% Text title            : Goda Stotram
% File name             : godAstotram.itx
% Category              : devii, varadAnanda, nadI
% Location              : doc\_devii
% Author                : Swami Varadananda Bharati (Pracharya A. D. AThavale)
% Transliterated by     : Arun Parlikar
% Proofread by          : Arun Parlikar
% Description/comments  : bhAvArchanA
% Acknowledge-Permission: Shri Dasganu Maharaj Pratishthan, Gorte https://www.santkavidasganu.org 
% Latest update         : June 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Goda Stotram ..}##
\itxtitle{.. shrIgodAstotram ..}##\endtitles ##
OM shrI
|| shrIsha~Nkara ||
            (pR^ithvI)
mukandapadasambhave shivakapardasaMshobhini
      shive kalimalAntake paramama~Ngale pAvani |
namAmi charaNau shubhAvabhayadau natAnAM tava
      shishormama nayAshivaM vilayamamba godAvari || 1||
            (shArdUlavikrIDita)
AchAryeShu shivAvatArayatirAT, sAdhyeShu niHshreyasam
      svAtantryaM sukhadAyivastuShu, mateShvadvaitamityAhvayam |
shIlaM sarvaguNeShu bhAti cha yathA godAvari tvaM tathA
      sarvAsu pramukhApagAsu varade shreShThA shubhA shobhase || 2||
            (upendravajrA)
na kevalA tvaM dharaNIgatAsu
      nadIShu pUtAsu vibhAsi mAtaH |
surApagAsvapyatimAtrashobhA
      tavaiva he aMva vishuddhashIle || 3||
            (siMhodvatA)
yA ghnanti tApasatapo nijayauvanena
      ramyeNa toShTumamarendramano.apsarANAm |
tAsAM vihArasaridasti surApagA yA
      sA devi yAsyati kathaM padavIM shubhAM te || 4||
            (hariNI)
bhavatu suShamaM rUpaM tAsAmakhaNDitayauvanam
      vilasatu tanordivyo varNo nadIshvari tena kim |
malinacharitAstAsAM yogyA bhaved gaNikAbhidhA
      gaNayati naraH kastA gode satIShu surA~NganAH || 5||
            (bhuja~NgaprayAta)
shubhA chArushIlA raghUttaMsabhAryA
      satI jAnakI nirjaraiH pUjanIyA |
jale pratyahaM te shikhAmajjitA.a.asId
      ato vandanIye tvameva stavArhA || 6||
            (shAlinI)
vAsaM kurve svargalokeShu yatra
      pIyUShaM yaddurlabhaM mAnavAnAm |
shreShThatvaM me tena shaivAlinIShu
      mandAkinyA garva evaM vR^ithA.asti || 7||
            (drutavilambita)
amR^itayuktamupAyanamAdarAd
      avirataM pravarA.amR^itavAhinI |
bhavati dattavatI jagadamba te
      tvamasi tena saritkulashekharA || 8||
            (mandAkrAntA)
tvatsAmarthyAt prakharamabhavad\-dveShaNebhyaH shakAriH
      mUrdhni prAptaH sakalaviduShAmAshiShA te guNADhyaH |
yatte tIraM kalimalaharaM j~nAnadevaM suShAva
      keShAM hi tvAM tulayitumalaM bhUtirebhirvisheShaiH || 9||
            (anuShTup)
sarveShu vandyA shreShThA cha, gautami tvaM virAjase |
AtmoddhArAya tenAhaM, stavanaM kartumudyataH || 10||
            (vaMshasya)
pradIpamAyAnti tamohatA narA
      apekShate.ashuddhapaTAya dhAvakaH |
sthAne tathA.ahaM sharaNaM tavAgataH
      tvayAvinA pApajanasya kA gatiH || 11||
            (AryA)
kuruShe vilambamambe kimarthamarthaM vinA samuddharaNe |
