% Text title            : Himavata Kritam Girija Stotram
% File name             : himavatAkRRitaMgirijAstotram.itx
% Category              : devii, devI, stotra, pArvatI
% Location              : doc\_devii
% Proofread by          : PSA Easwaran
% Description/comments  : from Kurmapurana, kUrmapurANe pUrvabhAge 12/207-244
% Latest update         : August 13, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Himavata Kritam Girija Stotram ..}##
\itxtitle{.. himavatA kR^itaM girijAstotram ..}##\endtitles ##
himavAnuvAcha \-
adya me saphalaM janma adya me saphalaM tapaH || 1||
yanme sAkShAttvamavyaktA prasannA dR^iShTigocharA |
tvayA sR^iShTaM jagatsarvaM pradhAnAdyaM tvayi sthitam || 2||
tvayyeva lIyate devi tvameva cha parA gatiH |
vadanti kechittvAmeva prakR^itiM prakR^iteH parAm || 3||
apare paramArthaj~nAH shiveti shivasaMshrayAt |
tvayi pradhAnaM puruSho mahAn brahmA tatheshvaraH || 4||
avidyA niyatirmAyA kalAdyAH shatasho.abhavan |
tvaM hi sA paramA shaktiranantA parameShThinI || 5||
sarvabhedavinirmuktA sarvebhedAshrayAshrayA |
tvAmadhiShThAya yogeshi mahAdevo maheshvaraH || 6||
pradhAnAdyaM jagatkR^itsnaM karoti vikaroti cha |
tvayaiva sa~Ngato devaH svamAnandaM samashnute || 7||
tvameva paramAnandastvamevAnandadAyinI |
tvamakSharaM paraM vyoma mahajjyotirnira~njanam || 8||
shivaM sarvagataM sUkShmaM paraM brahma sanAtanam |
tvaM shakraH sarvadevAnAM brahmA brahmavidAmasi || 9||
vAyurbalavatAM devi yoginAM tvaM kumArakaH |
R^iShINAM cha vasiShThastvaM vyAso vedavidAmasi || 10||
sA~NkhyAnAM kapilo devo rudrANAmasi sha~NkaraH |
AdityAnAmupendrastvaM vasUnAM chaiva pAvakaH || 11||
vedAnAM sAmavedastvaM gAyatrI ChandasAmasi |
adhyAtmavidyA vidyAnAM gatInAM paramA gatiH || 12||
mAyA tvaM sarvashaktInAM kAlaH kalayatAmasi |
o~NkAraH sarvaguhyAnAM varNAnAM cha dvijottamaH || 13||
AshramANAM cha gArhasthyamIshvarANAM maheshvaraH |
puMsAM tvamekaH puruShaH sarvabhUtahR^idi sthitaH || 14||
sarvopaniShadAM devi guhyopaniShaduchyate |
IshAnashchAsi kalpAnAM yugAnAM kR^itameva cha || 15||
AdityaH sarvamArgANAM vAchAM devi sarasvatI |
tvaM lakShmIshchArurUpANAM viShNurmAyAvinAmasi || 16||
arundhatI satInAM tvaM suparNaH patatAmasi |
sUktAnAM pauruShaM sUktaM sAma jyeShThaM cha sAmasu || 17||
sAvitrI chAsi jApyAnAM yajuShAM shatarudriyam |
parvatAnAM mahAmerurananto bhoginAmasi || 18||
sarveShAM tvaM paraM brahma tvanmayaM sarvameva hi || 19||
rUpaM tavAsheShakalAvihInamagocharaM nirmalamekarUpam |
anAdimadhyAntamanantAmAdyaM namAmi satyaM tamasaH parastAt || 20||
yadeva pashyanti jagatprasUtiM vedAntavij~nAnavinishchitArthAH |
AnandamAtraM praNavAbhidhAnaM tadeva rUpaM sharaNaM prapadye || 21||
asheShabhUtAntarasanniviShTaM pradhAnapuMyogaviyogahetum |
tejomayaM janmavinAshahInaM prANAbhidhAnaM praNato.asmi rUpam || 22||
AdyantahInaM jagadAtmabhUtaM vibhinnasaMsthaM prakR^iteH parastAt |
kUTasthamavyaktavapustathaiva namAmi rUpaM puruShAbhidhAnam || 23||
sarvAshrayaM sarvajagadvidhAnaM sarvatragaM janmavinAshahInam |
sUkShmaM vichitraM triguNaM pradhAnaM nato.asmi te rUpamarUpabhedam || 24||
AdyaM mahAntaM puruShAtmarUpaM prakR^ityavasthaM triguNAtmabIjam |
aishvaryavij~nAnavirAgadharmaiH samanvitaM devi nato.asmi rUpam || 25||
dvisaptalokAtmakamambusaMsthaM vichitrabhedaM puruShaikanAtham |
anantabhUtairadhivAsitaM te nato.asmi rUpaM jagadaNDasa~nj~nam || 26||
asheShavedAtmakamekamAdyaM svatejasA pUritalokabhedam |
trikAlahetuM parameShThisa~nj~naM namAmi rUpaM ravimaNDalastham || 27||
sahasramUrdhAnamanantashaktiM sahasrabAhuM puruShaM purANam |
shayAnamantaH salile tathaiva nArAyaNAkhyaM praNato.asmi rUpam || 28||
daMShTrAkarAlaM tridashAbhivandyaM yugAntakAlAnalakalparUpam |
asheShabhUtANDavinAshahetuM namAmi rUpaM tava kAlasa~nj~nam || 29||
phaNAsahasreNa virAjamAnaM bhogIndramukhyairabhipUjyamAnam |
janArdanArUDhatanuM prasuptaM nato.asmi rUpaM tava sheShasa~nj~nam || 30||
avyAhataishvaryamayugmanetraM brahmAmR^itAnandarasaj~namekam |
yugAntasheShaM divi nR^ityamAnaM nato.asmi rUpaM tava rudrasa~nj~nam || 31||
prahINashokaM vimalaM pavitraM surAsurairarchitApAdapadmam |
sukomalaM devi vibhAsi shubhraM namAmi te rUpamidaM bhavAni || 32||
OM namaste.astu mahAdevi namaste parameshvari |
namo bhagavatIshAni shivAyai te namo namaH || 33||
tvanmayo.ahaM tvadAdhArastvameva cha gatirmama |
tvAmeva sharaNaM yAsye prasIda parameshvari || 34||
mayA nAsti samo loke devo vA dAnavo.api vA |
jaganmAtaiva matputrI sambhUtA tapasA yataH || 35||
eShA tavAmbikA devi kilAbhUtpitR^ikanyakA |
menA.asheShajaganmAturaho puNyasya gauravam || 36||
pAhi mAmamareshAni menayA saha sarvadA |
namAmi tava pAdAbjaM vrajAmi sharaNaM shivAm || 37||
aho me sumahadbhAgyaM mahAdevIsamAgamAt |
Aj~nApaya mahAdevi kiM kariShyAmi sha~Nkari || 38||
etAvaduktvA vachanaM tadA himagirIshvaraH |
samprekShaNamANo girijAM prA~njaliH pArshvato.abhavat || 39||

iti kUrmapurANe pUrvabhAge dvAdashAdhyAyAntargataM
himavatA kR^itaM girijAstotraM samAptam |
kUrmapurANe pUrvabhAge 12/207\-244
##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}