% Text title            : Ganga Stotram by Swami Tapovanam
% File name             : gangAstotramtapovanam.itx
% Category              : devii, devI, nadI, stotra
% Location              : doc\_devii
% Author                : Swami Tapovanam
% Proofread by          : Rajesh Thyagarajan
% Latest update         : August 17, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ganga Stotram ..}##
\itxtitle{.. shrIga~NgAstotram ..}##\endtitles ##
shrIga~NgottarIkShetra vAstavyena
pUjyapAdashrItapovanasvAminAsampraNItaM
shrI ga~NgAstotram |
\section{prathamaH stabakaH}
jaya jaya jagadamba ! shrIgala shrIjaTAyAM
jaya jaya jayashIle ! jahnukanye ! namaste |
jaya jaya jalashAyi shrImada~NghriprasUte !
jaya jaya jaya bhavye ! devi ! bhUyo namaste || 1||
tripatha pathika pAthaH srotasA siddhimUrti\-
rdinakara kulabhUShAratna yatnodayotthA |
praNatajana suradruH pAvanI pAvanAnAM
jayati jagati ga~NgA bhAgyapUgo janAnAm || 2||
ga~Nge ! mAtaranusmarAmi satataM tvanmUrtimatyadbhutAM
devIM daivatadurlabhAM yamunayA vAchA.annasampUrNayA |
bhaktenAtha bhagIrathena bhagavatpAdaishcha pAdArcha kai\-
ryA nityaM samupAshritA vijayate ga~NgottarI sadmani || 3||
tuhina shikharishR^i~Nge divyasaubhAgyasampa\-
nmahimani viharantIM puShpavAse vishAle |
sukR^iti samadhigamye samyagAlIjanAlI\-
vilasitamalasAkShIM naumi ga~NgAmabhIkShNam || 4||
pAdA~NguShThAdvoditA devi ! viShNo\-
rga~NgottaryAM gomukhI mastakAdvA |
ga~NgA ga~NgaivAsya vAdho na kiM~nchit
sarveshitrI sarvathA hi tvamamba ! || 5||
ayi bhagavati ! bhavya shrImukha shrInitambe
tuhina mukuraharmyasyAntarantarvadhUvat |
ahaha ! charasi chittaM tvantu mAtA jagatyA\-
stadapi kathamasUryaM pashyatAM yAsi sahrIH || 6||
pApairmukhaM samabhavat khalu nIlanIlaM
yasyAmba ! tasya tava veshma nirIkShaNena |
shrImanmukhaM bhavati bhAskara bhAsi nUtnaM
manye.arthavattata idaM tava veshmanAma || 7||
prasIda bhagavatyamba ! prasIda karuNAmbudhe ! |
punIhi svAtmatulyaM me mano malamalImasaM || 8||
malinaM malinaM chittamatyanta malinaM shubhe ! |
kuto na kuruShe dR^iShTiM mayi sarva malApahAm || 9||
chittaM vishodhaya bahirviShayAbhiShakta\-
mantarnirundhi bhavada~Nghrisaroja yugme |
yAvadvinishcharati bAhyavilokitI hR^i \-
ttAvat kathaM janani ! saukhyakathA narANAm || 10||
mAtarjAhnavi ! nihnave tu jagataH
pR^ithvyAdi mithyAtmano
yattattvaM na niShid.hdhyate tadachalaM
tvanmAtramekAkinI |
yasmAttvaM sadasheShamUlamamalaM
brahmaiva nirdharmakaM
mandebhyaH khalu kalpitA jalamayI
mUrtistavAnyAchayA || 11||
achChinnarUpiNI devI nityA yA mR^ityumatyagAt |
prANiti prANahInAcha jAhnavI sA.astu me gatiH || 12||
sarvadA sarvadR^igdevI sarvakartrI cha yA svayam |
sarvabhAvaiH prapadye tAM jAhnavIM suranimnagAm || 13||
pashyantu kechidamalaM jalameva ga~Nge\-
tyanye vayaM tu bhavayantravimuktihetuH
shrImUlashaktirakhileshvararUparUpi\-
NyAnanda kandamiti nityamupAsmahetvAm || 14||
