% Text title            : Kalyanikamalavratanirupanam
% File name             : kalyANIkamalAvratanirUpaNam.itx
% Category              : devii, devI, lakShmInArAyaNIyasaMhitA
% Location              : doc\_devii
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 138/76-104||
% Latest update         : April 12, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kalyanikamalavratanirupanam ..}##
\itxtitle{.. kalyANIkamalAvratanirUpaNam ..}##\endtitles ##
athA.anyatte shubhaM lakShmi kalyANIkamalAvratam |
asheShayaj~naphaladamasheShAghavinAshanam || 76||
asheShaduShTashamanamasheShasurapUjitam |
pavitrANAM pavitraM cha ma~NgalAnAM suma~Ngalam || 77||
daivataM daivatAnAM cha purANAnAM purAtanam |
mAghashuklaikAdashikAvrataM kalyANadaM shubham || 78||
ghR^itenA.abhya~njanaM kR^itvA dashamyAM cha tilairjalaiH |
snAtvA prAtarharikR^iShNaM pUjayet sarvavastubhiH || 79||
namo.anAdikR^iShNanArAyaNAya pAdayornamaH |
sarvAtmane namaH ke cha vaikuNThAya namo mukhe || 80||
shrIvatsadhAriNe vakShaHsthale namo muhurmuhuH |
sha~NkhachakragadApadmavaradAnapradhAriNe || 81||
namo bAhuShu sarveShUdare dAmodarAya cha |
meDhre namaH sukhadAya UrvoH saubhAgyadAya cha || 82||
jAnvornamo bhUtadhrAya ja~NghayormokShadAya cha |
pAdayoH pApanAshAya shrIkR^iShNAya namo namaH || 83||
namaH kalyANakAriNyai kamalAyai namo namaH |
namaH shrIlalitAlakShmyai jayAlakShmyai namo namaH || 84||
namaH shrImANikIlakShmyai nArAyaNIshriyai namaH |
namaH shrIsukhadAlakShmyai shivarAj~nIshriyai namaH || 85||
namaH shrIpArvatIlakShmyai kAntApramAshriyai namaH |
namaH shrIkambharAlakShmyai mahAlakShmIshriyai namaH || 86||
namaH shrIsantuShTilakShmyai kArShNIshriyai namo namaH |
namaH shrIrAdhikAlakShmyai ramAlakShmyai namo namaH || 87||
evaM natvA cha govindaM shriyaM natvA punaH punaH |
sarvopachArakaishchobhau kalyANadau prapUjayet || 88||
gandhairmAlyairdhUpadIpairbhakShyairnAnAvidhairapi |
jalaistAmbUlakaishchArArtrikaiH puShpArpaNaistathA || 89||
prIyatAM mama gopAlaH shrIpatiH puruShottamaH |
prIyatAM mama kalyANImahAlakShmInarAyaNI || 90||
evamuchchArya shayane sthApayet parameshvarIm |
madhyAhne pUjayechchApi bhojayechcha nishAmukhe || 91||
sotsavaM pUjayechchApi bhojayet pAyasAdikam |
suptvA chaikAdashIprAtarutthAya snAnamAcharet || 92||
pUjayedvidhinA lakShmIM kalyANIM maNDape shubhe |
sarvatobhadrake ramye maNDale viShNunA saha || 93||
pUjayitvA cha godAne shayyAdAnaM ghaTArpaNam |
lakShmyarpaNaM ratnabhUShAmbarapAtradhanArpaNam || 94||
dhAnyabhojanabhogyAdyarpaNaM kuryAdvratI prage |
bhojayeChrImahAlakShmIM dugdhaM phalAdikaM shubham || 95||
madhyAhne pUjayechchApi bhojayet pAyasAdikam |
sAyaM sampUjayechchApi rAtrau jAgaraNaM charet || 96||
dvAdashyAM prAtarevA.api prapUjya vidhinA dishet |
gurave sAdhave sAdhvyai dAnAni cha dvijAtaye || 97||
bhojayetsumR^iShTamiShTAnnAni viprAn satastathA |
bAlakAn bAlikA nArIH sAdhUn sambhojayettathA || 98||
dadyAddAnAni bahUni parihAraM tatashcharet |
lakShmInArAyaNasaMhitAyAH kathAmimAM vadet || 99||
paThanAchChravaNAdasya smaraNAchchAnumodanAt |
bhuktirmuktirbhavechchApi kalyANAni bahUni cha || 100||
purAjanmani chAbhIrIkanyA kalyANinIvratam |
kR^itvA nArAyaNaputrI UrvashI samajAyata || 101||
purA vaishyakuTumbotthA pulomakanyakA tvidam |
vrataM kR^itvA mahendrANI vyajAyata diveshvarI || 102||
purA kR^itvA vrataM chaitat suraputro dvijastataH |
sUryo babhUva svargeshaH sahasrarashmivAn prabhuH || 103||
tasmAt kalyANikAlakShmIvrataM sveShTottamapradam |
mAghe dinatrayaM kAryaM sarvakalyANasampradam || 104||

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
138\-adhyAyAntargataM kalyANIkamalAvratanirUpaNaM sampUrNam |

lakShmInArAyaNIyasaMhitA | khaNDa 3| adhyAya 138/76\-104||
##
lakShmInArAyaNIyasaMhitA . khaNDa 3. adhyAya 138/76-104..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}