% Text title            : kamalAmbikAstava 2
% File name             : kamalAmbikAstava2.itx
% Category              : devii, dashamahAvidyA, lalitA, devI
% Location              : doc\_devii
% Author                : Swami Chidanandanatha
% Transliterated by     : Chandra V Ramani chandravr at gmail.com
% Proofread by          : Chandra V Ramani, PSA Easwaran
% Description/comments  : Kamalaambika is no different from Kamakala, Bhuvaneswari, Chandika or Lalita tripurasundari
% Latest update         : July 11, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. kamalAmbikAstavaH 2 ..}##
\itxtitle{.. kamalAmbikAstavaH 2 ..}##\endtitles ##
kamalAlayatIrasyA chidghanA kamalAmbikA |
kamalAsanasampUjyA bhAti kAmakalAtmikA ||
anvaichChastapasA shramaNaR^iShayo mantrArthasaMvedinaH
     vAgdevIM varade manIShiNa ume devAshcha yAM tvAM shive |
sA tvaM shrIkamalAlaye parashivAbhinnAtmike chidghane
     kiM prAptuM kamalAmbike varatapoveShA vibhAsyambike || 1||
mAtaH kiM madhukaiTabhAsuharaNAtkAsAradaityArdanAt
     kiM dhUmrAmbakachaNDamuNDahananAt kiM raktabIjAshanAt |
kiM vA shumbhanishumbhadaityahananAt pApaM kimAsAditaM
     kUle shrIkamalAlayasya kuruShe durge kimarthaM tapaH || 2||
avyaktaM parameshvarAkR^itiraho vyaktaM tvadAkArakaM
     dR^ishyaM yaddhi charAcharAtmakamidaM vishvaM vibhAtyambike |
tadbodhasya vidhAyinI parashivAbhinne tvameva svayaM
     shrImAtaH kamalAmbike shrutishirastvevaM bravItIshvari || 3||
karabrahmAkR^itimantriNIparinamadyallA~NgalinyAshritaM
     bindvante sthitikAraNAtmakamiti svaikAnubhUtyA budhAH |
mAtaH shrIkamalAmbiketi vilasannAmAkSharArthaM tava
     prAhustvevamagAtmaje parachidAnandasvarUpe shive || 4||
mUlAdhAratale paramiti shive nAdAtmikAM tvAM budhAH
     pashyantImiti nAbhipadmavivare tvAM vai mahAnto viduH |
hR^itpadme kamalAmbike parashive tvAM madhyamAM j~nAninaH
     kaNThe vyaktaravAM varAkSharatano tvAM vaikharIM sa~njaguH || 5||
ye tvAmakSharapIThagAM hR^idayagAmbhojasthitAM sarvadA
     dhyAyantyakShararUpiNIM bhavamahApAshAdvimuchya svayam |
chinmudrA~NkitasadguroH karuNayA bodhaM samAsAdya te
     sAnandaM viharanti satsukhamahAmbhodhau nimagnAshayAH || 6||
mUlAdhAragatAmbujAdvidhibilasthAmbhojaparyantagAM
     tanvIM tvAM bisatantuvadravishatAnekadyutiM bhAsvarAm |
ye tvAM shrIkamalAmbike hR^idi sadA shItAmshuvachChItalAM
     tejodaNDasamAkR^itiM parashive dhyAyanti dhanyA hi te | 7||
chichchandrabimbotthasudhAsvarUpapa~nchopachAraiH paramarchayanti |
tvAM pa~nchabhUtAni hi mUrtimanti mAtaH shive shrIkamalAlayasthe || 8||
bhUtAni jAtAni pareshi tattanmAtrAsamaM tvatkamalAlayasthe |
bhUmyantarikShAnilavahnikAni tvayyeva lInAni bhavanti mAtaH || 9||
jyotirmayAyA hR^idayatrikoNamadhyasthitAyAstava pAdapadme |
lInaM vichintya svamaho mahAntaH nayanti kAlaM kamalAlayasthe || 10||
shrIkAdividye kamalAlayasthe tvanmUlavidyAjapato mahAntaH |
jyotirmayaM te parachitsvarUpaM bhajanti vishvotthavikArahInam || 11||
tejorUpavirAjite parashivAbhinnaprakAshAtmike
     tvaM mAtarviyadAdivishvajananI sarvAvabhAsinyume |
svAbhedapravirAjamAnaparachinmAtrA tvayA preritAH
     mAnyAH shrIkamalAmbike budhavarAH karmAcharantyambike || 12||
