% Text title            : kanakadurgAnandalaharI
% File name             : kanakadurgAnandalaharI.itx
% Category              : devii, durgA, laharI, devI
% Location              : doc\_devii
% Author                : Vidyashankara
% Transliterated by     : Malleswara Rao Yellapragada malleswararaoy at yahoo.com
% Proofread by          : Malleswara Rao Yellapragada, PSA Easwaran, Chandra V Ramani
% Description-comments  : The composition is addressed to the goddess Kanaka Durga at Vijayawada of Andhra Pradesh.
% Latest update         : December 28, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri KanakadurgA AnandalaharI ..}##
\itxtitle{.. shrIkanakadurgA.a.anandalaharI ..}##\endtitles ##

vande gurupadadvandvamavA~NmAnasagocharam |
raktashuklaprabhAmishramatarkyaM traipuraM mahaH ||
akhaNDamaNDalAkAraM vishvaM vyApya vyavasthitam |
tatpadaM darshitaM yena tasmai shrIgurave namaH ||

shive sevAsaktAshritabharaNakAryaikachature
     shirobhirvedAnAM chiravinutakalyANacharite |
smitajyotsnAlIlAruchiraruchimachchandravadane
     jaganmAtarmAtarjaya kanakadurge bhagavati || 1||
nagAdhIshaTkanye nalinadaLasa~NkAshanayane
     sugItairgandharvaissurayuvatibhishchAnucharite |  ## var ## shlAghyacharite
agaNyairAmnAyairapi guNanikAyairvilasite
     jaganmAtarmAtarjaya kanakadurge bhagavati || 2||
nijashreyaskAmairniTalaghaTitAM cha tatkarapuTaiH
     stuvadbhissAnandaM shrutimadhuravAchAM virachanaiH |
asa~NkhyairbrahmAdyairamarasamudAyaiH parivR^ite
     dayA kartavyA te mayi kanakadurge bhagavati || 3||
bhavatpAdanyAsochitakanakapIThIparisare
     patantassAShTA~NgaM muditahR^idayA brahmaR^iShayaH |
na vA~nChanti svargaM na cha kamalasambhUtabhavanaM
     na vA muktermArgaM nanu kanakadurge bhagavati || 4||
shachIsvAhAdevIpramukhaharidIshAnaramaNI\-
     maNIhastanyastairmaNikhachitapAtrairanudinam |
sasa~NgItaM nIrAjitacharaNapa~Nkeruhayuge
     kR^ipApUraM mahyaM disha kanakadurge bhagavati || 5||
pravarShatyashrAntaM bahuguNamabhIShTArthanichayaM
     svarUpadhyAtRRINAM chikuranikurumbaM tava shive |
apAmekaM varShaM vitarati kadAchijjaladharo
     dvayossAmyaM kiM syAnnanu kanakadurge bhagavati || 6||
kR^ishA~NgaM svArAtiM tuhinakaramAvR^itya tarasA
     sthitaM manye dhanye timiranikaraM te kachabharam |
sahAyaM kR^itvAyaM haramanasi mohAndhatamasaM
     vitene kAmaH shrImati kanakadurge bhagavati || 7||
tamo nAmnA samyaggaLitapunarudvAntaruchira\-
     prabhAsheShaM bhAnoriva taruNimAnaM dhR^itavataH |
tvadIye sImante kR^itapadamidaM ku~Nkumarajo\-
     vasedashrAntaM me hR^idi kanakadurge bhagavati || 8||
trilokI vaichitrIjanakaghanasaundaryasadanaM
     virAjatkastUrItilakamapi phAle vijayate |
yadAlokavrIDAkupita iva jUTe pashupate\-
     rvilIno bAlendurnanu kanakadurge bhagavati || 9||
parAbhUtashcheshALikanayanakIlAvilasanA\-
