% Text title : Shri Kamakshi Stuti 08 10 % File name : kAmAkShIstutiH.itx % Category : devii, devI, stuti % Location : doc\_devii % Proofread by : Rajesh Thyagarajan % Description/comments : From stotrArNavaH 08-10 % Latest update : August 15, 2021 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Kamakshi Stuti ..}## \itxtitle{.. shrIkAmAkShIstutiH ..}##\endtitles ## vande kAmAkShyahaM tvAM varatanulatikAM vishvarakShaikadIkShAM viShvagvishvambharAyAmupagatavasatiM vishrutAmiShTadAtrIm | vAmorUmAshritArtiprashamananipuNAM vIryashauryAdyupetAM vandArusvasvardrumindrAdyupagataviTapAM vishvalokAlavAlAm || 1|| chApalyAdiyamabhragA taTidaho ki~nchetsadA sarvagA\- hyaj~nAnAkhyamudagramandhatamasaM nirNudya nistandritA | sarvArthAvalidarshikA cha jaladajyotirna chaiShA tathA yAmevaM vivadanti vIkShya vibudhAH kAmAkShi naH pAhi sA || 2|| doShotsR^iShTavapuH kalAM cha sakalAM bibhratyalaM santataM dUratyaktakala~NkikA jalajanurgandhasya dUrasthitA | jyotsnAto hyuparAgabandharahitA nityaM tamoghnA sthirA kAmAkShIti suchandrikAtishayatA sA pAtu naH sarvadA || 3|| dishyAddevi sadA tvada~NghrikamaladvandvaM shritAliShvalaM vR^ittiM tatsvayamAdadhachcha vimukhaM doShAkarADambare | sUryAdarshahasanmukhaM shrutipathasyAtyantabhUShAyitaM netrAnandavidhAyi pa~NkamadharIkR^ityojjvalaM saddhR^itam || 4|| kAmAkShIpadapadmayugmamanaghaM kuryAnmadIye manaH\- kAsAre vasatiM sadApi sumanassandohasaMrAjite | suj~nAnAmR^itapUrite kaluShatAhIne cha padmAlaye nityaM satkumudAshrite nijavasatyAttaprabhAve sadA || 5|| kAmakShIpadapadmayugmanakharAH samyakkalAsaMyutAH nityaM sadguNasaMshritAH kuvalayAmododbhavAdhAyakAH | utkochaM dadhatashcha pa~NkajanuShAM saMrochakAH sthAnataH shreShThAdindunirAsakArivibhavA rakShantu naH sarvadA || 6|| kAmAkShIcharaNAravindayugalIgulphadvayaM rakShatA\- dasmAn santatamAshritArtishamanaM doShaughavidhvaMsanam | tejaHpUranidhAnama~NghrivalayAdyAkalpasa~NghaTTana\- prodyaddhvAnamiSheNa cha pratishR^iNannamrAlirakShAmiva || 7|| ja~Nghe dve bhavatAM jagattrayanute nityaM tvadIye mana\- ssantoShAya mamAmitorjitayashaHsampattaye cha svayam | sAmyola~NghanajA~Nghike suvapuShA vR^itte prabhAsaMyute he kAmAkShi samunnate tribhuvanIsa~NkrAntiyogye vare || 8|| kAmAkShyanvahamedhamAnamavatAjjAnudvayaM mAM tava prakhyAtAriparAbhavaikanirati pradyotanAbhaM dyuteH | samyagvR^ittamatIva sundaramidaM sampannidAnaM satAM lokaprAbhavashaMsi sarvashubhadaM ja~NghAdvayottambhanam || 9|| UrU te bhavatAM mude mama sadA kAmAkShi bho devate rambhATopavimardanaikanipuNe nIlotpalAbhe shubhe | shuNDAdaNDanibhe trilokavijayastambhau shuchitvArjava\- shrIyukte cha nitambabhArabharaNaikAgraprayatne sadA || 10|| kAmAkShyanvahamindhatAM niganigapradyotamAnaM paraM shrImaddarpaNadarpahAri jaghanadvandraM mahattAvakama | yatreyaM pratibimbitA trijagatI sR^iShTeva bhUyastvayA lIlArthaM pratibhAti sAgaravanagrAvAdikArdhAvR^itA || 11|| bobhUtAM yashase mamAmba ruchirau bhUlokasa~nchArataH shrAntau sthUlatarau tavAtimR^idulau snigdhau nitambau shubhau | gA~NgeyonnatasaikatasthalakachagrAhisvarUpau guNa\- shlAghyau gauravashobhinau suvipulau kAmAkShi bho devate || 12|| kAmAkShyadya surakShatAt kaTitaTI tAvakyatIvojjvala\- dratnAla~NkR^itahATakADhyarashanAsambaddhaghaNTAravA | tatratyendumaNIndranIlagaruDaprakhyopalajyotiShA vyAptA vAsavakArmukadyutikhanIvAbhAti yA sarvadA || 13|| vastiH svastigatA tavAtiruchirA kAmAkShi bho devate santoShaM vidadhAtu santatamasau pItAmbarAShTitA | tatrApi svakayA shriyA tata itaH pradyotayantI dishaH kAntendropalakAntipu~njakaNikevAbhAti yA sauShThavAt || 14|| yannAbhIsarasI bhavAbhidhamarukShoNIniviShTodbhava\- ttR^iShNArtAkhiladehinAmanukalaM suj~nAnatoyaM varam | datvA devi sugandhi sadgaNasadAsevyaM praNudya shramaM santoShAya cha bobhavItu mahite kAmAkShi bho devate || 15|| yanmadhyaM tava devi sUkShmamatulaM