% Text title            : Ganga StavaH 4
% File name             : gangAstavaH4.itx
% Category              : devii, nadI, devI
% Location              : doc\_devii
% Author                : chandrashekharabhAratI
% Acknowledge-Permission: Sringeri Math https://www.sringeri.net/
% Latest update         : May 13, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ganga Stava 4 ..}##
\itxtitle{.. ga~NgAstavaH 4 ..}##\endtitles ##
suveNinirdhUtamanoj~nabhR^i~NgA majjatsurIku~Nkumapa~Nkapi~NgA |
pApAgninirvApaNadakShabha~NgA ga~NgA mamA~NgAnyamalIkarotu || 1||
bhagIrathenAtitapasvinA purA samprArthitA sadgataye pitR^INAm |
divo bhuvaM prApya janAn punAnA ga~NgA mamA~NgAnyamalIkarotu || 2||
svachChaM janAnAM hR^idaye karomi maddarshanasnAnakR^itAmitIva |
vibodhanArthaM sphaTikAchChakAyA ga~NgA mamA~NgAnyamalIkarotu || 3||
svAchChyena mAdhuryavashena chAmbho yadIyamevArhati sarvalokaiH |
kShIrAdishabdairabhidheyatAM sA ga~NgA mamA~NgAnyamalIkarotu || 4||
smarAriNA santatamambikAyA IrShyAspade mUrdhnyupalAlyamAnA |
asheShakalyANaguNaikabhUmiH ga~NgA mamA~NgAnyamalIkarotu || 5||
mada~NghribhAjAM makaradhvajotthAM pIDA bhavenneti vibodhanAya |
kurvatyadhastAd dhvajamasya yA sA ga~NgA mamA~NgAnyamalIkarotu || 6||
svayaM bhramADhyApi nimajjatAM nR^iNAM nivArayantI nikhilaM bhramaugham |
j~nAnapradAnena mahAvadAnyA ga~NgA mamA~NgAnyamalIkarotu || 7||
shivaM patiM saptamavAptukAmA saptAkR^itiryA svayamapyabhUt sA |
pativratAnAM dhuri kIrtanIyA ga~NgA mamA~NgAnyamalIkarotu || 8||
rathaH sharIraM shrutiShu prasiddhaM rathI tu tadvAntsakalaH kR^ipAyAH |
bhAgI mameti bruvatI svanAmnA ga~NgA mamA~NgAnyamalIkarotu || 9||
nR^iNAM sharIratrayashodhanArthaM mArgaistribhiryA pravahatyajasram |
nirhetukAruNyapayonidhiH sA ga~NgA mamA~NgAnyamalIkarotu || 10||
ga~NgAyA dashakaM nityaM paThatAM bhaktito nR^iNAm |
vishuddhiM manaso dadyAt ga~NgAsa~Ngena muktidAm || 11||
padanatasuravarabR^indaM madanArishiraHsrajaM vijitakundam |
satataM ma~NgalakandaM vande madhuripupadAbjamakarandam || 12||
dhunotu mama duShkR^itaM bahujanuHshatairArjitaM
dhinotu mama mAnasaM sakalasaukhyasandohinI |
dhunotu sakalavyathAH shivashirovibhUShAyitA
tanotu mama shaM tanoH sapadi shantanora~NganA || 13||

iti shrIshR^i~NgerIpIThAdhIshvara\-shrImajjadagurusha~NkarAchArya\-
shrImatsachchidAnandashivAbhinavanR^isiMhabhAratI\-pUjyapAdashiShyaiH
shrImajjadaguru\-shrIchandrashekharabhAratImahAsvAmibhiH kR^ito ga~NgAstavaH sampUrNaH ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}