     dvisR^ijya prAchInaM bhuvanavinutaM kArmukavaram |
haraM jetuM tvadbhrUchChalamaparabANAsanayugaM
     smaro dhatte sarveshvari kanakadurge bhagavati || 10||
tvadIyabhrUvallIchChalamadanakodaNDayugaLI
     samIpe vibhrAjattava suvipulaM netrayugaLam |
vijetuM svArAtiM vikachanavanIlotpalashara\-
     dvayaM tenAnItaM khalu kanakadurge bhagavati || 11||
daridraM shrImantaM jaraThamabalAnAM priyatamaM
     jaDaM sa~NkhyAvantaM samarachalitaM shauryakalitam |
manuShyaM kurvanto.amaraparivR^iDhaM nityasadayAH
     kaTAkShAste kAryA mayi kanakadurge bhagavati || 12||
purArAterbANAH kusumasharatUNIragaLitA
     natAnAM santrANe niravadhisudhAvIchinichayAH |
viyadga~NgAbha~NgA bahuduritajAlAvR^itimatAM
     kaTAkShAste kAryA mayi kanakadurge bhagavati || 13||
daridrANAM kalpadrumasumamarandodakajharA
     avidyAdhvAntAnAmaruNakiraNAnAM vihR^itayaH |
purA puNyashreNIsulalitalatAchaitrasamayAH
     kaTAkShAste kAryA mayi kanakadurge bhagavati || 14||
gajanto vAhantaH kanakamaNinirmANavilasA
     rathantashChatranto balayuta bhaTantaH pratidinam |
svabhaktAnAM gehA~NgaNabhuvi charanto nirupamAH
     kaTAkShAste kAryA mayi kanakadurge bhagavati || 15||
purArAtera~NgaM pulakanikurambaiH parivR^itaM
     munivrAtairdhyAtaM mukuLayutakalpadrumanibham |
shrayantashchAnandaM vichaladalipotA iva chiraM
     kaTAkShAste kAryA mayi kanakadurge bhagavati || 16||
haribrahmendrAdyaiH shrutividitagIrvANanichayai\-
     rvasiShThavyAsAdyairapi cha paramabrahmaR^iShibhiH |
samastairAshAsyAssakalashubhadA yadvihR^itayaH
     kaTAkShAste kAryA mayi kanakadurge bhagavati || 17||
viri~nchiryadyogAdvirachayati lokAn pratidinaM
     vidhatte lakShmIsho vividhajagatAM rakShaNavidhim |
lalATAkSho dakSho.abhavadakhilasaMhArakaraNe
     kaTAkShAste kAryA mayi kanakadurge bhagavati || 18||
urobhAge shambhorvikachanavanIlotpaladaLa\-
     srajaM sa~NgR^ihNanto mR^igamadarasaM phAlaphalake |
shiro.agre ga~NgAyAM raviduhitR^isandehajanakAH
     kaTAkShAste kAryA mayi kanakadurge bhagavati || 19||
madIyashrIlIlAharaNapaTupATachcharamiti
     kvatA hantAgantuM shrutivimalanIlotpalamiva |
tadabhyarNaM yAtAssahajanijavaishAlyakalitAH
     kaTAkShAste kAryA mayi kanakadurge bhagavati || 20||
kaLa~NkI mAsAnte vahati kR^ishatAM nityajaDa i\-
     tyamuM chandraM hitvA tava vadanachandrAshritamidam |
sthitaM jIvaM jIvadvitayamiti manye nayanayo\-
     ryugaM kAmArAtessati kanakadurge bhagavati || 21||
prasAdo mayyAste mayi cha sahajaM saurabhamidaM
     tulA me maitasyetyaviratavivAdAbhiratayoH |
nivR^ittA nedAnImapi cha riputA glaunaLinayo\-
     stvadAsyaM dR^iShTvA shrImati kanakadurge bhagavati || 22||
manojAtAdarshapratimanijalIlau tava shive
     kapolau bhUyAstAM mama sakalakalyANajanakau |
shritashrItATa~Nkadvitayaruchayo yatra miLitA\-
     ssudhAruksUryAbhA iva kanakadurge bhagavati || 23||