shraddhaiva mUlaM tvadupAsanAyA
jale.api devatva vidhAna dakShA |
shraddhAM vinA kaH paraloka chintA\-
magnaH pravarteta parokShakArye || 15||
prAgjanmapuNya nichayena tavA~Nghripadme
shraddhA bhavet sthiratarA.athacha bhaktibhAvaH |
bhaktyAcha bhAvukanidhe ! puruShArthasiddhiH
shraddhojjhitaH svayamapuchChapashurdharaNyAm || 16||
praphullanIlotpala kAntichoraiH
kaTAkShapAtaistava pAvito yaH |
nirantashAntiH samudeti puMsa\-
stasyaiva bhAgIratha ! bhAgyabhAjaH || 17||
kiM vA muNDanataH kimasti jaTayA
vaivarNya vastreNa kiM
kiM vA vastra visarjanena bhasitA \-
lepena jApena kim |
bhikShAnnAshanatashcha kiM vratashatai\-
stIrtheShu chATATyayA
vishvAdhIshvari ! yuShmada~Nghriyugale
bhaktirna chennishchalA ! || 18||
guhAchChidre vAdreH shikharabhuvi vA ghoragahane
shmashAne vaikAkI vasatu vasatau vA nijajanaiH |
mahAbhAge ! bhAgIrathi ! tavapadAM bhojabhajana\-
pramatta~nchita~nchet satu paramayogI satu sukhI || 19||
yadvA yogI jAhnavi ! karmI tava bhakto
yadvA j~nAnI tvatirantaryadino chet |
avyAvR^ittA tarhyapi yogAdi mahArha
manye moghaM mogha masheShaM khalu teShAm || 20||
yuShmatpadAbjaratireva shive ! vishuddhaM
vairaktya manyadakhilaM khalumohasiddham |
ko vA sudhIstamabhivA~nChati kAShTabhAvaM
yaM hA vitR^iShNapadavIti vidanti murkhAH || 21||
vairAgyaM yadihAparatra viShaye\-
ShvichChAkShaya starhyamI
bAlonmattajaDAdayo.api sutarAM
vaitR^iShNyasImAjuShaH |
he devi ! tvadabhrashubhravapurA\-
pUrNaM sadA pashyato
yopekShAmati ranyavastuShu ?? dR^iDhA
vairaktatya metanma tam || 22||
shAntiH kathaM viShayaleshamasaMspR^ishantI
chittaM na chetvayi nipaktamachaNDamUrtau |
j~nAnAsthike ! janani ! jahnusute ! nisarga\-
siddhaH sadaiva mananaM manaso hi dharmaH || 23||
yuShmatsvarUpasukhasAgaramamagnabuddheH
shAmyet svato.akShakulamudbhaTameShadAntiH |
duHkhasya kasyachidato.asphuraNaM titikShA
nyagrodhabhUrjasamadharmadashA tvavidyA || 24||
tathA cha mAtarbhavadIyatattva\-
krIDAparasyAnyakR^ite nivR^ittiH |
j~neyaH sa nityoparamo nayA~nchA
vAraNyavAso.alasatA nidhInAm || 25||

iti prathamaH stabakaH samAptaH |
\section{dvitIyaH stabakaH}
mAtarmAye ! namastubhyamuddharainaM bhavAmbudheH |
shaktiH shaktAtpR^itha~NnAstItIshvaro hi tvamIshvaro || 1||
phalamata upapatternyAyato.asmAdakasmAt
phalamiha sukR^itAnAM duShkR^itAnA~ncha na syAt |
phalati phala vidhAtryA brahmamUrtyA bhavatyAH
pratanu ! karuNayaiva prANinAM karmajAtam || 2||
bodhashcha mohavipinottaraNaikapadyA
na prApyate bhavadanugrahamantareNa |
devi ! tvameva vidadhAsi vimuktihetuM
bodhaM yathA.andhatamasaM khalubandha hetum || 3||
he devi ! dharmipratiyogirUpA\-
chChinnatvataH sid.hdhyati no pR^ithaktvam |
parasparAlambatayA.atra yuShmat\-
kR^ipAM vinA kasya bhavet pratiShThA || 4||
ghaTo na vai siddhayati taddhiyaM vinA
vinA ghaTaM dhIrapi tasya no diyAt |
itidvaya~nchet pratiShid.hdhyate bhavat\-
padaikabhaktasya bhavettadAtmatA || 5||
