% Text title            : Kalika Hridayam
% File name             : kAlikAhRidayam.itx
% Category              : hRidaya, devii, dashamahAvidyA, devI
% Location              : doc\_devii
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay, NA
% Description-comments  : Mantramaharnava Dvitiya khanda Kalikatantra Taranga 4
% Latest update         : August 4, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Kalika Hridayam ..}##
\itxtitle{.. shrIkAlikAhR^idayam ..}##\endtitles ##
kAlIrahasye mahAkautUhala dakShiNAkAlI hR^idaya stotram

|| shrIgaNeshAya namaH ||
|| shrIumAmaheshvarAbhyAM namaH ||

atha shrIkAlIhR^idayaprArambhaH |

shrImahAkAla uvAcha |
mahAkautUhalastotraM hR^idayAkhyaM mahottamam |
shR^iNu priye mahAgopyaM dakShiNAyAH sugopitam || 1||
avAchyamapi vakShyAmi tava prItyA prakAshitam |
anyebhyaH kuru gopyaM cha satyaM satyaM cha shailaje || 2||

shrIdevyuvAcha |
kasmin yuge samutpannaM kena stotraM kR^itaM purA |
tatsarvaM kathyatAM shambho dayAnidhe maheshvara || 3||

shrImahAkAla uvAcha |
purA prajApateH shIrShachChedanaM kR^itavAnaham |
brahmahatyAkR^itaiH pApairbhairavatvaM mamAgatam || 4||
brahmahatyAvinAshAya kR^itaM stotraM mayA priye |
kR^ityAvinAshakaM stotraM brahmahatyApahArakam || 5||

OM asya shrIdakShiNakAlyA hR^idayastotramantrasya shrImahAkAla R^iShiH |
uShNikChandaH | shrIdakShiNakAlikA devatA |
krIM bIjam | hrIM shaktiH | namaH kIlakam |
sarvatra sarvadA jape viniyogaH ||
atha hR^idayAdinyAsaH |
OM krAM hR^idayAya namaH |
OM krIM shirase svAhA |
OM krUM shikhAyai vaShaT  |
OM kraiM kavachAya huM  |
OM krauM netratrayAya vauShaT |
OM kraH astrAya phaT ||
iti hR^idayAdinyAsaH ||

atha dhyAnam |
OM dhyAyetkAlIM mahAmAyAM trinetrAM bahurUpiNIm |
chaturbhujAM lalajihvAM pUrNachandranibhAnanAm || 1||
nIlotpaladalaprakhyAM shatrusa~NghavidAriNIm |
naramuNDaM tathA khaDgaM kamalaM varadaM tathA || 2||
bibhrANAM raktavadanAM daMShTrAlIM ghorarUpiNIm |
aTTATTahAsaniratAM sarvadA cha digambarAm || 3||
shavAsanasthitAM devIM muNDamAlAvibhUShitAm |
iti dhyAtvA mahAdevIM tatastu hR^idayaM paThet || 4||

OM kAlikA ghorarUpADhayA sarvakAmaphalapradA |
sarvadevastutA devI shatrunAshaM karotu me || 5||
hrIMhrIMsvarUpiNI shreShThA triShu lokeShu durlabhA |
tava snehAnmayA khyAtaM na deyaM yasya kasyachit || 6||
atha dhyAnaM pravakShyAmi nishAmaya parAtmike |
yasya vij~nAnamAtreNa jIvanmukto bhaviShyati || 7||
nAgayaj~nopavItA~ncha chandrArddhakR^itashekharAm |
jaTAjUTA~ncha sa~nchintya mahAkAlasamIpagAm || 8||
evaM nyAsAdayaH sarve ye prakurvanti mAnavAH |
prApnuvanti cha te mokShaM satyaM satyaM varAnane || 9||
yantraM shR^iNu paraM devyAH sarvArthasiddhidAyakam |
gopyaM gopyataraM gopyaM gopyaM gopyataraM mahat || 10||
trikoNaM pa~nchakaM chAShTakamalaM bhUpurAnvitam |
muNDapa~NktiM cha jvAlAM cha kAlIyantraM susiddhidam || 11||
mantraM tu pUrvakathitaM dhArayasva sadA priye |
devyA dakShiNakAlyAstu nAmamAlAM nishAmaya || 12||