trayI stutye nitye tava vadanapa~Nkeruhabhava\-
     tsugandhAyAtashrIprachaladaLinIvAraNadhiyA |
lasannAsAkAre vahasi sahasA champakatulAM
     na tatsaundaryArthaM nanu kanakadurge bhagavati || 24||
vahatvaM kAruNyaM varakamalarAgAhvayamaNi\-
     ssudhApUraM sAraM suruchiramR^idutvaM yadi vahet |
tadA labdhuM yogyo bhavati bhavadIyAdharatulAM
     jagadrakShAdIkShAvati kanakadurge bhagavati || 25||
lasannAsAbhUShAgragapR^ithulamuktAmaNiyutaM
     nitAntAruNyantattava dashanavAso vijayate |
sudhAsindhormadhye nipatita sudhAbindusahita\-
     pravALashrIchoraM nanu kanakadurge bhagavati || 26||
ayogyA ityArye tava dashanasAmyAya kavibhi\-
     rvimuktA muktA ityadhikaviditA mauktikagaNAH |
dashAmalpA~NgatvA tadanumukhatAmbUlasahitA
     gatAstatsAhityaM khalu kanakadurge bhagavati || 27||
jito.ahaM pArvatyA mR^idulataravANIvilasanaiH
     kathaM dR^ipyasyambAdharasamatayA bimba kathaya |
iti krodhAchcha~nchvA daLitavadane raktimayutaH
     shuko.ayaM vij~nAnI khalu kanakadurge bhagavati || 28||
phalaM bimbasyedaM bhavati bhavadIyAdharatulA
     kR^itALaM tanmAdyaM vahati matirasyeti viditA |
na chettasmin  bhukte sumati kavitAnAmapi nR^iNAM
     kathaM syAttanmAdyaM bhuvi kanakadurge bhagavati || 29||
atulyaM te kaNThaM harataruNi dR^iShTvA sukavayaH
     prabhAShante sha~NkhaM parihasanapAtraM bhavati tat |
svarUpadhyAtRRINAM sa bhavati nidhishsha~Nkha itiche\-
     dasandehaM sthAne khalu kanakadurge bhagavati || 30||
AkaNThaM te kaNThasthitakanakasUtraM vijayate
     haro yatsAmarthyAdamR^itamiva pItvApi garaLam |
samAkhyAM vikhyAtAM samalabhata mR^ityu~njaya iti
     trayIvedyakrIDAvati kanakadurge bhagavati || 31||
chiraM dhyAtvA dhyAtvA sakalavibudhAbhIShTanichayaM
     tatastvallAvaNyAmR^itajaladhisamprAptajanane |
bhujAkAreNaike bhuvanavinute kalpakalate
     shriyai me bhUyAstAM nanu kanakadurge bhagavati || 32||
virAjatkeyUradvayamaNivibhAbhAnukiraNai\-
     rnitAntavyAkoshIkR^itamadanajinnetrakamalau |
vibhoH kaNThAshleShAdvipulapulakA~NkUrajanakau
     bhujau me trAtArau nanu kanakadurge bhagavati || 33||
suparvArAmAntaHsphuritasahakAradrumalatA\-
     samagrashrIjAgratkisalayasagarvodyamaharau |
karau te bhUyAstAM mama shubhakarau kAntinikarA\-
     karau nishsha~NkaM shA~Nkari kanakadurge bhagavati || 34||
prashastau trailokye bahuLadanujatrAsavichala\-
     nmarunmastanyastau janani tava hastau hR^idi bhaje |
smaro yatsa~NkAshA iti kisalayAneva dhR^itavAn
     trilokI jetA.a.asItkhalu kanakadurge bhagavati || 35||
purArAteH pANigrahaNasamaye mauktikachayAn
     vidhAtuM tachChIrShe janakavachanAdunnamitayoH |
yayorUpaM dR^iShTvA.abhavaduditalajjA suranadI
     kadArtitrAtArau mama kanakadurge bhagavati || 36||
sphuranto nishsha~NkaM puraharanirAta~Nkavijaya\-
     kriyAyAtrodyuktasmarabirudapAThA iva bhR^isham |
jhaNatkArArAvAH kanakavalayAnAM tava shive
