% Text title            : Gangamritastotram
% File name             : gangAmRRitastotram.itx
% Category              : devii, devI, nadI
% Location              : doc\_devii
% Author                : Ramachandra Sharma Balaji
% Transliterated by     : Anil Kumar Pandey anil.kumar17pandey at gmail.com
% Proofread by          : Anil Kumar Pandey anil.kumar17pandey at gmail.com
% Description/comments  : Ganga Jnana Mahodadhi compiled by Acharya Ramapada Chakravarty
% Latest update         : December 7, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gangamritastotram ..}##
\itxtitle{.. ga~NgAmR^itastotram ..}##\endtitles ## 
shrIgaNeshAya namaH |
shrIrAmachandrasharmabAlAjIvirachitaM
gu~njanmamilindapu~njavilasatkumbhadvayAmbhoruha
     dvandvasyandimarandabindunivahaM bhAle vishAle mudA |
shuktyai vAmalayAntayendukalayA bibhradbhavAnIbhava
     stanvan bhavyamayaM bhayaM vikalayatravyAdabhavyAtsa naH || 1||
lolatkallolamAlAkulabakulakulollAsikUlAnukUlo
     nmIlanmallImatallIvihitavihR^itayashcha~ncharIkA jayanti |
svachChAyAchChAditA~NgAnamarapuramahomattamAta~NgavArA |
     nArAdArohayantaH kimuta shivajalaigauriga~Nge ! stutiste || 2||
AlokAlokalokA viShayaviShadharAsArasaMsAragarta
     prAvartaprojjhitAshAstvaduNanutivashAdamba! sAlambyamIyuH |
dR^iShTvaitatspaShTama~Nke dadhadapi girijAM kevalaM kAmaga~njAM
     mAtarga~Nge ! varA~Nge ! vahati pashupatistvAM parAnandakandAm || 3||
bhargaH svargApavargashrayaNachaNaguNAntvAM dadhAno viraktaH
     kR^ittikShveDAhituNDAnyavahadavahitaH kAmadAhe cha dehe |
gehe mAheshvaraM he suradhuni ! charitaM vIkShya viShNuM  vilAsaiH
     paitre jaitre vasantI vashayati kamalA mlAnamAnetijAne || 4||
prAtamartaryadAntarbhavati katipayaM kAlamAlolachetA
     bhUtAdhIshAdilekhAvalimilitakale tvajjale jantureShaH |
kaH sheShaH ko visheShaH suravaravibhave kA sudhAMshoshcha shobhA
     rambhAsambhogabhAjAM muhuriti vadatAM sevyatAmeti kAmam || 5||
chitraM yachChambhushailAyitashirasi samuddhartumandhAn dharAyAM
     dhArAM vArAmapArAM dharashikharanibhAmAdadhau brahmalokAt |
tatkAle.akAlakolAhalabahalamilanmohamAlinyalInaiH
     shAlInaidevi ! daivairanuditamuditaM j~nAnamaj~nasya sadyaH || 6||
brahmANDastambhadaNDaH kimu yamaniyame kAladaNDaH prachaNDaH
     kimvA bhUmanthadaNDaH kimu patati divaH svadhunIvAridaNDaH |
kimvA.a.akAshaH subhANDaH kimiha himagiriH prauDhapiNDaH kimitthaM
     tarutprekShyamANA divi bhuvi cha janairjAhnavI janyamavyAt || 7||
kupyadgaurIkaTAkShAruNakiraNagaNairbhAti yA shoNashobhA
     shambhUtkShiptebhakR^ittipratiphalitatalairyA.atulA shyAmalA cha |
ki~nchoda~nchachCharachchandritakaranikarAkIrNamuktAchChaguchCha
     chChAyAsachChAyachAruH svayamiyamaparA rAtu vANIstriveNI || 8||
mAtarmAta~Ngasa~NgochChaladamalajalasnAtanArIstanAgra
     srastashrIkhaNDasa~NgoddhR^itadharaviharadUripATIravR^ikShe |
vakShye kiM bindubhakShe tava phalamakhile kShemamatrAkulekSho.a
     hIsho.adhIsho.api nesho bhavati hi gadituM pAramambhomahimnaH || 9||
pAdAyodapradhArAkR^itiramitachitiryA purA.abhUnmurAreH
     prAdurbhUtA purArerapi shirasi jaTAjUTakUTe.asti saiva |
pAdAgrAdAshikhAgrAdapi hariharayorekarUpaikarUpyaM
     jalpantI jahukanyA jagati vijayate jIvajIvAtureShA || 10||
niryAtAM tvAM padAgrAt suradhuni ! paramAM chitkalAM vIkShya jAtaH
     shyAmaH shete rameshaH paramadhijaladhi prAptukAmaH punaryAm |
bhagoM jAgarti labdhA vidhirapi vidadhe vishvamAshvAsayantI
     mAyAntImatra jAne jagati janijuShAmaihikAmuShmikAya || 11||
aparNA.a.akIrNomapi prabalaphaNiphUtkAravikalo.a
     nalodIrNajvAlAvalimalinahAlAhalagalaH |
sthitaH shailaprasthe suradhuni ! tavaivaiSha mahimA
     yataH so.ayaM sthANuH phalati phalamAnandamatulam || 12||
sAdhusa~NgAdidaM ga~NgAmR^itaM yena mukhe dhR^itam |
tasya ga~NgApade sa~NgAt mano.ana~NgAribhR^id bhavet || 13||

iti shrIrajApyAnvayotpatradhurandharopanAmakatrImadAtmArAmasUrisUnunA
bAlAjItyaparaprasiddhAbhidhAnena rAmachandrasharmaNA kAshAnthena kR^itaM
ga~NgAmR^itastotraM sampUrNam |

##
Encoded and proofread by Anil Kumar Pandey anil.kumar17pandey at gmail.com 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}