sato.asatashchApi vilakShaNaM yat
sattvAtmakaM jAgatabIjamAhuH |
aj~nAnamasmiMstava samprasAdA\-
chChraddhA bhavedavyabhichAriNI nuH || 6||
saiShA chaitrapramitirUditA tatpramAprAgabhAvo\-
driktAnAdipraNAshanakarI maitramAvat pramAtvAt |
tvadvAhyasya priyatanu ! mahAvidyayA.aj~nAnasiddhi\-
ryadvadvINAvadanamaphalA.ashrotravachChotramUle || 7||
satyAsatyAnadhikaraNatA j~nAnavAdhyatva mevaM
svAdhiShThAnasthita dR^iDhaniShedha pratidvandvitA vA |
mithyAtva~nchedbahutaramaholakShyate lakShyavidbhi\-
rmithyA nasyAjjagadidamanenA priyebhyastavAmba ! || 8||
ye.arthAH proktA janani ! muninA mAnameyAdisa.nj~nA\-
stantre.anyasminnipuNadhiShaNaiH ShoDashAnAM cha teShAm |
nairuktya~nchennirupamagirA khaNDyate khaNDakAraiH
satyatvaM kiM tyajatibhuvanaM tvatpadAdbAhyabuddheH || 9||
kaH svaprakAshaH svashchAsau prakAshashcheti vA svayam |
svasya prakAsha itthaM vA na bhavedanyathApi vA || 10||
avedyatve.aparokShatvaM svaprabhatvamiti sthitiH |
prAvochachchitsukhAryashchedanye.apyevaM munIshvarAH || 11||
svaprakAshatano ! svAtmA svaprakAshaH kathaM sphuret |
tasyayasya manosraktaM tvatpAdasarasI ruhe || 12||
brahma satya~njaganmithyA jIvo brahmeti kevalam |
bhAShya kR^ibhAShyasandarbhairabhyadhAchCha~Nkaro guruH || 13||
tathA.apIshitri ! ko janturvidyAmUtaistavAnaghe ! |
shaktipAtaM vinAvidyAdbrahmaivAhamiti sphuTam || 14||
vAgArabhyA vikR^itirakhilA mR^ittiketyeva satyaM
shrutvApyevaM shrutigiramatha shrAvayitvApi shiShyAn |
ko vA prAj~naH prabhavati bhuvi tyatumiShTAn svabhogAn
rantu~nchAva ! tvadmalapade tvatkR^ipAviprakR^iShTaH || 15||
na medhayA shAstravAdadvaikharyA cha varAnane ! |
tvatkR^ipAmR^itasekena bhavatApaH prashAmyati || 16||
ga~Nge ! ga~Nge ! namastubhyaM mAtarmAtarnamomanaH |
kR^ipayAdehi me nityaM tvayi niShThAmakhaNDitAm || 17||
AchAryanAma nigadantyabhimAna yuktA
yud.hdhyanti cha svamatanaigamatA prasid.hdhyaiH |
nAchAryachodita vidhiM tvanuyanti lokA\-
stanniShThatA hi nikhiloryamataikadharmaH || 18||
muNDitva daNDitva jaTitva veShai\-
rAchAryapAramparikatvatashcha |
pichaNDapUrtiH phalamamba ! nAnyat
pumarthahetu stvadananya bhaktiH || 19||
tvatattvanirNayavidhau sahakAri pUrvA\-
chAryaiH prabhAShitamapi svamati prayogaH |
prAdhAnyameti na hi vindati meShavR^itti\-
rbrahmAtmikeMva ! tava tattvamanartha mR^ichChet || 20||
kapiloyadi sarvaj~naH kaNAdo netikApramA |
iti prekShAparetyeSha bhaNatyAbhANakaH sphuTam || 21||
shrutiH pramANaM pramitau tavetyR^iShi \-
rjagAdabADhaM kila bAdarAyaNaH |
tathApi bhAgIrathi ! tIkShNabuddhaya\-
stadarthamarthAdadhigantumIshate || 22||
dhiyaH prakarSho.atha vichArashuddhi\-
rbhavatsvarUpAvagatishcha nUnam |
bhave ! bhavapreShThatame ! bhavatyA
bhavatyabhIkShNaM kR^ipayaiva puMsAm || 23||
nAnAmatairnyAyavisheSha yuktai\-
rvivarddhitehyAstikanAstikaishcha |
kaH shabdajAlena vimuhyati shrI\-
padAravindAnanuShaktavR^ittiH || 24||
padAmbujaM te sharaNaM mamAmba !