     vitanvantu shreyo mama kanakadurge bhagavati || 37||
kuchau te rUpashrIvijitalakuchau me shubhakarau
     bhavetAM vyAkIrNau prakaTataramuktAmaNiruchau |
viri~nchAdyA devA yaduditasudhApAturanishaM
     sunamrAssenAnyo nanu kanakadurge bhagavati || 38||
atulyaM te madhyaM vadati harimadhyena sadR^ishaM
     jagattanno yuktaM janani khalu tadrUpakalane |
kR^itAshaH pa~nchAsyo bhavati tava vAhaH pratidinaM
     jagatsargakrIDAvati kanakadurge bhagavati || 39||
asau punnAgasya prasavamR^idushAkhAshchalagataM
     tapaHkR^itvA lebhe janani tava nAbheH sadR^ishatAm |
pramattaH punnAgaprasava itarastAvaka gate\-
     stulAmAptuM vA~nChatyapi kanakadurge bhagavati || 40||
trilokIvAsA~nchadyuvatijanatAdurgamabhava\-
     nnitambashrIchauryaM kR^itavaditi sa~nchitya pulinam |
saro bAhya~nchakre janani bhavadIyasmaraNato
     jharevAdhIraishA janani kanakadurge bhagavati || 41||
jito.ahaM pArvatyA mR^idutaragatInAM vilasanaiH
     tadUrvossaundaryaM sahajamadhigantuM jaDatayA |
kR^itArambhA rambhA iti vidaLitA.a.asAM vanamayaM
     karI sAmarShaH shrIkari kanakadurge bhagavati || 42||
praviShTA te nAbhIbilamasitaromAvaLiriyaM
     kaTIcha~nchatkA~nchIguNavihitasautrAmaNamaNeH |
ruchAM rekhevAste ruchirataramUrdhvAyanagatA
     shritashreNIsampatkari kanakadurge bhagavati || 43||
anirvAchyaM ja~NghAruchiraruchisaundaryavibhavaM
     kathaM prAptuM yogyastava kalamagarbho girisute |
tadIyaM saubhAgyaM kaNishajananaikAvadhi sudhI\-
     janaishchintAkAryA nanu kanakadurge bhagavati || 44||
sadA me bhUyAtte prapadamamitAbhIShTasukhadaM
     surastrIphAlAgrachyutamR^igamadAnAM samudayam |
asheShaM nirdhautaH praNayakalahe yatra puraji\-
     jjaTA ga~NgAnIrairnanu kanakadurge bhagavati || 45||
manoj~nAkAraM te madhuraninadaM nUpurayugaM
     grahItuM vikhyAtAn gativilasanAnAmatirayAn |
sthitammanye haMsadvayamiti na cheddhaMsakapadaM
     kathaM dhatte nAmnA nanu kanakadurge bhagavati || 46||
tvadIyaM pAdAbjadvayamachalakanye vijayate
     surastrIkastUrItilakanikarAtyantasurabhi |
bhramanto yatrAryAprakarahR^idayendindiragaNA\-
     ssadA mAdyanti shrImati kanakadurge bhagavati || 47||
aparNe te pAdAvatanutanulAvaNyasarasI
     samudbhUte padme iti sukavibhirnishchitamidam |
na chedgIrvANastrIsamudayalalATabhramarakAH
     kathaM tatrAsaktA nanu kanakadurge bhagavati || 48||
ramAvANIndrANImukhayuvatisImantapadavI\-
     navInArkachChAyAsadR^isharuchi yatku~NkumarajaH |
svakA~NgAkAreNa sthitamiti bhavatpAdakamala\-
     dvaye manye shambhossati kanakadurge bhagavati || 49||
davAgniM nIhAraM garaLamamR^itaM vArdhimavanI\-
     sthalaM mR^ityummitraM ripumapi cha sevAkarajanam |
visha~NkaM kurvanto janani tava pAdAmburuhayoH
     praNAmAssaMstutyA mama kanakadurge bhagavati || 50||
jalaprAyA vidyA hR^idi sakalakAmAH karagatAH
     mahAlakShmIrdAsI manujapativaryAssahacharAH |