lAvaNyamUlaM nabhaH\- prakhyaM duShTanirIkShaNaprasaraNashrAntyApanuttyA iva | jAtaM lochanadUragaM tadavatAt kAmAkShi siMhAntara\- svairATopanirAsakAri vimalajyotirmayaM pratyaham || 16|| dhR^ityai te kuchayorvalitrayamiShAt sauvarNadAmatrayI\- baddhaM madhyamanuttamaM sudR^iDhayorgurvoryayordaivate | sauvarNau kalashAvivAdya cha payaHpUrIkR^itau satkR^itau tau kAmAkShi mudaM sadA vitanutAM bhAraM parAkR^itya naH || 17|| pANI te sharaNAgatAbhilaShitashreyaHpradAnodyatau saubhAgyAdhikashaMsishAstraviharadrekhA~Nkitau shaubhanau | svarlokadrumapa~nchakaM vitaraNe tattatR^iShAM tasya ta\- tpAtrAlAbhavisha~NkayA~NgulimiShAnmanye vibhAtyatra hi || 18|| dattAM devi karau tavAtimR^idulau kAmAkShi sampatkarau sadratnA~nchitaka~NkaNAdibhiralaM sauvarNakairbhUShitau | nityaM sampadamatra me bhavabhayapradhvaMsanaikotsukau saMraktau cha rasAlapallavatiraskAraM gatau sundarau || 19|| bhUyAstAM bhujagAdhipAviva mude bAhU sadA mAMsalau kAmAkShyujjvalanUtnaratnakhachitasvarNA~NgadAla~NkR^itau | bhAvatkau mama devi sundaratarau dUrIkR^itadveShaNa\- prodyadbAhubalau jagattrayanutau namrAlirakShAparau || 20|| skandhau devi tavAparau surataruskandhAvivojjR^imbhitA\- vasmAnnityamatandritau samavatAM kAmAkShi datvA dhanam | kaNThAsaktasamastabhUShaNaruchivyAptau svayaM bhAsvarau lokAghaughasamastanAshanachaNAvuttambhitAvuddyutI || 21|| grIvA kambusamAnasaMsthitirasau kAntyendranIlopamA pAyAnmAmanishaM purANavinute kAmAkShi bho tAvakI | nAnAratnavibhUShaNaiH suruchirA sauvarNakairmauttika\- shreShTodgumbhitamAlayA cha vimalA lAvaNyapAthonidhiH || 22|| devi tvadvadanAmbujaM vitanutAchChreyaH paraM shAshvatam | kAmAkShyadya mamAmba pa~NkajamidaM yatkAntilAbhe (chChayA) | toye nUnamaharnishaM cha vimale ma~NktvA tapasyatyalaM tatsaundaryanidhAnamagryasuShamaM kAntAlakAla~NkR^itam || 23|| netre te karuNAkaTAkShavishikhaiH kAmAdinityadviSho bAhyAmapyarisaMhatiM mama parAkR^ityAvatAM nityashaH | he kAmAkShi vishAlatAmupagate hyAkarNa miShTAvahe sAtatyena phalArthinAM nijagateH samphulakaM jAyate || 24|| bhrUyugmaM tava devi chApalatikAha~NkAranirvApaNaM kAntaM mugdhavikAsacheShTitamahAbhAgyAdisaMsUchakam | kAmAkShyanvahamedhatAM kR^itaparispandaM ripUdvAsane dInAni~NgitacheShTitairavadidaM suvyaktarUpaM param || 25|| nAnAsUnavitAnasaurabhaparigrAhaikalolAlayaH kiM mAM pratyabhiyanti neti kupitaM taptvA tapo duShkaram | nAsIbhUya tavAtisaurabhavahaM bhUtvAbhitaH prekShaNa\- vyAjena priyakaprasUnamalibhiH kAmAkShi bhAtyAshritam || 26|| vaktraM pAtu tavAtisundaramidaM kAmAkShi naH sarvadA shrImatkundasukuDmalAgradashanashreNIprabhAshobhitam | puShyadbimbaphalAruNAdharapuTaM sadvITikAra~njitaM saubhAgyAtishayAbhidhAyihasitashrIshobhitAshAgaNam || 27|| santoShaM shrutishaShkulIyugamidaM sadratnashobhAsphura\- ttATa~NkADhyayugena bhAsvararuchA sambhUShitaM tAvakam | kAmAkShyadya charIkarItu vimalajyotirmamAnArataM svAbhyAshasthitagaNDabhAgaphalakaM sarAjayajjyotiShA || 28|| shIrShaM te shirasA namAmi satataM kAmAkShyahaM sundaraM sUkShmaM tanmadhupAlinIlakuTilashrIkuntalAla~NkR^itam | sImantaM suvibhajya tatra vipulashrImanmaNIndrAnita svarNAla~NkaraNaprabhAsuruchiraM shIrShaNyabhUShAyitam || 29|| kAmAkShIshvari koTisUryaninasadvajrAdiratnA~nchita\- shrImanmugdhakirITabhR^idvitaratAddhanyaM shirastAvakam | sampattiM nitarAM mamAmba manujAprApyAmihAnArataM loke.amutra bhavAbhidhaM va timiraM lUtvA sadAlishritam || 30|| kAmAkShIstutimanvahaM bhuvi narAH shuddhAshcha ye bhaktitaH shR^iNvantyatra paThanti vA sthiradhiyaH paNyAmimAmarthinaH | dIrghAyurdhanadhAnyasampadamamI vindanti vANIM yashaH saubhAgyaM sutapautrajAtamadhikakhyAtiM mudaM sarvadA || 31|| kauNDinyAnvayasambhUtarAmachandrAryasUriNA | nirmitA bhAti kAmAkShIstutireShA satAM matA || 32|| iti shrIkAmAkShIstutiH sampUrNA | ## Proofread by Rajesh Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}