prasIda nAnyachCharaNaM prapadye |
tvatpAdabhaktirgatirityananyA
manye mano.atIta bhavatpadAtyai || 25||

iti dvitIyaH stabakaH samAptaH |
\section{tR^itIyaH stabakaH}
sachchinmUrteryattavAstitvamasmin
sandigddheyaH svasya hantAstitAyAm |
sandigddhe sa vyAhata j~naptiramba !
svAtmahitvaM tasthuSho.atasthuShashcha || 1||
sa nAhamasmIti niShedhati svaM
yaH shrIpakanye ! pratiShedhati tvAm |
svasya svayaM vai na bhavenniSheddhA
tasmAt kathaM devi ! nirasyase tvam || 2||
sattAsvarUpeNa samantatastvaM
vibhrAjaseM.aba svamahimni nityam |
sattAtiriktaM tava nAsti sattA
sattvasya kasyApi ghaTAdikasya || 3||
tvatsattva mAye ! nigadatyabhIShNaM
buddhiH satAM shuddha vichAradakShA |
svataH pramANaM shrutirapya manda\-
svareNa gAyatyakhileshvari ! tvAm || 4||
dR^iShTvemamadbhutataraM prakR^iti prapa~nchaM
kovA vichakShaNamatiH khalu tadvidhAtrIm |
tvAmamba ! samyaganumAtu manIshvaraH syAt
kAryaM hi na kvachidakAraNa masti dR^iShTam || 5||
jalpantu shUnyamatayastava shUnyabhAvaM
nindantu chAdhikamadhIriti va~nchito.ayam |
sachchighane ! tava padAmbuja bhaktishIlAn
bhaktAstathApi na bhavadvimukhA bhaveyuH || 6||
Atmaiva tvaM hi bhaktAnAmasitvaM shUnyatAkatham |
asi chetvayi vairasyaM kathaM nitya sukhodadhau || 7||
nAstIti bhavatI kena sAd.hdhyate siddharUpiNI |
tathA cha sarvashAsitrI hAsti chennAstiko hataH || 8||
tvachChakti mAhAtmyamahaskarodyat\-
prabhAvadamba ! prasR^itaM prasiddham |
tathA.api sattvaM tava sha~Nkyate yai\-
rnamo.astu teShAM dhiShaNodayAya || 9||
indrArka chandrArka sutAgnivAyu\-
prAyA ?? mahaishvaryayutA apI me |
devAH kathaM noparatA bhavanti
svasvakriyAbhyaH suvichAryametat || 10||
aho niyantryAstava shAsanena
jagat sachandrArkamidaM yathAvat |
pravartate nAtigamaH kadAchi \-
nnochedamaryAdamidaM vinashyet || 11||
eva~ncha sattvaM tava cheshvaratvaM
yadi prasid.hdhyatyavisha~Nka mamba ! |
sevA niyantryAstava mukhyadharmo
niyamyajantoriti kiM niyamyam || 12||
sAkArachintA.atha nirAkR^ite rvA
chintA vidheyeti vR^ithA vivAdaH |
chintyasvarUpAgrahato hi kArya\-
shchintA svarUpe khalu chittabandhaH || 13||
sphuTAparokShaM tava bhakta chetaH
sarvaM hi sampashyasi sarvadR^iktvam |
tathAcha bhaktestava nAkR^itInAM
vaishiShTyamIshitri ! nirIkShasetvam || 14||
tvattattva yAthAtmya vinirNayAtma\-
nyaho mahAduShkarakarmaNisyAt |
ko vA samarthaH skhalite.api doShaH
ko vA yadi tvadratira prakampA || 15||
AkArabhedeShu nirAkR^itau vA
niShThaiva kAryA dR^iDhamanvarjam |
niShThA savitrI natu rUpabhedaH
phalasya yasmAttava vishvamUrte ! || 16||
mithyA.atha sadveti jagaddinAni
vivAdato hanta nayanti lokAH |
mithyAtva satyatva vichAraNena
kiM vA pipAsostava bhaktipeyam || 17||
yathA tathaivAstu na kAkadanta\-
parIkShaNavyagratayA.asti ki~nchit |
parAt pare ! tvatpadapadma sevA\-
ratiH svayaM muktipadaika hetuH || 18||
ko vA vijAnAti visheShatastvat\-
svarUpayAthAtmyamabuddhigamyam |
tvatsR^iShTi mAhAtmyamapIshvari ! svAM
svaprakriyAM cha svayameva vetsi || 19||
ko veda kovA vadatIha samya\-
giyaM visR^iShTiryata AbabhUva |
aho mahAdurgamamamba ! yuShmad \-
satattva mityArShanirUkti reShA || 20||
svayamevAtmanAtmAnaM vetthatvaM vedarUpiNi ! |
tvamevAdi rhi bhUtAnAM tvAM vettItItaraH katham || 21||
tathApi yatki~nchidavetya shabdataH
saMskArato devi ! vichAratastathA |
tvattattva munnidramupAsate tu ye
kR^itArthayantyeva ta Atmasambhavam || 22||
na kAmaye.anyaM puruShArthamIshvari !