kupitA.api tArayemaM janaM shishutvena sharaNo.asmi || 12||
            (viyoginI)
tvamasi dhruvatArakA kila, paritaste bhramaNaM surarShayaH |
iva me hi karotyaharnishaM, sakalAshAsamudAya Ishvari || 13||
            (mAlinI)
vigatavibhavalakShmI hindubhU dAsyataptA
      tanujacharitashochyA te shivenAmR^itena |
prakaTayati katha~nchich chArutAM svAM prasiddhAm
      vidhivilasitadInA ku~NkumenA~Nganeva || 14||
            (rathoddhatA)
            (rathodvatA)
kalmaShairupakR^ito.asmi mAmakaiH
      prApito janani yaistavAshrayam |
urvashI manujapailadarshana \-
      hetubhUtanikaShAtmajairyathA || 15||
            (vibudhapriyA)
kurvate.ambhasi majjanaM tava bhAskarapramukhA grahAH
      svarbhuvAM nivasanta e taTinIshvari pratibimbinaH |
bhUtalA.a.agamanAkShamA nijama~Ngalasya cha hetunA
      varNyate kimutedR^isho mahimA mayA jaDabuddhinA || 16||
            (svAgatA)
tArayiShyasi mahAvR^ijinaM mA, pApaheti padavImanumanye |
uchyate mR^igamadasya parIkShA hyugragandhaharaNe lashunasya || 17||
            (sumandAramAlA)
abhakteH purANAnyanadhyAyanAtsarvashAstrANi vedoktamantrAstathA
      mamAshuddhavAchassamuddhAraNArthaM madIyAnmahAghAtsamarthAni no |
tapo niShphalaM cha~nchalatvAtkathaM nirdhane prINayeyurmayIjyapriyAH
      bhavAttvAM vinetthaM nirAdhArabhUtastariShyAmapekShAvihIne kutaH || 18||
            (chAmara)
na shrutaM kvachidbhuvAM jalormayA bhavantyalam
      tAraNAya sAgarAnnR^iNAM mahAplavopamAH |
chitrameva vIchayo jalasya netumamba te
      pArayantyathAparaM bhavArNavAttaTaM naram || 19||
            (sragviNI)
mA vilambaM kR^ithA me samuddhAraNe
      svAM purImanyathA mAM haredantakaH |
te sukIrtyA bhavedamba hAniryataH
      pApamUrtirmamevAparo durlabhaH || 20||
            (sragdharA)
pAde traivikramIye surabhavanagate pUjanAyArpite te
      dhAtrA.ambe vidyamAne shivakarasalile pAvane pAvanAnAm |
\ldq{}devA rAShTrasya guptyai\rdq{} shrutivachanamidaM kiM nahi pratyayAya
      rAShTre svAtantryahIne smR^itigatavibhave shatrubhItyA.a.akule.asmin || 21||
            (shikhariNI)
dhR^itaM viShNostApApaharacharaNAbjAddhi jananam
      kR^itA shambhoshIrShe himakarasamIpe.api vasatiH |
paraM nAyAtA kiM janani tava toye shishiratA
      bhavedyA paryAptA vinatajanasantApashamane || 22||
            (shArdUlavikrIDita)
yasyA.ashaishavalAlanaM cha kR^itavAn vR^indArakaH sadguruH
      sohaM dAsagaNuprasAdavikasadbuddhiH svayaM mUDhadhIH |
padyairvR^ittapR^ithagvidhairdviguNite rudrairmudA te stavam
      gode.akAri yathAbalaM kuru kR^ipAM nityAmanante mayi || 23||

iti svAmI varadAnandabhAratIvirachitaM shrIgodAstotraM sampUrNam |

bhAvArchanA (prAchArya a\. dA\. AThavale)
##
The unique part of this composition on
the river Godavari is that each verse
if composed in a different meter specified
in parenthesis.

https://www.santkavidasganu.org, https://www.youtube.com/@varad-vani1496

Encoded and proofread by Arun Parlikar


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}