% Text title : guNaratnakoShaH % File name : guNaratnakoShaH.itx % Category : devii % Location : doc\_devii % Author : Parasharabhatta % Transliterated by : Late P R Ramamurthy % Proofread by : Late P R Ramamurthy, Aruna Narayanan narayanan.aruna at gmail.com % Acknowledge-Permission: Gleaning from Sanskrit Literature http://stotram.lalitaalaalitah.com % Latest update : August 18, 2019 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Gunaratna KoshaH ..}## \itxtitle{.. shrIguNaratnakoshaH ..}##\endtitles ## shrIparAshara bhaTTAryaH shrIra~NgeshapurohitaH shrIvatsA~NkasutaH shrImAn shreyase me.astu bhUyase | shriyai samastachidachidvidhAnavyasanaM hareH | a~NgIkAribhirAlokaiH sArthayantyai kR^ito.a~njaliH || 1|| ullAsapallavitapAlitasaptalokI\- nirvAhakorakita nemakaTAkShalIlAm | shrIra~Ngaharmyatalama~NgaladIparekhAM shrIra~NgarAjamahiShIM shriyamAshrayAmaH || 2|| anukalatanukANDAli~NganArambhashumbhat pratidishabhujashAkhashrIsakhAnokaharddhiH | stananayanaguluchChasphArapuShpadvirephAH rachayatu mayi lakShmIkalpavallI kaTAkShAn || 3|| yadbhrUbha~NgAH pramANaM sthirachararachanAtAratamye murAreH vedAntAstattvachintAM murabhidurasi yatpAdachihnaistaranti | bhogopodghAtakelIchulakitabhagavadvaishvarUpyAnubhAvA sA naH shrIrAstR^iNItAmamR^italaharidhIla~NghanIyairapA~NgaiH || 4|| yadyAvattavavaibhavaM taduchitastotrAya dUre spR^ihA stotuM ke vayamityadashcha jagR^ihuH prA~ncho viri~nchAdayaH | apyevaM tava devi! vA~NmanasayorbhAShAnabhij~naM padaM kA vAchaH prayatAmahe kavayituM svasti prashastyai girAm || 5|| stotAraM tamushanti devi! kavayo yo vistR^iNIte guNAn stotavyasya tatashcha te stutidhurA mayyeva vishrAmyati | yasmAdasmadamarShaNIyaphaNitisvIkArataste guNAH kShAntyaudAryadayAdayo bhagavati! svAM prasnuvIran prathAm || 6|| sUktiM samagrayatu naH svayameva lakShmIH shrIra~NgarAjamahiShI madhuraiH kaTAkShaiH | vaidagdhyavarNaguNagumbhanagauravairyAM kaNDUlakarNakuharAH kavayo dhayanti || 7|| anAghrAtAvadyaM bahuguNaparINAhi manaso duhAnaM sauhArdaM parichitamivAthApi gahanam | padAnAM saubhrAtrAdanimiShaniShevyaM shravaNayoH tvameva shrIrmahyaM bahumukhaya vANIvilasitam || 8|| shriyaH shrIH shrIra~Ngeshaya! tava cha hR^idyAM bhagavatIM shriyaM tvatto.apyuchchairvayamiha phaNAmaH shR^iNutarAm | dR^ishau te bhUyAstAM sukhataralatAre shravaNataH punarharShotkarShAt sphuTatu bhujayoH ka~nchukashatam || 9|| devi! shrutiM bhagavatIM prathame pumAMsaH tvatsadguNaughamaNikoshagR^ihaM gR^iNanti | tad.h{}dvArapATanapaTUni cha setihAsa\- santarkaNasmR^itipurANapurassarANi || 10|| AhurvedAnamAnaM katichana katichArAjakaM vishvametat rAjanvatkechidIshaM guNinamapi guNaistaM daridrANamanye | bhikShAvanye