tvatpAdabhakterbahushAstrakAnane |
ghUrNe kimabhyarNa sitva mityahaM
yachChraddadheM.aghrI tavayAmi chAshrayam || 23||
pradehi bhaktiM tvayi nitya nishchalA\-
mAnandarUpAmavikalpa sa~NginIm |
adhyAtma sAmrAjyapadaM tvadAtmikA\-
maho kimetai bahudarshanashramaiH || 24||
nAsitvamityapavadantu ha nAstikA stvAM
nAstyarka ityavadanti yathA divAndhAH |
vishveshvari ! tvamasi nityamiti prapashyan
sa~NkrIDate tu satataM tvayi mAnuSho.ayam || 25||

iti tR^itIyaH stabakaH samAptaH |
\section{chaturthaH stabakaH}
brahmAtmike ! janani ! satyasukhasvarUpe !
tvattattvachintanavidhau kathayanti kechit |
sarvakriyoparamaNaM sahakAri mukhyaM
sa.nnyAsashabdita mitIshvari ! vishvavandyAH || 1||
yathA yatirnyastasmastakarmA
tathA gR^ihI karmaparo.api nUnam |
sadAdhikArI tava chintaneM.ava !
tvatsevanaM kasya na kasya hetuH || 2||
tvachchintanaM devi ! manovishud.hdhyA
na karmaNA karmavisargato vA |
sampadyate.ataH sakalo mumukShuH
shuddhaH svayaM tattvavivechanArhaH || 3||
shrIyAj~navalkyo janaka stathAnye
choddAlakAdyAH khalu tattvaniShThAH |
sarve.api gArhyasthyaparA abhUvan
kiM vA gR^ihasthena tavAparAddhamU || 4||
sarvAshramI tadvadasheShavarNI
sarvo janashcheshvari ! nirvisheSham |
adhyAtmaniShThAmadhigantumIsha\-
stvadrUpiNIM tvadbhajanaika mUlAm || 5||
mara
shrI lakShmIdhara
devaprayAga (kavaShaH 14
vyavasthApaka\-pa~ncha joshI
vishvaikanAthe ! mahilAtmikAtvaM
vidyA vidyA~ncha dadAsi loke |
tattat spR^ihebhyoM.ava tathApi kechit
striyo na vidyeti ha sa~Ngirante || 6||
ga~Nge ! bhavatpUtavishAladhArA
bhAvatkavidyeti mama prabhAti |
gR^ihNantu sarve.api yathechChametAM
Chindantu tR^iShNAM tvayi kasya rodhaH || 7||
satyaM na kasyApi dhanaM svakIyaM
tathAcha tadgrAhakamArShavAkyam |
tarhi kva tatrAdhikR^itervivAda \-
prasa~Nga ityalpamatirna vetti || 8||
satyasvarUpe ! tvamatastathA tva\-
dyAthAtmya mAhAtmya nivedikA gIH |
sUryaprabhAvat svachirantana svaM
sarvasya naivAnyatamasya devi ! || 9||
shraddhAjaDAH kimapi kAryamachintayantaH
sadvAtha duShTamiti hA ! sva vichArahInAH |
kShArodakaM prahirayaM khalu pUrvakhAto.astI
tyAgrahAgrahadhiyo hi pibanti sarve || 10||
Ananda sundaratanostava janukanye !
