUyAdvandhyApi labhate sutam || 42||
brahmAstrAdIni shastrANi naiva kR^intanti nAshanam |
gopanIyaM gopanIyaM gopanIyaM prayatnataH || 43||

iti shrIrudrayAmale pArvatIshvarasambAde sarvArthasAdhanAbhidhaM
shrIga~NgAkavachavaM sampUrNam |
##
Encoded and proofread by Anil Kumar Pandey anil.kumar17pandey at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}