% Text title : Ganga Mahima Ganga Yatra Vidhi % File name : gangAmahimAgangAyAtrAvidhi.itx % Category : devii, nadI, devI % Location : doc\_devii % Proofread by : Ruma Dewan % Description/comments : Brihaddharmapurana madhyakhaNDaH | adhyAyaH 55 \- gaNgAdharmmaH, gaNgAjnAnam % Latest update : March 19, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Ganga Mahima or Ganga Yatra Vidhi ..}## \itxtitle{.. ga~NgA mahimA athavA ga~NgAyAtrA vidhi ..}##\endtitles ## ga~NgAyAtrAM charenmartyo mana utkaNThate yadA | snAtvA devAnR^iShIMshchaiva pitR^IMshchaiva yamarchchayet || 1|| pidhAya vAsasI shukle prANAyAmaM samAcharet | maithunaM kalahaM hiMsAM varjayedgA~NgayAtrayA || 2|| vAsashcha malinaM naiva gR^ihNIyAdgA~NgayAtrikaH | guruM gaNeshaM viShNu~ncha shivaM durgAM sarasvatIm || 3|| gobrAhmaNasatIshchaiva praNamedgA~NgayAtrikaH | guravaH pitaro devA dikpAlAshcha grahAstathA || 4|| R^iShayashchAraNAH siddhAH gandharvAH kinnarAstathA | sarvA devyashcha devAnAM praNamyante mayAdhunA || 5|| ga~NgAsnAnArthachAtrAyA bhavantu mama sAdhakAH | ityevaM mantramuchchAryya ga~NgAyAtrAM samAcharet || 6|| ga~Nge devi lokamAtarvighnotsAriNi te namaH | tvaddarshanAya sadyAtrAM karomyatrAnumodaya || 7|| ityevaM mantramuchchAryya ga~NgAyAtrAM samAcharet | vilva~ncha tulasI~nchaiva praNamya bhaktisaMyutaH || 8|| vilvapatramupAghnAya ga~NgAyAtrAM samAcharet | shayane bhojane dAne pathi rAtrau divA tathA || 9|| ga~NgA ga~Ngeti saMsmR^itya kAlaM saMyApayennaraH | ga~NgAyAtrAM samAsAdya pathi chenmriyate janaH || 10|| ga~NgAmR^ityuphalaM tasya bhavatyeva na saMshayaH | ga~NgAyA darshane devA Acharanti virodhanam || 11|| yenAsAvavagAhyainAM nAsmAbhiH samatAmiyAt | kR^itaga~NgArthayAtrasya sharIre pApasa~nchayAH || 12|| bhavanti vikalAH sarve tamAMsIva kShapAtyaye | te pi vighnAnAcharanti yenAsau naiva gachChatu || 13|| ga~NgAyA vAyusaMsargaM prApya pApairvimuchyate | tadA virodhaM vai devA Acharantyasya gachChataH || 14|| ga~NgAvAyostu saMsarge paThetstavamimaM naraH | sarvadeveshvaro yena parituShyati keshavaH || 15|| sve mahimni sthitaM devamaprameyamajaM vimum | shokamohavinirmuktaM dhyAye viShNuM sanAtanam || 16|| AsanAdyairasaMspR^iShTaM sevitaM yogibhiH sadA | nirguNaM sarvagaM shAntaM dhyAye viShNuM sanAtanam || 17|| sarvadoShavinirmuktaM suprabhAvaM sunirmalam | niShkalaM shAshvataM devaM dhyAye viShNuM sanAtanam || 18|| atulaM sukhadharmANAM vyomadehaM sanAtanam | dharmAdharmasamAyuktaM dhyAye viShNuM sanAtanam || 19|| kSharAkSharavinirmuktaM janmamR^ityuvivarjanam | abhayaM satyasa~NkalpaM dhyAye viShNuM sanAtanam | amR^itaM sAdhanaM sAdhyaM yaM pashyanti manIShiNaH || 20|| j~neyAkhyaM paramAtmAnaM dhyAye viShNuM sanAtanam | vyAsAdyairR^iShibhiH sarvairdhyAnayogaparAyaNaiH || 21|| archchitaM bhAvakusumairdhyAye viShNuM sanAtanam | viShNvaShTakamidaM puNyaM yogInAM harShadAyakam || 