% Text title : Kalistavanam % File name : kAlIstavanam.itx % Category : devii, ShaTchakrashakti % Location : doc\_devii % Transliterated by : staff of Muktabodha.org Mark S.G. Dyczkowski % Proofread by : Aruna Narayanan narayanan.aruna at gmail.com % Description/comments : rudrayAmale uttaratantre 2 bhairava bhairavI sa.nvAde % Source : Rudrayamalam part 2 edited by Ram Prasad Tripathi and Sudhakar Malaviya % Acknowledge-Permission: Marjorie Woollacott, Ph.D., Digital Library Coordinator muktabodha.org % Latest update : February 16, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Kalistavanam ..}## \itxtitle{.. kAlIstavanam ..}##\endtitles ## atha dvisaptatitamaH paTalaH shrIAnandabhairavI uvAcha mahAkAla shivAnanda paramAnandanirbhara | trailokyasiddhida prANavallabha shrUyatAM stavaH || 72\-1|| shAkinI hR^idaye bhAti sA devI jananI shivA | kAlIti jagati khyAtA sA devI hR^idayasthitA || 72\-2|| nira~njanA nirAkArA nIlA~njanavikAsinI | AdyA devI kAlikAkhyA kevalA niShkalA shivA || 72\-3|| anantA.anantarUpasthA shAkinI hR^idayasthitA | tAmasI tAriNI tArA mahogrA nIlavigrahA || 72\-4|| kapAlA muNDamAlADhyA shavavAhanavAhanA | lalajjihvA sarojAkShI chandrakoTisamodayA || 72\-5|| vAyvagnibhUjalAntasthA bhavAnI shUnyavAsinI | tasmAt stotramaprakAshyaM kR^iShNakAlyAH kulodayam || 72\-6|| shrIkR^iShNabhagavatyAshcha nIladevyA kulArNavam | gopanIyaM prayatnena sAvadhAno.avadhAraya || 72\-7|| mahAbhairavI uvAcha shrIkAlIcharaNaM charAcharaguNaM saudAminIstambhanaM gu~njadgarvaguruprabhAnakhamukhAhlAdaikakR^iShNAsanam | pretAraNyAsananirmitAmalakajA nandoparishvAsanaM shrImannAtha karAravindamilanaM netrA~njanaM rAjate || 72\-8|| dIptiH prAptiH samAptiH priyamatisugatiH sa~NgatiH shItanItau mithyAmithyAsurathyA natiraratisatI jAtivR^ittirguNoktiH | vyApArArthI kShudhArthI vasati ratipatirjyotirAkAshaga~NgA shrIdurgAshambhukAlIcharaNakamalakaM sarvadA bhAti sUkShmam || 72\-9|| devendrAH pa~nchabhUtA ravishashimukuTAH krodhavetAlakolAH kailAsasthAH prashastAH stavanamapi tatpratyahaM sampaThanti | AtmAnaM shrIdakAlIkulacharaNatalaM hR^itkulAnandapadme dhyAtvA dhyAtvA pravIrA ahamanubahudhIH staumi kiM dhyAnaniShThaH || 72\-10|| shrutvA stotraguNaM tavaiva charaNAmbhojasya vA~nChAphalaM prechChAmIhayati priyAya kurute mokShAya tattvArthataH | mAtarmohinidAnamAnataruNI kAtIti manyAmahe yogyashrIcharaNAmbuje trijagatAmAnandapu~nje sukham || 72\-11|| putrau shrIdevapUjyau prakuruta itihAsAdigUDhArthaguptiM shyAme mAtaH prasannA bhava varadakarI kAraNaM dehi nityam | yogAnandaM shivAntaH surataruphaladaM sarvavedAntabhAShyaM satsa~NgaM sadvivekaM kuru kuru kavitApa~nchabhUtaprakAsham || 72\-12|| AhlAdodrekakArI paramapadavidAM prolbaNArthaprakAshaH preShyaH pArArthachintAmaNiguNa saralaH pAraNaH premagAnaH | sArAtmA shrIstavo.ayaM jayasuravasatAM shukrasaMskAragantA mantA mohAdikAnAM suragaNataruNI koTibhirdhyeya indraiH || 72\-13|| nAmagrahaNavimalapAvanapuNyajalanidhimanthanena | nirmalachittagasuraguNapAraga sukhasudhAkarasthitahAsyena | yogadharAdharanaravara ku~njarabhujayugadIrghapadmamR^iNAlena || 72\-14|| harividhihara aparaparasarabhAvakapAla sevanena | sundarI kAlI charaNena || 72\-15|| bhAsvatkoTiprachaNDAnalaguNalalitAbhAvitA siddhakAlI proktaM