vishvAkR^itI rAjasi jAgrati tvaM svapne shive taijasarUpadharvrI |
prAj~nasvarupAsi suShuptikAle turIyarUpA kamalAlayasthe || 13||
idantayA shrIjagadIshvari tvaM sAmAnyataH shrIparachitsvarupe |
ahantayA shrIkamalAlayasthe visheShato bhAsi sadAshive tvam || 14||
shaktyAkR^itiH shrIkamalAlayasthe jagatsisR^ikShAsamaye shivasya |
tatpUrvakAle nijarUpatastvaM virAjase vishvatano pareshi || 15||
tvatpAdapadmaM varade praNantuM stotuM maheshyarchayituM hyashaktaH |
kathaM bhaviShyAmi shive bhavAbdheH shaktaH paraM pAramume sutartum || 16||
aj~nAnaduShTagrahapIDitAnAM nR^iNAmapA~NgekShaNasadvibhUtiH |
mahauShadhirmantravidastaveti prAhurmahAnto gururUpadhartri || 17||
kamalAlayataTashobhitavimalAlayavilasat
     kamalApatikamalAsanakamalArchitavibhavam |
kamalA~NghrikakamalAnanakamalAmbakavilasat
     kamalAbhidhamaha Antarakamale mama kalaye || 18||
mAtaH pareshi kamalAlayahaMsirUpe
     nAtaH paraM gaditumasti hi ki~nchidamba |
machchittapa~Nkajatale kamalAmbike tvaM
     sachchittano vihara haMsivadambuje tvam || 19||
kaTakamAsagatAryamoDuni kanakaratnabhUShitA		
     kaTitaTollasadindukundasukAntibhR^iddhavalAmbarA |
kuTilakuntalakomalA grathitapralambakachAgrakA
     kuTajakundasumAlyakA kamalAmbikA pravirAjate || 20||
kamalataTanivAsAM kAmitArthapradAtrIM
     samalamatisudUrAM sAmagAnapriyAM tAm |
shamalagirisuvajrAM shyAmalAdiprapUjyAM
     vimalahR^idayavAsAM vyomarUpAM bhaje.aham || 21||
yajanaparamanujavarashivavadanajArchitAM
     bhajanaparasanakamukhamunihR^idayasaMsthitAm |
ajajanakahayavadanaharihayasupUjitAM
     bhaja hR^idaya ravijalajaguruvaradasha~NkarIm || 22||
kare virAjatkamanIyapa~NkajAM narendrayogIndranamatpadAmbujAm |
dharAdharendrasya tapaHprabhAvajAM vareNyarupAM kalaye shivAmajAm || 23||
svAbhedataH shrIkamalAmbike tvAM svAntasthahR^itpadmatale mahAntaH |
dhyAyanti ye te parachitsvarUpe svAnandavArAmnidhiM sannimagnAH || 24||
mudrAkShamAlAmbujapAshahastAM svavAmajAnUrdhvagatAnyajAnum |
yogAsanasthAM kamalAlayasthAM bhaje sadA shrIkamalAmbike tvAm || 25||
vINAvAdanatatparAM vidhinutAmeNA~NkatulyAnanAM
     vANInirjitakIrakokilakhagashreNiM sugAnapriyAm |
veNIbandhalasatsumAM varamahAmANikyabhUShAnvitAM
     vANIsthAM kamalAmbikAM mama shivaprANAtmikAM saMshraye || 26||
IshAnakoNe kamalAlayasya shrItyAgarAjasya tu vAyukoNe |
IshAnadR^iShTiH kamalAmbikAkhyA yA bhAti sA shrIramR^itA satAM hi || 27||
abalAlayavadvirAjita shrIkamalAlayasaMsthitAM kumArIm |
saphale layahInamUrtimambAM janirapyavalokayatAM nR^iNAM dR^ik || 28||
tavaiva bhAsA kamalAlayasthe samprAptavAnbhAskaratAM dineshaH |
tvatpAdapadmotthasudhAbdhimagnaH sudhAMshutAM prApa nishApatirhi || 29||
shrIkAmarAjAkhyasumantralakShye nAkAdhirAjastutapAdapadme |
ekApi bhaktAvalirakShaNArthaM naikAsi mAtaH kamalAlayasthe || 30||
varNAdirUpe shivashaktyabhedamUrte chidAnandarasapradAtri |
mAtaH shive tvaM shivashaktibhedavarNasvarUpeNa virAjitAsi || 31||
tvatpAdapadmothasudhAsupAnAt sadA nijAnandarasaikaniShThAH
madAdihInAH kamalAlayasthe mAdyanti martyAstava bhaktavaryAH || 32||
anugrahaste yadi satyamamba na me bhayaM shrIkamalAlayasthe |
anugraho no yadi satyamamba na me.abhayaM kAmakalAsvarUpe || 33||
