% Text title            : Devaih Krita Gauri Stuti
% File name             : gauristutiHdevaiHkRRitA.itx
% Category              : devii, devI, stuti, shivarahasya, pArvatI
% Location              : doc\_devii
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 5| 25-52 ||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devaih Krita Gauri Stuti ..}##
\itxtitle{.. devaiH kR^itA gauristutiH ..}##\endtitles ##
jaya gauri jagadvandye jaya sha~Nkaravallabhe |
jaya padmAnane devi jaya shrIsarvama~Ngale || 1||
jaya smaraharArdhA~Ngatu~NgasiMhAsanAshrite |
jaya shrIkaNThavividhashR^i~NgArarasasaMshraye || 2||
jaya karpUrakastUrIchandanA~Ngavilepane |
jaya mandAravilasanmallikAsamala~NkR^ite || 3||
jaya hAravihArADhyakuchakumbhAntarasthale |
jaya ratnagaNAkIrNakoTIravarabhAsure || 4||
jayAnantamaNichChannasuvarNAbharaNAnvite |
jaya pUrNasudhArashmisamAnavasanojvale || 5||
tArahIvarAkrAntatATa~NkaghaTitAlake |
maNidarpaNasa~NkAshakapolalalite shive || 6||
jaya nIlAchalAkAraveNImaNDalamaNDite |
jaya mattebhakumbhAbhasudhApUrNakuchAshraye || 7||
unmattamInasa~NkAshanayanashrIsamanvite |
ga~NgAvartAtigambhIranAbhikAntivirAjite || 8||
jayANumadhyalalitaromAlibhramarAvR^ite |
unmattahaMsagamane jaya chandrAlike shive || 9||
jaya maunimanaHpadmasadmAshritapadAmbuje |
jaya bhaktajanAnandapravR^iddhikaraNodyate || 10||
jaya shrIkaNThakaNThasthabAhuvallIvirAjite |
jaya svabhaktaduHkhAbdhivishoShaNavichakShaNe || 11||
jayAnandasudhAmbhodhisvarUpe jaya shAmbhavi |
jaya svargApavargAdiphaladAnonmukhe shive || 12||
pAhi pAhi surAnasmAn tvatpAdAmburuhArchakAn |
ananyasharaNAnamba jagadAlambane jaya || 13||
bhajAmo bhajAmaH smarAripriyAM tvAM bhajAmo bhajAmo bhajAmo bhavAnIm |
bhajAmo bhajAmo bhajAmo bhajAmaH sharaNyAgragaNyAM bhajAmo bhajAmaH || 14||
bhajAmo bhavatpAdapadmaprasAdaprabhAvAnuvaddhAH prabuddhAH sukhena |
bhajAmashchiraM gauri saMsArabandhaM sanibandhamAshu pralInaM kuruShva || 15||
bhavatpAdasevAsamAsaktachittAH shriyA sevitAH sarvadA bhAgyavantaH |
bhavatpAdapadmaM vinA.anyanna vidmaH prasAdAnukUlaM na vidmo na vidmaH || 16||
bhavatpAdukArAdhakA eva loke narAH syurdharAdhIshapUjyAdipUjyAH |
bhavaddarshanaM jAtamasmAkamamba prasannAH kR^itArthAH kR^itArthAH kR^itArthAH || 17||
sakR^idvA bhavatpAdapadmaprabhAbhiH vayaM bhUShitAshchet tavAdyAmba kiM vA |
dhanaM yAti dIneShu dattaM dhanaM chet dhanaM vR^iddhimetIti dhanyA vadanti || 18||
pratIkShA kR^itA tAvadadyAmba shIghraM tvada~NghryambujArAdhane sA.adhunApi |
na jAtA tathApi svachitteShu duHkhaM na vR^ittaM bhavatpAdapadmashriyA naH || 19||
anantaistapobhistulAkoTidAneH tathA yAgapUgaiH vratAnAM samUhaiH |
bhavatpAdasandarshanaM dharmabIjaM parantu prasAdAttavaivAdrikanye || 20||
bhavatpAdapadmAmbujAdetu vAtaH karotu shriyA saMyutAneva lokAn |
sa lokopakArAya sR^iShTastvayA.api tvamevAsi mAtA pitA.asi tvameva || 21||
bhavatpAdapadmashriyA saMyutAnAM pavitrANi gAtrANi sharvANi gauri |
girIndro.api dhanyastvadArAdhanena striyA menakA sApi dhanyApi mAnyA || 22||
tadAnugrahaH prArthito.api prayAso na labhyaH kR^ite.api prayAsaM vinApi |
akasmAdyadi tvatpadAmbhojabhaktiH tadA so.api labhyo bhavatyeva gauri || 23||
bhavatpAdapadmaprasAdasya pAtraM vayaM tAvadambAdhunA dhanyadhanyAH |
ito.apyanyadasmAkamAshAsyamastItyupekShA na kAryA tvayA dInavarge || 24||
shive kishchidanyat na naH prArthanIyaM bhavatpAdapadmAnurAgaM vinA.api |
sa evAnurAgo mahAbhogahetuH sa setuH surAbhIShTarAnAmburAsheH || 25||
namaste kalyANi tripuravaravAmA~Ngasadane
       namaste sharvANi smaraharamanohArivadane |
namaste rudrANi skhaladamalanIlotpaladala\-
       chChalachChAyAchChannachChadimadhuragambhIranayane || 26||
namaste nIlAdridravavipulakallolavividha
       prabhAbhAvAbhAvadravalalitanIlAlakakule |
namaste bhakteShTapradachaturapAdAmbujayuge
       namaste bhUyaste punarapi namaste punarapi || 27||
praNAmAnamrendrapramukhavanitAyallakamaNi\-
       prabhAspardhAmardhAmR^itakarashiroratnamahilA |
muhurdR^iShTvA dR^iShTvA nijacharaNajAgrachChavikR^ita\-
       smitavyaktAnandA dishatu mama kalyANa saraNIm || 28||

|| iti shivarahasyAntargate devaiH kR^itA gauristutiH sampUrNA ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 5| 25\-52 ||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 5. 25-52 ..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}