% Text title : Kundalini Stotram 2 Kandavasini Stotram % File name : kuNDalinIstotram2.itx % Category : devii, ShaTchakrashakti, devI % Location : doc\_devii % Transliterated by : staff of Muktabodha.org Mark S.G. Dyczkowski % Proofread by : Aruna Narayanan narayanan.aruna at gmail.com % Description/comments : rudrayAmale uttaratantre 1 bhairava bhairavI sa.nvAde % Source : Rudrayamalam part 1 edited by Ram Prasad Tripathi and Sudhakar Malaviya % Acknowledge-Permission: Marjorie Woollacott, Ph.D., Digital Library Coordinator muktabodha.org % Latest update : February 16, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Kundalini Stotram 2 Kandavasini Stotram ..}## \itxtitle{.. kuNDalinIstotram 2 kandavAsinIstotram ..}##\endtitles ## shrIAnandabhairavI uvAcha atha kAnta pravakShyAmi shR^iNuShva mama tattvataH | shaktiH kuNDalinI devI sarvabhedanabhedinI || 32\-1|| kalikalmaShahantrI cha jagatAM mokShadAyinI | tasyAH stotraM tathA dhyAnaM nyAsaM mantraM shR^iNu prabho || 32\-2|| yasya vij~nAnamAtreNa mUlapadme manolayaH | chaitanyAnandanirato bhavet kuNDalisa~NgamAt || 32\-3|| AkAshagAminIM siddhiM dadAti kuNDalI bhR^isham | amR^itAnandarUpAbhyAM karoShi pAlanaM nR^iNAm || 32\-4|| kuNDalinI\-dhyAnam | shvAsochChvAsakalAbhyAM cha sharIraM triguNAtmakam | pa~nchabhUtAvR^itA nityaM pa~nchAnilA bhaved dhruvam || 32\-5|| koTisUryapratIkAshAM nirAlambAM vibhAvayet | sarvasthitAM j~nAnarUpAM shvAsochChvAsanivAsinIm || 32\-6|| svayambhUkusumotpannAM dhyAnaj~nAnaprakAshinIm | mokShadAM shaktidAM nityAM nityaj~nAnasvarUpiNIm || 32\-7|| lolAM lIlAdharAM sarvAM shuddhaj~nAnaprakAshinIm | koTikAlAnalasamAM vidyutkoTimahaujasAm || 32\-8|| tejasA vyAptakiraNAM mUlAdUrdhvaprakAshinIm | aShTalokaprakAshADhyAM phullendIvaralochanAm || 32\-9|| sarvamukhIM sarvahastAM sarvapAdAmbujasthitAm | mUlAdibrahmarandhrAntasthAnalokaprakAshinIm || 32\-10|| tribhAShAM sarvabhakShAM cha shvAsanirgamapAlinIm | lalitAM sundarIM nIlAM kuNDalIM kuNDalAkR^itim || 32\-11|| abhUmaNDalabAhyasthAM bAhyaj~nAnaprakAshinIm | nAginIM nAgabhUShADhyAM bhayAnakakalevarAm || 32\-12|| yogij~neyAM shuddharUpAM viralAmUrdhvagAminIm | evaM dhyAtvA mUlapadme kuNDalIM paradevatAm || 32\-13|| bhAvasiddhirbhavet kShipraM kuNDalIbhAvanAdiha | tato mAnasajApaM hi mAnasaM homatarpaNam || 32\-14|| abhiShekaM mudA kR^itvA prAtaH kAle punaH punaH prANAyAmaM tataH kR^itvA stotraM cha kavachaM paThet || 32\-15|| etatstotrasya pAThena svayaM siddhAntavidbhavet | kuNDalI sukR^ipA tasya mAsAdbhavati nishchitam || 32\-16|| nidrAdoShAdikM tyaktvA prakAshyAhaM sharIrake | ahaM dAtrI suyogAnAmadhipAhaM jagattraye || 32\-17|| ahaM karma ahaM dharmaH ahaM devI cha kuNDalI | yo jAnAti mahAvIra kuNDalIrUpasevanAt || 32\-18|| iti taM pAtrakaM kartumavatIrNAsmi sarvadA | ata eva paraM mantraM kuNDalinyAH stavaM shubham || 32\-19|| prapaThet sarvadA dehe yadi vashyA na kuNDalI | tAvat kAlaM japaM kuryAd yAvat siddhirna jAyate || 32\-20|| kuNDalinIstotram \-\- AdhAre