samprAptiratra mahilA.atha cha daivasampat |
sAjya~ncha  ??sAdhanamidaM dvayameva nAnya\-
nmanye sanAtana sudharma iti pramukhyaH || 11||
sarveShu deshasamayeShu cha sannayeShu
satpuMsu chaikarasamavyabhichAri yasmAt |
tasmAt sthiraM hyaparivarti cha mukhya eta\-
ddharmaH sanAtana ito.anyadamukhyadharmaH || 12||
tvat prAptireva parame ! paramaH pumartho
hyAlakShya lakShyamidamatra karotikarma |
yat kAla deshasadR^ishaM satu shuddhadharma\-
stadvAMstatastava sanAtana shuddhadharmI || 13||
mAtarmaheshitri ! nivR^ittimanta\-
rdaivI tu yA durlabhadivyasampat |
mahAmahimnoM mamadehi ghora \-
bhavAdavA~Nghrau pralapantamenam || 14||
antarnivR^ittiM nitarAmavinda \-
nnApnoti bAhyoparameNa yastvAm |
sa.nnyAsanAmnA bata hastirAjaM
badhnAti mattaM bisatantunA saH || 15||
tvattattvabodhAdishamAdinAnA\-
guNaugha sampadvidhurasya puMsaH |
bAhyoparAmo yadanarthahetur\-
garhyAtigarhyaH sa vigarhate tvAm || 16||
yogodyukto bhIgavA~nChAviyukto
nAnyAsaktaH santatAmodashAlI |
yuShmadvR^itti ryo.avijAtIyavR^ittiH
sa.nnyAsaH syAdbhUShaNaM tasya puMsaH || 17||
dravyArthaM na tyajyate dravyajAtaM
yoShArthaM vA tyajyate naiva yoShit |
karmArthaM na tyajyate karma yuShmat\-
svarAjyArthaM tyajyate sarvametat || 18||
tattvAsaktistattvachintAnitAntaM
tattvakrIDAtattvavidyAprachAraH |
shiShTAchArashchAMva dharmoyatInAM
nepatteShAndveSharAgapravR^ittiH || 19||
grArhyasthyepi j~nAnavichArasya cha bhakte\-
rnAsambhUtiH karmapare tarhi kimartham |
tattyAgoM.aba ! shrIpadabhaktyA hi vimukti\-
rna syAdveShaistIrthamukhairvA yatipadvaiH || 20||
karmIdhanyaH shlAghanIyo.atidhanyaH
karmatyAgo naivakAryaH kadAchit
mokSho na syAt karmaThasyeti vAdo
nAdartavyaH shAstratarkAdibAhyaH || 21||
muNDitvena bhraShTatAM prApya mUDhAH
svasyAnyeShA~ncheShadapyartha shUnyAH |
jIvantIme kAkatashchAtigarhyA
nUnaM bhUme rhanta bhArAyamANAH || 22||
daivI sampadyA hi nivR^ittiH khalu mukhyA
prApyA martyairAshramatR^iShNA natu kAryA |
sarva sAkShAt prashyasi chittaM hi shivetvaM
sarvaj~natrI sarvamanaH pIThanivAsA || 23||
sa.nnyasyan bA kAShThatapasyA mutakurvan
shraddhA bhaktyo rvai tava nAmApyavijAnan |
bhadraM bhadre ! prApsyati chettarhikathanno
bhUruDraMshchApi bhaviShyanti subhadrAH || 24||
chande vande tvat padapa~NkeruhayugmaM
yAche yAche.ahaM tava kAruNyakaTAkSham |
manye dhanye ! jAhnavi ! dharmadhvajimudre\-
tyenaM nyAsaM nishchalabhakti stvayi no chet || 25||

iti chaturthaH stabakaH samAptaH |
\section{pa~nchamaH stabakaH}
yAdevi brahmarUpeNa brahmavAdiShu saMsthitA |
asaMsthitA cha ga~NgAyai namastasyai namo namaH || 1||
yA devI viShNurUpeNa viShNuvAdiShu saMsthitA |
asaMsthitA cha ga~NgAyai namastasyai namo namaH || 2||
yA devI shivarUpeNa shivavAdiShu saMsthitA |
asaMsthitA cha ga~NgAyai namastasyai namo namaH || 3||
rAmaH kR^iShNo gajAsyastripuraripu sutaH
ShaNmukho.ahaskarashcha
brahmA brAhmIti yuShmadbhajana pathajuShAM
bhAvanA bhAvitena ||  4||
nAnA devAtmanA vai janani !