surAjambhavamiti cha jaDAste talAtalyakArShuH ye te shrIra~NgaharmyA~NgaNakanakalate! na kShaNaM lakShyamAsan || 11|| manasi vilasatA.akShNA bhaktisiddhA~njanena shrutishirasinigUDhaM lakShmi! te vIkShamANAH | nidhimiva mahimAnaM bhu~njate ye.api dhanyAH nanu bhagavati! daivIM sampadaM te.abhijAtAH || 12|| asyeshAnA jagata itite.adhImahe yAM samR^iddhiM shrIH! shrIsUktaM bahumukhayate tAM cha shAkhAnushAkham | IShTe kashchijjagata iti yaH pauruShe sUkta uktaH taM cha tvatkaM patimadhijagAvuttarashchAnuvAkaH || 13|| udbAhustvAmupaniShadasAvAha naikA niyantrIM shrImadrAmAyaNamapi paraM prANiti tvachcharitre | smartAro.asmajjanani yatame setihAsaiH purANaiH nityurvedAnapi cha tatame tvanmahimni pramANam || 14|| AkugrAmaniyAmakAdapi vibhorAsarvanirvAhakAt aishvaryaM yadihottarottaraguNaM shrIra~NgabhartuH priye | tu~NgaM ma~NgalamujjvalaM garimavat puNyaM punaH pAvanaM dhanyaM yattadadashcha vIkShaNabhuvaste pa~nchaShAH vipruShaH || 15|| eko muktAtapatraprachalamaNighaNa\- tkArimaulirmanuShyaH dR^ipyaddantAvaLastho na gaNayati natAn yatkShaNaM kShoNipAlAn | yattasmai tiShThate.anyaH kR^ipaNamasharaNo darshayan dantapa~NktI tatte shrIra~NgarAjapraNayini nayano\- da~nchitAnya~nchitAbhyAm || 16|| ratirmatisarasvatI dhR^itisamR^iddhisiddhishriyaH sudhAsakhi! yatomukhaM chichaliShettava bhrUlatA | tatomukhamathendire! bahumukhImahampUrvikAM vigAhya cha vashaMvadAH parivahanti kUla~NkaShAH || 17|| saha sthiraparitrasavrajaviri~nchanAki~nchanaiH anokahabR^ihaspatiprabalaviklavaprakriyam | idaM sadasadAtmanA nikhilameva nimnonnataM kaTAkShatadupekShayostava hi lakShmi! tattANDavam || 18|| kAle shaMsati yogyatAM chidachitoranyonyamAli~NgatoH bhUtAha~NkR^itibuddhipa~nchakaraNIsvAntapravR^ittIndriyaiH | aNDAnAvaraNaissahasramakarottAnbhUrbhuvassarvataH shrIra~Ngeshvaradevi! te vihR^itaye sa~NkalpamAnaH priyaH || 19|| shabdAdIn viShayAn pradarshya vibhavaM vismArya dAsyAtmakaM vaiShNavyA guNamAyayA.a.atmanivahAn viplAvya pUrvaH pumAn | puMsA paNyavadhUviDambivapuShA dhUrtAnivAyAsayan shrIra~Ngeshvari! kalpate tava parIhAsAtmane kelaye || 20|| yaddUre manaso yadeva tamasaH pAre yadatyadbhutaM yatkAlAdapachelimaM surapurI yadgachChto durgatiH | sAyujyasya yadeva sUtirathavA yaddurgrahaM madgirAM tadviShNoH paramaM padaM tava kR^ite mAtassamAmnAsiShuH || 21|| helAyAmakhilaM charAcharamidaM bhoge vibhUtiH parA puNyAste parichArakarmaNi sadA pashyanti ye sUrayaH | shrIra~Ngeshvaradevi! kevalakR^ipAnirvAhyavarge vayaM sheShitve paramaH pumAn parikarA hyete tava sphAraNe || 22|| Aj~nAnugrahabhImakomalapurIpAlA phalaM bhejuShAM yA.ayodhyetyaparAjiteti viditA nAkaM pareNa sthitA | bhAvairadbhutabhogabhUmagahanaissAndrA sudhAsyandibhiH