% Text title            : Indrakrita Sita StutiH
% File name             : indrakRitAsItAstutiH.itx
% Category              : devii, sItA, stuti
% Location              : doc\_devii
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : bhushuNDirAmAyaNam | pashchimakhaNDa | adhyAya 20/1-28||
% Latest update         : August 26, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sitastuti by Indra ..}##
\itxtitle{.. indrakR^itA sItAstutiH ..}##\endtitles ##
indra uvAcha |
madAdhipatyaM kiyadetadasti yasminnahaM nAma tathApi mAtaH |
seyaM bhavatyAH sudurantamAyA no chetkathaM vai prabhajAmi na tvAm || 1||
brahmAdayo lokapAlAH samagrAstvada~Nghripa~NkeruhadhUlidhUsarAH |
luThanti te dhAmni shubhe pramudvanaM gavAM purISheShu rajaHsu chaiva || 2||
tatrApi mAtaH pravibhAsi nityaM pramodavallIvanagahvareShu |
atrApi chAMshena tato.avatIrNArAmeNa sAkaM ramituM ramAbhiH || 3||
yAnyA api brajabhuvi pramadAH sahasra
shrIrAmachandraramaNotsavalabdhakAmAH |
tAstvatprasAdamadhigamya na chedabhUShAM
kvedaM sukhaM harivira~nchishivAdyalabhyam || 4||
vyaktA vibhAti satataM bahumUrtitA te ekaiva yadramasi rAmarasIndrayuktA |
kumudvane pramudavIthiShu nityadhAmni sa~Nketaku~njamithilApuri kosalAyAm || 5||
shrIrAdhikAsikilakIrtisutetigItAsItAsikosalapuremithilApure cha |
vyaktaM tadaMshasahitA sahajeti chAsi shrImatpramodavanavIthiShu purNarUpA || 6||
pUrNaiva sarvaviShayeShu vitIrNadR^iShTirnityaM tathApi ramase rasikendrayuktA |
shrImatpramodavanavIthiShu nityamagnA svAnandasindhulaharIgaNasa~NgameShu || 7||
sAketadhAmni subhage sarayUtaTAntariganta ra~NgashishiropavanAbhirAme |
natyaM sthitaiva jagato.antakaraNAya mAtarbhUyo.api
       samprakaTitAsi nijAMshubhAsA || 8||
kalyANinI sukhadakalpalatA janAnAM svA~NghriprasAdabhavabhavyasamUhabhAjAm |
bhaktiM tanoShi kR^ipayA khalu rAmachandrahastagrahaM
       vidadhatI bhavasindhumadhye || 9||
na syAstvamIshi yati dattakarAvalambA bhaktAvalervidadhatIkushalAni nityam |
shrImanmahArasika rAjavaro.api kiM tu kurvIta teShu karuNAmaruNA~Nghripadme || 10||
svarUpabhUtA tava yA prakAshashaktiH paraM sA suvishuddhasattvA |
udIrNabodhA virajastamaskA na yatra mAyAguNasambhUtaoghaH || 11||
aj~nAninAM ye gamakAste na santi lobhAdayastava dehAnubandhAH |
tathApi darpaM shamayasyAsurANA dharmAvaguptiM kuruShe cha svabhAvAt || 12||
tvaM kAlarUpA tvamasi shrIH sudhA tvaM mAtA pitAjagatastvaM hi teShu |
lIlAvatArairjayasi krIDasi tvaM nAnAsvarUpaiH saha patyA rameta || 13||
tvaM bhaktirUpAkhilajIvajuShTA pravartayasyAryapathaM kR^ipADhye |
vedArthasAraj~nabudhAvalIbhiH prAyaH prapannA nijarUpalabdhaye || 14||
brahmANDavargemadvidhAH koTishaste gAyanti kIrti vipulapraNAdam |
dR^iShTvA vibhUtiM tava bhUribhAgye na kasya jAyeta hi mAnabha~NgaH || 15||
AvirbhavantI bhuvane bhrAjase tvaM shamAya daiteyajabhUbharasya |
tathaiva pAdAmbujamAdhurIjuShAM bhavAyavargAya satA munInAm || 16||
tubhyaM namo bhagavatyai puruShyai shrIjAnakyai shrIsahajAdhikAyai |
aprAkR^itaM satvamupAdadAnA yA kShemametasya karoShi tasyai || 17||
yaH kR^iShNanAmA bhagavAn yasho.adAgarbhaikaratnaM bhavitA dvAparAnte |
so.api tvadaMshena samR^iddhakAmo bhavAyavargaM svajuShAM saMvidhAtA || 18||
shrIrAmachandro.ajani rAjamauleraghupravIrAddashavakrAdihantA |
so vai tvadIyAdharapIyUShadhArAvashIkR^itaH krIta eva tvayAmba || 19||
svachChandalIlAvapuShe vishuddhavij~nAnamUrtyai karuNAtmikAyai |
sarvAtmikAyai sarvabIjapradAyai namo namaH sarvabhUtAtmane te || 20||
na j~nAyate te janani svarUpamasmAdR^ishaistava bhAvyAnubaddhaiH |
teShAM kR^ipAhetava etadeva prakAshitaM nijarUpaM bhavatyA || 21||
tvayAnijAnugrahabhAjanIkR^itAH sureshvarA mAdR^ishAH koTisho.adya |
na chetkatha dR^ishyarUpAsyamIbhirnira~njanA nirguNA tvaM nirIhA || 22||
tvaM jAnakI janakasyAlaye.adya tvaM shrIH parA sahajA tva kaleshvarI |
svayogashaktyA bahudhA tvaM vibhAsi tvayA sanAthA vayamaddhA samastAH || 23||
tvamIshvarIdevi charAcharasya tvaM naH patInAM patiraprameyA |
dharAdharmashrutikovipradevarakShAkarI jayatAtkevalaiva || 24||
lakShmaNa uvAcha |
ityuktvA devarAjastAM surabhIstananirgataiH |
abhyaShi~nchatsarabhasaM payobhiramR^itopamaiH || 25||
airAvatakarAnItavyomaga~NgApayobharaiH |
mandArakusumastomamakarandasugandhibhiH || 26||
saurAjyaM chaiva sAmrAjyaM sarvaishvaryamahApadam |
AdhirAjyaM mahArAjyaM dattvA tasyaiparashriye || 27||
tadIyacharaNAmbhojamakarandasunirvR^itaH |
kR^itArthaM manyamAnaM svaM nijalokamupAvrajat || 28||

iti shrImadAdirAmAyaNe brahmabhushuNDasaMvAde pashchimakhaNDe bharatalakShmaNIye
sItAjanmotsave indrakR^itA sItAstutiH viMsho.adhyAyaH || 20||

bhushuNDirAmAyaNam | pashchimakhaNDa | adhyAya 20/1\-28||
##
bhushuNDirAmAyaNam . pashchimakhaNDa . adhyAya 20/1-28..

Encoded and proofread by Mrityunjay Rajkumar Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}