bhavatyashrAntaM te padakamalayorbhaktisahitAM
     nati~NkurvANAnAM nanu kanakadurge bhagavati || 51||
tava shrImatpAdadvitayagatama~njIravilasa\-
     nmaNichChAyAchChannAkR^itibhavatiyatphAlaphalakam |
sa tatraivAsheShAvanivahanadIkShAsamuchitaM
     vahetpaTTaM haimaM nanu kanakadurge bhagavati || 52||
tanotu kShemaM tvachcharaNanakhachandrAvaLiriyaM
     bhavatprANeshasya praNayakalahArambhasamaye |
yadIyajyotsnAbhirbhavati nitarAM pUritatanu\-
     shshiro.agre bAlendurnanu kanakadurge bhagavati || 53||
samastAshAdhIshapravaravanitAhastakamalai\-
     ssumaiH kalpadrUNAM niratakR^itapUjau nirupamau |
natAnAmiShTArthaprakaraghaTanApATavayutau
     namasyAmaH pAdau tava kanakadurge bhagavati || 54||
purA bAlye shItAchalaparisarakShoNicharaNe
     yayossparshaM labdhvA muditamanasaH kITanichayAn |
vilokya shlAghante vibudhasamudAyAH pratidinaM
     namAmastau pAdau nanu kanakadurge bhagavati || 55||
narANAmaj~nAnAM prashamayitumantaHsthatimirA\-
     NyalakShmIsantApaM gamitamanujAn shItalayitum |
samarthAnnirdoShAMshcharaNanakhachandrAnabhinavAn
     namAmassadbhaktyA tava kanakadurge bhagavati || 56||
mukundabrahmendrapramukhabahubarhirmukhashikhA\-
     vibhUShAvibhrAjanmaghavamaNisandarbharuchibhiH |
visha~NkaM sAkaM tvachcharaNanakhachandreShughaTitaM
     kavIndraiH stotavyaM tava kanakadurge bhagavati || 57||
nakhAnAM dhAvaLyaM nijamaruNimAna~ncha sahajaM
     namadgIrvANastrItilakamR^iganAbhishriyamapi |
vahantau sattvAditriguNaruchisArAniva sadA
     namasyAmaH pAdau tava kanakadurge bhagavati || 58||
maNishreNIbhAsvatkanakamayama~njIrayugaLI\-
     jhaNatkArArAvachChalamadhuravAchAM vilasanaiH |
abhIShTArthAn dAtuM vinatajanatAhvAnachaturA\-
     viva khyAtau pAdau tava kanakadurge bhagavati || 59||
namadgIrvANastrItilakamR^iganAbhIdravayutaM
     nakhachChAyAyuktaM janani tava pAdAmbu jayati |
sama~nchatkALindIjharasalilasammmishritaviya\-
     nnadIvArIva shrIkari kanakadurge bhagavati || 60||
surashreNIpANidvitayagatamANikyakalashai\-
     rdhR^itaM hemAmbhojaprakaramakarandena miLitam |
satAM vR^indairvandyaM charaNayugasa~NkShALanajalaM
     punAtvasmAnnityaM tava kanakadurge bhagavati || 61||
virAvanma~njIradvayanihitahIropalaruchi\-
     prasAde nirbhedaM prathitaparamabrahmaR^iShibhiH |
shirobhAgairdhAryaM padakamalanirNejanajalaM
     vasanme shIrShAgre tava kanakadurge bhagavati || 62||
samIpe mANikyasthagitapadapIThasya namatAM
     shirassu tvatpAdasnapanasalilaM yannipatati |
tadevochchasthAnasthitikR^idabhiShekAmbu bhavati
     prabhAvo.ayaM varNyastava kanakadurge bhagavati || 63||
nR^iNAndInAnAM tvachcharaNakamalaikAshrayavatAM
     mahAlakShmIprAptirbhavati na hi chitrAspadamidam |
samAshrityAmbhojaM jaDamapi cha rekhAkR^itidharaM
     shriyo nityaM dhAmAjani kanakadurge bhagavati || 64||
khagottaMsA haMsAstava gativilAsena vijitA\-