shrIra~NgeshvaragehalakShmi! yuvayostAM rAjadhAnIM viduH || 23|| tasyAM cha tvatkR^ipAvanniravadhijanatAvishramArhAvakAshaM sa~NkIrNaM dAsyatR^iShNAkalitaparikaraiH pumbhirAnandanighnaiH | snehAdAsthAnarakShAvyasanibhirabhayaM shAr~NgachakrAsimukhyai\- rAnandaikArNavaM shrIrbhagavati! yuvayorAhurAsthAnaratnam || 24|| tatra sraksparshagandhaM sphuradupariphaNAratnarochirvitAnaM vistIryAnantabhogaM tadupari nayatA vishvamekAtapatram | taistaiH kAntena shAntoditaguNavibhavairarhatA tvAmasa~NkhyaiH anyonyAdvaitaniShThAghanarasagahanAn devi! badhnAsi bhogAn || 25|| bhogyA vAmapi nAntarIyakatayA puShpA~NgarAgaissamaM nirvR^ittapraNayAtivAhanavidhau nItAH parIvAhatAm | devi! tvAmanu nIlayA saha mahIdevyassahasraM tathA yAbhisvaM stanabAhudR^iShTibhiriva svAbhiH priyaM shlAghase || 26|| te sAdhyAssanti devA janani! guNavapurveShavR^ittasvarUpaiH bhogairvA nirvisheShAH savayasa iva ye nityanirdoShagandhAH he shrIH! shrIra~Ngabhartustava cha padaparIchAravR^ittyai sadA.api premapradrANabhAvAvilahR^idayahaThAtkArakai~NkaryabhogAH || 27|| svarUpaM svAtantryaM bhagavata idaM chandravadane! tvadAshleShotkarShAt bhavati khalu niShkarShasamaye | tvamAsIrmAtaH! shrIH! kamituridamitthaM tvavibhavaH tadantarbhAvAttvAM na pR^ithagabhidadhatte shrutirapi || 28|| tava sparshAdIshaM spR^ishati kamale! ma~NgalapadaM tavedaM nopAdherupanipatitaM shrIrasi yataH | prasUnaM puShyantImapi parimalardhiM jigadiShuH na chaivaM tvA devaM svadata iti kashchitkavayate || 29|| apA~NgA bhUyAMso yadupari paraM brahma tadabhU\- damI yatra dvitrAssa cha shatamakhAdistadadharAt | ataH shrIrAmnAyastadubhayamushaMstvAM praNijagau prashastissA rAj~no yadapi cha purIkoshakathanam || 30|| svatashshrIstvaM viShNossvamasi tata evaisha bhagavAn tvadAyattardhitve.apyabhavadaparAdhInavibhavaH | svayA dIptyA ratnaM bhavadapi mahArghaM na viguNaM na kuNThasvAtantryaM bhavati na chAnyAhitaguNam || 31|| prashakanabalajyotirj~nAnaishvarIvijayaprathA\- praNatavaraNapremakShema~NkaratvapurassarAH api parimalaH kAntirlAvaNyamarchiritIndire! tava bhagavatashchaite sAdhAraNAH guNarAshayaH || 32|| anye.api yauvanamukhAH yuvayossamAnAH shrIra~Ngama~NgalavijR^imbhaNavaijayanti! tasmiMstava tvayi cha tasya paraspareNa saMstIrya darpaNa iva prachuraM svadante || 33|| yuvatvAdau tulye.apyaravashatAshatrushamana\- sthiratvAdInkR^itvA bhagavati! guNAn puMstvasulabhAn | tvayi strItvaikAntAn mradimapatipArArthyakaruNA\- kShamAdInvA bhoktuM bhavati yuvayorAtmani bhidA || 34|| ghanakanakadyutI yuvadashAmapi mugdhadashAM yuvataruNatvayoruchitamAbharaNAdi param | dhruvamasamAnadeshaviniveshi vibhajya harau tvayi cha kusheshayodaravihAriNi nirvishasi || 35|| a~NgaM te