madambikA hR^itkamalAntarasthA chidambikA shrIkamalAlayasthA |
anantasaukhyaM kamalAsanasthA tanotu devI kamalAmbikA me || 34||
yatsa~NkalpavikalpabIjajanitaM tvantarmahIsambhavaM
     kR^ityAkR^ityajalapravardhitamume janmAdihetuM param |
dharmAdharmaphalapradaM tava varaj~nAnAsinA ye narAH
     puNyApuNyamahAdrumaM nagasute Chindanti dhIrA hi te || 35||
anindhanaM samedhite nirantaraM hR^idantare
chidAshushukShaNau mahAvimoharAtrinAshake |		
avAchyavaibhave pare vichitrabhAvikAsite
juhomyahaM dharAdimaM shivAntatattvamambike || 36||
lAkShArasAraktapadAmbujADhyA drAkShAsumAdhuryavachovidhAtrI |
AkShArUpA kamalAlaye.amba sAkShAdvibhAti svakabhaktapakShA || 37||
akSharatrayarUpiNImakhilAkShavR^ittivinAshinIM
     R^ikSharAjasubhAvitAmamR^itAkSharA~NghriyugAM bhaje |
akSharAsanasaMsthitAmajashikShakebhamukhapriyAM
     chikShurAdivinAshinIM varalakShaNAM kamalAmbikAm || 38||
adIkShitAnAM hi mano.akShyalakShyA sudIkShitAnAM tu mano.akShilakShyA
sadIkShitA shrIkamalAlayasthA madIkShaNasyAstu hR^ido.api lakShyA || 39||
kamaleti tavAkSharatrayANi kamanIyatamAni shubhapradAni |
kamalAlayage malatrayANi kamalAdinute haranti mAtaH || 40||
mAtardevi tvatparAbhaktimArgaM hitvA mokShasyaikahetuM mR^iDAni |
anyaH panthA vidyate nAyanAyetyevaM vedo vyaktameva bravIti || 41||
svArAjyamApnoti sa eva nUnam svAbhedataH shrIkamalAlayasthAm |
svAntAmbuje yo vimale hyupAste svAchAryasandarshitamArganiShThaH || 42||
vidyAprapa~nche viharanti santo.avidyAprapa~nche viharanti mUDhAH |
vidyAkR^ite shrIkamalAlayasthe.avidyAkR^ite tvatkR^ipayaiva nUnam || 43||
makAravarjaM tava vAmanetrabindvADhyamAdye kamaleti nAma |
shrIkAmarAjAkhyavarArNarUpaM bhajanti mAnyAH svakabodhasidhyai || 44||
umeti varNadvayamAdishakte navAkR^ite te.akSharatAM hi mAtaH |
pradarshayatyeva parAsvarUpe gurusvarUpe kamalAlayasthe || 45||
chaturbhirAdyaiH samupAsyamAnAM chaturvidhaikyAnubhavaikavedyAm |
chatuHshrutInAmapi sArabhUtAM chaturmukheDyAM kamalAM bhaje.aham || 46||
shrInAthanAmakriyayaiva nAmavikArahInaM hi tava svarUpam |
AnandabhairavyagabhAgyabhUte svAnandamApnoti naro vipApmA || 47||
bhIruM rakShatu bhairavI bhayaharA ghorAdbhavAmbhonidheH
     kalyANI kamalAmbikA viharatu svAntasthapadme sadA |
kAM bho jAta bhajasva kAdimanurADrUpAM kulAmbhojagAM
     ambAM vishvavimohinIM vidhinutAM pashyAntare rAgiNIm || 48||
mama chetaH kamalaM malatrayADhyaM vimalA~NghridvayasanniveshanAtte |
amalaM kamalAmba kuruShva tasmAnmama lAbhaH paramo na te.amba hAniH || 49||
svareshachandradvayashaktibIjatrayADhyamAdye kamaleti nAma |
makAravarjaM tava mUlavidyAM vidyotayatyeva gurusvarUpe || 50||
shAntasvarUpA vimalaprakAshA tvamAtmarUpA cha guhAntarasthA |
mAtashchidAnandatanurvibhAsi tvamambike.anantasukhapradAtri || 51||
anantasUtragrathitA suvarNamAlA.atimAdhuryavachassumADhyA |
gurusvarUpA kamalAmbikA yA tada~NghripadmaM samala~Nkarotu || 52||

iti shrIguhAnandamaNDalIsaMsthApakatadadhyakSha
shrImachchidAnandanAthAkhyasadgurupAdAbjAmR^itapAyinA
anantAnandanAthena rachitaH shrIkamalAmbikAstavaH sampUrNaH ||
##

Encoded by Chandra V Ramani chandravr at gmail.com
Proofread by Chandra V Ramani, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}