vijayase vishvamUrttistvameva
kAruNyaM te.atra hetu rniravadhi\-
karuNAvAridheH svAshriteShu || 5||
yA devI karmarUpeNa karmavAdiShu saMsthitA |
asaMsthitA cha ga~NgAyai namastasyai namo namaH || 6||
yAdevI shUnyarUpeNa shUnyavAdiShu saMsthitA |
asaMsthitA cha ga~NgAyai namastasyai namo namaH || 7||
yAdevI bhUtarUpeNa bhUtavAdiShu saMsthitA |
asaMsthitA cha ga~NgAyai namastasyai namo namaH || 8||
yAdevI sarvarUpeNa sarvavAdiShu saMsthitA |
asaMsthitA cha ga~NgAyai namastasyai namo namaH || 9||
yasyA janmAsyajagato yasyA~ncha sthitirapyayaH |
chakShurunmeShavattasyai jahnujAyai namo namaH || 10||
yAdevI vidhR^itiH setuH sarvesthAne niyachChati |
asambhedAyavaitasyai jahnujAyai namo namaH || 11||
ma~NgalA ma~NgalAnAMyA pAvanAnAM cha pAvanI |
bhuktidA muktidA chAsyai jahnujAyai namo namaH || 12||
amba ! tvAmAshrayebAlaH prasIdAnugR^ihANamAm |
punAtu pAdarajasA chainamenonidhi~njanam || 13||
dehi me vR^ittinaishchalyaM tvatpAdasarasIruhe |
vidhvaMsaya vijAtIyAMvR^ittimatyantadurbhagAm || 14||
amba ! tvaM sharaNaM mama
tripathage ! bAhyArthachintAkulaM
pAdAgreprapatantamanta\-
vidhure mAM pAhi mohArNavAt |
vAtsalyambunidhe ! sadaiva
manaso vyAyAmabhUmirmama
pratyagbrahma tavAstu nitya\-
machalaM nIrUparUpaM mahat || 15||
prAtaH sAyaM dinamanishA mAsasaMvatsarauche\-
tyeva~NkAlaH prachalatichalatyAyuratyugravegam |
kShudrAn bhogAn tyajatu bhajatu shrIpadaM premato.antaH
svarga~NgAyAH shva iti matimAnmAnavo mA bravItu || 16||
yAvachChraddhA ratistAvattvattattve sambhavennR^iNAm |
atyantAveshato.atraiva nityashAntiphalodayaH || 17||
paNDitastvAM na jAnAti shraddhAvAt vetti tattvataH |
brambhramItimanoj~nasya nochennatu sa paNDitaH || 18||
shabdAnumAnavipine vipule bhramadbhi\-
rna prApyateM.aba tavatattvamaraM hi tadvai |
shradvaidhitAntaravabodhabR^ihatpradIpa\-
pradyotanaikasulabhaM dhiShaNAgR^ihAnte || 19||
astIti bhAtIti bhavatprakAsha\-
mAstikyabud.hdhyAM.aba karomi sAkShAt |
tatashcha sachchit sukharUpiNi ! tvA\-
mabhyarthaye.aveti bhavAmbudhermAm || 20||
ga~NgottarIkShetra vihArashIlAM
ga~NgA mana~NgArishirovibhUShAm |
sarvAtmanA tvAM praNato.asmi nityaM
sarvAtmikAM tvatparatAprasid.hdhyai || 21||
prasIda ga~Nge ! bhagavatyabhIkShNaM
tvatpremayAche.anyadahaM na yAche |
tvadambudhArAvadakhaNDarUpaM
prasIda bhUyo.api namoM.aghripAtaiH || 22||
ga~NgottarIkShetramanuttamaM shrI\-
gotrAdhipottu~Nga shiro.avataMsaH |
puNyaM mahatpUjyatama~ncha sAkShAt \-
dutpattibhUrastisurApagAyAH || 23||
tatrAmbikAparamidaM nivasannakArShaM
stotraM mahArhamahamambikayAniyuktaH |
tatpAdayorupahR^ita~ncha tadastu tasyAH
prItyai cha shubhralaghumatsmitapotakAya || 24||
ga~NgottaryAmiha giriguhAveshmani tvatpadAnte
pAdmepIThe sthiramR^iju kadA saMsthitaH san sukhena |
nyastasvAntastvayi shiva tano !  devi ! kastUrikANAM
sa~NgharShAshmAyitamidamahaM vismariShyAmi deham || 25||

iti pa~nchamaH stabakaH samAptaH |

iti shrIga~NgottarIkShetra vAstavyena
pUjyapAdashrItapovanasvAminAsampraNItaM
shrI ga~NgAstotraM sampUrNam |

##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}