mR^idushItamugdhamadhurodArairguNairgumbhataH kShIrAbdheH kimR^ijIShatAmupagatAH manye mahArghAstataH | induH kalpalatA sudhAmadhumukhA ityAvilAM varNanAM shrIra~Ngeshvari! shAntakR^itrimakathaM divyaM vapurnArhati || 36|| praNamadanuvidhitsAvAsanAnamramagre praNayiparichichIShAku~nchitaM pArshvakena | kanakanikaShacha~nchachchampakasraksamAna\- pravaramidamudAraM varShma vAchAmabhUmiH || 37|| ekaM nya~nchya natikShamaM mama paraM chAku~nchya pAdAmbujaM madhye viShTarapuNDarIkamabhayaM vinyasya hastAmbujam | tvAM pashyema niSheduShIM pratikalaM kAruNyakUla~NkaSha\- sphArApA~Ngatara~Ngamamba! madhuraM mugdhaM mukhaM bibhratIm || 38|| surabhitanigamAntaM vandiShIyendirAyAH tava kamalapalAshaprakriyaM pAdayugmam | vahati yadupamardairvaijayantI himAmbhaH plutiriva navatvaM kAntabAhAntarAle || 39|| tvatsvIkArakalAvalepakaluShA rAj~nAM dR^isho durvachAH nityaM tvanmadhupAnamattamadhupashrInirbharAbhyAM patim | dR^igbhyAmeva hi puNDarIkanayanaM vedo vidAmAsa te sAkShAllakShmi! tavAvalokavibhavaH kA kvA kayA varNyate || 40|| AnandAtmabhirIshamajjanamadakShIbAlasairAgala\- premArdrairapi kUlamudvahakR^ipAsamplAvitAsmAdR^ishaiH | padme! te pratibindubaddhakalikabrahmAdiviShkambhakaiH aishvaryodgamagadgadairasharaNaM mAM pAlayA.a.alokitaiH || 41|| pAdAruntudamevapa~NkajarajashcheTIbhR^ishAlokitaiH a~NgamlAnirathAmba! sAhasavidhau lIlAravindagrahaH DolA te vanamAlayA haribhuje hA kaShTashabdAspadaM kena shrIratikomalA tanuriyaM vAchAM vimardakShamA || 42|| AmaryAdamakaNTakaM stanayugaM nAdyApi nAlokita\- bhrUbhedasmitavibhramA jahati vA naisargikatvA.ayashaH | sUte shaishavayauvanavyatikaro gAtreShu te saurabhaM bhogasrotasi kAntadeshikakaragrAheNa gAhakShamaH || 43|| AmodAdbhutashAli yauvanadashAvyAkochamamlAnimat saundaryAmR^itasekashItalamidaM lAvaNyasUtrArpitam | shrIra~Ngeshvari! komalA~NgasumanassandarbhaNaM devi te kAntoraHpratiyatnamarhati kaviM dhi~NmAmakANDAkulam || 44|| marmaspR^isho rasasirA vyatividhya vR^ittaiH kAntopabhogalalitairlulitA~NgayaShTiH | puShpAvalIva rasikabhramaropabhuktA tvaM devi! nityamabhinandayase mukundam || 45|| kanakarashanAmuktAtATa~NkahAralalATikA\- maNisaratulAkoTiprAyairjanArdanajIvike! prakR^itimadhuraM gAtraM jAgarti mugdhavibhUShaNaiH valayashakalairdugdhaM puShpaishcha kalpalatA yathA || 46|| sAmAnyabhogyamapi kaustubhavaijayantI\- pa~nchAyudhAdi ramaNaH svayameva bibhrat | tadbhArakhedamiva te parihartukAmaH shrIra~NgadhAmamaNima~njari! gAhate tvAm || 47|| yadi manujatirashchAM lIlayA tulyavR^itteH anujanuranurUpA devi! nAvAtariShyaH | asarasamabhaviShyannarma nAthasya mAtaH daradaladaravindodantakAntAyatAkShi || 48|| skhalitakaTakamAlyairdorbhirabdhiM murAreH bhagavati dadhimAthaM mathnataH