kAlI dakShiNakAlI cha kR^iShNarUpA parAtmikA |
muNDamAlA vishAlAkShI sR^iShTisaMhArakArikA || 13 ||
sthitirUpA mahAmAyA yoganidrA bhagAtmikA |
bhagasarpiHpAnaratA bhagodyotA bhagA~NgajA || 14 ||
AdyA sadA navA ghorA mahAtejAH karAlikA |
pretavAhA siddhilakShmIraniruddhA sarasvatI || 15||

etAni nAmamAlyAni ye paThanti dine dine |
teShAM dAsasya dAso.ahaM satyaM satyaM maheshvari || 16||

OM kAlIM kAlaharAM devI ka~NkAlabIjarUpiNIm |
kAlarUpAM kalAtItAM kAlikAM dakShiNAM bhaje || 17||
kuNDagolapriyAM devIM khayambhUkusume ratAm |
ratipriyAM mahAraudrIM kAlikAM praNamAmyaham || 18||
dUtIpriyAM mahAdUtIM dUtIyogeshvarIM parAm |
dUtoyogodbhavaratAM dUtIrUpAM namAmyaham || 19||
krIMmantreNa jalaM japtvA saptadhA sechanena tu |
sarve rogA vinashyanti nAtra kAryA vichAraNA || 20||
krIMsvAhAntairmahAmantraishchandanaM sAdhayettataH |
tilakaM kriyate prAj~nairloko vashyo bhavetsadA || 21||
krIM hUM hrIM mantrajaptaishcha hyakShataiH saptabhiH priye |
mahAbhayavinAshashcha jAyate nAtra saMshayaH || 22||
krIM hrIM hrUM svAhA mantreNa shmashAnAgniM cha mantrayet |
shatrorgR^ihe pratikShiptvA shatrormR^ityurbhaviShyati || 23||
hrUM hrIM krIM chaiva uchchATe puShpaM saMshodhya saptadhA |
ripUNAM chaiva chochchATaM nayatyeva na saMshayaH || 24||
AkarShaNe cha krIM krIM krIM japtvA.akShatAn pratikShipet |
sahasrayojanasthA cha shIghramAgachChati priye || 25||
krIM krIM krIM hrUM hrUM hrIM hrIM cha kajjalaM shodhitaM tathA |
tilakena jaganmohaH saptadhA mantramAcharet || 26||
hR^idayaM parameshAni sarvapApaharaM param |
ashvamedhAdiyaj~nAnAM koTikoTiguNottaram || 27||
kanyAdAnAdidAnAnAM koTikoTiguNaM phalam |
dUtIyAgAdiyAgAnAM koTikoTiphalaM smR^itam || 28||
ga~NgAdisarvatIrthAnAM phalaM koTiguNaM smR^itam |
ekadhA pAThamAtreNa satyaM satyaM mayoditam || 29||
kaumArIsveShTarUpeNa pUjAM kR^itvA vidhAnataH |
paThetstotraM maheshAni jIvanmuktaH sa uchyate || 30||
rajasvalAbhagaM dR^iShTvA paThedekAgramAnasaH |
labhate paramaM sthAnaM devIloke varAnane || 31||
mahAduHkhe mahAroge mahAsa~NkaTake dine |
mahAbhaye mahAghore paThetastotraM mahottamam |
satyaM satyaM punaH satyaM gopAyenmAtR^ijAravat || 32||

iti kAlIrahasye shrIkAlIhR^idayaM samAptam ||
dakShiNakAlikAhR^idayaM cha
##
Encoded by Gopal Upadhyay gopal.j.upadhyay at gmail.com
Proofread by Gopal Upadhyay, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}