% Text title            : Gangamahatmyam 2
% File name             : gangAmAhAtmyam2.itx
% Category              : devii, devI, nadI, skandapurANa, mAhAtmya
% Location              : doc\_devii
% Proofread by          : PSA Easwaran
% Description/comments  : skandapurANa | kAshIkhaNDa | pUrvakhaNDa | adhyAya 27/57-84||
% Latest update         : June 9, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gangamahatmyam 2 ..}##
\itxtitle{.. ga~NgAmAhAtmyam 2 ..}##\endtitles ##
siddhayaH siddhili~NgAni sparshali~NgAnyanekashaH |
prAsAdA ratnarachitAshchintAmaNigaNA api || 57||
ga~NgAjalAntastiShThanti kalikalmaShabhItitaH |
ataeva hi saMsevyA kalau ga~NgeShTasiddhidA || 58||
sUryodaye tamAMsIva vajrapAtabhayAnnagAH |
tArkShyekShaNAdyathAsarpA meghA vAtAhatA iva || 59||
tattvaj~nAnAdyathA mohaH siMhaM dR^iShTvA yathA mR^igAH |
tathA sarvANi pApAni yAnti ga~NgekShaNAtkShayam || 1\.27\.60||
divyauShadhairyathA rogA lobhena cha yathA guNAH |
yathA grIShmoShmasampattiragAdhahradamajjanAt || 61||
tUlashailaH sphuli~Ngena yathA nashyati tatkShaNAt |
tathA doShAH praNashyanti ga~NgAmbhaHsparshanAddhruvam || 62||
krodhena cha tapo yadvatkAmena cha yathA matiH |
anayena yathA lakShmIrvidyA mAnena vai yathA || 63||
dambhakauTilyamAyAbhiryathA dharmo vinashyati |
tathA nashyanti pApAni ga~NgAyA darshanena tu || 64||
mAnuShyaM durlabhaM prApya vidyutsampAtacha~nchalam |
ga~NgAM yaH sevate sotra buddheH pAraM paraM gataH || 65||
vidhUtapApA ye martyAH paraM jyotiHsvarUpiNIm |
sahasrasUryapratimAM ga~NgAM pashyanti te bhuvi || 66||
sAdhAraNAmbhasA pUrNAM sAdhAraNanadImiva |
pashyanti nAstikA ga~NgAM pApopahatalochanAH || 67||
saMsAramochakashchAhaM janAnAmanukampayA |
ga~NgAtara~NgarUpeNa sopAnaM nirmame divaH || 68||
sarva eva shubhaH kAlaH sarvo deshastathA shubhaH |
sarvo jano dAnapAtraM shrImatI jAhnavI taTe || 69||
yathAshvamedho yaj~nAnAM nagAnAM himavAnyathA |
vratAnAM cha yathA satyaM dAnAnAmabhayaM yathA || 1\.27\.70||
prANAyAmashcha tapasAM mantrANAM praNavo yathA |
dharmANAmapyahiMsA cha kAmyAnAM shrIryathA varA || 71||
yathA.a.atmavidyA vidyAnAM strINAM gaurI yathottamA |
sarvardavegaNAnAM cha yathA tvaM puruShottama || 72||
sarvaShAmeva pAtrANAM shivabhakto yathA varaH |
tathA sarveShu tIrtheShu ga~NgAtIrthaM vishiShyate || 73||
hare yashchAvayorbhedaM na karoti mahAmatiH |
shivabhaktaH sa vij~neyo mahApAshupatashcha saH || 74||
pApapAMsumahAvAtyA pApadrumakuThArikA |
pApendhanadavAgnishcha ga~NgeyaM puNyavAhinI || 75||
nAnArUpAshcha pitaro gAthA gAyanti sarvadA |
api kashchitkule.asmAkaM ga~NgAsnAyI bhaviShyati || 76||
devarShInparisantarpya dInAnAthAMshcha duHkhitAn |
shraddhayA vidhinA snAtvA dAsyate salilA~njalim || 77||
api naH sa kule bhUyAchChive viShNau cha sAmyadR^ik |
tadAlayakaro bhaktyA tasya sammArjanAdikR^it || 78||
akAmo vA sakAmo vA tiryagyonigato.api vA |
ga~NgAyAM yo mR^ito martyo narakaM sa na pashyati || 79||
tIrthamanyatprashaMsanti ga~NgAtIre sthitAshcha ye |
ga~NgAM na bahu manyante te syurnirayagAminaH || 1\.27\.80||
mAM cha tvAM chaiva yo dveShTi ga~NgAM cha puruShAdhamaH |
svakIyaiH puruShaiH sArdhaM sa ghoraM narakaM vrajet || 81||
ShaShTirgaNasahasrANi ga~NgAM rakShanti sarvadA |
abhaktAnAM cha pApAnAM vAse vighnaM prakurvate || 82||
kAmakrodhamahAmohalobhAdi nishitaiH sharaiH |
ghnanti teShAM manastatra sthitiM chApanayanti cha || 83||
ga~NgAM samAshrayedyastu sa muniH sa cha paNDitaH |
kR^itakR^ityaH sa vij~neyaH puruShArthachatuShTaye || 84||
ga~NgAyAM cha sakR^itsnAto hayamedhaphalaM labhet |
tarpayaMshcha pitR^IMstatra tArayennarakArNavAt || 85||

iti shrIskAdapurANe kAshIkhaNDe pUrvArddhe saptaviMshAdhyAyAntargataM
         ga~NgAmAhAtmyastotraM samAptam |

skandapurANa | kAshIkhaNDa | pUrvakhaNDa | adhyAya 27/57\-84||
##
skandapurANa . kAshIkhaNDa . pUrvakhaNDa . adhyAya 27/57-84..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}