% Text title            : Gangastotram 6
% File name             : gangAstotraM6.itx
% Category              : devii, devI, nadI
% Location              : doc\_devii
% Author                : Lakshmana Somaya
% Transliterated by     : Anil Kumar Pandey anil.kumar17pandey at gmail.com
% Proofread by          : Anil Kumar Pandey anil.kumar17pandey at gmail.com
% Description/comments  : Ganga Jnana Mahodadhi compiled by Acharya Ramapada Chakravarty
% Latest update         : December 7, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gangastotram 6 ..}##
\itxtitle{.. ga~NgAstotraM 6 ..}##\endtitles ## 
shrIgaNeshAya namaH |
vichalakalaviha~Nge viShNupAdAmbusa~Nge
     taTataruratabhR^i~Nge tIracha~nchatkura~Nge |
vimalataratara~Nge vishvanAthA~nchitA~Nge
     sakalakaluShabha~Nge pAhi mAM devi ga~Nge || 1||
janerdUre dhIre janani tava tIre sthirataraM
     naraM dhanyaM manye himashikharikanye sunipuNam |
asau vAraM vAraM jananamR^itibhAraM parijahat
     svasaMsAraM sAraM bhavajaladhipAraM hi bhajati || 2||
tvadutsa~Nge ga~Nge viharaNaviha~Nge mayi milat
     kR^ipApA~Nge sa~Nge tava varata~NgeNa sati me |
kutaH pApaM tApaM janayatu samIpaM parijahat
     paraM dvIpaM dIpaM tama iva durApaM vrajati hi || 3||
ga~Nge bhR^i~NgA~NganAlIvirachitakalasa~NgItabha~NgIvilagna
     svAntAnandAnurUpapravitatapulakabhrAntidAlpAlpabha~Nge |
a~NgIkurvadya mAM tvatsakaruNaruchirApA~NgalAvaNyaga~NgA
     tu~NgormisnApitA~Ngasvakaparijanasa~NghAtamadhye.antara~Ngam || 4||
amba tvAmanusandadhe.ahamanishaM chittena vAchApi te
     svarbhUlokarasAtaleShu vitatAM kIrtiM stuve pAvani |
ga~Nge tu~Ngatara~Ngasa~NgihimavatpAde padAbjaM cha te
     sAShTA~NgaM praNamAmi tAraya paraM mAM devi duHkhArNavAt || 5||
ga~Nge ma~NgaladAyibhavyacharite ri~Ngattara~Ngojjvale
     sAM~Ngo me.astu manorathastvayi sadA snAnena pAnena cha |
etAvattu vR^itaM mayA tava punastIre sadA sAttvikai
     vedAntArthavichAratatparataro neShye chiraM vAsarAn || 6||
ga~Nge tAvakatIra eva satataM vastuM mano me.asti cheda
     astvevaM nanu divyama~NgalaguNe kiM tAvatA sAdhitam |
mAtuH stanyamapekShya bhUrikaruNAlApaiH paraM bAlako
     rodiShyatyasakR^id dadAti yadi sA sArthastadA tachChramaH || 7||
ambAdyAbhimukhIkR^itAsi suchiraM janmAntareShvarjitaiH
     puNyairanyasudurlabhaistava mayA prAptaM kaTAkShekShaNam |
yatprApyaiva shivaH shivo.abhavadasau viShNucha viShNutvavAn
     brahmA brahmapadaM jagAma mahimA ga~Nge tavAtyadbhutaH || 8||
iti jahvasutAM jagadvibhUShAmabhinandyAtha samastadevatAstAH |
januShaH phalamadya jAtamityAlapanaM chakruratIva haShTabhAvAH || 9||
nadanantaramatya tatpratIraM tulasIM sandadR^ishusitraloka vandhyAm |
stutibhiH saha tatpradakShiNAmuchitaM prabhukramaNaM vitenire te || 10||
paThan ga~NgAShTakamidaM lakShmaNAdhvarinirmitam |
AyurArogyaputrArtha vidyAsiddhimavApnuyAt || 11||

iti shrIlakShmaNasomayAji virachitaM ga~NgAstotraM sampUrNam |

##
Encoded and proofread by Anil Kumar Pandey anil.kumar17pandey at gmail.com 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}