     ssalajjAstattulyaM gamanamadhigantuM sakutukAH |
bhajante sraShTAraM rathavahana evaikaniratA
     manojAtArAtessati kanakadurge bhagavati || 65||
jaganmAtarbhavyA~NguLivivaramArgeShu gaLitaM
     chaturdhA te pAdAmbujasalilametadvijayate |
pradAtuM dharmArthapramukhapuruShArthadvayayugaM
     chaturmUrtyA viddhAviva kanakadurge bhagavati || 66||
ajo.ayaM shrIsho.ayaM suraparivR^iDho.ayaM ravirayaM
     shashA~Nko.ayaM ko.ayaM sakalajaladhInAM patirayam |
iti tvAM sandraShTuM samupagatadevAH paricharai\-
     rjanairvij~nApyante khalu kanakadurge bhagavati || 67||
mahApIThAsInAM maghavamukhabarhirmukhasakhI\-
     nikAyaissaMsevyAM karatalachalachchAmarayutaiH |
pradoShe pashyantIM pashupatimahAtANDavakalAM
     bhaje tvAM shrImAheshvari kanakadurge bhagavati || 68||
para~njyotistajj~nAssuratarulatAM durgatajanA
     mahAjvAlAmagnerbhuvanabhayadA rAkShasagaNAH |
lalATAkShassAkShAdatanujayalakShmImavirataM
     hR^idi dhyAyanti tvAM kanakadurge bhagavati || 69||
samudyadbAlArkAyutashatasamAnadyutimatIM
     sharadrAkAchandrapratimadarahAsA~nchitamukhIm |
sakhIM kAmArAteshchakitahariNIshAbanayanAM
     sadAhaM seve tvAM hR^idi kanakadurge bhagavati || 70||
tapaHkR^itvA lebhe tripuramathanastvAM priyasakhIM
     tapasyantI prAptA tvamapi girishaM prANadayitam |
tadevaM dAmpatyaM jayati yuvayorbhItadhavayoH
     kavistutyaM nityaM nanu kanakadurge bhagavati || 71||
vibhorjAnAsi tvaM vipulamahimAnaM pashupate\-
     ssa eva j~nAtA te charitajalarAsheranavadheH |
na hi j~nAtundakSho bhavati bhavatostatvamitara\-
     strIlokIsandhAneShvapi kanakadurge bhagavati || 72||
na viShNurnabrahmA na cha surapatirnApi savitA
     na chandro novAyurvilasati  hi kalpAntasamaye |
tadA nATya~NkurvaMstava ramaNa eko vijayate
     tvayA sAkaM lokeshvari kanakadurge bhagavati || 73||
dhanushchakre meruM guNamuragarAjaM shitasharaM
     ramAdhIsha~nchApi tripuramathanena trinayanaH |
tadetatsAmarthyaM sahajanijashaktestava shive
     jagadrakShAdIkShAvati kanakadurge bhagavati || 74||
trikoNAntarbindUparivilasanAtyantarasikAM
     tribhirvedaiH stutyAM triguNamayamUrtitrayayutAm |
trilokairArAdhyAM trinayanamanaHpremajananIM
     trikAlaM seve tvAM hR^idi kanakadurge bhagavati || 75||
mano dhyAtuM nAlaM janani tava mUrtiM nirupamAM
     vacho vaktuM shakyaM na bhavati hi te chitracharitam |
tanustvatsevAyAM bhavati vivashA dInasamaye
     kathaM vAhaM rakShyastava kanakadurge bhagavati || 76||
viyogaM te nUnaM kShaNamasahamAnaH pashupati\-
     rdadau te dehArdhaM taruNasumabANAyutasamam |
anena j~nAtavyastava janani saundaryamahimA
     trilokI stotavyaH khalu kanakadurge bhagavati || 77||
kR^itA yAgA yena shrutiShu viditAH pUrvajanane
     dhanaM dattaM yena dvijakulavarebhyo bahuvidham |
tapastaptaM yenAskhalitamatinA tasya ghaTate
     bhavadbhaktishshambhossati kanakadurge bhagavati || 78||