22|| yaH paThetparayA bhaktyA sa viShNutulyatAmiyAt | viShNutulyastadA bhUtvA ga~NgAM pashyedananyathA || 23|| dR^iShTvA ga~NgAM mahApuNyAM praNameddaNDavanmudA | ga~Nge devi jaganmAtaH shivashIrShakR^itAlaye || 24|| janmaitatsaphalamme.astu bhavatIM praNamAmyaham | etena khalu mantreNa hyaShTA~NgaiH praNamechChivAm || 25|| smR^itAsi ga~Nge dR^iShTAsi spR^ishAmi tvAM maheshvarIm | viShNudehadravAkAre prasIda jagadambike || 26|| etena khalu mantreNa spR^isheddevIM sanAtanIm | tato dvivAsAH snAyAchcha iShTadevapriyArthakaH || 27|| majjanti ye.asminkila dehabhAjo na te nimajjanti punarbhavAbdhau | so.ayaM purastAtpayasAM prabhAvo ga~Ngeti yaM gAyati vedavargaH || 28|| AvAhana~ncha tIrthAnAM nApekShyaM jAhnavIjale | niHsa~Nkalpo.apiyaH snAyAtsa cha pApairvimuchyate || 29|| devarShipitR^ilokAnAM tarpaNaM vidhitashcharet | sampUjayediShTadevaM chintAntaraparA~NmukhaH || 30|| ga~NgAtIre vasenmartyastrirAtramapi nAnyathA | yaM kShaNaM tatra vasati sa eva sArthakaH kShaNaH || 31|| gamane prArthayeddevIM punardarshanakAmyayA | mAtrA pitrA duhitrA vA bhAryyAputradhanAdibhiH || 32|| tyaktasya na tathA duHkhaM yathA ga~NgAviyogajam | naiva sa syAtkShaNo brahmanyatra ga~NgA na vidyate || 33|| na gamyate cha desho.asau yatra ga~NgA na vidyate | ekapAdasthito yastu tapatyayutavatsarAn || 34|| daNDamAtrantu ga~NgAyAM vasetsa tu vishiShyate | evantu daNDasa~NkhyAbhirmAsapakShAdivAsataH || 35|| phalaM datte bhagavatI ga~NgAvAsijanAya vai | yAnkAlAnsvardhUnItIre vasenmartyaH samAhitaH || 36|| tAvadevAsya pitaro devAshcha paritoShitAH | tAvattu brahmacharyyeNa kAlaM saMyApayedvija || 37|| tAvadeva parasyAnnaM na bhu~njIta kadAchana | tairdatta~ncha na gR^ihNIyAtparanindAM na chAcharet || 38|| ga~NgAtIrasthito yastu paranindAM samAcharet | sarvabhUtamayo viShNustasmai kruddhe.at parA~NmukhaH || 39|| ga~NgAsnAnArthamAgatya yo gR^ihNAti gR^ihIjanaH | taNDulaM vA suvarNaM vA vastrAdiM vA kadAchana || 40|| na tasya phalasiddhiH syAtsamyagga~NgA prayojanam | sa pa~NguH sa sadA kANaH sa eva pAparAshimAn || 41|| yo ga~NgAnikaTaM prApya ga~NgAsnAnamupekShate | sAyaM prAtashcha madhyAhne draShTavyA tIravAsibhiH || 42|| ga~NgAtIrAdgato dUraM na snAtvA yastu jAhnavIm | brahmahayAdibhiH pApaistatkShaNAt sa pralipyate || 43|| ga~NgAsnAnarataM martyaM ga~NgAtIranivAsinam | pUjayitvA yathAnyAyamashvamedhaphalaM labhet || 44|| aga~NgadeshavAsI yo bhagnarAgo dvijarShabha | na ga~NgAmAshrayeddevIM paraH sa vidhiva~nchitaH || 45|| grAmajanapadAH shailA AshramAH shuchayo hite | yeShAM bhAgIrathI ga~NgA madhye yAti saridvarA || 46|| mAnuShyaM durlabhaM prApya vidyutsampAtacha~nchalam | ga~NgAM yaH sevate so.atra buddheH pAraM paraM gataH || 47|| kR^itapuNyA mahAtmAno devalokaprapUjitAH | sahasrasUryyapratimAM ga~NgAM pashyanti te bhuvi || 48|| sAdhAraNajalApUrNAM sAdhAraNanadImiva | pashyanti nAstikA ga~NgAM