% Text title            : Kalika Kavacham 3
% File name             : kAlikAkavacham3.itx
% Category              : devii, kavacha, dashamahAvidyA, devI
% Location              : doc\_devii
% Proofread by          : lalitha parameswari parameswari.lalitha at gmail.com
% Description/comments  : shAktapramodaH. bhairavatantra
% Latest update         : August 28, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kali Kavacham 3 ..}##
\itxtitle{.. kAlIkavacham 3 ..}##\endtitles ##
shrI jaganma~Ngalakavacham athavA shyAmAkavacham
bhairavyuvAcha \-
kAlIpUjA shrutA nAtha bhAvAshcha vividhAH prabho ||
idAnIM shrotumichChAmi kavachaM pUrvasUchitam || 1||
tvameva sraShTA pAtA cha saMhartA cha tvameva hi |
tvameva sharaNannAtha trAhimAM duHkhasa~NkaTAt || 2||
bhairava uvAcha
rahasyaM shR^iNu vakShyAmi bhairavi prANavallabhe |
shrIjaganma~NgalannAma kavachaM mantravigraham || 3||
paThitvA dhArayitvA cha trailokyaM mohayetkShaNAt |
nArAyaNo.api yaddhR^itvA nArI bhUtvA maheshvaram || 4||
yogina~NkShobhamanayadyaddhR^itvA cha raghUttamaH |
varatR^ipto jaghAnaiva rAvaNAdinishAcharAn || 5||
yasya prasAdAdIsho.ahaM trailokyavijayI vibhuH |
dhanAdhipaH kubero.api suresho.abhUchChachIpatiH || 6||
evaM hi sakalA devAssarvasiddhIshvarAH priye |
shrIjaganma~NgalasyAsya kavachasya R^iShiH shivaH || 7||
Chando.anuShTupdevatA cha kAlikA dakShiNeritA |
jagatAM mohane duShTavijaye bhuktimuktiShu || 8||
yoShidAkarShaNe chaiva viniyogaH prakIrtitaH |
shiro me kAlikA pAtu krI~NkAraikAkSharI parA || 9||
krI~NkrI~NkrIM  me lalATa~ncha kAlikA khaDgadhAriNI |
hUM hUM pAtu netrayugaM hrIM hrIM pAtu shrutI mama || 10||
dakShiNe kAlikA pAtu ghrANayugmaM maheshvarI |
krI~NkrI~NkrIM rasanAmpAtu hUM hUM pAtu kapolakam || 11||
vadanaM sakalampAtu hrI.N hrI.N svAhAsvarUpiNI |
dvAviMshatyakSharI skandhau mahAvidyA sukhapradA || 12||
khaDgamuNDadharA kAlI sarvA~Ngamabhito.avatu |
krIMhrU.NhrI.N tryakSharI pAtu chAmuNDA hR^idayaM mama || 13||
aiMhU.NoMaiM stanadvandvaM hrImphaTsvAhA kakutsthalam |
aShTAkSharI mahAvidyA bhujau pAtu sakartR^ikA || 14||
krI~NkrIMhUMhUMhrIMhrI~NkArI  pAtu ShaDakSharI mama |
krIM nAbhiM madhyadesha~ncha dakShiNe kAlikA.avatu || 15||
krIMsvAhA pAtu pR^iShTha~ncha kAlikA sA dashAkSharI |
krIM me guhyaM sadA pAtu kAlikAyai namastataH || 16||
saptAkSharI mahAvidyA sarvatantreShu gopitA |
hrIMhrIM dakShiNe kAlike hUMhUM pAtu kaTidvayam || 17||
kAlI dashAkSharI vidyA svAhA mAmUruyugmakam |
OM krI~NkrIM me svAhA pAtu kAlikA jAnunI sadA || 18||
kAlIhR^innAmavidyeya~nchaturvargaphalapradA |
krIMhrIMhrIM  pAtu sA gulphandakShiNe kAlikA.avatu || 19||
krIMhrUMhrIM svAhA padampAtu chaturddashAkSharI mama |
khaDgamuNDadharA kAlI varadAbhayadhAriNI || 20||
vidyAbhissakalAbhiH sA sarvA~Ngamabhito.avatu |
kAlI kapAlinI kullA kurukullA virodhinI || 21||
viprachittA tathogrograprabhA dIptA ghanatviShA |
nIlA ghanA valAkA cha mAtrA mudrA mitA cha mAm || 22||
etAssarvAH khaDgadharA muNDamAlAvibhUShaNAH |
rakShantu digvidikShu mAM brAhmI nArAyaNI tathA || 23||
mAheshvarI cha chAmuNDA kaumArI chAparAjitA |
vArAhI nArasimhI cha sarvAshchAmitabhUShaNAH || 24||
rakShantu svAyudhairdikShu vidikShu mAM yathA tathA |
iti te kathitaM divyaM kavachaM paramAdbhutam || 25||
shrIjaganma~NgalannAma mahAvidyaughavigraham |
trailokyAkarShaNaM brahmankavachaM manmukhoditam || 26||
gurupUjA.N vidhAyAtha vidhivatprapaThettataH |
kavachantrissakR^idvApi yAvajjIva~ncha vA punaH || 27||
etachChatArddhamAvR^itya trailokyavijayI bhavet |
trailokya~NkShobhayatyeva kavachasya prasAdataH || 28||
mahAkavirbhavenmAsaM sarvasiddhIshvaro bhavet |
puShpA~njalInkAlikAyai mUlenaivArpayet sakR^it || 29||
shatavarShasahasrANAM pUjAyAH phalamApnuyAt |
bhUrje vilikhita~nchaitat svarNasthandhArayedyadi || 30||
vishAkhAyAM dakShabAhau kaNThe vA dhArayedyadi |
trailokyaM mohayet krodhAttrailokya~nchUrNayetkShaNAt || 31||
putravAndhanavA~nshrImAnnAnAvidyAnidhirbhavet |
brahmAstrAdIni shastrANi tadgAtrasparshanAttataH || 32||
nAshamAyAti yA nArI vandhyA vA mR^itaputrinI |
bahvapatyA jIvatokA bhavatyeva na saMshayaH || 33||
na deyamparashiShyebhyo hyabhaktebhyo visheShataH |
shiShyebhyo bhaktiyuktebhyo hyanyathA mR^ityumApnuyAt || 34||
sparddhAmuddhUya kamalA vAgdevI mandire sukhe |
pautrAntaM sthairyamAsthAya nivasatyeva nishchitam || 35||
idaM kavachamaj~nAtvA yo bhajed(kAli)ghoradakShiNAm ||
shatalakShamprajaptvApi tasya vidyA na sid.h{}dhyati ||
sahasraghAtamApnoti so.achirAnmR^ityumApnuyAt || 36||

iti kAlIkavachaM athavA jaganma~Ngalakavacham athavA shyAmAkavachaM sampUrNam |
##
Proofread by lalitha parameswari parameswari.lalitha at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}