% Text title            : Gauryutpattivarnanam
% File name             : gauryutpattivarNanam.itx
% Category              : devii, devI, shivarahasya
% Location              : doc\_devii
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshAkhyaH dvAdashamAMshaH | adhyAyaH 9 gauryutpattiH | 1-68 ||
% Latest update         : December 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gauryutpattivarnanam ..}##
\itxtitle{.. gauryutpattivarNanam ..}##\endtitles ##
(shivarahasyAntargate IshAkhye)

subrahmaNya uvAcha |

yadA satI tanuM tyaktvA yogenaiva svatejasA |
sumuhUrte sudivase menAgarbhe samAvishat || 7||
vichitrashaktiH sA devI mAyA pashupatestadA |
tatraiva dashame mAsi shubhalagne grahairyute || 8||
pa~nchagraheShUchchageShu tadA himavato gR^ihe |
jaj~ne tatra mahAdevI tatrAsIdutsavo mahAn || 9||
devAstatra samAjagmurviShNubrahmAdayaH surAH |
maruto vasavaH sAdhyA gandharvAshcha jaguH kalam || 10||
devadundubhayo neduH puShpavR^iShTirabhUchcha khAt |
nR^ityantyapsaraso hR^iShTAstadA himavato gR^ihe || 11||
so.api vishrANayAmAsa dhanadhAnyaM gavAM gaNam |
ratnAni chaiva vAsAMsi sa dadau shAmbhaveShu saH || 12||
munayaH pUjitAstena nAradAdyA maharShayaH |
viShNubrahmAdivibudhAn gandhapuShpaiH samArchayat || 13||
bhakShyairbhojyaishcha vAsobhirbhUShaNairmudamAdadhat |
jAtakarmAdikarmANi chakAra sa girIshvaraH || 14||
yayuH santoShamatulaM mudA te vibudharShayaH |
menayA sahitAM dR^iShTvA pArvatIM sUtikAgR^ihe || 15||
uttAnashayanAM bAlAM nIlakuntalamUrdhajAm |
padmapatrekShaNAM chAru bimboShThIM padmavaktrakAm || 16||
kambukaNThIM mR^iNAlAbhabAhudvayavirAjitAm |
raktAbjAbhasuhastAM cha nakhachandrayutA~Ngulim || 17||
bAlArambhAbhavR^ittorusphigja~NghAjaghanAvR^itAm |
phullapadmabhapAdena uttAnena virAjitAm || 18||
dvitIyAsomasa~NkAshapAdAmbunakhAvalim |
vyAlolanayanAM bAlAM sarvabhUShaNabhUShitAm || 19||
ratnagraiveyavalayairmuktAhAravirAjitAm |
bhAlamadhyAlakAlolamuktAjAlakabhUShitAm || 20||
tilakADhyamukhendUtthakarNAvalikabhUShitAm |
rUShitAM divyagandhena divyapuShpaiH surArchitAm || 22||
kA~nchIkhachitamadhyAM cha kShudraghaNTAlasatkaTim |
pAdanUpura saMrAvajita krau~nchavarasvanAm || 23||
divyavAsobhirAchChannAM lolAndolanavIjitAm |
devapatnyaH samAgatya shachI svAhA svAdhA ramA || 24||
nIrAjayanti tAM devIM divyama~NgalagAyanaiH |
rakShAM rakShAkarIM tasyA rAkShasebhyastadA mudA || 25||
rAtrau rAtrau paThanti sma samavetA maharShayaH |
gAyanti lalitaM valgu madhuraM gAyanAstadA || 26||
tadgAnena cha sA devI vinidrAti dine dine |

devastriyaH UchuH |

ayi jagadamba kadambavanasthita nIpavidIpitasaudha\-
yutAmR^itavArdhitara~Ngita vAtasupotaka vIjitaratnagaNa\-
prabha lolakaDolavarAsana tAta vitAna suvastramaNIgaNa\-
puShpavirAjitaphullasuhallaka lolasamAvR^itama~nchavikarShaNa
kUjitakam || 27||
ghanaravarAgasurAgavirAgamR^igAvali dhUta suchAmara\-
chandraka vIjanavIjitamArutasApadhanAvR^ita chandra\-
samaprabha dhUtatarAkR^iti devagajA~NganagItamidam || 28||
vishrutamaNigaNabhUShaNakR^itarava ri~NkhaNa jhaNajhaNa
rava vara ghoShaNa nidrita harShitadharShitamedha suchAtakapotaka\-
jAtaka bhAvukakalpanashilpanajAtasusambhramadiggaja\-
sudvijagarjana toShastutAvitasarvasurAvanapAvana\-
sundara nirjaradArakR^itastutinidritaparvatabAla\-
mabAlatanuprabhabhAvitanatajanapoShitavishruta gItamidam || 29||
evaM gItena tAM bAlAM devyo nidrApayantyapi |
lAlayanti striyaH kAshchitsnApayanti manoramAH || 30||
bhUShayanti tathA bAlaM tilakairveNimaNDanaiH |
pAyayanti tathAnyAstA dhikkR^itAmR^itamuttamam || 31||
dine dine mahAdevIM tathA nIrAjayantyapi |
dukUlavasanaishchitrairvAsayanti striyo.akhilAH || 32||
evaM tatra mahAdevIM pUjayanti surA~NganAH |
tadA sA vavR^idhe bAlA kalA chAndramasIva sA || 33||

|| iti shivarahasyAntargate subrahmaNyaproktaM gauryutpattivarNanaM sampUrNam ||

\- || shrIshivarahasyam | IshAkhyaH dvAdashamAMshaH | adhyAyaH 9 gauryutpattiH | 1\-68 ||
##
- .. shrIshivarahasyam . IshAkhyaH dvAdashamAMshaH . adhyAyaH 9 gauryutpattiH . 1-68 ..

Notes:

Subrahmaṇya ##subrahmaNya## narrates (to Jaigīṣavya ##jaigIShavya##); about the rebirth of Satī ##sati## as Pārvatī ##pArvatI## with Menā ##menA## and Himavān ##himavAn## as Her parents. Being the form of Mahādevī ##mahAdevI##, She is revered and worshiped apart from being nurtured and taken care of.##

##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}