shrAntishAntyai | bhramadamR^itara~NgAvartataH prAdurAsIH smitanayanasudhAbhissi~nchatI chandrikeva || 49|| mAtarmaithili rAkShasIstvayi tadaivArdrAparAdhAstvayA rakShantyA pavanAtmajAllaghutarA rAmasya goShThI kR^itA kAkaM taM cha vibhIShaNaM sharaNamityuktikShamau rakShataH sA nassAndramahAgasassukhayatu kShAntistavAkasmikI || 50|| mAtarlakShmi yathaiva maithilajanastenAdhvanA te vayaM tvaddAsyaikarasAbhimAnasubhagairbhAvairihAmutra cha | jAmAtA dayitastaveti bhavatIsambandhadR^iShTyA hariM pashyema pratiyAma yAma cha parIchArAn prahR^iShyema cha || 51|| piteva tvatpreyAn janani paripUrNAgasi jane hitasrotovR^ittyA bhavati cha kadAchit kaluShadhIH | kimetannirdoShaH ka iha jagatItitvamuchitaiH upAyairvismArya svajanayasi mAtA tadasi naH || 52|| neturnityasahAyinI janani nastrAtuM tvamatrAgatA loke tvanmahimAvabodhabadhire prAptA vimardaM bahu | kliShTaM grAvasu mAlatImR^idupadaM vishliShya vAso vane jAto dhikkaruNAM dhigastu yuvayoH svAtantryamatya~Nkusham || 53|| adhishayitavAnabdhiM nAtho mamantha babandha taM haradhanurasau vallIbha~njaM babha~nja cha maithili | api dashamukhIM lUtvA rakShaH kabandhamanartayat kimiva na patiH kartA tvachchATuchu~nchumanorathaH || 54|| dashashatapANipAdavadanAkShimukhairakhilaiH api nijavaishvarUpyavibhavairanurUpaguNaiH | avataraNairataishcha rasayan kamitA kamale kvachana hi vibhramabhramimukhe vinimajjati te || 55|| jananabhavanaprItyA dugdhArNavaM bahumanyase janani dayitapremNA puShNAsi tatparamaM padam | udadhiparamavyomnorvismR^itya mAdR^isharakShaNa\- kShamamiti dhiyA bhUyaH shrIra~NgadhAmani modase || 56|| audAryakAruNikatAshritavatsalatva\- pUrveShu sarvamatishAyitamatra mAtaH | shrIra~NgadhAmni yadutAnyadudAharanti sItAvatAramukhametadamuShya yogyA || 57|| aishvaryamakSharagatiM paramaM padaM vA kasmai chida~njalibharaM vahate vitIrya asmai na ki~nchiduchitaM kR^itamityathAmba! tvaM lajjase kathaya ko.ayamudArabhAvaH || 58|| j~nAnakriyAbhajanasampadaki~nchano.ahaM ichChAdhikArashakanAnushayAnabhij~naH | AgAMsi devi yuvayorapi dussahAni badhnAmi mUrkhacharitastava durbharo.asmi || 59|| ityuktikaitavashatena viDambayAmi tAnamba! satyavachasaH puruShAn purANAn | yadvA na me bhujabalaM tava pAdapadma\- lAbhe tvameva sharaNaM vidhitaH kR^itA.asi || 60|| shrIra~Nge sharadashshataM saha suhR^idvargeNa niShkaNTakaM nirduHkhaM susukha~ncha dAsyarasikAM bhuktvA samR^iddhiM parAm | yuShmatpAdasaroruhAntararajassyAma tvamambA pitA sarvaM cha tvamasi tvameva bhava naH svIkurvakasmAtkR^ipAm || 61|| iti shrIparAsharabhaTTAryairanugR^ihItaH shrIguNaratnakoshaH samAptaH | ## Proofread by Aruna Narayanan narayanan.aruna at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}