bhavanmUrtidhyAnapravaNamamala~nchApi hR^idayaM
     bhavannAmashreNIpaThananipuNAM chApi rasanAm |
bhavatsevAdArDhyaprathitamapi kAyaM vitara me
     bhavAnandashreyaskari kanakadurge bhagavati || 79||
prabhAShante vedAshchakitachakitaM tAvakaguNAn
     na pArasya draShTA tava mahimavArdhervidhirapi |
bhavattatvaM j~nAtuM prakR^itichapalAnAmapi nR^iNAM
     kathaM vA shaktissyAnnanu kanakadurge bhagavati || 80||
nR^ipA ekachChatraM sakaladharaNIpAlanaparA\-
     ssudhAmAdhuryashrIlalitakavitAkalpanachaNAH |
nirAta~NkaM shAstrAdhyayanamanasAM nityakavitA
     tvadIyA j~neyA shrImati kanakadurge bhagavati || 81||
kadambAnAM nAgAdhikachaturasa~nchAribhasarI
     kadambAnAM madhye khacharataruNIkoTikalite |
sthitAM vINAhastAM tripuramathanAnandajananIM
     sadAhaM seve tvAM hR^idi kanakadurge bhagavati || 82||
girAM devI bhUtvA viharasi chaturvaktravadane
     mahAlakShmIrUpA madhumathanavakShasthalagatA |
shivAkAreNa tvaM shivatanunivAsaM kR^itavatI
     kathaM j~neyA mAyA tava kanakadurge bhagavati || 83||
mahArAjyaprAptAvatishayitakautUhalavatAM
     sudhAmAdhuryodyatsarasakavitA kautukayujAm |
kR^itAshAnAM shashvatsukhajanakagIrvANabhajane
     tvamevaikA sevyA nanu kanakadurge bhagavati || 84||
phaNI muktAhAro bhavati bhasitaM chandanarajo
     girIndraH prAsAdo garaLamamR^itaM charma supaTaH |
shive shambhoryadyadvikR^itacharitaM tattadakhilaM
     shubha~njAtaM yogAttava kanakadurge bhagavati || 85||
daridre vA kShudre girivarasute yatra manuje
     sudhApUrAdhArastava shubhakaTAkSho nipatati |
bahirdvAraprAntadviradamadagandhassa bhavati
     priye kAmArAternanu kanakadurge bhagavati || 86||
prabhAShante vedAH prakaTayati paurANikavachaH
     prashastaM kurvanti prathitabahushAstrANyaviratam |
stuvantaH pratyagraM sukavinichayAH kAvyarachanai\-
     ranantAM te kIrtiM nanu kanakadurge bhagavati || 87||
asUyerShyAdambhAdyavaguNaparityAgachaturA\-
     ssadAchArAsaktAssadayahR^idayAssatyavachanAH |
jitasvAntAshshAntA vimalacharitA dAnaniratAH
     kR^ipApAtrIbhUtAstava kanakadurge bhagavati || 88||
yadIyAmbhasnAnAdduritacharitAnAM samudayA
     mahApuNyAyante mahimavati tasyAshshubhakare |
taTe kR^iShNAnadyA vihitamahitAnandavasate
     kR^ipA kartavyA te mayi kanakadurge bhagavati || 89||
yathA puShpashreNIvilasitakadambadrumavane
     tanorbhAge nAgeshvaravalayinaH shrImati yathA |
tathA bhaktaughAnAM hR^idi kR^itavihAre girisute
     dayA kartavyA te mayi kanakadurge bhagavati || 90||
samAruhyAbha~NgaM mR^igapatitura~NgaM janayutaM
     gaLAgre dhUmrAkShapramukhabalabarhirmukharipUn |
nihatya pratyakShaM jagadavanalIlAM kR^itavatI
     prasannA bhUyAstvaM mayi kanakadurge bhagavati || 91||
parAbhUya tryakShaM savanakaraNe yatrasahitaM
     durAtmAnaM dakShaM pitaramapi santyajya tarasA |
gR^ihe nIhArAdrernijajananama~NgIkR^itavatI