pApopahatalochanAH || 49|| aga~NgavAsaM santyajya yo ga~NgAvAsamAvrajet | sa hi buddhimatAM shreShTho devairapi sudurlabhaH || 50|| paitR^ikI vasatiryasya ga~NgAtIre dvijarShabha | manuShyacharmmaNA naddhaH sa shivo nAtra saMshayaH || 51|| ga~NgAtIranivAsAya kanyAM datte tu yaH shubhAm | pratyahaM pitarastasya gayAshrAddhasya bhoginaH || 52|| ga~NgAtIranivAsAya yo bhUmiM pradadAti vai | svargarAjyaM sa bhu~Nkte vai yAvadindrAshchaturddasha || 53|| kR^itAparAdha~ncha naraM ga~NgAtIranivAsinam | yastA.DayedvachodaNDaistasya pApaphalaM shR^iNu || 54|| vimukhAstasya vai devAH pitarashchApyupoShitAH | ga~NgA parityajettaM vai so.agatishchiranArakI || 55|| ga~NgAtIrAlayaM martyaM sUryyatulyaM ya IkShate | tasyaiva vimalaM chakShurdevadarshanasAdhanam || 56|| ga~NgAtIrAlayAnlokAnga~NgAlokAnvadeta yaH | sa evAnugR^ihItaH syAdga~NgayA dvijapu~Ngava || 57|| ga~NgAtIrAlayAnmartyAndevairaryAnkudhIrjanaH | manuShyabud.hdhyA pApinyA jaimine hyavamanyate || 58|| devA manuShyarUpeNa ga~NgAtIre charanti vai | tasmAttAnnAvamanyeta shreyorthI na kadAchana || 59|| ga~NgAtIradvaye vipra pishAchAshcha shivAj~nayA | koTayaH pa~nchalakShANi tiShThanti vAyurUpiNaH || 60|| shR^iNu teShA~ncha karmmANi yadarthe te nirUpitAH | ye tatra pApakarmmANo ga~NgAtIre dvijarShabha || 61|| tyajanti viShThAmUtrANi shleShmakeshanakhAdi cha | tatraiva tAMste sarvANi bhojayantyanurUpataH || 62|| ye mithyAvAdino duShTA gurusevAparA~NmukhAH | vR^ithA hiMsAratAH krUrA vishvAsaghAtinastathA || 63|| tAMste ga~NgApishAchA vai mumUrShUngA~Ngarodhasi | kShetrAnnArAyaNAnnItvA sthApayanti nabhaHsthale || 64|| shUnye santyajya prANAMste yAnti durgatimuttamAm | tanna pashyanti pApiShThAH pashyanti divyachakShuShaH || 65|| jaimine varNayAmyasya lakShaNAni nibodha me | shanima~NgalavAre vA nishIthe luptabodhanaH || 66|| viShThAmUtraM tyajanbhUri chirarogI bahUnapi | vAsarAnluptasa~Ngashcha sadAghUrNitalochanaH || 67|| UddharvashvAso hR^iShTadeho gatasarvendriyAshayaH | yo mriyeta sa evAyaM pishAchairyastu kShipyate || 68|| ga~NgAbhairavanAmanaH santyanye shivaki~NkarAH | te rakShanti sadA ga~NgAM nAnArUpavihAriNaH || 69|| te tu kurvanti karmmANi tAni vipra nibodha me | yAnyadattAni puShpANi naivedyAdIni yAni cha || 70|| ga~NgApravAhaspR^iShTAni gR^ihItvA tAni te shivAm | pUjayanti mahAbhAga shivaviShNvAdikAnapi || 71|| vastraniShpI.DaitaM vAri tyaktaM chAdho.aMshukaM jale | gR^ihNanti shiramA te vai ga~NgApAtAbhisha~NkayA || 72|| madamAtsaryyahiMsAdiyuktAnduShTadhiyo janAn | dUrIkurvanti te devA yatte syuranyato mR^itAH || 73|| || iti ga~NgAj~nAnam || || bR^ihaddharmapurANam | madhyakhaNDaH | adhyAyaH 55 \- ga~NgAdharmaH || ## Note: The text is about do-s and don't-s of Ganga Yatra and also about phala of doing certain karma there (mahimA). Proofread by Ruma Dewan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}