% Text title            : Gangastutih 3 or Gangavijnaptih
% File name             : gangAstutiHgangAvijnaptiH.itx
% Category              : devii, nadI, devI, moropanta
% Location              : doc\_devii
% Author                : Mayurakavi or Moropanta
% Transliterated by     : Shree Devi Kumar shreeshrii at gmail.com
% Proofread by          : Shree Devi Kumar, Rajesh Thyagarajan
% Latest update         : August 28, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gangastutih Gangavijnaptih ..}##
\itxtitle{.. ga~NgAstutiH ga~NgAvij~naptiH ..}##\endtitles ##

|| shrIgaNeshAya namaH ||

\engtitle{.. Ganga Vijnaptih ..}##
\itxtitle{.. ga~NgAvij~naptiH ..}##\endtitles ##
(gItivR^ittama)
jaya jaya bhagavati ga~Nge! | tvaM geyaguNA (1)pratIpasutadayite !
ayi ! te.astu dayA (2)tvatto ye.anye dIne nahi kShamA mayi te || 1||
balinA kalinA malinAnuddhartamasi tvameva satyamalam |
gAyanti yashaH kavayastava yatpIyUShato.api (3)satyamalam || 2||
(4)bhavitA tvayi majjanataH shuchirAshu tathA tapanna ga~Nge.aham |
ruchiramapi vapuH pApaM heyamiha yathA (5)sapannagaM geham || 3||
sharaNAgato dayAvati! | dInastyAjyastvayA na ga~Nge.ayaM |
kaH smaratu tvAM hitvA santAnaM viShayiNAM nagaM! geyaM ! || 4||
bhAgIrathi! | tava dR^iShTiH prabhavati puruShArthasampade vinate |
IShanmAtramayi shrutamaudAsinyaM janeShu devi! na te || 5||
mUrtimatI tvamasi dayA devasya harerjagadbhayAdavataH |
trAtaM hi lIlayedaM vishvaM saMsAratastvayA davataH || 6||
jaya devi ! | jahnukanye! bhajadaghasaMhArasadvrate! dhanye!
santu bahavaH kimanye tvAmeva jagaddhitAvahAM manye || 7||
vasasi visha~NkaM shambhoH (6)kR^itasi~njitavihitamarmarA shirasi |
durgAyA api tena tvaM bhagavatyatulasharmarAshirasi || 8||
sharaNAgatajIvAnAM prakShAlitasarvapApajambAlAm |
vande harerharantIM trAsaM tvAM trividhatApajaM bAlAm || 9||
patitaH kAko.api bhavati payasi bhavatyAH surApage! | haMsaH |
bhajati yashaH sukR^itoShadhastvayi (7)kR^itamajjana surApage.ahaM saH || 10||
(8)haritAM dadAsi jAhnavi! | jantubhyastvaM tathA mudA (8)haratAm |
kiM me na darshanaM vAksatyAstu yashaHkathAmudAharatAm || 11||
uttama Ishitura~Nge naTasi nadIshvari ! | naTI yathA ra~Nge |
kR^itajagadadhanagabha~Nge! sanmatasa~Nge ! namo.astu te ga~Nge! || 12||
svastutyanabhij~ne.api tvatkaruNA mayi (9)kR^itAnatAvastu |
vastu prApnotvayamayi jalajantubhirapi tavApyate (10)svastu || 13||
dayamAnamAnase! | tvaM puShNAsyapi darduraM bakaM mInam |
pInaM kuruShe makaraM dhanahInaM tyajasi kiM dvijaM dInam || 14||
(11)bhaktamayUradhanaghaTe! | kudhiyAmasmAkamuchitamatyAgaH |
svayasho mA tyaja mAtarmahatA(12) mahito na shuchitamatyAgaH || 15||
viShNupadi ! | pratikUlaM vyAvartayituM kShamAsi na tadiShTaM |
sati! sati sAmarthye.api (13)praNamadanavanaM yadamba! na tadiShTam || 16||
kAste trivikramA~NghrerdhyeyA(14) svardrorihAptajanmAnyA |
sarvAsu devatAsu svardhuni! mAtastvameva sanmAnyA || 17||
namanAdamanAkaruNe devi! | bhavatyA (15) bhavavyathAshamanAH |
amitAH prajAH kR^itArthAH prAptA bhavyaM varaM paraM (16)shamanAH || 18||
spR^iShTvA tvAM mAM vAtaH spR^ishatu (17)sukhaM svamiva bAlakaM tAtaH |
mAstu mama vipadi pAtaH saMsArAttArayAshu bho mAtaH ! || 19||
bhavatIM vinAtra muditaM kartAro dInamAturaM ke te?
malino.api shishurasha~NkaM sukhamayamapi(18) luThatu mAtura~Nke te || 20||
sharaNAgatasya mama khalu tava chApi yashaskarImimAmuktiM |
mAnaya mA naya nikaTa paripAlaya dehi vasale! muktim || 21||
santApamapAkartuM (19)kAdambinyA yathA mayUreNa |
ga~NgAyA vij~naptiH premNaiva kR^itA tathA mayUraNa || 22||

iti shrIrAmanandanamayUreshvarakR^itA shrIga~NgAvij~naptiH samAptA |

shrIH shubhaM bhavatu |
TippaNi
1| pratIpasutaH shantanuH |
2| tvatto ye anye teShAM mayi kShamA na ityanvayaH | \ldq{}tvatto.anye ye\rdq{} iti pAThaH |
3| sati iti sambuddhipadam | pIyUShato.api amR^itAdapi amalaM shuddham |
4| yathA kashchijjanaH tvayi majjanAt shuchirbhavitA bhaviShyati tathA tapan tapasyannapi ahaM na bhaviShyAmIti yojyam |
5| sapannagaM sarpopasR^iShTam | \ldq{}yashaH\rdq{} ityatra \ldq{}tvAM\rdq{} iti pAThaH | \ldq{}smarati\rdq{} iti pAThaH |
6| kR^itaM yatsijitaM bhUShaNAmA shabdaH tadvat vihito mamaro yayA sA |
7| \ldq{}kR^itamajjana\rdq{} ityatra mudritapustake dR^ishyamAnaH \ldq{}cha nimajjan\rdq{} iti sAdhIyAn pAThaH | kR^itamajjana ityatra visargalopo.apANinIyaH |
8| harisvarUpam | haratAM harasvarUpam |
9| kR^itA Anatiryena tasmin |
10| svaH svargaH |
11| bhaktamayUrasya ghanaghaTA meghapa~Nktistatsambuddhau |
12| mahatAM shuchitamasya tyAgo na mahitaH na prashasyaH |
13| \ldq{}praNamannayanaM\rdq{} iti pAThaH
14| \ldq{}dhyAyi\rdq{} iti pAThaH | svardroH kalpadrumAt |
15| \ldq{}bhavavyathAH shamitAH\rdq{} iti pAThAntaram |
16| \ldq{}shamitAH\rdq{} iti pAThaH |
17| \ldq{}sukhaH\rdq{} iti pAThaH |
18| \ldq{}bhayi\rdq{} iti pAThaH |
19| meghamAlAyAH |

Proofread by Rajesh Thyagarajan

##

Encoded Shree Devi Kumar shreeshrii at gmail.com
Proofread by Shree Devi Kumar, Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}