paradevatA bhavanatAdhokuNDalI devatA | devAnAmadhidevatA trijagatAmAnandapu~njasthitA || 32\-21|| mUlAdhAranivAsinI triramaNI yA j~nAninI mAlinI | sA me mAtR^imanusthitA kulapathAnandaikabIjAnanA || 32\-22|| sarvA~NgasthitikAriNI suragaNAnandaikachinhA shivA | vIrendrA navakAminI vachanadA shrImAnadA j~nAnadA || 32\-23|| sAnandA ghananandinI ghanagaNA ChinnA bhavA yoginI | dhIrA dhairyavatI samAptaviShayA shrIma~NgalI kuNDalI || 32\-24|| sarvAkAranivAsinI jayadharAdhArAdharasthAgayA | gItA godhanavarddhinI gurumayI j~nAnapriyA godhanA || 32\-25|| gArhAgnisthiti chandrikA sulatikA jADyApahA rAgadA | dArA godhanakAriNI mR^igamanA brahmANDamArgojjvalA || 32\-26|| mAtA mAnasagocharA haricharA siMhAsanakAraNA | yAmA dAsagaNeshvarI guNavatI ChAyApathasthAyinI || 32\-27|| nidrA kShubdhajanapirayA varatR^iShA bhAShAvisheShasthitA | sthityantapralayApahA narashiromAlAdharA kuNDalI || 32\-28|| gA~NgeshI yamuneshvarI gurutarI godAvarI bhAskarI | bhaktArtikShayakAriNI samashivaM yadyekabhAvAnvitA || 32\-29|| tvaM shIghraM kuru kaulike mama shirorandhraM tadabjaM mudA | tatpatrasthitadaivataM kulavatI mAtR^isthalaM pAhikam || 32\-30|| bhAlord.hdhve dhavalA kalArasakalA kAlAgnijAlojjvalA | pheruprANaniketane gurutarA gurvvI sugurvvI surA || 32\-31|| hAlollAsasamodayA yatinayA mAyA jagattAriNI | nidrAmaithunanAshinI mama harA mohApahA pAtukam || 32\-32|| bhAlaM nIlatanusthitA matimatAmarthapriyA maithilI | bhAlAnandakarA mahApriyajanA padmAnanA komalA || 32\-33|| nAnAra~NgasupIThadeshavasanA siddhAsanA ghoShaNA | trANasthAvararUpiNI kalihanI shrIkuNDalI pAtukam || 32\-34|| bhrUmadhyaM bagalAmukhI shashimukhI vidyAmukhI sammukhI | nAgAkhyA nagavAhinI mahiShahA pa~nchAnanasthAyinI || 32\-35|| pArAvAra vihArahetusapharI setuprakArA parA | kAshIvAsinamIshvaraM pratidinaM shrIkuNDalI pAtukam || 32\-36|| yA kuNDodbhavasArapAnaniratA mohAdidoShApahA | sA netratrayamambikA suvalikA shrIkAlikA kaulikA || 32\-37|| kAkasthA dvikacha~nchupAraNakarI sa.nj~nAkarI sundarI | me pAtu priyayA tayA vishadayA sachChAyayA ChAditA || 32\-38|| shrIkuNDe raNachaNDikA suratikA ka~NkAlikA bAlikA | sAkAshA parivarjitA sugatikA j~nAnormikA chotsukA || 32\-39|| saukAsUkShmasukhapriyA guNanikA dIkShA cha sUkShmAkhyakA | mAmandyaM mama kandavAsini shive santrAhi santrAhikam || 32\-40|| etatstotraM paThitvA tribhuvanapavanaM pAvanaM laukikAnAm | rAjA syAt kilbiShAgniH kratupatiriha yaH kShemadaM yoginAM vA || 32\-41|| sarveshaH sarvakartA bhavati nijagR^ihe yogayogA~NgavaktA | shAktaH shaivaH sa ekaH paramapuruShago nirmalAtmA mahAtmA || 32\-42|| praNavena puTitaM kR^itvA yaH stauti niyataH shuchiH | sa bhavet kuNDalIputro bhUtale nAtra saMshayaH || 32\-43|| iti shrIrudrayAmale uttaratantre mahAtantroddIpane mUlachakrasArasa~Nkete bhairavabhairavIsaMvAde kandavAsinIstotraM nAma dvAtriMshaH paTalaH || 32|| ## The numbers correspond to paTala and verse numbers from Rudrayamala uttaratantra. Proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}