% Text title            : kamalAmbApanchadashAkSharIstotram
% File name             : kamalAmbApanchadashAkSharIstotram.itx
% Category              : devii, puShpAshrIvatsan, devI
% Location              : doc\_devii
% Author                : Pushpa Srivatsan
% Transliterated by     : N V Vathsan nvvathsan at gmail.com
% Proofread by          : N V Vathsan nvvathsan at gmail.com
% Source                : Stotra Pushapavali
% Latest update         : September 27, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Kamalamba Panchadashakshari Stotram ..}##
\itxtitle{.. shrIkamalAmbApa~nchadashAkSharIstotram ..}##\endtitles ##
                 OM
           shrIrAmajayam |
OM sadgurushrItyAgarAjasvAmine namo namaH |

OM mantradevyai cha vidmahe | mAtR^ikAyai cha dhImahi |
tannaH shivA prachodayAt ||
dhyAnAShTakam |
sa~NgItasadgurusvAmityAgabrahmasukIrtitAm |
gurukIrtanasAnandAM vande shrIkamalAlayAm || 1||
shrIdIkShitakR^itAshcharyanavAvaraNakIrtanAm |
kIrtanApUjyavAgdevIM vande shrIkamalAmbikAm || 2||
kamanIyAtilAvaNyAM kamanIyamR^idusvarAm |
kalasusvaragAnIyAM vande shrIkamalAmbikAm || 3||
nAdopAsanasuprItAM nAdavidyAtidevatAm |
nAdasusvaravAgarthAM vande shrIkamalAmbikAm || 4||
vINAsa~NgItalolAM cha kalavINAsvarasvarAm |
vINAlayAM svarAhlAdAM vande shrIkamalAmbikAm || 5||
sa~NgItasusvarAM vAchAM saptasvarasunR^ityakAm |
svaravidyArthisaMshrAyAM vande shrIkamalAmbikAm || 6||
saptasvaraparAniShThAM saptasvarasuvigrahAm |
saptasvarasupuShpArchAM vande shrIkamalAmbikAm || 7||
ka.ndadhAM kamalAmbAM shrIkAdividyopachAritAm |
hAdisAdItimantrArthAM vande mantrasvarUpiNIm || 8||

atha stotram |
kalyANI kalagIrvANI kAmbhojakaruNekShaNA |
kalyANasuvasantashrIH kIravANIsukhasvarA || 1||
ekaniShThAbhinidhyAtA ekAkSharI susha~NkarI |
ekabrahmasvarUpA cha ekashabdasvarAlayA || 2||
IshavAmasupArshvA cha IshvarI jagadIshvarI |
IshvarAnugrahApUrNA IshasannutapUraNI || 3||
lakShaNAnvitapAdA~NkA shubhalakShaNalakShitA |
laganIyA lasadrAgA lalitA lalitAmbikA || 4||
hrI.nkAramantrasadrUpA hrI.nkAramantramodinI |
hrI.nkArashabdasArAdhyA hrI.nkArashabdanAdinI || 5||
hasitotpalasaundaryA haMsAnandaprakAshinI |
haMsanAdasusa~NgItA haMsaguhyaprasAdinI || 6||
sa~NgItasusvarArAdhyA sa~NgItavaradAyinI |
sa~NgItasvarasAnnidhyA sa~NgItasvarabhUShaNI || 7||
karAbjadhR^itavINA cha karavINAsvarAlayA |
svarAjitasuvINA cha karavINAlayasvarA || 8||
harikedAragaulA cha haripriyasahodarI |
harinArAyaNI gaurI harikAmbhojapAdabhA || 9||
lasachchhaviprabhArUpA labdhavarNA layAlayA |
lAlityamR^iduvANI cha lalitasvaramAdhurI || 10||
hrI.nkArasvarasampUrNA hrI.nkAradhyAnabhAsurA |
hrI.nkAramantraguhyArthA hrI.nkArabIjaguptakA || 11||
sakalArthapradA mAtA sakalAgamachAriNI |
sakalAdharasa.NllAsyA sakalAghapraNAshinI || 12||
kalAmayI kalArAdhyA kamalAlayavaibhavA |
kalasusvaramAdhuryA kalagAnaprasAdinI || 13||
layashuddhisugArAdhyA layarAgarasAkR^itiH |
lasatsumukhalAvaNyA layArAmA layAramA || 14||
hrI.nkAralayarAgA cha hrI.nkAraprINinI satI |
hrI.nkAramantrapAvitryA hrI.nkArajapagocharA || 15||
shrI.nmantrapUjitAdhyAtA shrIrAgasundarI dharI |
shrIrAgasusvarAgItA shrIrAgavAgvilAsinI || 16||
shrIshcha sarasvatIrUpA shrIpa~nchadashamantriNI |
shrIShoDashAkSharIpUjyA mantraprakAshinI parA || 17||
sarvAnandamayI vidyA sarvAnandapradAyinI |
sarvAnandasuchakrAbhA sarvAnandasuma~NgalA || 18||
shrIchakradevatAyai cha shrIpurAyai suma~Ngalam |
rasamerusuvAsinyai sadrasAyai suma~Ngalam || 19||
ma~NgalaM mantravarNAyai shrIrAgiNyai suma~Ngalam |
ma~NgalaM mUkavAgdAyai kAdambaryai suma~Ngalam || 20||
tyAgarAjagurusvAmishiShyApuShpAkR^itastutiH |
ambAprItA gurupreryA ambApAdasamarpitA || 21||
amba nAnyopayuktAhaM tvadbhaktikIrtanaM vinA |
etatsadbhaktinaivedyaM svIkuruShva madambike || 22||
nyUnAnichchhidrasarvANi kShamasva paradevate |
sadA tvAM saMshritAhaM me kShipraM prasIda sAttviki || 23||
kAdividyAM na jAnAmi hAdisAdiM cha nAmbike |
jAnAmi tvaM madambeti jAnAmi tvat padAshrayam || 24||
shabdAvaraNadustApaM hara me parameshvari |
sheShajIvanaparyantaM prashAntyAvArayAmbike || 25||
karmAnubandhajAlAdvimochanaM kuru pAvani |
shubhottu~Nge namastubhyaM j~nAnaM dehi sunAdakam || 26||
ma~NgalaM te madamba shrIrmayA saha sadA vasa |
ma~NgalaitatsuvAgdevi kuru mokShasuma~Ngalam || 27||
ma~NgalaM nAdamAtaste ma~NgalaM kamalAmbike |
ma~NgalaM j~nAnasaubhAgye mokShade shubhama~Ngalam || 28||
ka.ndAyai kamalAmbAyai kalagAyai suma~Ngalam |
kalahaMsasvarUpiNyai kalyANyai shubhama~Ngalam ||

iti sadgurushrItyAgarAjasvAminaH shiShyayA bhaktayA puShpayA kR^itaM
shrIkamalAmbApa~nchadashAkSharIstotraM gurau samarpitam |
OM shubhamastu |
##
Encoded and proofread by N V Vathsan nvvathsan at gmail.com
Copyright Pushpa Srivatsan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}