% Text title            : Garbha Raksha Ambika Stotram
% File name             : garbharakShAmbikAstotram.itx
% Category              : devii, otherforms, devI
% Location              : doc\_devii
% Transliterated by     : PSA Easwaran
% Proofread by          : PSA Easwaran, Rajani Arjun Shankar
% Latest update         : April 22, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Garbharakshambika stotram ..}##
\itxtitle{.. garbharakShAmbikAstotram ..}##\endtitles ##
shrImAdhavI\-kAnanasthe garbharakShAmbike pAhi bhaktaM stuvantam ||
vApItaTe vAmabhAge vAmadevasya devasya devI sthitA tvam |
mAnyA vareNyA vadAnyA pAhi garbhasthajantUn tathA bhaktalokAn |
shrImAdhavI\-kAnanasthe garbharakShAmbike pAhi bhaktaM stuvantam || 1||
shrIgarbharakShApure yA divyasaundarya\-yuktA sumA~NgalyagAtrI |
dhAtrI janitrI janAnAM divyarUpAM dayArdrAM manoj~nAM bhaje tvAm |
shrImAdhavI\-kAnanasthe garbharakShAmbike pAhi bhaktaM stuvantam || 2||
AShADhamAse supuNye shukravAre sugandhena gandhena liptA |
divyAmbarAkalpaveShA vAjapeyAdi\-yAgastha\-bhaktaiH sudR^iShTA |
shrImAdhavI\-kAnanasthe garbharakShAmbike pAhi bhaktaM stuvantam || 3||
kalyANadAtrIM namasye vedikAkhya\-striyA garbharakShAkarIM tvAm |
bAlaissadA sevitA~NghriM garbharakShArthamArAdupetairupetAm |
shrImAdhavI\-kAnanasthe garbharakShAmbike pAhi bhaktaM stuvantam || 4||
brahmotsave vipravIthyAM vAdyaghoSheNa tuShTAM rathe sanniviShTAm |
sarvArthadAtrIM bhaje.ahaM devavR^indairapIDyAM jaganmAtaraM tvAm |
shrImAdhavI\-kAnanasthe garbharakShAmbike pAhi bhaktaM stuvantam || 5||
etat kR^itaM stotraratnaM dIkShitAnantarAmeNa devyAH sutuShTyai |
nityaM paThedyastu bhaktyA putrapautrAdi\-bhAgyaM bhavettasya nityam || 6||

iti brahmashrI anantarAmadIkShitavaryavirachitaM
             garbharakShAmbikA\-stotraM sampUrNam ||
##
Encoded by PSA Easwaran
Proofread by PSA Easwaran, Rajani Arjun Shankar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}