yadyogagItAvachanasurachanAma~NgalaM yoginAdyA | shyAmAnandadrumAkhye bhajanayajanaga~NgA~NgatIraprakAshaM sarvAnandotsavatvaM varadasuravadAsambhave mayyabhAve || 72\-16|| etatprathame kulaM gurukulaM lAvaNyalIlAkulaM prANAnandakulaM kulAkulakulaM kAlIkulaM sa~Nkulam | mAtaH kAliyugAdi kaulini shive sarvantarA~NgasthitaM nityaM tatra niyojaya shrutigirA shrIdharmaputraM bhave || 72\-17|| herambAdi kuleshayogajanani tvaM yogatattvapriyA yadyevaM kurute padAmbujarajo yogaM tavAnandadam | saH syAtsa~NkaTapATalArisadanaM jitvA svayaM manmathaM shrImAnmanmathamanmathaH prachayati hyaShTA~NgayogaM param || 72\-18|| yogI yAti paraM padaM sukhapadaM vA~nChAspadaM sampadaM trailokyaM parameshvaraM yadi punaH pAraM bhavAmbhonidheH | bhAvaM bhUdhararAjarAjaduhite j~nAtaM vichAraM tava shrIpAdAmbujapUjanaM prakurute te nIradaprojjvale || 72\-19|| AdAvaShTA~NgayogaM vadati bhavasukhaM bhaktisiddhAntamekaM bhUloke pAvanAkhyaM pavanagamanagaM shrInagendrA~NgajAyAH | siddhInAmaShTasiddhiM yamaniyamavashAdAsanaprANayogAt pratyAhAraM vibhordhvAruNaguNavasanaM dhyAnamevaM samAdhim || 72\-20|| mAtaH shAntiguNAvalambini shive shAntiprade yoginAM dAre devaguNe vidhehi sakalaM shAntikriyAma~Ngalam | yaj~nAnAmudayaM prayAti sahasA yasyAH prasAdAd bhuvaM tAM sarvAM pravadAmi kAmadahanastambhAya mohakShayAt || 72\-21|| eko jIvati yogirADatisukhI jIvanti na shrIsutAH sarvaM yogabhavaM bhave vibhavagAH pashyan svakIyAyuSham | ityevaM paribhAvya sarvaviShayaM shAntiM samAlambyakau mUle vedadalojjvale kulapathe shrIkuNDalIM bhAvaya || 72\-22|| shAntibhrAntinikR^intanI svaramaNI premodgatA bhaktidA lAvaNyAmbudhiratnakoTikiraNAhlAdaikamUrtiprabhA | ekAkAraparAkramAdapaya mA krodhakramakShobhiNI yA mUlAmalapa~Nkaje rachayati shrImAdhurI tAM bhaje || 72\-23|| re re pAmara durbhaga pratidinaM kiM karma vA rAdhase vyApAraM viShayAshrayaM prakuruShe na dhyAyase shrIpadam | mithyaitatkShaNabha~NguraM tyaja mudA saMsArabhAvaM viShaM shrIkAlIM kulapaNDitAM guNavatIM shAntiM samArAdhaya || 72\-24|| shivastrI yA shAntiH paramasukhadA bhAvajanikA vivekaH sa~njAto vahasi cha tayA bhAti niyatam | viveko.asau tyAgI janayati sudhAsindhusundara\- mado brahmaj~nAnaM paramamamale yoginiM pare || 72\-25|| dvayaM brahmaj~nAnaM paramamamale chAgamamayaM vivekodbhUtaM syAdamalaparamaM shabdamaparam | dvayormUlIbhUtA hR^idi sapadi shAntiH priyatamA prabhA kAlIpAdAmbujayugalabhaktipralayadA || 72\-26|| kulashrIkuNDalyAH paramarasabhAvaM navamayaM padaM mAtuH kAlyAH prathamaravikAntyAH sukhamayam | vadAmi protsAhe vashaShasashubhe hATakanibhe vidhiH shrIDAkinyA.amarapatidharitrIti cha bhajet || 72\-27|| trayaM sthAnaM nityaM ravishashikalAvahnighaTitaM mahAtIrthaM samyak pavanagaganasthaM bhavakaram | vibhinnaM sa~NkR^itya dvayamapi kulagranthisahitaM suShumnAshrItIrthe mahati gagane pUrNalayavAn || 72\-28|| trayaM saMshodhyAdau paramapadavIM gachChati mahAn sudR^iShTA~NgairyogaiH paribhavati shuddhaM mama tanum | ato yogAShTA~NgaM kaluShasukhamuktaM vitanute kriyAdau sa~NkuryAdyamaniyamakAryaM yativaraH || 72\-29|| ahiMsAsatyArthI prachayati suyogaM tava padaM dhanaste yadyogI shuchidhR^itidayAdAnanipuNaH | kShamAladhvAhArI samaguNaparAnandanipuNaH svayaM siddhaH sadbrAhmaNakulapatAkI sukhamayI || 72\-30|| tapaH santoShADhyo harayajana AstikyamatimAn yatInAM siddhAntashravaNahR^idayaprANavilayaH | jayAnandAmagno havanamanalepaH prakurute mahAbhaktaH shrIhrIrmatiratikulInastava padaH || 72\-31|| suShumnAmukhAmbhoruhAgre cha padmaM dalaM chedahemAkSharaM mUladeshe | sthirApR^iShThavaMshasya madhye suShumnA\-\- ntare vajriNI chitriNIbhAsipadmaiH || 72\-32|| suShumnAdinADyA yugAt karNamUlA\- tprakAshaprakAshA bahiryugmanADI | iDA pi~NgalA vAmabhAge cha dakShe sudhAMshUravI rAjase tatra nityam || 72\-33|| visargaM bindvantaM svaguNanilayaM tvaM janayasi tvamekA kalyANI girishajananI kAlikalayA | parAnandaM kR^itvA yadi parijapanti priyatamAH parikShAlya j~nAnairiha parijayanti priyapadam || 72\-34|| aShTAdashA~NgulagataM R^ijudantakAShThaM svIyA~NgulArdhaghaTitaM prasharaM shanairyaH | saMyojya tAlurasanAgalarandhramadhye dantIkriyAmupacharet tava bhAvanAya || 72\-35|| nADIkShAlanamAkaroti yatirAD daNDe trayaM dhArayan yuShmachChrIcharaNArpaNo navamadaNDasyAnilastambhanAt | prANAyAmaphalaM yatiH pratidinaM saMvardhate sushramA\- dAnandAmbudhimajjanaM kularasairmukto bhavet tatkShaNAt || 72\-36|| vadAmi paramashriye padapadmayogaM shubhaM hitAya jagatAM mama priyagaNasya bhAgashriye | sadA hi kurute naraH sakalayogasiddhiM mudA tadaiva tava sevako janani mAtarekAkSharam || 72\-37|| karuNAsAgare magnaH sadA nirmalatejasA | tavA~NghrikomalAmbhojaM dhyAtvA yogIshvaro bhavet || 72\-38|| karuNAsAgare magno yena yogena nirmalaH tadyogaM tava pAdAbjaM ko mUrkhaH kaH supaNDitaH || 72\-39|| yamaniyamasukAle neulIyogashikShA prabhavati kaphanAshA nAsharandhre trisUtrI | hR^idayakaphavinAshA dhotikA yogashikShA galavilagalavastraM ShaShTihastaM vahantI || 72\-40|| susUkShmarasanasya cha svabhujaShaShTihastaM gala pramANamiti santataprasarapa~nchayugmA~Ngulam | pavitrashuchidhotikAraM bhavasi sarvapIDApahA svakaNThakamalodayAmamalabhItadAmA bhaje || 72\-41|| bhajati yadi kumArIM neulI yogadR^iShTyA sa bhavati paravettA mohajAlaM Chinatti | smitamukhi bhavati tvAM mUDha evAtijIvo bhramitamudavadhUrnA kArasiddhiM dadAsi || 72\-42|| shanairdantI yogaM svapadayugapadme vitanute shive yogI mAsAdapi bhavati vAyuM sthagayati | asau mantrI chAmrAtakadalaM sudaNDaM galavile niyojyAdau dhyAtvA tava charaNapa~Nkeruhatalam || 72\-43|| kulAkulachetatA parikaroShi vilvachChadI sushAntiguNadA jayA paramabhaktinirguNDikA | mukundatulasI priyA guNini muktidA yoginI dadAsyamarasampadaM dalaviyogamUrdhvodarIm || 72\-44|| pa~nchAmarAsAdhanayogakartrI pa~nchAmarAnAma mahauShadhiH sthitA | tvameva sarveshvararUpadhAriNI yaiH pUjyate so.ahikapArameShThI || 72\-45|| paThati yadi bhavAnyAH shAkinIdehadevyAH stavanamaruNavarNAmArkalakShmyAH prakAsham | vrajati paramarAjyaM devapUjyaH pratiShTho manujapanasushIlo lIlayA shambhurUpam || 72\-46|| prAtarmadhyAhnakAle cha sAyAhne cha trisaptake | shataM paThitvA mokShaH syAt purashcharyAphalaM labhet || 72\-47|| iti shrIrudrayAmale uttaratantre mahAtantroddIpane siddhamantraprakaraNe ShaTchakraprakAshe bhairavIbhairavasaMvAde shAkinIkR^ita kAlIstavanaM nAma dvisaptatitamaH paTalaH || 72|| ## The numbers correspond to paTala and verse numbers from Rudrayamala uttaratantra. Proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}