     prasannA bhUyAstvaM mayi kanakadurge bhagavati || 92||
tapaH kR^itvA yasmin surapatisuto.ananyasulabhaM
     bhavAdastraM lebhe prabalaripusaMhArakaraNam |
kirAte.asmin prItyA sahaviharaNe kautukavatI
     prasannA bhUyAstvaM mayi kanakadurge bhagavati || 93||
sharachchandrAlokapratimaruchimandasmitayute
     surashrIsa~NgItashravaNakutukAla~NkR^itamate |
kR^ipApAtrIbhUtapraNamadamarAbhyarchitapade
     prasannA bhUyAstvaM mayi kanakadurge bhagavati || 94||
kapAlasragdhArI kaThinagajacharmAmbaradharaH
     smaradveShI shambhurbahubhavanabhikShATanaparaH |
avij~nAtotpattirjanani tava pANigrahaNato
     jagatsevyo jAtaH khalu kanakadurge bhagavati || 95||
padAbhyAM pratyUShasphuTavikachashoNAbjavilasat\-
     prabhAbhyAM bhaktAnAmabhayavaradAbhyAM tava shive |
charadbhyAM nIhArAchalapadashilAbha~NgasaraNau
     namaH kurmaH kAmeshvari kanakadurge bhagavati || 96||
madIye hR^itpadme nivasatu padAmbhojayugaLaM
     jagadvandyaM rekhAdhvajakulishavajrA~Nkitamidam |
sphuratkAntijyotsnA vitatamaNima~njIramahitaM
     dayA.a.adheyA.ameyA mayi kanakadurge bhagavati || 97||
sadA.ahaM seve tvatpadakamalapIThIparisare
     stuvan bhaktishraddhAparichayapavitrIkR^itadhiyA |
bhavantIM kalyANIM prachuratarakalyANacharitAM
     dayA.a.adheyA.ameyA mayi kanakadurge bhagavati || 98||
harashshUlI chaikaH pitR^ivananivAsI pashupati\-
     rdishAvAso hAlAhalakabaLanavyagradhR^itimAn |
girIsho.abhUdevaMvidhaguNacharitro.api hi bhavat
     susA~NgatyAt shlAghyo nanu kanakadurge bhagavati || 99||
samastAshAdhIsha pramukha suravaryaiH praNamitA\-
     maharnAthajvAlApatiharaNapAlI trinayanAm |
sadA dhyAye.ahaM tvAM sakalavibudhAbhIShTakalane
     ratAM tAM kalyANIM hR^idi kanakadurge bhagavati || 100||
susantoShaM yo vA japati niyamAdUhitashata\-
     jvaladvR^ittaishshrAvyAM nishi kanakadurgAstutimimAm |
mahAlakShmIpAtraM bhavati sadanaM tasya vadanaM
     girAM devIpAtraM kulamapi vidheH kalpashatakam || 101||
stutiM durgAdevyAssatatamaghasaMhArakaraNe
     sushaktAM vA loke paThati sudhiyA buddhikushalaH |
shriyaM mAtaH tasmai vitarasi sutAnA~ncha jagatAM
     patitvaM vAgmitvaM bahu kanakadurge bhagavati || 102||
shatashlokIbaddhaM nanu kanakadurgA~NkitapadaM
     gurUpanyastaM tadbhuvi kanakadurgAstavamidam |
nibaddhaM mANikyaiH kanakashatamAnaM bhavati te
     yathA hR^idyaM devi sphuTapadavibhaktaM vijayatAm || 103||

iti shrImatparamahaMsa parivrAjakAchAryavarya shrIvidyAsha~NkarAmArya\-
virachitaM shrImatkanakadurgA.a.anandalaharIstotraM sampUrNam |

##
The composition by Vidya Sankara is addressed to the goddess
Kanaka Durga at Vijayawada of Andhra Pradesh.

Encoded by Malleswara Rao Yellapragada malleswararaoy@yahoo.com
Proofread by Malleswara Rao Yellapragada, PSA Easwaran,
Chandra V Ramani chandravr at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}